Rhaglen a chofnodion
Lleoliad: Siambr Hywel Dda, Swyddfa'r Cyngor, Caernarfon LL55 1SH
Cyswllt: Eirian Roberts 01286 679018
Media
Rhif | eitem |
---|---|
YMDDIHEURIADAU Derbyn unrhyw ymddiheuriadau am absenoldeb. Dogfennau ychwanegol: Cofnod: Y Cynghorwyr Anwen
Davies, Alan Jones Evans, Medwyn Hughes, Elin Walker Jones, Linda Ann
Jones. Hefyd y Cynghorydd W.Gareth
Roberts (Aelod Cabinet Oedolion, Iechyd a Llesiant). |
|
DATGAN BUDDIANT PERSONOL Derbyn unrhyw ddatganiadau o fuddiant personol. Dogfennau ychwanegol: Cofnod: Ni dderbyniwyd datganiad o fuddiant personol gan unrhyw aelod oedd yn bresennol. |
|
MATERION BRYS Nodi unrhyw eitemau sy’n fater brys
ym marn y Cadeirydd fel y gellir eu hystyried. Dogfennau ychwanegol: Cofnod: Ni dderbyniwyd unrhyw faterion brys. |
|
Bydd y Cadeirydd yn cynnig
y dylid llofnodi cofnodion y cyfarfodydd o’r pwyllgor hwn
a gynhaliwyd ar y dyddiadau isod fel rhai cywir:- (a) 6ed Tachwedd, 2018
– Cyfarfod Arbennig (ynghlwm) (b) 15fed Tachwedd,
2018 (ynghlwm) Dogfennau ychwanegol: Cofnod: Llofnododd y Cadeirydd gofnodion y cyfarfodydd o’r
pwyllgor hwn a gynhaliwyd ar y 6ed a’r 15fed o Dachwedd, 2018 fel rhai cywir. |
|
POBL IFANC SY'N GADAEL GOFAL Y CYNGOR PDF 89 KB Aelod Cabinet – Y Cynghorydd Dilwyn Morgan Derbyn adroddiad ar yr
uchod (ynghlwm). *10.30yb
– 11.00yb Dogfennau ychwanegol: Cofnod: Cyflwynwyd – adroddiad yr Aelod
Cabinet Plant a Phobl Ifanc
yn darparu gwybodaeth i’r pwyllgor ar bobl
ifanc sy’n gadael gofal, gan
gyfeirio’n benodol at:- ·
gynnydd y Cyngor yn erbyn adroddiad
Breuddwydion Cudd y Comisiynydd Plant; ·
Y Cynllun Pan Fyddai’n Barod; ·
cysylltiad gyda’r Panel Rhiant Corfforaethol; ·
cyrhaeddiad plant mewn gofal; a ·
gwasanaethau allsirol yn Gymraeg. Ymhelaethodd yr Aelod Cabinet a’r swyddogion ar gynnwys yr
adroddiad, gan hefyd ymateb i
gwestiynau / sylwadau gan yr aelodau. Amlygwyd y prif bwyntiau a ganlyn yn ystod
y drafodaeth:- ·
Amlygir llwyddiant y gwasanaeth a gynigir i bobl ifanc
rhwng 21 a 25 oed gan y ffaith bod 38 o’r 40 achos sy’n
agored wedi dewis parhau i
dderbyn y gefnogaeth. ·
Croesawyd y ffaith bod y cynghorwyr personol yn cynorthwyo’r
bobl ifanc i hawlio’r gefnogaeth
ariannol sydd ar gael iddynt. ·
Mynegwyd cefnogaeth i’r trefniadau cydweithio gyda’r prifysgolion sydd bellach yn
rhoi cydnabyddiaeth i sefyllfa pobl
ifanc sy’n gadael gofal, e.e.
drwy ganiatáu ymestyn hyd eu
cwrs. ·
Nodwyd ei bod yn amlwg bod dealltwriaeth
yr adran o ddatblygiad y bobl ifanc wedi gwella
a’u bod felly’n gallu rhoi’r gefnogaeth
briodol iddynt ar yr adeg
iawn. ·
Awgrymwyd bod geiriad llythyr y gwasanaeth at ymadawyr gofal (a gynhwyswyd yn yr atodiad
i’r adroddiad) yn hir ac yn
gymhleth ac y gallai fod yn fwy
cynhwysol. Er hynny, cydnabyddid
yr anhawster oherwydd y disgwyliad i’r llythyr gyd-fynd
ag adroddiad y Comisiynydd Plant. ·
Roedd yn dda gan yr
aelodau ddeall bod grŵp brwdfrydig o bobl ifanc a gweithwyr
yn awyddus i ail sefydlu grŵp
llety a chefnogaeth pobl ifanc a chroesawyd
y bwriad i ymgysylltu â’r bobl ifanc hynny
drwy’r cyfryngau cymdeithasol. ·
Pwysleisiwyd mai’r hyn sy’n
bwysig yw bod yr unigolyn yn
cyrraedd ei lawn botensial, ac er bod hynny’n cael ei
fesur gan yr adran, nid
yw’n cael ei arddangos yn
ystadegau’r Llywodraeth ar ganlyniadau TGAU plant mewn gofal. I grynhoi, diolchodd y Cadeirydd i’r Aelod
Cabinet a’r swyddogion am yr wybodaeth a’r
atebion i’r cwestiynau, gan nodi ei bod yn
amlwg bod y gwasanaeth yn gwneud eu
gorau dros bobl ifanc sydd
wedi bod mewn gofal. Nododd yr
Aelod Cabinet ei fod yntau’n dymuno
achub ar y cyfle i ddiolch
i’r Tîm Ôl-16 am fynd y filltir ychwanegol yn cynorthwyo’r
bobl ifanc hyn. Gadawyd copïau o astudiaeth achos unigolyn a dderbyniodd gymorth gan gynllun ADTRAC (cynllun i gefnogi pobl ifanc
rhwng 16 a 24 oed yng Ngogledd Cymru
sy’n wynebu rhwystrau sy’n eu hatal rhag
mynd ymlaen i addysg, gwaith
neu hyfforddiant) gyda’r aelodau ar ddiwedd y cyfarfod. |
|
TALIADAU TAI DEWISOL PDF 110 KB Aelodau Cabinet – Y Cynghorwyr
Craig ab Iago a Peredur Jenkins Derbyn adroddiad ar yr
uchod (ynghlwm). *10.30yb
– 11.00yb Dogfennau ychwanegol: Cofnod: Cyflwynwyd – adroddiad yr Aelod
Cabinet Cyllid a’r Aelod Cabinet Tai, Hamdden a Diwylliant yn ateb
ymholiadau’r pwyllgor yn eu cyfarfod
blaenorol am wariant y Cyngor ar y Cynllun
Taliadau Tai Dewisol. Ymhelaethodd y swyddogion ar gynnwys
yr adroddiad, gan hefyd ymateb
i gwestiynau / sylwadau gan yr
aelodau. Gan gyfeirio at baragraff 32 o’r adroddiad, nodwyd bod y swm sy’n weddill
i’w wario yn y flwyddyn ariannol
hon wedi gostwng o
£47,446.91 i ychydig dan £23,000 ers paratoi’r adroddiad a bod dros 1,500 o geisiadau wedi derbyn cymorth. Amlygwyd y prif bwyntiau a ganlyn yn ystod
y drafodaeth:- ·
Croesawyd y ffaith bod Gwynedd yn derbyn yr ychwanegiad
gwledig yn sgil lobïo gan
awdurdodau lleol, yn cynnwys Gwynedd. ·
Gan i’r Llywodraeth ymrwymo arian yn 2015 ar
gyfer y cynllun Taliadau Tai Dewisol dros gyfnod o 5 mlynedd yn unig,
mynegwyd pryder ynglŷn â beth fyddai’n digwydd petai’r arian yn
dod i ben yn 2020/21, yn enwedig o ystyried yr oedi sydd
wedi digwydd o ran cyflwyno’r trefniadau credyd cynhwysol newydd. Croesawyd y ffaith bod unedau o fewn y Cyngor wedi adnabod
a chychwyn edrych ar hyn a bod yna
waith lobïo’n digwydd eisoes a nodwyd hefyd bod lle i’r Cyngor
weithio ar y cyd o ran lobïo gyda’r cynghorau eraill yng Nghymru
sy’n derbyn yr ychwanegiad gwledig. ·
Roedd yr aelodau yn fodlon
bod gwir wariant y Cyngor wedi bod yn agos iawn
i’r swm a ddyrennir gan y Llywodraeth ar gyfer Taliadau Tai Dewisol ym mhob
blwyddyn. Hefyd, oherwydd natur y gwariant, lle mae angen ymrwymo gwariant
am flwyddyn gyfan, a chadw arian wrth
gefn i ddelio
â cheisiadau newydd sy’n dod i
mewn yn ystod
y flwyddyn, credid bod y perfformiad blynyddol o safbwynt yr amrywiant
rhwng y gyllideb a’r gwir wariant
o fewn y terfynau disgwyliedig. I grynhoi, diolchodd y Cadeirydd i’r swyddogion am yr esboniad llawn a chlir o’r sefyllfa |
|
DIWEDDARIAD YMCHWILIAD CRAFFU CEFNOGI POBL ANABL GWYNEDD PDF 65 KB Derbyn adroddiad y Gweithgor ar yr uchod (ynghlwm). *11.30yb
– 12.00yp *amcangyfrif o’r amseroedd Dogfennau ychwanegol: Cofnod: Cyflwynwyd – adroddiad cynnydd ar waith yr
Ymchwiliad Craffu Cefnogi Pobl Anabl
Gwynedd yn:- ·
atgoffa’r aelodau o gefndir a nod yr ymchwiliad; ·
manylu ar gefndir y ddarpariaeth brosthetig a chadeiriau olwyn sydd ar gael
ar hyn o bryd a thystiolaeth defnyddwyr y gwasanaeth; ac yn ·
amlinellu’r camau nesaf. Ymhelaethodd Cadeirydd y Gweithgor, y Cynghorydd Dewi Roberts a’r swyddog ar gynnwys
yr adroddiad, gan hefyd ymateb
i gwestiynau / sylwadau gan yr
aelodau. Nodwyd bod tystiolaeth gan 8 defnyddiwr gwasanaeth arall i law ers paratoi’r
adroddiad, a bod pob un ohonynt yn
cael trafferthion ac yn feirniadol o’r
gwasanaeth a dderbyniwyd. Amlygwyd y prif bwyntiau a ganlyn yn ystod
y drafodaeth:- ·
Pwysleisiwyd pwysigrwydd cael y gadair olwyn iawn
oherwydd y gall wneud gwahaniaeth mawr i fywyd yr
unigolyn. ·
Mynegwyd pryder nad
oes yna arbenigwr
yn Wrecsam ar gyfer defnyddwyr
cadair olwyn actif, megis pobl
ifanc sydd wedi cael damwain. ·
Nodwyd mai un o’r problemau
ar hyn o bryd yw’r diffyg
cyfathrebu ar wahanol lefelau. ·
Awgrymwyd bod yna ganfyddiad gwahaniaeth yn safon y gwasanaeth sy’n cael ei
ddarparu gan wahanol ganolfannau Gwasanaeth Ystum Corff a Symudedd (“GYCS”) ar draws Cymru a phwysleisiwyd yr angen i ymchwilio
i hyn ymhellach. I grynhoi, nododd y Cadeirydd ei bod yn amlwg bod y Gweithgor yn edrych
i mewn i’r
maes hwn
mewn manylder a gofynnodd i’r Ymchwiliad
barhau â’i waith gan gyflwyno
argymhellion i’r pwyllgor hwn pan fydd y darlun yn
gyflawn. |