Ystyried adroddiad sydd yn rho i amlinelliad i aelodau ynghlyn a pharatoadau
Cofnod:
a) Ar
gais aelodau’r Pwyllgor Craffu Cymunedau, cyflwynwyd adroddiad yr Aelod
Cabinet Tai, yn amlinellu trefniadau’r Cyngor i ymateb i argyfwng Ffoaduriaid o
Syria. Nodwyd yn gryno bod gofyn i Wynedd dderbyn hyd at 40 o bobl dros gyfnod o 4 mlynedd a hanner gyda’r bwriad o dderbyn 10 yn y lle cyntaf er
mwyn dysgu o’r broses.
Amlygwyd bod Gwynedd wedi
cynnig cefnogaeth ers y dechrau ac erbyn hyn yn
rhan o Wedd2. Gyda niferoedd rhestrau aros am dai cymdeithasol
yn uchel, byddai’r ffoaduriaid yn derbyn eiddo
o fewn y sector breifat ac yn derbyn gwarchodaeth
ddyngarol llawn am 5 mlynedd gyda hawl i waith a budd daliadau. Derbyniwyd cadarnhad gan y Swyddfa Gartref
bod pecyn ariannol ar gael i estyn
cymorth ac i hwyluso integreiddio o fewn y gymuned a bod yr ymrwymiad ariannol yma (gan Lywodraeth
San Steffan)
am gyfnod o 5 mlynedd.
O ran amserlen, adroddwyd bod chwe awdurdod yn ystyried
y posibilrwydd o gytuno ar un dyddiad ar gyfer derbyn ffoaduriaid
ac yn y broses o gyflwyno amlinelliad i’r Swyddfa Gartref o’r llety sydd
ar gael. Yn y cyfamser, bydd y Swyddfa Gartref yn prosesu’r
ceisiadau ac yn gwneud asesiadau trylwyr er mwyn
ymateb i’r hyn sydd ar
gael.
Talwyd teyrnged
i drigolion a mudiadau gwirfoddol Gwynedd yn eu hymgyrchoedd arbennig i gefnogi ffoaduriaid a nodwyd bod bwriad cynnal trafodaethau
gyda mudiadau gwirfoddol er mwyn
cydweithio i sicrhau’r defnydd gorau o adnoddau ac arbenigedd. Bydd bwriad hefyd
cysylltu gyda 4 awdurdod arall o Gymru sydd eisoes
wedi derbyn ffoaduriaid er mwyn dysgu a deall
rhai agweddau ymarferol.
b) Mewn ymateb i gwestiwn
ynglŷn â’r ‘cyfnod pum mlynedd’
o gefnogaeth, nodwyd mai integreiddio'r ffoaduriaid i gymdeithas yw'r brif nôd
a bod hawl gan yr unigolion i ddychwelyd neu aros ar ôl
y cyfnod. Bydd adnodd ariannol ar gael am bum mlynedd, ond y gobaith yw y bydd
yr unigolion erbyn hynny, wedi
gwneud cyfraniad llawn i gymdeithas. Nodwyd mai'r tebygolrwydd
yw mai teuluoedd
fydd y rhain yn bennaf.
c) Mewn ymateb i gwestiwn
ynglŷn â’r math o adnodd oedd yn
cael ei gynnig
gan y Llywodraeth, nodwyd bod iechyd ac addysg plant yn cael ei gyfarch
a bod budd- daliadau uwchlaw hyn. Bydd
gofyn bod yn ofalus a gwyliadwrus o’r angen i weithio o fewn y pecyn ariannol
a’r flaenoriaeth ar hyn o bryd
yw llety addas. Ychwanegwyd bod trafodaethau cychwynnol wedi eu cynnal
gydag Iechyd. Nodwyd bod trafodaethau gyda cholegau a darpariaethau cyfathrebu wedi cymryd lle.
d) Mewn ymateb pellach
i gwestiwn ynglŷn ag ystyried rhannu'r ffoaduriaid ar draws Gwynedd yn hytrach na
lleoli'r ffoaduriaid yng Ngogledd y Sir, nodwyd bod y 10 cyntaf yn debygol o gael
eu gosod yn y gogledd, ond
ni fydd rhannau
eraill o’r sir yn cael eu
diystyru. Nodwyd bod y profiad yn cael
ei werthuso gydag ystyriaeth yn cael
ei roi i adnabod cyfleoedd addysg, cyflogaeth a chymuned Syriaid
PENDERFYNWYD: Diolch
am yr adroddiad gan nodi bod y Pwyllgor yn
• Cytuno a derbyn yr argymhelliad i groesawu ffoaduriaid i Wynedd
• Gefnogol i’r paratoadau
trylwyr sydd wedi eu gwneud
• Amlygu’r angen i baratoi'r gymuned leol ar
gyfer derbyn ffoaduriaid er sicrhau plethiad i mewn i gymdeithas leol
• Croesawu’r
defnydd o dai preifat fel na
fydd effaith ar restrau tai cymdeithasol.
Dogfennau ategol: