Lleoliad: Cyfarfod Rhithiol / Virtual Meeting. Gweld cyfarwyddiadau
Cyswllt: Lowri Haf Evans 01286 679878
Rhif | eitem |
---|---|
YMDDIHEURIADAU Cofnod: Derbyniwyd ymddiheuriadau gan y Cynghorwyr Menna
Baines, Arwyn Herald Roberts, Rob Triggs ac Elfed Wyn ap Elwyn |
|
DATGAN BUDDIANT PERSONOL Cofnod: Dim i’w nodi |
|
MATERION BRYS Cofnod: Dim i’w nodi |
|
Cofnod: Derbyniodd y
Cadeirydd gofnodion y cyfarfod blaenorol o’r pwyllgor hwn a gynhaliwyd 14 Rhagfyr 2023 fel rhai cywir. |
|
GWEITHREDU PENDERFYNIADAU'R PWYLLGOR PDF 654 KB I ystyried yr adroddiad a chynnig sylwadau Penderfyniad: Derbyn yr adroddiad Nodyn: ·
Cywiro ‘Hunanasesiad o Effeithlonrwydd y
Pwyllgor’ – gweithred i adnabod diwrnod ·
Dileu Adroddiad Blynyddol Cynigon Gwella
Gwasanaeth 2021/22 Cofnod: Cyflwynwyd adroddiad oedd yn rhoi amlinelliad o sut mae adrannau’r
Cyngor wedi ymateb i benderfyniadau’r Pwyllgor Llywodraethu ac Archwilio fel
bod modd i’r Aelodau gael sicrwydd bod eu penderfyniadau yn cael sylw. Nodwyd
bod yr adroddiad yn rhoi cyfle i’r Aelodau ystyried y penderfyniad a wnaed gyda
bwriad o ddileu’r eitem / penderfyniad pan fydd y weithred wedi cwblhau. Tynnwyd sylw bod angen cywiro eitem Hunanasesiad o Effeithlonrwydd y
Pwyllgor Archwilio a Llywodraethu (14-12-23) i nodi bod angen trefnu diwrnod ac
adnabod hwylusydd yn hytrach na ‘dim gweithredu’. Diolchwyd am yr
adroddiad Yn ystod y drafodaeth ddilynol nodwyd y
sylwadau canlynol gan aelodau: ·
Bod Adroddiad Blynyddol
Cwynion a Gwella Gwasanaeth 2022/23 wedi ei gyflwyno ac felly bod modd dileu
eitem Adroddiad Blynyddol Cwynion a Gwella Gwasanaeth 17 Tachwedd 2022 ·
Bod y Cadeirydd wedi rhoi trosolwg ar gyfrifoldebau’r Pwyllgor ac wedi
amlygu byddai’r Pwyllgor yn edrych ar drefniadau mewnol yr Adran Addysg a
derbyn crynodeb o waith y gwasanaethau gofal. Mewn ymateb i sylw bod absenoldeb salwch hirdymor y Gwasanaeth Archwilio
Mewnol bellach wedi dod i ben, nododd y Pennaeth Cyllid bod modd ail ddechrau
cynnal cyfarfodydd o’r Gweithgor Gwella Rheolaethau. PENDERFYNWYD: Derbyn yr adroddiad Nodyn:
Nodyn: Cywiro
‘Hunanasesiad o Effeithlonrwydd y Pwyllgor’ – gweithred i adnabod diwrnod Tynnu
allan Adroddiad Blynyddol Cynigon Gwella Gwasanaeth 2021/22 |
|
CYFRIFON TERFYNOL AM Y FLWYDDYN A DDAETH I BEN 31 MAWRTH 2023 A'R ARCHWILIAD PERTHNASOL PDF 268 KB Cyflwynir: · Datganiad o’r Cyfrifon ôl-Archwiliad · Adroddiad ‘ISA260’ Archwilio Cymru · Llythyr Cynrychiolaeth (Atodiad 1) I ystyried a chymeradwyo’r wybodaeth cyn awdurdodi’r Cadeirydd i ardystio’r llythyr Dogfennau ychwanegol:
Penderfyniad:
Cofnod: Croesawyd
Yvonne Thomas (Archwilio Cymru) i’r cyfarfod Cyflwynwyd adroddiad y Pennaeth Cyllid yn gofyn i’r
pwyllgor ystyried a chymeradwyo’r Datganiad o’r Cyfrifon 2022/23
(ôl-archwiliad), adroddiad ‘ISA260’ Archwilio Cymru a’r Llythyr Cynrychiolaeth
(Atodiad 1 i adroddiad Archwilio Cymru), cyn awdurdodi’r Cadeirydd i ardystio’r
llythyr yn electroneg. Nododd yr Aelod Cabinet Cyllid bod y Swyddogion
wedi rhyddhau’r cyfrifon i Archwilio Cymru ers diwedd Mehefin 2023 fel bod modd
i Archwilio Cymru baratoi adroddiad er cymeradwyaeth y Pwyllgor. Amlygodd
rwystredigaeth nad oedd y cyfrifon wedi eu
dychwelyd tan ganol Rhagfyr. Arweiniodd y Pennaeth Cyllid Cynorthwyol - Cyfrifeg
a Phensiynau, yr Aelodau drwy’r datganiad gan eu hatgoffa bod cyfrifon amodol
wedi eu cyflwyno i’r Pwyllgor ym mis Medi 2023 ble amlygwyd y prif faterion a’r
nodiadau perthnasol. Adroddwyd bod mân addasiadau i’r adroddiad hwnnw a tynnwyd sylw at y canlynol: ·
Bod nifer o’r addasiadau yn rhai technegol o ran
triniaeth / sut mae rhywbeth yn cael ei gategoreiddio / sut mae pethau yn cael
eu dangos a’u bod yn cael eu symud o un pennawd i’r llall, ond nad ydynt yn
effaith ar linell waelod y cyfrifon. ·
Wrth gyfeirio at un ysgol
eglwys, bod y ffigwr islaw'r ffigyrau ‘materol’, ac y byddai ei addasu yn
golygu addasiadau niferus i nodiadau a datganiadau. Penderfynwyd cytuno i weithredu hyn yng nghyfrifon
2023/24. Tynnwyd sylw at falansau a chronfeydd y
Cyngor, ac yn benodol at y Datganiad Symudiad mewn Reserfau
sydd yn crynhoi sefyllfa ariannol y Cyngor. Nodwyd bod amrywiol o gronfeydd
wedi eu hymrwymo (Reserfau ar gyfer y Rhaglen
gyfalaf, Cronfa Premiwm Treth Cyngor, Reserfau
Adnewyddu (cerbydau, offer, offer technoleg gwybodaeth ysgolion), Cronfa
Trawsffurfio / Cynllun y Cyngor a’r Gronfa Strategaeth Ariannol). Ategodd Archwilio Cymru bod Gwasanaeth Cyfrifeg Cyngor Gwynedd
wedi ymgorffori’r addasiadau i’r datganiad terfynol a braf oedd nodi barn
ddiamod eto eleni. Nodwyd bod y cyfrifon yn rhoi darlun cywir a theg o’r
sefyllfa, yn cydymffurfio ag arferion priodol ac mai gweithio i lefel o
‘berthnasedd’ roedd Archwilio Cymru. Adroddwyd bod y lefel o berthnasedd yn
cael ei bennu i geisio adnabod a chywiro
camddatganiadau allai beri fel arall i’r sawl sydd yn defnyddio’r cyfrifon gael
eu camarwain. Pennwyd y lefel perthnasedd o £5.387miliwn ar gyfer yr archwiliad
eleni. Cyfeiriwyd eto at y camddatganiad Eiddo, Offer a Chyfarpar oedd yn
cynnwys adeilad un ysgol eglwys nad oedd yn eiddo i’r Cyngor a bod y ffigwr
islaw'r ffigyrau ‘materol’. Ategwyd bod Archwilio Cymru yn derbyn y
penderfyniad i weithredu hyn yng
nghyfrifon 2023/24. Diolchwyd i’r tîm Cyllid am eu cymorth i gwblhau’r
archwiliad. Cynigiwyd ac
eiliwyd derbyn yr adroddiad PENDERFYNWYD: ·
Derbyn a chymeradwyo Adroddiad 'ISA260’
gan Archwilio Cymru ar gyfer Cyngor Gwynedd ·
Derbyn a chymeradwyo Datganiad o’r
Cyfrifon 2022/23 (ôl-archwiliad) - Cadeirydd y Pwyllgor i ardystio’r Datganiad
o Gyfrifoldebau am y Datganiad o’r Cyfrifon ·
Cadeirydd y Pwyllgor ynghyd a’r
Pennaeth Cyllid i ardystio’r Llythyr Cynrychiolaeth yn electroneg ·
Llongyfarch y swyddogion ar eu gwaith
o dderbyn datganiad diamod |
|
TROSOLWG ARBEDION: ADRODDIAD CYNNYDD AR WIREDDU CYNLLUNIAU ARBEDION PDF 180 KB I nodi’r sefyllfa a’r risgiau perthnasol yng nghyswllt y Trosolwg Arbedion, ystyried penderfyniadau i’r Cabinet a sylwebu fel bo angen. Dogfennau ychwanegol:
Penderfyniad:
Cofnod: Cyflwynwyd adroddiad yr Aelod Cabinet Cyllid
yn gofyn i’r pwyllgor nodi’r
sefyllfa a’r risgiau perthnasol yng nghyswllt y Trosolwg Arbedion, ystyried argymhellion i’r Cabinet
(23-01-2024) a sylwebu fel bo’ angen. Nododd
yr Aelod Cabinet bod y sefyllfa arbedion
yn dwysau a bod gwireddu arbedion yn fater o bryder. Ategodd y Pennaeth Cyllid Cynorthwyol, ·
Er mwyn cau'r bwlch ariannol,
roedd rhaid gweithredu gwerth £7.6 miliwn o arbedion yn ystod 2023/24, oedd yn
gyfuniad o bron i filiwn oedd wedi ei gymeradwyo yn flaenorol, arbedion ar
gyfer yr Ysgolion o £1.1 miliwn, £3 miliwn ar gyfer adrannau’r Cyngor a £2.4
miliwn pellach drwy adolygu polisi ad-dalu dyled cyfalaf y Cyngor. ·
Dros y blynyddoedd diwethaf, ac fel sydd wedi ei adrodd
i’r Pwyllgor yma yn gyson, gwelwyd bod trafferthion gwireddu arbedion mewn rhai
meysydd (yn amlwg yn yr Adran Oedolion, Iechyd a Llesiant ac yn y maes
Gwastraff). O ganlyniad, bu i werth £2 filiwn o gynlluniau, oedd â risgiau
sylweddol i gyflawni, eu dileu fel rhan o Adolygiad Diwedd Awst. Cyfeiriwyd at y cynlluniau arbedion hanesyddol am y
cyfnod o’r flwyddyn ariannol 2015/16 hyd at y flwyddyn ariannol 2023/24 a thynnwyd
sylw bod 98%, sef dros £33.7 miliwn o’r £34.3 miliwn o arbedion, bellach wedi
eu gwireddu. Yng nghyd-destun cynlluniau newydd yn y flwyddyn
ariannol gyfredol, adroddwyd bod 81% o
arbedion 2023/24 eisoes wedi eu gwireddu a 6% pellach ar waith i gyflawni’n
amserol. Amlygwyd bod ychydig o oediad i wireddu gwerth £694k o gynlluniau
arbedion 2023/24 ond nad oedd yr Adrannau yn rhagweld problem i’w gwireddu.
Ategwyd bod y mwyafrif o’r swm yma yn
cynnwys arbedion o £539k gan ysgolion, sydd yn llithro gan fod yr ysgolion yn
gweithio i flwyddyn academaidd - y gwireddu felly yn llithro i’r flwyddyn
ariannol nesaf. Cyfeiriwyd at werth yr arbedion sydd eisoes wedi eu
cymeradwyo ar gyfer 2024/25 ymlaen gan amlygu bod cynlluniau arbedion a
thoriadau pellach ar gyfer 2024/25 eisoes dan ystyriaeth gan y Cyngor. Bydd y
rhain yn destun adroddiad i’r Pwyllgor yn fuan. Eglurwyd felly, bod £39 miliwn o arbedion wedi eu
gwireddu, sef 96% o’r £41 miliwn gofynnol dros y cyfnod. Rhagwelwyd y bydd 1%
pellach yn cael ei wireddu erbyn diwedd y flwyddyn ariannol ond bod oediad a
rhai risgiau i gyflawni'r cynlluniau sydd yn weddill. Diolchwyd am yr adroddiad. Nodwyd yr angen i ganolbwyntio
ar y llwyddiant - bod 96% o’r Arbedion
wedi eu gwireddu - y tuedd yw rhoi
gormod o ffocws ar y rhai hynny sydd heb eu gwireddu, sydd efallai'r
rhai anoddach. Yn ystod y drafodaeth ddilynol nodwyd y
sylwadau canlynol gan aelodau: ·
Sut mae dewis rhwng priodoldeb ariannol a chyflawni
dyletswyddau statudol? Beth ydym yn ei
wneud pan fo arian yn dod i ben? ·
Pryder am y diffyg adnoddau i gyflawni pethau, ond
cydnabyddiaeth mai dyma ydi realiti’r sefyllfa erbyn hyn. ·
Sicrhau bod y Pwyllgor yn
amlygu risgiau wrth reoli defnydd priodol o adnoddau ariannol ·
Bod y Cyngor bellach yn gweithio mewn diwylliant o
arbedion · Awgrym i gynnal gwaith modelu ... gweld y cofnod llawn ar gyfer eitem 7. |
|
CYLLIDEB REFENIW 2023/24 – ADOLYGIAD DIWEDD TACHWEDD 2023 PDF 181 KB I dderbyn yr wybodaeth, ystyried risgiau sy’n deillio o’r tafluniadau gwariant yn erbyn y gyllideb, a chraffu’r penderfyniadau i’r Cabinet yng nghyswllt rheoli cyllidebau’r Cyngor a’i adrannau. Dogfennau ychwanegol:
Penderfyniad: ·
Derbyn
yr adroddiad ar adolygiad diwedd Tachwedd 2023 o’r Gyllideb Refeniw ·
Nodi
sefyllfa ariannol ddiweddaraf parthed cyllidebau pob adran / gwasanaeth. ·
Nodi
bod rhagolygon gorwariant sylweddol gan yr Adran Oedolion, Iechyd a Llesiant,
Adran Plant a Theuluoedd, Adran Priffyrdd, Peirianneg ac YGC eleni. ·
Cytuno
gyda’r argymhelliad i’r Cabinet (23-01-24) i gymeradwyo trosglwyddiad o £4,241k
o danwariant ar gyllidebau corfforaethol i Gronfa Cefnogi Strategaeth Ariannol
y Cyngor Nodyn: Cais i’r Cabinet, ·
ystyried amserlen adolygiad gorwariant
yr Adran Oedolion Iechyd a Llesiant ac adolygiad gorwariant yr Adran Amgylchedd
(materion cludiant Integredig) ·
ystyried anghydbwysedd defnydd grantiau Cofnod: Cyflwynwyd adroddiad gan
Aelod Cabinet Cyllid yn gofyn i’r pwyllgor graffu’r sefyllfa a’r risgiau
perthnasol yng nghyswllt cyllidebau’r Cyngor a’i adrannau, ac ystyried
argymhellion i’r Cabinet 24-01-23. Gosododd yr Aelod Cabinet y
cyd-destun i’r adroddiad drwy nodi:- ·
Yn dilyn adolygiad diwedd Tachwedd mae’r rhagolygon yn awgrymu y bydd
pob un o’r deg adran yn gorwario erbyn diwedd y flwyddyn ·
Bod gorwariant sylweddol gan yr Adran Oedolion, Iechyd a Llesiant, Adran
Plant a Theuluoedd a’r Adran Priffyrdd, Peirianneg ac YGC. ·
Bod oediad mewn gwireddu Arbedion yn ffactor Ategodd mai adrodd
ar y sefyllfa oedd y Swyddogion Cyllid ac mai’r Adrannau eu hunain oedd yn
gyfrifol am eu cyllidebau. Amlygodd y Pennaeth Cyllid Cynorthwyol, yn dilyn adolygiad diwedd Tachwedd
bod y rhagolygon yn awgrymu y bydd pob un o’r deg adran yn gorwario erbyn
diwedd y flwyddyn, gyda gorwariant sylweddol gan yr Adran Oedolion, Iechyd a
Llesiant, Adran Plant a Theuluoedd a’r Adran Priffyrdd, Peirianneg ac YGC. Yn
ogystal, rhagwelwyd y bydd bwlch
ariannol o £8.1 miliwn (o’i gymharu gyda £9.1 miliwn yn yr Adolygiad Awst), ac
felly, er bod y sefyllfa filiwn yn well yn ei gyfanrwydd, bod defnydd o
gronfeydd un-tro wedi gorfod digwydd i helpu sefyllfa'r adrannau. Cyfeiriwyd at y prif faterion: ·
Adran Oedolion, Iechyd a Llesiant - y
rhagolygon diweddaraf yn awgrymu £5.4 miliwn o orwariant, a hynny yn gyfuniad o
nifer o ffactorau sydd yn cynnwys nifer o achosion newydd a chostus llety
cefnogol yn y gwasanaeth anabledd dysgu,
costau staffio uwch, lefelau salwch a chyfraddau oriau digyswllt uchel
yn y maes Gofal Cartref ynghyd a ffioedd uwch gan ddarparwyr preifat yng
ngwasanaethau Pobl Hŷn. Yn wyneb y rhagolygon gorwariant eithriadol gan yr
Adran nodwyd bod y gwaith a gafodd ei gomisiynu gan y Prif Weithredwr, bellach
yn cyfleu darlun manwl o gymhlethdod gwariant gofal oedolion ac yn rhoi gwell
dealltwriaeth o’r materion hynny i greu rhaglen glir i ymateb. Ategwyd bod y
gwaith yn cael ei arwain gan Gyfarwyddwr Statudol Gwasanaethau Cymdeithasol. ·
Adran Plant a Theuluoedd - sefyllfa ariannol yr adran wedi gwaethygu’n
sylweddol ers adolygiad diwedd Awst yn dilyn cynnydd costau oherwydd
cymhlethdodau pecynnau all-sirol a ddarperir. Erbyn hyn, rhagwelir gorwariant o
£1.3m erbyn diwedd y flwyddyn ariannol. ·
Adran Addysg - pwysau cynyddol ar y gyllideb tacsis a bysus ysgolion yn
amlwg eleni, gyda gorwariant o £1.5m yn cael ei ragweld. Nodwyd bod y maes
cludiant eisoes yn destun adolygiad strategol i geisio rheoli’r cynnydd yn y
gwariant ac awgrymwyd fod gwaith yn parhau fel bod modd ceisio lleihau’r
gorwariant a manteisio ar gyfleoedd effeithlonrwydd. Ategwyd bod cyfuniad o
danwariant mewn meysydd eraill, ynghyd â defnydd o gronfeydd wrth gefn, yn
lleihau’r gorwariant adrannol. ·
Byw’n Iach - covid
wedi cael effaith ar incwm Cwmni Byw’n Iach ac o ganlyniad rhoddodd y Cyngor
£550k o gefnogaeth ariannol i Byw'n Iach yn 2022/23 i'w galluogi i gynnal eu gwasanaethau. Nodwyd
bod y gefnogaeth ariannol yn parhau eleni a'r swm gofynnol wedi lleihau
ymhellach i £350k. · Adran Priffyrdd, Peirianneg ac YGC - rhagwelwyd gorwariant o £780k gan ... gweld y cofnod llawn ar gyfer eitem 8. |
|
RHAGLEN GYFALAF 2023/24 – ADOLYGIAD DIWEDD TACHWEDD 2023 PDF 182 KB I dderbyn y wybodaeth, ystyried y risgiau ynglŷn â’r Rhaglen Gyfalaf, a chraffu penderfyniadau i’r Cabinet Dogfennau ychwanegol: Penderfyniad:
-
cynnydd o £3,576,000 mewn defnydd o
fenthyca -
cynnydd o £2,373,000 mewn defnydd o
grantiau a chyfraniadau -
cynnydd o £317,000 mewn defnydd o
gyfraniadau refeniw -
cynnydd o £1,038,000 mewn defnydd o
gronfeydd adnewyddu ac eraill. Cofnod: Cyflwynwyd adroddiad yr Aelod Cabinet
Cyllid. Prif ddiben yr adroddiad oedd cyflwyno’r rhaglen gyfalaf (sefyllfa
diwedd Tachwedd 2023) a gofyn i’r Pwyllgor ystyried y ffynonellau ariannu
perthnasol a chraffu argymhellion i’r Cabinet (23-01-24). Amlygodd bryder fod %
y gwariant yn isel, ond bod rhesymau priodol yn cyfarch hyn. Nododd hefyd nad
oedd bygythiad o golli grantiau wrth i’r cynlluniau cyfalaf drosglwyddo i’r
flwyddyn ganlynol. Cyfeiriwyd at ddadansoddiad fesul Adran o’r
rhaglen gyfalaf £185.9 miliwn am y 3 blynedd 2023/24 – 2025/26 ynghyd a’r
ffynonellau sydd ar gael i ariannu’r cynnydd net sydd oddeutu £7.3 miliwn ers
yr adolygiad diwethaf. Ategodd y Pennaeth Cyllid Cynorthwyol,
·
Fod gan y Cyngor gynlluniau pendant mewn lle i fuddsoddi tua £86.8
miliwn yn 2023/24 ar gynlluniau cyfalaf, gyda £41.5miliwn (48%) ohono wedi’i
ariannu trwy grantiau penodol. ·
Bod effaith heriau ariannol diweddar yn parhau ar y rhaglen gyfalaf gyda
£23.2 miliwn sef 27% o’r gyllideb wedi ei wario hyd at ddiwedd Tachwedd eleni,
o gymharu â 40% dros yr un cyfnod flwyddyn yn ôl. ·
Bod £27.4 miliwn ychwanegol o wariant
arfaethedig wedi’i ail-broffilio o 2023/24 i 2024/25 a 2025/26. Y prif
gynlluniau sydd wedi llithro ers y gyllideb wreiddiol yn cynnwys £12.2 miliwn
Cynlluniau Ysgolion (Cymunedau Dysgu Cynaliadwy ac Eraill), £11.0 miliwn
Cynlluniau Strategaeth Tai, £3.9 miliwn Cynlluniau Risgiau Arfordirol ac Atal
Llifogydd, £2.9 miliwn Cynlluniau Rheoli Carbon a Phaneli Solar, £2.5 miliwn
Cynllun Hwb Iechyd a Gofal Penygroes ac £1.7 miliwn Cynlluniau Cronfa Ffyniant
Bro. Tynnwyd sylw’r Aelodau at y rhestr grantiau
ychwanegol y llwyddodd y Cyngor eu denu ers yr adolygiad diwethaf oedd yn
cynnwys £661 mil - Grant Cyfalaf Economi Gylchol gan Lywodraeth Cymru, £550 mil
– Grantiau tuag at Gae Synthetig 3G Ysgol Syr Hugh Owen, Caernarfon gan
Sefydliad Pêl Droed Cymru a’r “Football Foundation”, £350 mil – Grant Rhwydwaith Orielau Celf
Cyfoes gan Gyngor Celfyddydau Cymru a £329 mil – Grant Trawsnewid Trefi Bach
gan Lywodraeth Cymru. Diolchwyd am yr
adroddiad. PENDERFYNWYD: ·
Derbyn yr adroddiad ·
Nodi’r sefyllfa a’r risgiau perthnasol yng nghyswllt cyllidebau’r Cyngor
a’i adrannau ·
Cytuno gyda’r argymhelliad i’r Cabinet (23-01-24) i gymeradwyo ariannu
addasedig: - cynnydd o £3,576,000 mewn defnydd o fenthyca - cynnydd o £2,373,000 mewn defnydd o grantiau a chyfraniadau - cynnydd o £317,000 mewn defnydd o gyfraniadau refeniw - cynnydd o £1,038,000 mewn
defnydd o gronfeydd adnewyddu ac eraill. |
|
ADOLYGU TREFNIADAU CRAFFU. PDF 242 KB I ystyried y gwaith adolygu manwl sydd
wedi ei weithredu; Ystyried argymhelliad y Fforwm Craffu, sef, Opsiwn 1 – Cadw
at y trefniadau Craffu Cyfredol a gwneud argymhelliad i’w gyflwyno i’r Cyngor
Llawn ar 07/03/2024. Dogfennau ychwanegol:
Penderfyniad: ·
Derbyn
yr adroddiad ·
Croesawu’r
gwaith adolygu a wnaed o’r trefniadau craffu cyfredol yn sgil adroddiad
Archwilio Cymru ·
Argymell
i’r Cyngor Llawn gymeradwyo Opsiwn 1 yn ddarostyngedig bod gwaith yn cael ei gynnal
i wella effeithlonrwydd a gweithrediadau’r Pwyllgorau Craffu Cofnod: Croesawyd Ian Jones (Pennaeth Adran Cefnogaeth Gorfforaethol), Vera Jones (Rheolwr
Democratiaeth ac Iaith), Bethan Adams (Ymgynghorydd Craffu) ac Iwan Evans
(Swyddog Monitro i’r cyfarfod. Cyflwynwyd
adroddiad yn amlygu’r gwaith a wnaed i adolygu’r trefniadau craffu cyfredol yn
sgil adroddiad Archwilio Cymru. Roedd y wybodaeth yn cynnwys yr holl
drafodaethau a gynhaliwyd (mewn gweithdai i Gynghorwyr, trafodaethau gyda’r Tîm
Arweinyddiaeth a Phenaethiaid Adrannau) gan gyflwyno’r sylwadau /
darganfyddiadau drwy bedwar opsiwn i gyd-gyfarfod o’r Fforwm Craffu a’r Aelodau
Cabinet. Gofynnwyd i’r cyd-gyfarfod ystyried manteision ac anfanteision pob
opsiwn gan ddod i gasgliad ac argymhelliad ar gyfer y ffordd ymlaen. Cyflwynwyd
safbwynt y cyd-gyfarfod i’r Tîm Rheoli oedd yn cydweld ar argymhelliad i
gyflwyno opsiwn 1 - cadw at y trefniadau cyfredol. Atgoffwyd yr Aelodau bod gan y Pwyllgor
Llywodraethu gyfrifoldeb i sicrhau bod trefniadau llywodraethu priodol wedi eu
gweithredu wrth gynnal yr adolygiad ar y trefniadau craffu. Yn ystod y drafodaeth ddilynol nodwyd y
sylwadau canlynol gan aelodau: ·
Siomedig bod y drefn gyfredol yn parhau - nid
yw’r drefn bresennol yn caniatáu mynd o dan groen materion ·
Adroddiadau swmpus yn cael eu cyflwyno i’r cyfarfodydd a chyflwyniadau’r
swyddogion yn rhy hir – yn cymryd amser i ffwrdd o graffu’r mater ·
Gormod o feysydd yn cael eu cyflwyno - methu
cwrdd â'r galw ·
Anodd blaenoriaethu ·
Nid yw’r system yn gweithio - nid yw yn
effeithiol. Nid yw’r Pwyllgorau Craffu yn llwyddo i newid dim ·
Ymchwiliadau Craffu yn cael effaith, ond dim
digon ohonynt ·
Bod y drefn yn cynnig ‘perfformiad o
gyfundrefn’ gan roi argraff bod craffu da yma ·
Bod enghreifftiau o graffu da yn y gorffennol – angen mewnbwn allanol a
hyfforddiant priodol i symud ymlaen ·
Nad oes elfen wleidyddol i Graffu – trigolion Gwynedd sydd yn bwysig yma ·
Bod angen ystyried sut mae’r Pwyllgor
Llywodraethu yn plethu i mewn i’r drefn. Pan fydd y Pwyllgor yn cyfeirio
materion i’r Pwyllgorau craffu perthnasol, maent yntau yn rhy hwyr neu heb eu
blaenoriaethu ar raglen y pwyllgor craffu perthnasol ·
Nad oedd opsiwn 1 yn creu argraff - byddai
opsiwn 4 (sefydlu pedwerydd 4ydd Pwyllgor Craffu) yn un cytbwys ac yn rhoi
cyfle i ddatblygu’r drefn. ·
Nad oedd yr adroddiad yn cyfleu / cynrychioli barn helaeth a sylwadau’r
gweithdai – nid oedd canlyniadau’r gweithdai wedi eu rhannu gyda’r mynychwyr. Mewn ymateb i gwestiwn ynghyn a sut mae’r Pwyllgorau Craffu yn ychwanegu gwerth i waith y Cyngor, nododd y Rheolwr Democratiaeth ac Iaith mai pwrpas Craffu yw sicrhau a herio gwaith y Cabinet; gweithredu fel Ffrind Critigol gan sicrhau bod sylw yn cael ei roi i lais pobl Gwynedd; dal y Cabinet ac Aelodau unigol y Cabinet i gyfrif am eu penderfyniadau a chraffu effaith cynlluniau, polisïau a gwasanaethau’r Cyngor. Cyfeiriodd at enghreifftiau o’r effaith a'r gwahaniaeth mae Craffu wedi ei wneud dros y blynyddoedd diwethaf. Ategodd bod camau i wella’r drefn hefyd yn deillio o argymhellion Archwilio Cymru, oedd yn cynnwys creu argymhellion cryfach ar rai eitemau fel bod modd sicrhau bod yr Aelod Cabinet yn rhoi ystyriaeth briodol i’r maes ac adrodd yn ... gweld y cofnod llawn ar gyfer eitem 10. |
|
ADRODDIADAU ARCHWILIO CYMRU PDF 94 KB I ystyried diweddariad i’r Pwyllgor ar
adroddiad(au) sydd wedi eu cyhoeddi yn ddiweddar gan
Archwilio Cymru – Defnyddio gwybodaeth am berfformiad: persbectif a
chanlyniadau defnyddwyr gwasanaeth Dogfennau ychwanegol:
Penderfyniad: PENDERFYNIAD ·
Derbyn
yr adroddiad, er gwybodaeth ·
Croesawu
ymateb y Rheolwyr Cofnod: Croesawyd Alan Hughes a Lora Williams
(Archwilio Cymru), Geraint Owen (Cyfarwyddwr Corfforaethol) a Dewi Wyn Jones
(Rheolwr Gwasanaeth Cefnogi Busnes y Cyngor) i’r cyfarfod. Cyflwynwyd
adroddiad gan Archwilio Cymru yn amlygu eu canfyddiadau ar sut mae’r Cyngor yn
defnyddio gwybodaeth am berfformiad. Cyflwynwyd hefyd ddogfen ymateb gan Cyngor
Gwynedd yn amlinellu’r hyn mae’r Cyngor yn bwriadu ei wneud i ymateb i
argymhellion Archwilio Cymru. Nododd Swyddog
Archwilio Cymru bod pob Cyngor yn defnyddio gwybodaeth perfformiad ond bod
angen ystyried os yw’r wybodaeth yn cyflawni amcanion a sicrhau gwerth am
arian. Ategodd bod Cyngor Gwynedd yn rhannu llawer o enghreifftiau da - yn
darparu llawer o wybodaeth am berfformiad i uwch arweinwyr i’w helpu i ddeall
persbectif defnyddwyr gwasanaeth a defnyddio adborth cwsmeriaid gwella
gwasanaethau sydd yn adlewyrchu ar drefniadau perfformiad diweddar. Er hynny,
adroddwyd bod llai o dystiolaeth ynglŷn â threfniadau gwirio data a bod
gwybodaeth am ganlyniadau yn gyfyngedig. Mewn ymateb i’r
adroddiad, nododd y Rheolwr Gwasanaeth Cefnogi Busnes bod yr adroddiad yn
ymddangos yn negyddol ei natur, ond wedi trafod ymhellach gyda swyddogion
Archwilio Cymru bod pryderon wedi eu lleddfu a bod mwyafrif o’r camau sydd yn
cael eu cynnig yn bethau mae’r Cyngor eisoes yn gweithio arnynt neu bellach
wedi eu cyflawni. Cyfeiriodd at enghreifftiau o
gynnwys mwy o bobl yn y broses herio perfformiad, o sefydlu grŵp
ymgysylltu traws adrannol i annog rheolwyr i ymgysylltu / ymgynghori gyda
gwahanol grwpiau, i adnabod cerrig milltir penodol mewn prosiectau; yn ffyddiog
bod trefniadau presennol yn bodoli o fewn y gwasanaethau i wirio ansawdd y data
a’r wybodaeth sydd yn ei gyflwyno i uwch arweinwyr, Pwyllgorau ac i’r Cabinet. Yn ystod y drafodaeth ddilynol nodwyd y
sylwadau canlynol gan aelodau: ·
Bod data cywir a da yn hanfodol ar gyfer gwneud penderfyniadau ·
Bod angen ystyried mesur canlyniadau yn hytrach na mesur gweithredoedd –
i’r dyfodol byddai hyn yn fodd o gyfeirio adnoddau i’r lle cywir a gweld
buddsoddiadau yn cael effaith Mewn ymateb i sylw ynglŷn ag os yw Archwilio Cymru yn hapus bod
rhai o’r argymhellion eisoes wedi eu cwblhau, nodwyd mai cod ymarfer Archwilio
Cymru yw derbyn bod ystyriaeth briodol wedi ei roi i’r argymhellion ac nad oedd
trothwy ffurfiol i gymeradwyo adroddiad cynnydd. Mewn ymateb i sylw pellach ar
sut mae Cyngor Gwynedd yn cymharu gyda Chynghorau eraill, nodwyd mai’r
flaenoriaeth oedd sut mae pob Cyngor yn cymharu gyda’r meini prawf ac nid
gyda’i gilydd. Er hynny, nodwyd nad oedd
adroddiad pob Cyngor wedi ei gyhoeddi hyd yma ac annheg fyddai adrodd ar hynny,
ond y byddai canfyddiadau wedi eu cynnwys yn yr adroddiad cenedlaethol. Mewn ymateb i sylw ynglŷn â phrofiadau’r gorffennol o roi gormod o sail i weithgaredd yn hytrach na chanlyniadau, nododd y Rheolwr Gwasanaeth Cefnogi Busnes bod gwaith wedi ei wneud i adolygu cylch cyntaf prosiectau Cynllun y Cyngor drwy osod cerrig milltir allweddol i gyflawni prosiectau gan ofyn i’r arweinyddion prosiect adrodd ar y cynnydd a’r camau sydd ar y gweill. Ategodd y Cyfarwyddwr Corfforaethol bod parodrwydd i ... gweld y cofnod llawn ar gyfer eitem 11. |