Rhaglen a chofnodion
Lleoliad: Siambr Hywel Dda - Swyddfeydd y Cyngor, Caernarfon. Gweld cyfarwyddiadau
Cyswllt: Lowri Haf Evans 01286 679 878 E-bost: lowrihafevans@gwynedd.gov.uk
Rhif | eitem |
---|---|
CADEIRYDD I ethol Cadeirydd am 2015/16. Cofnod: PENDERFYNWYD
ethol y Cynghorydd Alwyn
Gruffydd yn Gadeirydd am
2015/16. |
|
IS-GADEIRYDD I ethol Is-gadeirydd am 2015/16. Cofnod: PENDERFYNWYD
ethol y Cynghorydd R H Wyn
Williams yn Is Gadeirydd am
2015/16. |
|
YMDDIHEURIADAU Derbyn unrhyw ymddiheuriadau am absenoldeb. Cofnod: Derbyniwyd
ymddiheuriadau gan y Cynghorwyr
Stephen Churchman, Dyfed Edwards a John Wyn Williams |
|
DATGAN BUDDIANT PERSONOL Derbyn unrhyw ddatganiad o fuddiant personol. Cofnod: Datganodd
y canlynol fuddiant personol am y rhesymau a nodir: Dilwyn Williams ar gyfer yr eitem
7. Nododd nad oedd yna unrhyw fwriad i
drafod cyflog y Prif Weithredwr ond gan fod ei gyflog yn cael ei nodi yn y
Polisi Tal, pe byddai yna unrhyw drafodaeth ar y mater hwnnw, byddai’n gadael y
cyfarfod. Geraint Owen (Pennaeth Cefnogaeth Gorfforaethol) yn eitem 7 ar y rhaglen
gan fod ei
swydd yn cael ei ystyried
yn swydd prif swyddog ac felly yn destun y Polisi
Tal. |
|
MATERION BRYS Nodi unrhyw eitemau sy’n fater brys ym marn y Cadeirydd fel y gellir eu hystyried. Cofnod: Dim i’w nodi |
|
Bydd
y Cadeirydd yn cynnig y dylid llofnodi cofnodion y cyfarfodydd o'r pwyllgor hwn a gynhaliwyd ar y dyddiadau isod fel rhai cywir:- (a) 24
Chwefror, 2015 (b) 6
Mawrth, 2015 (c) 26
Mawrth, 2015 Dogfennau ychwanegol: Cofnod: Llofnododd y Cadeirydd gofnodion
cyfarfod o’r pwyllgor hwn a gynhaliwyd ar 24.2.15, 6.3.15 a 26.3.15 fel
rhai cywir |
|
ADOLYGIAD BLYNYDDOL - POLISI TÂL Y CYNGOR PDF 75 KB Cyflwyno adroddiad y Prif Weithredwr Dogfennau ychwanegol: Cofnod: Cyflwynwyd yr Adroddiad Polisi Tâl gan y Prif
Weithredwr. Eglurwyd bod dyletswydd statudol ar holl gynghorau Cymru i fabwysiadu Polisi Tâl i’w
staff yn flynyddol. Mae’r ddarpariaeth statudol yn ei
gwneud hi’n ofynnol i hyn fod
yn swyddogaeth y Cyngor Llawn. Gofynnwyd i’r Pwyllgor Penodi gynghori’r Cyngor ar ei
Bolisi Tâl ar gyfer 2016/17. Bydd y Polisi Tâl
yn cael ei
ystyried gan y Cyngor Llawn ar
Fawrth y 3ydd. Yn
ei gyflwyniad, amlygodd y Prif Weithredwr mai ychydig iawn o addasiadau oedd
i’r polisi tal ar gyfer 2016/2017. Amlygwyd nad oedd newidiadau pellach i
gyfrifoldebau ar lefel Penaethiaid Adran a Chyfarwyddwyr Corfforaethol wedi eu
cyflwyno yn ystod 2015/2016, ac felly nid oedd arfarniad o’r newydd wedi ei
gynnal ar gyfer 2016/2017. Cyfeiriwyd at
y polisi presennol sydd yn nodi’r angen i feincnodi cyflogau Prif Swyddogion yn
erbyn y farchnad. Nodwyd bod y mater wedi ei drafod gyda’r Penaethiaid a’r
Cyfarwyddwyr a bod pawb yn gytûn nad oedd yn amserol, yn wyneb yr hinsawdd
gyllidol, i adolygu’r
meincnodau eleni. Yng
nghyd-destun y cyflogau isaf nodwyd bod Canghellor y Trysorlys mewn datganiad
cyllidebol ar yr 8fed o Orffennaf 2015 wedi nodi'r angen i osod £7.20 yr awr
fel ‘cyflog byw’ oddi ar y 1af o Ebrill, gan godi i £9.00 yr awr erbyn Ebrill
2020 (ar gyfer gweithwyr 25 oed a hyn). O ganlyniad bydd rhaid ystyried beth
fydd yr ardrawiad ar y Cyngor a’r costau
sylweddol fydd yn ei wynebu. Gydag incwm y Cyngor yn un sydd wedi ei osod,
ymddengys mai toriadau pellach fydd effaith hyn. Amlygwyd
bod y ‘Cyflog Byw’ yn ddiffiniad gan y Sefydliad Cyflog Byw - sefydliad
cyhoeddus wedi ei sefydlu i gynnig fformiwla ddamcaniaethol o gyfuniad oriau, tal a lleoliadau ar draws y wlad. Mewn
ymateb i gwestiwn ynglŷn â’r mater nad yw’r
Cyngor yn eithrio cyn swyddogion gael eu hail gyflogi, nodwyd na ellid rhoi
cymal yn y datganiad ar sail eithriad. Ychwanegwyd bod y nifer o swyddogion
sydd yn cael eu hail gyflogi yn isel iawn (yn cael eu cyflogi yn achlysurol,
wrth gefn neu ar gyfer prosiectau penodol). Amlinellwyd bod hyn yn berthnasol i
weithwyr llywodraeth leol yn unig ac nad oedd
yn cynnwys staff ysgolion. Awgrymwyd bod posib adrodd ar hyn petai’r
Pwyllgor yn dymuno hyn. Cynigiwyd
ac eiliwyd i dderbyn yr argymhelliad Diolchwyd i’r
Prif Weithredwr am y cyflwyniad. DERBYNIWYD YR ADRODDIAD YN
UNFRYDOL YN UNOL Â’R ARGYMHELLION ISOD. ·
Bod
y Pwyllgor Penodi yn cynnig y Datganiad o Bolisi Tal (draft)
i’r Cyngor fel un i’w fabwysiadu ar
gyfer 2016 / 17. |