Rhaglen, penderfyniadau a chofnodion

I ethol Cadeirydd ar gyfer 2022-2023

Ethol y Cynghorydd Elin Hywel yn Gadeirydd y Pwyllgor ar gyfer y flwyddyn 2022/23.

PENDERFYNWYD ethol y Cynghorydd Elin Hywel yn Gadeirydd y Pwyllgor ar gyfer y flwyddyn 2022/23.

I ethol Is-Gadeirydd ar gyfer 2022-2023

Ethol y Cynghorydd Kim Jones yn Is-Gadeirydd y Pwyllgor ar gyfer y flwyddyn 2022/23.

Cynigwyd ac eiliwyd dau enw ar gyfer y rôl, sef y Cynghorydd Kim Jones a’r Cynghorydd Glyn Daniels.

PENDERFYNWYD ethol y Cynghorydd Kim Jones yn Is-Gadeirydd y Pwyllgor ar gyfer y flwyddyn 2022/23.

I dderbyn ymddiheuriadau am absenoldeb.

Derbyniwyd ymddiheuriad gan y Cynghorydd Arwyn Herald Roberts a’r Cynghorydd Dyfrig

Siencyn (Arweinydd y Cyngor).

I dderbyn unrhyw ddatganiad o fuddiant personol.

Ni dderbyniwyd unrhyw ddatganiadau o fuddiant personol.

Nodi unrhyw eitemau sy’n fater brys ym marn y Cadeirydd fel y gellir eu hystyried.

Datganwyd pryder am gydbwysedd gwleidyddol aelodaeth y pwyllgor ac y gallai gwaith y Pwyllgor fod yn ymarferiad sêl bendith.

Sicrhaodd y Cadeirydd y byddai’r pwyllgor yn ymgymryd â’i rôl o graffu gwaith y Cyngor a’r Cabinet.

Mewn ymateb i gwestiwn gan aelod,  nododd yr Ymgynghorydd Craffu nad oedd rheol benodol o ran dynodi’r is-gadeiryddiaeth i grŵp gwleidyddol. Cadarnhaodd mai’r gadeiryddiaeth oedd yn cael ei ddynodi i grŵp gwleidyddol ac y cynhelir adolygiad blynyddol o ddyraniad cadeiryddiaethau craffu.

Bydd y Cadeirydd yn cynnig y dylid llofnodi cofnodion cyfarfod y’r pwyllgor hwn a gynhaliwyd 10fed Mawrth 2022 fel rhai cywir. 

Llofnododd y Cadeirydd gofnodion y cyfarfod blaenorol o’r pwyllgor hwn a gynhaliwyd ar 10 Mawrth 2022 fel rhai cywir.

I ethol Aelodau ar gyfer mynychu Cyfarfodydd monitro perfformiad.

Ethol y Cynghorwyr Rhys Tudur ac Linda Morgan i fynychu cyfarfodydd herio perfformiad maes gwaith Amgylchedd.

Ethol y Cynghorwyr Stephen Churchman ac Arwyn Herald Roberts i fynychu cyfarfodydd herio perfformiad maes gwaith Priffyrdd a Bwrdeistrefol.

Ethol y Cynghorwyr Rob Triggs a Llio Elenid Owen i fynychu cyfarfodydd herio perfformiad maes gwaith Ymgynghoriaeth Gwynedd.

Gwahoddwyd enwebiadau ar gyfer mynychu cyfarfodydd herio perfformiad. Eglurwyd bod tri maes gwaith penodol i’r Pwyllgor Craffu Cymunedau - Amgylchedd, Priffyrdd a Bwrdeistrefol ac Ymgynghoriaeth Gwynedd. Tynnwyd sylw at ‘Ganllaw Herio Perfformiad i Aelodau Craffu’ a oedd wedi ei gynnwys yn y rhaglen.

PENDERFYNWYD:

-          Ethol y Cynghorwyr Rhys Tudur ac Linda Morgan i fynychu cyfarfodydd herio perfformiad maes gwaith Amgylchedd.

-          Ethol y Cynghorwyr Stephen Churchman ac Arwyn Herald Roberts i fynychu cyfarfodydd herio perfformiad maes gwaith Priffyrdd a Bwrdeistrefol.

-          Ethol y Cynghorwyr Rob Triggs a Llio Elenid Owen i fynychu cyfarfodydd herio perfformiad maes gwaith Ymgynghoriaeth Gwynedd.

I enwebu Aelod fel cynrychiolydd i gyfarfodydd Bwrdd Hinsawdd a Natur

Ethol y Cynghorydd Beca Roberts i gynrychioli’r Pwyllgor ar y Bwrdd Hinsawdd a Natur.

Gosodwyd cefndir a chyd-destun i’r adroddiad gan y Pennaeth Amgylchedd. Eglurodd bod Cynllun Argyfwng Hinsawdd a Natur wedi ei fabwysiadu gan y Cabinet ar 8 Mawrth 2022. Manylodd ar aelodaeth y Bwrdd Hinsawdd a Natur a oedd yn cynnwys Aelodau Cabinet a Phenaethiaid Adran yn y prif feysydd perthnasol. Gofynnwyd i’r Pwyllgor ethol cynrychiolydd ar gyfer y Bwrdd Hinsawdd a Natur. 

PENDERFYNWYD ethol y Cynghorydd Beca Roberts i gynrychioli’r Pwyllgor ar y Bwrdd Hinsawdd a Natur.

Dechreuodd y Cyfarfod am 10:00yb a gorffennodd am 10:30yb.

________________________________

CADEIRYDD