Rhaglen, penderfyniadau a chofnodion

I dderbyn unrhyw ymddiheuriadau am absenoldeb

Derbyniwyd ymddiheuriadau gan y Cynghorwyr June Jones, Ioan Thomas a Rob Triggs

I dderbyn unrhyw ddatganiad o fuddiant personol

Dim i’w nodi

Nodi unrhyw eitemau sy’n fater brys ym marn y cadeirydd fel y gellir eu hystyried.

Dim i’w nodi

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 28 Hydref 2022 fel rhai cywir  

Llofnododd y Cadeirydd gofnodion cyfarfod o’r pwyllgor hwn a gynhaliwyd ar 28 Hydref 2022 fel rhai cywir

I ystyried adroddiad y Prif Weithredwr

PENDERFYNIAD:

Bod y Pwyllgor Penodi yn cynnig y Datganiad o Bolisi Tal (drafft) i’r Cyngor ar Fawrth yr 2il 2023, fel un i’w fabwysiadau ar gyfer 2023/24

Cyflwynwyd adroddiad gan y Prif Weithredwr yn nodi bod dyletswydd statudol ar bob Cyngor i baratoi Datganiad Polisi Tâl blynyddol. Yn unol â phenderfyniad y Cyngor wrth fabwysiadu Polisi Tâl ar gyfer 2023/24, roedd disgwyliad i’r Pwyllgor Penodi Prif Swyddogion gynnal adolygiad blynyddol o gynaliadwyedd y polisi a chyflwyno unrhyw argymhellion yn dilyn adolygu’r Polisi Tâl i’r Cyngor Llawn yn flynyddol. 

Yn unol â phenderfyniad y Pwyllgor yng nghyfarfod Hydref 11eg 2022, diwygiwyd Polisi Tal 2023/24 i adlewyrchu addasiad yng nghyflogau rhai o Benaethiaid Adran y Cyngor. Roedd yr addasiad yn ymateb i gais penodol gan y Pwyllgor yn Chwefror 2021 i’r Prif Weithredwr gynnal adolygiad o gyflogau prif swyddogion.

Diolchwyd am yr adroddiad

Mewn ymateb i awgrym bod uwch swyddogion yn derbyn tâl ychwanegol am oriau anghymdeithasol o gymharu â gofalwyr a staff rheng flaen sydd yn derbyn tâl sylfaenol am yr oriau hyn, cadarnhawyd nad oedd uwch swyddogion yn derbyn tâl ychwanegol a bod y Cyngor yn sefyll yn gadarn drwy sicrhau cyfartaledd a thegwch ar draws y gweithlu.

PENDERFYNWYD

Bod y Pwyllgor Penodi yn cynnig y Datganiad o Bolisi Tal (drafft) i’r Cyngor ar Fawrth yr 2il 2023, fel un i’w fabwysiadau ar gyfer 2023/24