Rhaglen, penderfyniadau a chofnodion

I ethol Cadeirydd ar gyfer 2022 / 2023

ETHOL Y CYNGHORYDD DAFYDD MEURIG YN GADEIRYDD Y PWYLLGOR HWN AR GYFER 2022 / 23

Etholwyd y Cynghorydd Dafydd Meurig yn Gadeirydd y Pwyllgor hwn ar gyfer 2022 / 23

I ethol Is gadeirydd ar gyfer 2022 / 2023

ETHOL Y CYNGHORYDD MENNA JONES YN IS-GADEIRYDD Y PWYLLGOR HWN AR GYFER 2022 /23

Etholwyd y Cynghorydd Menna Jones yn Is-Gadeirydd y Pwyllgor hwn ar gyfer 2022 / 23

I dderbyn unrhyw ymddiheuriadau am absenoldeb

Derbyniwyd ymddiheuriadau gan y Cynghorydd June Jones a’r Cynghorydd Elwyn Jones (Cadeirydd y Cyngor)

Gadawodd y Cynghorydd Angela Russell y cyfarfod yn dilyn eitem 7 (cau allan y wasg a'r cyhoedd) oherwydd nad oedd ar gael i fynychu’r cyfweliadau ar y 28ain o Orffennaf 2022.

I dderbyn unrhyw ddatganiad o fuddiant personol

Y Cynghorydd Dyfrig Siencyn oherwydd ei fod yn adnabod un o’r ymgeiswyr

Yn dilyn cyngor cyfreithiol, roedd yr Aelod o’r farn nad oedd yn fuddiant a oedd yn rhagfarnu

.

Nodi unrhyw eitemau sy’n fater brys ym marn y cadeirydd fel y gellir eu hystyried.

Dim i’w nodi

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 7fed o Chwefror 2022 fel rhai cywir  

Llofnododd y Cadeirydd gofnodion cyfarfod o’r pwyllgor hwn a gynhaliwyd ar 7fed o Chwefror 22 fel rhai cywir

Bydd y Cadeirydd yn cynnig y dylid cau’r wasg a’r cyhoedd allan o’r cyfarfod yn ystod y drafodaeth ar yr eitem canlynol gan ei fod yn debygol y datgelir gwybodaeth eithriedig fel y’i diffinnir ym mharagraff 12, Rhan 4, Atodiad 12A, Deddf Llywodraeth Leol 1972. Mae’r paragraff yma yn berthnasol oherwydd bod yr adroddiad yn cynnwys gwybodaeth am unigolion penodol sydd a hawl i breifatrwydd. Nid oes unrhyw fudd cyhoeddus sydd yn galw am ddatgelu gwybodaeth bersonol am yr unigolion yma. O ganlyniad mae’r budd cyhoeddus yn disgyn o blaid cadw’r wybodaeth yn eithriedig

PENDERFYNWYD cau’r wasg a’r cyhoedd allan o’r cyfarfod yn ystod y drafodaeth ar yr eitem ganlynol gan ei fod yn debygol y datgelir gwybodaeth eithriedig fel y’i diffinnir ym mharagraff 12, Rhan 4, Atodiad 12A, Deddf Llywodraeth Leol 1972. Mae’r paragraff yma yn berthnasol oherwydd bod yr adroddiad yn cynnwys gwybodaeth am unigolion penodol sydd â hawl i breifatrwydd. Nid oes unrhyw fudd cyhoeddus sydd yn galw am ddatgelu gwybodaeth bersonol am yr unigolion yma. O ganlyniad mae’r budd cyhoeddus yn disgyn o blaid cadw’r wybodaeth yn eithriedig

I ystyried ceisiadau gan ymgeiswyr.

Pecyn gwybodaeth a ffurflenni cais wedi ei dosbarthu i Aelodau’r Pwyllgor yn unig

PENDERFYNIAD:

·         RHOI DAU YMGEISYDD AR Y RHESTR FER AR GYFER CYFARWYDDWR CORFFORAETHOL GOFAL CYMDEITHASOL

·         RHOI TRI YMGEISYDD AR Y RHESTR FER AR GYFER CYFARWYDDWR CORFFORAETHOL

·         GWAHODD MORWENA EDWARDS (Cyfarwyddwr Corfforaethol presennol) I’R CYFWELIADAU FEL SYLWEDYDD

·         CYNNAL Y CYFWELIADAU AR FFURF HYBRID

Datganwyd siom bod dogfennaeth parthed y swyddi wedi cyrraedd yr Aelodau yn  hwyr yn y dydd ac o ganlyniad bod yr amser paratoi  wedi bod yn gyfyng iawn.

Adroddodd y Cadeirydd bod 7 cais wedi ei derbyn am y swyddi a bod hyn yn galonogol iawn.

Gwahoddwyd y Prif Weithredwr i gyflwyno crynodeb ar y ceisiadau. Amlygodd bod un swydd ar gyfer Cyfarwyddwr Corfforaethol Gofal Cymdeithasol ac un arall ar gyfer Cyfarwyddwr Corfforaethol

Trafodwyd y ceisiadau yn unol â gofynion y swyddi gan ganolbwyntio ar y prif gymwyseddau.

PENDERFYNWYD

·         RHOI DAU YMGEISYDD AR Y RHESTR FER AR GYFER CYFARWYDDWR CORFFORAETHOL GOFAL CYMDEITHASOL

·         RHOI TRI YMGEISYDD AR Y RHESTR FER AR GYFER CYFARWYDDWR CORFFORAETHOL

Wrth ymhelaethu ar y camau nesaf, amlygodd Eurig Williams (Rheolwr Gwasanaethau Ymgynghorol Adnoddau Dynol) y byddai Canolfan Asesu gyda chefnogaeth cwmni allanol yn cael ei gynnal ynghyd a Chyfweliad Proffesiynol gyda’r Prif Weithredwr a’r Cyfarwyddwr Corfforaethol presennol. Bydd adroddiad ffurfiol o ymatebion yr ymgeiswyr ac adborth o’r perfformiad yn cael ei ddarparu gan y Ganolfan Asesu a’r Prif Weithredwr i’w gyflwyno ar lafar i’r Pwyllgor Penodi Prif Swyddogion ar ddiwrnod y cyfweliadau.

Trafodwyd pum cwestiwn a thestun cyflwyniad priodol ar gyfer y cyfweliad.

Cyfweliadau i’w cynnal 28 Gorffennaf 2022

Cynigiwyd gwahodd Morwena Edwards (Cyfarwyddwr Corfforaethol) i’r cyfweliadau fel sylwedydd.

Cynigwyd cynnal y cyfweliadau ar ffurf hybrid gan roi dewis i’r ymgeiswyr, Aelodau Pwyllgor a’r swyddogion fynychu wyneb yn wyneb neu yn rhithiol.

PENDERFYNIAD:

•           Gwahodd Morwena Edwards i’r cyfweliadau fel sylwedydd

•           Cynnal y cyfweliadau ar ffurf hybrid