The Sandbar Restaurant, The Warren, Lôn Port Morgan, Abersoch LL53 7AA
I ystyried y cais
Cofnod:
1.
The Sandbar Restaurant, The Warren, Abersoch
Roedd y Cynghorwyr
Elfed Williams a Jason W Parry wedi ymweld â’r safle o dan drefniant a
goruchwyliaeth Heilyn Williams, Swyddog Trwyddedu 04.11.19
Cyflwynwyd y panel a’r swyddogion i bawb oedd yn
bresennol a chyhoeddwyd bod gan bawb hyd at 10 munud i gyflwyno sylwadau
uniongyrchol ar y cais.
Ar ran yr eiddo: Julian King,
Haulfryn Group Ltd
Bobby
McGee, Haulfryn
Group Ltd
David
John, Haulfryn
Group Ltd
Matt
Pressman, Haulfryn Group Ltd
Simon Conway,
Haulfryn
Group Ltd
Eraill a wahoddwyd: Mr Ian Williams, Heddlu
Gogledd Cymru
Ymgynghorai lleol – Mr Nigel Jackson
a)
Adroddiad yr Adran Trwyddedu
Cyflwynwyd adroddiad y Rheolwr Trwyddedu yn manylu
ar gais am drwydded eiddo ar gyfer gwerthu alcohol oddi ar yr eiddo, cerddoriaeth fyw, cerddoriaeth
wedi ei recordio tu mewn a thu allan a darpariaeth lluniaeth hwyr y nos, saith
diwrnod yr wythnos.
Tynnwyd sylw at fanylion y gweithgareddau
trwyddedig a’r oriau arfaethedig yn yr adroddiad. Nodwyd bod gan Swyddogion yr
Awdurdod Trwyddedu dystiolaeth ddigonol bod y cais wedi ei gyflwyno yn unol â
gofynion Deddf Trwyddedu 2003 a’r rheoliadau perthnasol.
Cyfeiriwyd at y mesurau yr oedd yr ymgeisydd yn ei
argymell i hyrwyddo’r amcanion trwyddedu ynghyd a’r ymatebion a dderbyniwyd yn
ystod y cyfnod ymgynghori. Amlygwyd y byddai’r amcanion hyn yn cael eu cynnwys
ar y drwydded.
Nodwyd bod sylw wedi ei dderbyn gan Heddlu Gogledd
Cymru yn awgrymu i’r ymgeisydd osod system Teledu Cylch Cyfyng ar yr eiddo.
Derbyniwyd 7 e-bost gan drigolion unedau preswyl gwyliau’r safle yn
gwrthwynebu’r cais ar sail y pedwar amcan trwyddedu - atal trosedd ac anhrefn, atal
niwsans cyhoeddus, sicrhau diogelwch cyhoeddus a gwarchod plant rhag niwed.
Adroddwyd nad oedd yr Awdurdod Trwyddedu wedi eu hargyhoeddi bod y
cais yn cynnig digon o fanylion o ran y mesurau a fwriedi’r eu gweithredu i
dawelu pryderon yr ymatebwyr o sicrhau nad yw’r amcanion trwyddedu yn cael eu
tanseilio.
Wrth ystyried y
cais dilynwyd y drefn ganlynol-:
·
Rhoi cyfle i aelodau’r Is-bwyllgor a’r ymgeisydd
ofyn cwestiynau i’r Rheolwr Trwyddedu.
·
Gwahodd yr ymgeisydd i ymhelaethu ar y cais
·
Rhoi cyfle i’r ymgynghorai gyflwyno eu sylwadau
·
Gwahodd deilydd y drwydded neu ei gynrychiolydd i
ymateb i’r sylwadau
·
Rhoi cyfle i aelodau’r Is-bwyllgor ofyn cwestiynau
i ddeilydd y drwydded.
b)
Wrth
ymhelaethu ar y cais, nododd cynrychiolydd yr ymgeisydd ei fod yn hapus gyda’r
hyn oedd wedi ei gyflwyno. Dosbarthwyd lluniau o’r parc i’r Is-bwyllgor ar
ymgynghorai i gynorthwyo gyda’r elfennau dan sylw.
Ategodd y sylwadau
canlynol:
·
Bod yr ymweliad safle wedi bod yn fuddiol
·
Nad oedd Cyngor Cymuned Abersoch yn gwrthwynebu’r
cais
·
Eu bod yn derbyn amodau’r Heddlu o osod system
Teledu Cylch Cyfyng ar yr eiddo
·
Bod amodau
a rheolau bwyty yn wahanol i reolau a safonau’r parc
·
Bod mynediad i’r safle yn cael ei reoli 24 awr gan
ddau swyddog diogelwch sydd yn gymwysedig gydag Awdurdod y Diwydiant Diogelwch.
·
Bod man droseddau ac anrhefn yn cael eu hymdrin â
hwy yn briodol
·
Bod y
maes parcio yn ddigonol
·
Bod
mwy o oleuadau wedi eu gosod ar y safle
·
Byddai’r
staff wedi eu hyfforddi ar gyfer gweithredu polisi Her 25
·
Derbyn
y sylw bod angen cyfathrebu newidiadau yn well gyda phreswylwyr
·
Bydd y
bwyty yn cael ei reoli yn effeithiol gan ganolbwyntio ar roi profiad da i
ddefnyddwyr
·
Nad oedd bwriad defnyddio’r bwyty ar gyfer cynnal
digwyddiadau cerddoriaeth yn unig - digwyddiadau penodol fydd yn cael eu cynnal
e.e., priodasau, parti Nos Galan
·
Bod y bwyty yn agored i’r cyhoedd
·
Bod caniatâd cynllunio at ddiben defnydd bwyty
·
Ei fod yn barod i ystyried y gwrthwynebiadau ac yn
croesawu deialog agored i geisio tawelu’r pryderon.
Mewn ymateb i
gwestiwn ynglŷn â phryderon sŵn o’r bwyty gan y preswylwyr, cynigiwyd
amodau rheoli sŵn gan gynrychiolydd yr ymgeisydd (petai’r drwydded yn cael
ei chaniau).
·
Ni chaiff sŵn na
dirgryniad ddeillio o’r eiddo fel ei fod yn tarfu’n afresymol ar bobl sydd yn y
cyffiniau
·
Bydd lefel y sŵn
wedi’i fwyhau a ddefnyddir mewn cysylltiad â’r adloniant a ddarperir bob amser
o dan reolaeth y trwyddedai / rheolwyr a gweithredir y system reoli o ran o’r
eiddo nad yw’n hygyrch i’r cyhoedd.
Croesawyd yr
amodau fel cam rhyngweithiol i hyrwyddo’r amcan o atal niwsans cyhoeddus
Ategodd y Rheolwr
Trwyddedu nad oedd Gwarchod y Cyhoedd - Iechyd yr
Amgylchedd wedi cynnig sylwadau gan nad oeddynt wedi derbyn cwynion /
tystiolaeth, ond yn gefnogol i’r amodau sŵn a gynigiwyd.
c)
Manteisiodd
yr ymgynghorai oedd yn bresennol ar y cyfle i ymhelaethu ar y gwrthwynebiadau i
ganiatáu trwydded gan ategu at sylwadau a gyflwynwyd trwy lythyr. Dosbarthwyd
lluniau o’r parc i’r Is-bwyllgor a’r ymgeisydd i gynorthwyo gyda’r elfennau dan
sylw.
Mr Nigel Jackson
·
Nad oedd
gwrthwynebiad i’r ymgeisydd gael trwydded, ond yn hytrach gwrthwynebiad i oriau
gweithgareddau trwyddedig y cais
·
Bod y
lluniau a gyflwynwyd yn gamarweiniol. Er bod y maes parcio yn fawr o ran maint
mae’n cael ei ddefnyddio fel ardal storio unedau preswyl neu garafanau
·
Bod
angen cysondeb gyda rheolau parc a rheolau’r bwyty.
·
Bod
maint y bwyty yn sylweddol fwy na maint y ciosg blaenorol oedd yn cael ei
ddefnyddio fel bar
·
Bod 9
seinydd wedi ei osod ar waliau allanol y bwyty
·
Bod
man droseddau ac anrhefn yn digwydd ar y safle ac y gall gynyddu gyda mynediad
i’r cyhoedd
·
Bod yr
oriau trwyddedig yn annog awyrgylch o yfed a all arwain at broblemau o greu
niwsans cyhoeddus. Pryder os na fydd y bwyty yn llwyddo fel bwyty yna hawdd
fyddai cynnal bar gyda cherddoriaeth yn unig ar y safle.
·
Y
pryder mwyaf yw’r cynnydd mewn cwsmeriaid o du allan i’r Warren all arwain at
gynnydd mewn niwsans cyhoeddus, effaith ar yr amgylchedd a defnydd y cyhoedd
o’r safle.
ch) Yn manteisio ar ei hawl i siarad, amlygodd Swyddog o’r Heddlu nad oedd
gan yr Heddlu dystiolaeth i wrthwynebu’r cais gan mai cais o’r newydd ydoedd.
Amlygodd bod 11 digwyddiad wedi cael ei gofnodi ar gyfer The Warren ond nid
oeddynt yn gysylltiedig â’r eiddo dan sylw. Ategodd ei fod wedi ymweld â’r
safle ac wedi trafod amodau teledu cylch cyfyng gyda’r ymgeisydd.
d)
Wrth grynhoi eu hachos nododd
yr ymgeisydd sylwadau canlynol;
·
Bod
modd trefnu nad yw’r maes parcio yn cael ei ddefnyddio fel storfa
·
Bod y
ciosg blaenorol gyda thrwydded hyd at hanner nos
·
Nad oedd bwriad rhedeg y safle fel safle yfed
·
Na
fydd mynediad ar ôl 11pm i brynu na gwerthu alcohol
·
Y bwriad yw rhedeg bwyty
·
Bod y cwmni wedi ei sefydlu ers 1935 gyda
chysylltiad iach gyda’r gymuned leol - y bwriad yw parhau i gydweithio yn
gyfrifol gyda’r gymuned leol.
·
Bod
buddsoddiad sylweddol yn cael ei wneud i gynnal a gwella’r parc gwyliau moethus
·
Bod
gobaith ymestyn y tymor i 12 mis
·
Bydd y
bwyty yn cyflogi hyd at 24 person yn y cyfnodau prysuraf
·
Bod
bwriad cynnig profiad da mewn lleoliad arbennig
·
Bod gan
y cwmni enw da i’w warchod
Mewn ymateb i’r
sylw ynglŷn â chydweithio yn gyfrifol amlygodd y gwrthwynebydd bod y cwmni
wedi codi’r ffioedd blynyddol ar gyfer adeiladu’r bwyty gyda dealltwriaeth y
bydd disgownt ar ddiwedd y cyfnod adeiladu. Nid yw hyn bellach yn gywir ac
felly yn enghraifft o weithredu anghyfrifol. Adroddwyd hefyd bod 4 achos o
drwydded dros dro wedi ei chaniatáu a bod un o’r
digwyddiadau hynny wedi ei cynnal heb drwydded. Dadleuwyd os na
all y cwmni gydymffurfio a rheolau trwydded dros dro a ydynt yn haeddiannol o
drwydded lawn.
Mewn ymateb i’r
sylwadau nododd yr ymgeisydd nad oedd unrhyw dor
cyfraith na diffyg cydymffurfio gyda rheolau trwydded dros dro. Ategwyd nad oedd tystiolaeth i gefnogi’r cyhuddiad a bod y sylw
felly yn cael ei wrthbrofi. Nododd y Rheolwr Trwyddedu nad
oedd unrhyw gwyn wedi dod i law ac y byddai’n chwilio am sicrwydd bod yr
ymgeisydd yn cydymffurfio gyda gofynion y drwydded
Ymneilltuodd yr
ymgeisydd o’r ystafell tra bu i aelodau’r Is-bwyllgor drafod y cais.
dd) Wrth gyrraedd y penderfyniad ystyriodd yr
Is-bwyllgor ffurflen gais yr ymgeisydd, sylwadau
ysgrifenedig a gyflwynwyd gan y partïon â diddordeb, adroddiad y Swyddog Trwyddedu, yn ogystal â sylwadau llafar
cynrychiolydd yr ymgeisydd yn y gwrandawiad. Ystyriwyd
hefyd Polisi Trwyddedu’r Cyngor a chanllawiau’r Swyddfa Gartref. Roedd yr holl ystyriaethau yn cael eu pwyso a’u
mesur yn erbyn yr amcanion trwyddedu o dan y Ddeddf
Trwyddedu 2003, sef:
i.
Atal
trosedd ac anhrefn
ii.
Atal
niwsans cyhoeddus
iii.
Sicrhau
diogelwch cyhoeddus
iv.
Gwarchod
plant rhag niwed
PENDERFYNWYD caniatáu y cais
Ystyriwyd nad oedd sylwadau’r Heddlu yn gwrthwynebu’r cais ond yn argymell cynnwys amodau safonol mewn perthynas â Theledu Cylch
Cyfyng. Cynigiwyd yr amod hyn er mwyn hyrwyddo’r amcanion trwyddedu o atal
trosedd ac anhrefn a chadarnhawyd bod yr ymgeisydd yn gytûn.
Nid oedd yr
Is-bwyllgor yn gwadu’r posibilrwydd y gallai rhoi’r drwydded arwain at gynnydd
mewn cwsmeriaid, gan gynnwys cwsmeriaid o du allan i
safle’r Warren. Ni ellir gwadu chwaith y posibilrwydd y gallai rhai o
gwsmeriaid droseddu ac ymddwyn yn wrthgymdeithasol, gan danseilio’r amcan o
atal trosedd ac anhrefn. Yn yr un modd ni ellid
gwadu'r posibilrwydd y gall rhoi’r drwydded arwain at broblemau sŵn a cherddoriaeth
uchel gan danseilio’r amcan o atal niwsans cyhoeddus.
Fodd bynnag, ni chyflwynwyd tystiolaeth gadarn o’r nifer, dwysedd, amledd
o’r digwyddiadau tebygol o droseddu neu gwynion sŵn pe rhoddir y
drwydded. O ganlyniad, anodd yw i’r
Is-bwyllgor ragweld os yw’r problmau yn debygol o gyrraedd y rhiniog o gyfri
fel problem trosedd ac anhrefn neu “niwsans cyhoeddus” o dan gyfraith gwlad.
Nid oedd yr Is-bwyllgor, ar sail y dystiolaeth ddaeth i law yn credu y byddai
caniatáu'r drwydded yn debygol o danseilio’r amcanion o atal trosedd ac
anhrefn, ac atal niwsans cyhoeddus. Ategwyd y byddai’r amodau rheoli sŵn a
gynigiwyd gan yr ymgeisydd yn lleihau unrhyw risg o sŵn yn deillio o’r
eiddo.
Ymysg y
gwrthwynebiadau, amlygwyd bod rheolau yn rhwymo’r preswylfeydd a’r safle’r
Warren. Roedd y rheolau hyn yn cynnwys gwahardd sŵn rhwng 23:00 a 08:00
(rheol 19), a gwahardd yfed alcohol yn gyhoeddus (rheol 20). Tra bod yr
Is-bwyllgor yn derbyn bodolaeth y rheolau hyn, nid oeddynt yn sail i wrthod y
drwydded. Penderfyniad yr Is-bwyllgor yw sicrhau bod oriau a gweithgareddau
trwyddedig y drwydded yn gydnaws â’r amcanion trwyddedu. Amlygwyd na all rheolau sydd wedi eu pennu gan drydydd parti, rheolau
nad yw’r Is-bwyllgor yn gwybod pa ystyriaeth wrthrychol a roddwyd i amcanion
trwyddedu pan gawson nhw eu cyflwyno cael eu hystyried. Ategwyd nad oedd tystiolaeth wedi
dod i law bod bwriad i’r rheolau hyn rwymo’r eiddo ei hun ac fel y nodwyd gan
gynrychiolydd yr ymgeisydd, roedd y bwyty dan sylw o natur cwbl wahanol i’r preswylfeydd.
Yng nghyd-destun
tanseilio’r amcan o sicrhau diogelwch cyhoeddus nid oedd yr Is-bwyllgor wedi
derbyn unrhyw dystiolaeth tu hwnt i ddyfalu, y byddai rhoi’r drwydded yn
tanseilio’r amcan. Adroddwyd bod gan yr eiddo ganiatâd cynllunio ar gyfer ei ddefnydd
bwriedig fel bwyty ac y byddai diogelwch mynediad wedi ei gyfarch fel rhan o’r
broses cynllunio. Nodwyd y byddai unrhyw bryderon diogelwch cyhoeddus wedi eu
trafod gyda’r Adran Priffyrdd, yr Adran Gynllunio neu’r Heddlu ac roedd diffyg
sylwadau'r cyrff hynny yn awgrymu’n gryf na fyddai goblygiadau difrifol i
ddiogelwch cyhoeddus. Atgoffwyd yr Aelodau bod cynrychiolydd yr ymgeisydd wedi
amlygu’r bwriad o gynyddu capasiti’r maes parcio
fyddai yn nhyb yr Is-bwyllgor yn lleihau unrhyw bryderon.
Yn yr un modd, nid
oedd tystiolaeth
ddibynadwy wedi dod i law i gefnogi’r ddadl y byddai caniatau y drwydded yn
rhoi plant mewn niwed. Unwaith eto, eglurwyd nad gwaith yr Is-bwyllgor oedd
dyfalu’r effaith - gellid mesur yr amodau pan fydd yr eiddo yn weithredol. Os
daw cwynion i law bod yr amodau yn aneffeithiol, yna gellid dwyn y drwydded gerbron Is-bwyllgor o
dan gais i wyro neu adolygu’r drwydded. Roedd yr Is-bwyllgor o’r farn bod yr
amodau a gynigiwyd gan yr eiddo yn ddigonol i ddiogelu’r amcan o amddiffyn
plant rhag niwed. Yn ychwanegol, byddai unrhyw ymgais i brynu alcohol dan-oed
yn cael ei gyfarch gan yr eiddo drwy weithredu Cynllun Her 25 yn unol â’r
atodlen weithredol a gyflwynwyd gyda’r cais.
O dan yr
amgylchiadau roedd yr Is-bwyllgor yn fodlon bod y cais, gyda’r amodau rheoli
sŵn a gyflwynwyd gan yr ymgeisydd yn y gwrandawiad, ynghyd â’r amodau a argymhellwyd gan yr Heddlu, yn gydnaws â’r pedwar amcan
trwyddedu.
Adroddodd y Cyfreithiwr y byddai’r penderfyniad
yn cael ei gadarnhau yn ffurfiol drwy lythyr i bawb oedd yn bresennol ynghyd
a’r hawl i gyflwyno apêl yn Llys Ynadon Caernarfon o fewn cyfnod 21 diwrnod o
dderbyn llythyr y cyfreithiwr.
Dogfennau ategol: