Rhaglen a chofnodion
Lleoliad: Ystafell Gwyrfai, Council Offices, Caernarfon, Gwynedd. LL55 1SH
Cyswllt: Eirian Roberts 01286 679018
Rhif | eitem |
---|---|
YMDDIHEURIADAU Derbyn unrhyw ymddiheuriadau am absenoldeb. Cofnod: Y Cynghorydd Anne Lloyd
Jones a Mr Richard Parry Hughes |
|
DATGAN BUDDIANT PERSONOL Derbyn unrhyw ddatganiad o fuddiant personol. Cofnod: Ni dderbyniwyd datganiad o fuddiant gan unrhyw aelod oedd yn bresennol. |
|
MATERION BRYS Nodi unrhyw eitemau
sy’n fater brys ym marn y Cadeirydd fel y gellir eu hystyried. Cofnod: Ni
chodwyd unrhyw faterion brys. |
|
Bydd y Cadeirydd yn cynnig y dylid
llofnodi cofnodion y cyfarfod blaenorol o’r pwyllgor hwn a gynhaliwyd ar 9
Gorffennaf, 2018 fel rhai cywir
(ynghlwm). Cofnod: Llofnododd y
Cadeirydd gofnodion y cyfarfod blaenorol o’r pwyllgor hwn a gynhaliwyd ar 9
Gorffennaf, 2018 fel rhai cywir. Gan gyfeirio at
eitem 10 o’r cofnodion – Cynhadledd Safonau Cymru 2018 - nododd y Cadeirydd y
bu rhywfaint o gamddealltwriaeth ynglŷn â’r gynrychiolaeth o’r pwyllgor yn
y gynhadledd ac, i osgoi dryswch tebyg yn y dyfodol, awgrymodd y byddai’n
fuddiol cylchredeg pwyntiau gweithredu’r pwyllgor i’r aelodau yn fuan ar ôl pob
cyfarfod. |
|
ADOLYGIAD O'R DREFN AR GYFER CEISIADAU AM ODDEFEBAU PDF 83 KB Cyflwyno adroddiad y Swyddog Monitro (ynghlwm). Dogfennau ychwanegol: Cofnod: Cyflwynwyd – adroddiad y Swyddog Monitro yn
gwahodd y pwyllgor i drafod a phenderfynu a ddylid diwygio’r drefn ar gyfer
ceisiadau am oddefebau. Gofynnwyd i’r aelodau ystyried y priodoldeb o
ganiatáu i ymgeiswyr am oddefebau ymddangos gerbron y pwyllgor. ‘Roedd tri opsiwn ar gael, sef:- ·
Caniatáu i
ymgeiswyr ymddangos gerbron y pwyllgor a chyflwyno eu ceisiadau yn bersonol,
ond ‘roedd hynny’n cynyddu’r risg o dderbyn gwybodaeth ychwanegol ar y diwrnod
na chafodd ei gloriannu’n ddigonol. ·
Caniatáu i
ymgeiswyr ymddangos gerbron y pwyllgor i ddarparu mwy o eglurhad ar eu cais
drwy ateb cwestiynau’n unig. ·
Parhau â’r drefn
bresennol o wneud y gwaith ar sail adroddiad ysgrifenedig gan y Swyddog
Monitro, yn cynnwys copi o’r ffurflen gais am oddefeb ynghyd ag unrhyw
wybodaeth ychwanegol a dderbyniwyd gan y swyddogion ar ôl cysylltu gyda’r
ymgeisydd. Yn ystod y drafodaeth, nodwyd y pwyntiau a
ganlyn:- ·
Na fyddai’n
orfodol i ymgeiswyr ddod gerbron y Pwyllgor Safonau, felly o ran y sylw yn yr
adroddiad y byddai’r drefn yn gostus o ran amser i’r ymgeisydd, eu dewis hwy
fyddai dod i’r cyfarfod. Hefyd, ni
ragwelid y byddai’r costau teithio’n sylweddol. ·
Bod niferoedd y
ceisiadau am oddefeb yn llawer is nag yr oedd rai blynyddoedd yn ôl, adeg y
broses trefniadaeth ysgolion. ·
Bod gallu’r
ymgeisydd i roi ei bwynt drosodd yn bersonol yn bwysig iawn. ·
O bosib’ bod
cais yn glir ar bapur, ac nad oes angen yr ymgeisydd yno, ond byddai’n dda medru
rhoi’r cyfle iddynt, petai angen. ·
Bod ymgeiswyr
aflwyddiannus yn y gorffennol wedi dweud y byddai wedi bod yn fuddiol iddynt
fod wedi gallu dod i’r pwyllgor i roi esboniad pellach. Er hynny, efallai na fyddai’r esboniad hwnnw
wedi gwneud gwahaniaeth i’r canlyniad. ·
Gan fod
cwestiynau’r aelodau yn debygol o fod yn dod o gyfeiriad ychydig gwahanol i
gwestiynau’r swyddogion, nid yw’n bosib’ i’r swyddogion ddyfalu ymlaen llaw pa
gwestiynau sy’n debygol o godi yn y pwyllgor a gofyn y cwestiynau hynny i’r ymgeiswyr
ar adeg cloriannu’r wybodaeth ar gyfer y pwyllgor. ·
Bod lle i
gryfhau’r cyswllt gyda chlercod y cynghorau cymuned a thref gan na all
swyddogion y Cyngor Sir ateb cwestiynau am fusnes y cyngor dan sylw. ·
Ei bod yn hynod
bwysig bod ymgeiswyr yn llenwi’r ffurflen yn gyflawn a bod perygl, o wahodd
ymgeiswyr i ddod i’r cyfarfod, na fyddent yn trafferthu llawer gyda chynnwys y
ffurflen. O bosib’ hefyd bod rhai pobl
yn cael trafferth llenwi’r ffurflen. ·
Bod yr
argymhelliad i ‘fynnu’ bod y Clerc yn darparu llythyr yn esbonio’r cyd-destun
yn rhoi gormod o bwysau arnynt, ac y dylid yn hytrach nodi bod ‘disgwyl’ iddynt
ddarparu llythyr. PENDERFYNWYD
(a) Caniatáu i ymgeiswyr am
oddefebau fynychu cyfarfodydd y Pwyllgor Safonau i ateb cwestiynau posib’ gan y
pwyllgor yn unig, pe dymunent. Mae hyn
ar yr amod: ·
Na chaniateir iddynt gyflwyno eu
hachos. ·
Y disgwylir iddynt fod wedi llenwi
eu ffurflenni cais yn gyflawn ac yn gywir. (b) Caniatáu goddefeb i
aelodau fod yn bresennol yn y cyfarfodydd ar gyfer ateb cwestiynau ynglŷn â’u cais. (c) Adolygu’r ... gweld y cofnod llawn ar gyfer eitem 5. |
|
PRESENODLEB Y PWYLLGOR SAFONAU AR WEFAN Y CYNGOR PDF 43 KB Cyflwyno adroddiad y Swyddog Monitro (ynghlwm). Dogfennau ychwanegol: Cofnod: Cyflwynwyd –
adroddiad y Swyddog Monitro yn gwahodd sylwadau ac argymhellion y pwyllgor ar
yr hyn sydd i’w gynnwys am y Pwyllgor Safonau ar wefan y Cyngor Yn ystod y
drafodaeth, nodwyd y pwyntiau a ganlyn:- ·
Ei
bod yn fanteisiol i bobl ddod i wybod mwy am yr hyn mae’r pwyllgor yn ei wneud,
a hefyd i ddeall na all y Pwyllgor Safonau gynnig datrysiad i bopeth. ·
Gan
gyfeirio at fanylion aelodaeth y pwyllgor ar y wefan ar hyn o bryd, nodwyd y
dylid gosod enwau’r aelodau naill ai yn ôl trefn y wyddor, neu fesul categori,
h.y. etholedig, annibynnol a phwyllgor cymunedol. Nododd y Swyddog
Monitro y gellid ystyried cynnwys siart llif ar y wefan ynglŷn â’r drefn
gwynion am y Cod Ymddygiad, h.y. sut i gwyno a beth sy’n digwydd i’r
gŵyn. Hefyd, mewn ymateb i
ymholiad, cytunodd y Swyddog Monitro i geisio mwy o wybodaeth gan yr Ombwdsmon
ynglŷn â beth yw’r disgwyliadau o ran yr amserlennu ac i gynnwys hyn
gyda’r llinell amser. PENDERFYNWYD derbyn yr adroddiad gyda’r sylwadau a
ganlyn:- ·
Sicrhau bod aelodaeth y
pwyllgor ar y wefan naill ai yn ôl trefn y wyddor, neu fesul categori, h.y.
etholedig, annibynnol a phwyllgor cymunedol. ·
Bod y Swyddog Monitro yn ceisio mwy o wybodaeth gan yr
Ombwdsmon ynglŷn â beth yw’r disgwyliadau o ran amserlennu cwynion ac yn
cynnwys hyn gyda’r llinell amser ar y wefan. |
|
HONIADAU YN ERBYN AELODAU PDF 55 KB Cyflwyno adroddiad y Swyddog Monitro (ynghlwm). Cofnod: Cyflwynwyd – adroddiad y Swyddog Monitro yn
cyflwyno gwybodaeth am benderfyniadau’r Ombwdsmon ar gwynion ffurfiol yn erbyn
aelodau. Eglurodd y Swyddog Monitro nad oedd
penderfyniad yr Ombwdsmon i beidio ymchwilio i gŵyn yn golygu nad oedd aelod wedi torri’r Cod Ymddygiad a bod angen
cyfleu’r neges i’r aelod nad yw’r ymddygiad yn briodol ac y gall yr Ombwdsmon
gymryd hynny i ystyriaeth os bydd yn gweld patrwm o gwynion tebyg yn datblygu
yn erbyn yr aelod yn y dyfodol. Yn ystod y
drafodaeth, nodwyd y pwyntiau a ganlyn:- ·
Ei
bod yn bwysig bod pobl yn deall eu bod wedi torri’r Cod, er nad oes ymchwiliad. ·
Y
pryderir am yr effaith ar y dioddefwyr os nad yw’r Ombwdsmon yn ymchwilio. ·
Bod
angen pwysleisio bod rhaid parchu’r Cod, waeth beth yw’r amgylchiadau. ·
Os
oes canfyddiad y gallai’r Cod fod wedi ei dorri mewn achos nad yw’r Ombwdsmon
am ymchwilio iddo, y dylai’r Swyddog Monitro anfon llythyr at yr aelod, yn rhoi
sylw i lythyr yr Ombwdsmon ac yn atgoffa’r aelod o bwysigrwydd parchu’r Cod. ·
Bod
angen rhoi pwyslais ar yr angen i aelod ymddwyn yn barchus tuag at bawb bob
amser. PENDERFYNWYD (a) Nodi’r
adroddiad. (b) Os
oes canfyddiad gan yr Ombwdsmon y gallai’r Cod fod wedi ei dorri mewn achos nad
yw’r Ombwdsmon am ymchwilio iddo, y dylai’r Swyddog Monitro anfon llythyr at yr
aelod dan sylw yn rhoi sylw i lythyr yr Ombwdsmon, yn cyfeirio at farn yr
Ombwdsmon, pwysigrwydd y Cod Ymddygiad ac yn cynnig awgrymiadau am gymorth neu
gefnogaeth. |
|
ADRODDIAD BLYNYDDOL YR OMBWDSMON 2017-18 PDF 46 KB Cyflwyno adroddiad y Swyddog Monitro (ynghlwm). Dogfennau ychwanegol: Cofnod: Cyflwynwyd, er
gwybodaeth, adroddiad y Swyddog Monitro yn amgáu Adroddiad Blynyddol yr
Ombwdsmon 2017/18. Nododd y Swyddog
Monitro fod nifer y cwynion cod ymddygiad a ddaeth i law yn ymwneud â
chynghorau cymuned wedi cynyddu 33%. Er
hynny, ‘roedd nifer y cwynion ar draws Cymru yn isel – tua 200. Ar yr egwyddor nid da lle gellir gwell,
cychwynnwyd ar y peilot yng Ngwynedd, yn y gobaith y byddai’n dwyn ffrwyth. PENDERFYNWYD nodi’r adroddiad. |
|
CYNHADLEDD SAFONAU CYMRU 2018 Derbyn
adroddiad llafar gan y Swyddog Monitro. Cofnod: Cyflwynwyd
adroddiad llafar gan y Swyddog Monitro ar Gynhadledd Safonau Cymru 2018 a
gynhaliwyd yn Aberystwyth ar 14 Medi.
Nododd y byddai adroddiad ffurfiol o’r gynhadledd ar gael maes o law ac
y cynhelir cynhadledd 2019 yn y Gogledd. PENDERFYNWYD nodi’r adroddiad. |