I ystyried cais Eva Amour, 6th St Anne Square, Stryd Fawr, Abermaw, LL42 1DL
Penderfyniad:
PENDERFYNIAD
GWRTHOD Y
CAIS AR Y SAIL NAD YW'N CYD-FYND Â CHYMERIAD YR ARDAL GYFAGOS A BOD LLEOLIAD
ARFAETHEDIG YR EIDDO YN AGOS I EIDDO A FYNYCHIR GAN BLANT AC OEDOLION BREGUS.
COFNODION:
Ymgeisydd: Mr David Powley a
Mr Daniel Millar (ar ran DD Trading (NW) Ltd)
Ymatebwyr: Mr a Mrs D Hooper,
Mr Trevor Parry, Parchedig Dawn Robinson, Cyng Rob Triggs (Cyngor Tref
Abermaw), Cyng Katie Price (Cyngor Tref Abermaw) a Katie Pattison
Croesawodd y Cadeirydd bawb i’r cyfarfod.
Amlygodd y Cadeirydd y byddai gan bob parti hawl i hyd at 5 munud i gyflwyno eu sylwadau.
a)
Adroddiad yr Adran
Trwyddedu
Cyflwynwyd adroddiad y Rheolwr Trwyddedu yn manylu ar gais am drwydded
siop rhyw ar gyfer Eva Amour,
6, Sgwar Santes Anne, Stryd Fawr, Abermaw.
Eglurwyd bod unrhyw unigolyn sy'n dymuno rhedeg Sefydliad Rhyw yn unol â
diffiniad Deddf Llywodraeth Leol (Darpariaethau Amrywiol)
1982 angen trwydded sefydliad rhyw, oni bai bod yr awdurdod priodol wedi hepgor
y gofyn am drwydded. Gan fod darpariaethau'r Ddeddf wedi eu mabwysiadu'n llawn
7fed o Hydref 2021, ni all unrhyw fusnes o'r fath weithredu yn ardal Gwynedd
heb drwydded ddilys. Er hynny, gan fod y busnes yma wedi ymgeisio am drwydded
ym mis Chwefror 2021, cyn mabwysiadu'r system drwyddedu i holl ardal Gwynedd,
nid oedd gan y Cyngor unrhyw bwerau i atal y busnes rhag agor heb drwydded ar y
pryd a nodwyd bod y busnes wedi bod yn masnachu ers Rhagfyr 2021.
Cyfeiriwyd at y broses o reoleiddio sefydliadau rhyw a'r broses
drwyddedu gan amlygu bod pum rheswm gorfodol am wrthod cais - os yw'r ymgeisydd
• Yn iau na 18 mlwydd oed
• Ar hyn o bryd wedi cael
ei wahardd rhag dal trwydded sefydliad rhyw
• Ddim
yn gorff corfforedig ac nad yw'n byw neu nad yw wedi byw yn y DU am y chwe mis
cyn dyddiad y cais hwn
• Yn gorff corfforedig
sydd ddim wedi'i ymgorffori yn y DU
• Yn
y 12 mis cyn dyddiad y cais hwn wedi cael gwrthod caniatâd neu gais i adnewyddu
trwydded ar gyfer yr eiddo sy'n destun y cais hwn, oni bai bod y gwrthodiad
wedi cael ei wyrdroi mewn apêl
Ategwyd, nad oedd
unrhyw un o'r rhesymau gorfodol hyn dros wrthod yn berthnasol yn yr achos hwn
ond cyfeiriwyd at y rhesymau dewisol -
• Os
yw'r ymgeisydd yn anaddas ar gyfer dal y drwydded am ei fod wedi derbyn collfarn
am drosedd
• Pe
bai'r busnes yn cael ei reoli neu ei weithredu er budd trydydd parti fyddai
ddim yn derbyn trwydded eu hunain
• Bod
nifer y sefydliadau rhyw yn yr ardal leol neu o'r math penodol hwn yn yr ardal
leol gyfartal neu'n uwch na'r nifer yr ystyrir yn briodol
• Yn amhriodol o ran:
i. Cymeriad
yr ardal leol berthnasol - yn fater i'r aelodau, yn seiliedig ar ffeithiau'r
cais. Nodwyd nad oedd rhaid diffinio'r ardal leol berthnasol yn glir, ac fe all
yr aelodau benderfynu bod yr ardal leol yn yr achos yma yn cyfeirio at yr ardal
sy'n amgylchynu'r eiddo ar/neu wrth ymyl Sgwâr Santes Anne, ar y Stryd Fawr yn
Abermaw yn yr achos yma.
ii. Defnydd yr eiddo yn y cyffiniau
iii. Gosodiad, cymeriad, cyflwr neu leoliad
yr eiddo
Tynnwyd sylw at yr
ymatebion a dderbyniwyd yn ystod y cyfnod ymgynghori. Nodwyd bod 82
gwrthwynebiad wedi ei dderbyn yn ystod y cyfnod ymgynghori cychwynnol ac 8 o
sylwadau’n cefnogi’r cais. Ymysg y sylwadau gan drigolion, derbyniwyd
gwrthwynebiadau hefyd gan ddiaconiaid Eglwys Crist, Eglwys Bresbyteraidd Cymru
a'r Cyngor Cymuned ac offeiriaid lleol. Cyflwynwyd sylwadau ar y cais gan
Heddlu Gogledd Cymru, Gwasanaeth Tân ac Achub Gogledd Cymru ac Adran Iechyd yr
Amgylchedd a Safonau Masnach y Cyngor gan gadarnhau nad oedd ganddynt unrhyw
wrthwynebiadau i'r cais
Wedi trafodaethau
gyda'r ymgeisydd, oherwydd bod 11 mis wedi mynd heibio ers cynnal yr
ymgynghoriad ar y cais, penderfynwyd caniatáu i holl ymatebwyr y cais
ailystyried eu sylwadau. Anfonwyd llythyr ar 28 Ionawr 2022 at bawb ymatebodd
yn wreiddiol, i alluogi'r cyfle i gadarnhau, addasu neu ddileu eu sylwadau.
Derbyniwyd 22 o sylwadau, 20 yn cadarnhau eu gwrthwynebiad i'r cais,
gyda 5 ohonynt yn cyflwyno sylwadau wedi'i haddasu. Roedd un ymatebwr wedi
gofyn am ddileu ei wrthwynebiad, yn seiliedig ar y ffaith nad oedd yr
arddangosfa ffenestr siop yn peri tramgwydd fel yr ofnid i ddechrau. Roedd un ymatebwr oedd yn cefnogi'r cais wedi
gwneud sylwadau ar y broses o benderfynu ar y cais.
Argymhellwyd i’r Is-bwyllgor wrthod y cais ar y sail nad oedd yn
cyd-fynd â chymeriad yr ardal gyfagos a bod lleoliad arfaethedig yr eiddo yn
agos i eiddo a fynychir gan blant ac oedolion bregus.
Wrth ystyried y
cais dilynwyd y drefn ganlynol-:
· Rhoi cyfle i
aelodau’r Is-bwyllgor ofyn cwestiynau i’r Rheolwr Trwyddedu
· Rhoi cyfle i’r
ymgeisydd ofyn cwestiynau i’r Rheolwr
Trwyddedu
· Gwahodd yr
ymgeisydd i ymhelaethu ar y cais
· Rhoi cyfle i
aelodau’r Is-bwyllgor ofyn cwestiynau i’r ymgeisydd
· Rhoi cyfle i’r ymgynghorai gefnogi sylwadau ysgrifenedig
· Rhoi cyfle i
aelodau’r Is-bwyllgor ofyn cwestiynau i’r ymgynghorai
· Cyfle i’r Rheolwr
Trwyddedu a’r ymgeisydd grynhoi eu hachos
b)
Nid oedd gan yr Is-bwyllgor gwestiynau i’r Rheolwr
Trwyddedu
c)
Cwestiynau gan yr ymgeisydd ac ymatebion y Rheolwr
Trwyddedu
A oedd yr awgrym gan yr ymgeisydd, mewn
e-bost i’r Adran Trwyddedu i ail
ddechrau’r broses yn un rhesymol? Cadarnhawyd bod e-bost yn gofyn am ail
dechrau’r broses wedi ei dderbyn, ond bod hyn wedi ei dderbyn ar ôl i’r
ymgeisydd weld yr adroddiad pwyllgor a’r argymhelliad |
A oedd yr ymatebion wedi eu hystyried yn
deg cyn eu cyhoeddi? Pob gofal wedi ei wneud wrth drin a’r
ymatebion. Nid oes hawl gan y Rheolwr Trwyddedu i ddehongli pa sylwadau sydd yn
briodol - bydd y Rheolwr Trwyddedu yn
sicrhau bod yr holl sylwadau yn cael eu cyflwyno i’r ymgeisydd gael cyfle i’w
gweld ac ymateb iddynt ac i’r Is-bwyllgor eu hystyried wrth ddod i
benderfyniad |
A yw’r Cyngor yn cefnogi sylwadau ffug ac
yn caniatáu dirnadaeth? Bod
gan ymatebwyr yr hawl i gyflwyno eu barn / sylwadau ac nid oes hawl rhwystro
sylwadau o blaid nac yn erbyn |
A oedd
y Cyngor ar fai yn dechrau proses ymgynghori heb fabwysiadu’r Ddeddf
a’r datganiad rheoli sefydliadau rhyw? Derbyn y farn, ond nodwyd bod y Ddeddf yn
caniatáu ceisiadau ôl-weithredol. Ategodd y Pennaeth Cyfreithiol o dan
atodiad 3 o Ddeddf 1982, bod modd
cyflwyno cais rhag-blaen |
Ydy yn deg dweud bod canran sylweddol o’r
ymatebion a gyhoeddwyd yn anghywir? Dim
ymateb |
Pam nad oedd crynodeb o’r sylwadau cefnogi
yn yr adroddiad? Yr adroddiad yn canolbwyntio ar y gwrthwynebiadau - hyn yn
annheg o ystyried bod dros 400 yn cytuno gyda’r cais Bod yr holl sylwadau wedi cael eu
hystyried gan ganolbwyntio ar sylwadau ymatebwyr oedd yn lleol i gymuned
Abermaw. Rhai sylwadau o blaid wedi eu cyflwyno o dramor. Ategwyd mai llofnod yn unig oedd ar y
ddeiseb cefnogi a dim sylwadau ysgrifenedig. Natur y sylw sydd yn bwysig ac
nid y nifer a dderbyniwyd |
Ai'r sylwadau yn dilyn yr ail ymgynghoriad
a ddylid fod wedi eu cyhoeddi yn unig? Yr
holl sylwadau yn parhau i fod yn berthnasol. Mater i’r Is-bwyllgor yw
dehongli perthnasedd y sylwadau i’r cais |
A oedd geiriad y llythyr a anfonwyd i’r ymatebwyr
gwreiddiol yn cynnig ail gyflwyno / ail ystyried eu sylwadau yn annheg? Anfonwyd
y llythyr o dan amgylchiadau teg – cynnig i bawb ail gyflwyno eu sylwadau |
Sylwadau am y drws ochr – sut rhannwyd y
wybodaeth yma? Cyfeiriad at ddrws ochr wedi ei gynnwys yn
ffurflen gais yr ymgeisydd a’r ymatebwyr wedi ymateb i hyn |
Beth yw ‘sex tourism’? Dim
sylw |
Pam bod yr awgrym o gynnig cefnogaeth,
cwnsela a gwybodaeth am iechyd rhywiol wedi ei gamddehongli? Cyfeiriad yn ffurflen gais yr ymgeisydd yn
mynegi hyn. Yn dilyn ymateb gan yr ymgeisydd yn nodi mai eu dyhead oedd
cynnig hyn ‘We aim’ ac ‘We plan’, derbyniwyd cadarnhad am ystyr y
sylw |
Pam bod sylwadau am bwysau ychwanegol ar y swyddfa bost yn cael
eu hystyried yn negyddol? Dim sylw ychwanegol - sylwadau gan
ymatebwyr sydd yma |
Beth yw ‘significant
degree’? Dehongli’r
ymadrodd yn rhan o drafodaeth ehangach ac nid i’w ystyried wrth drafod y
cais. |
Ategodd y Rheolwr
bod trafodaethau rheolaidd wedi eu cynnal gyda’r ymgeisydd, gan geisio rhoi arweiniad.
ch) Wrth
ymhelaethu ar y cais, nododd yr ymgeisydd:
·
Bod llawer o gefnogaeth i’r fenter newydd gyda rhai
oedd yn gwrthwynebu bellach wedi newid eu meddwl
·
Bod y siop o fewn ardal breswyl ei natur ond bod
pawb bellach yn gefnogol a nifer fawr wedi arwyddo deiseb yn cefnogi’r fenter
·
Bod perthynas dda gyda’r dafarn leol - yn cydgordio
digwyddiadau
·
Bod perthynas dda gyda siopau eraill yn yr ardal
·
Bod cyfeiriad yn y polisi tuag at ‘fannau agored’
yn cyfeirio at barciau
·
Wedi trafodaeth gyda’r Eglwys – nid yw eu
gwrthwynebiad yn sefyll bellach nawr mae’r siop yn agored a’r hyn sydd yn amlwg
·
Bod nifer yn pryderu am yr hyn ‘nad yw’n hysbys’ -
y siop wedi ei gyflwyno yn chwaethus
·
Bod siopau eraill tebyg wedi eu sefydlu ger Eglwysi
a bellach yn cyd-fyw heb unrhyw bryderon
·
Nid oes unrhyw gynnyrch yn cael ei arddangos yn ffenest y siop
·
Bod holl siopau Ann Summers
ar draws y wlad yn gweithredu heb drwydded ac wedi eu lleoli mewn ardaloedd
prysur
·
Bod diogelwch y gymuned yn bwysig – bwriadu cadw at
reolau a gweithredu yn gyfreithiol
·
Bod gwybodaeth a gafodd ei gamddehongli / gamddeall
bellach wedi diflannu
·
Bod mwyafrif o’r cwsmeriaid yn lleol
·
Nid oes digwyddiadau / dathliadau ‘Stag and Hens’
yn digwydd yn Abermaw
·
Y bwriad yw cael siop gyda thrwydded
Mewn ymateb i
gwestiwn ynglŷn a rheoli’r fenter heriol yma yn gyfrifol a safonol heb
ddwyn anfri ar y dref, nododd yr ymgeisydd ei fwriad o gyflwyno’r siop mewn
modd chwaethus. Ategodd bod adborth calonogol wedi ei dderbyn ynglŷn a
chyflwyniad y siop a’i fod yn ychwanegu gwerth i’r stryd fawr. Ategodd bod rhai
yn teithio’n benodol i ymweld a’r siop ac yn aros yn y dref gan gyfrannu at yr
economi leol. Nid ydynt yn canolbwyntio ar gynnyrch rhad.
d)
Manteisiodd yr ymgynghorai oedd yn bresennol ar y
cyfle i ymhelaethu ar sylwadau a gyflwynwyd ganddynt drwy lythyr.
Mrs Hooper
·
Yn cadw at ei sylwadau gwreiddiol o fod yn
gwrthwynebu’r cais
·
Pryder am leoliad y siop - gerllaw'r Eglwys, Meithrinfa a lle mae teuluoedd yn siopa
·
Y siop yn anaddas ar gyfer tref gwyliau i deuluoedd
·
Y siop o fewn ardal sydd yn hygyrch i bobl fregus
Cyng. Katie Price
·
Bod y Cyngor wedi derbyn nifer fawr o
wrthwynebiadau – llawer mwy na’r hyn sy’n arferol
·
Cyngor Tref yn gwrthwynebu yn benodol oherwydd lleoliad
y siop sydd gyda chroesfan cerdded o’i blaen; bod addoldy prysur gyferbyn a’r
siop sydd yn cynnal gwasanaethau, priodasau, angladdau a chyfarfodydd ieuenctid
Cyng Rob Triggs
·
Ategu sylwadau Cyng Katie Price
·
Dim sylwadau personol ond gwrthwynebiad wedi ei
gyflwyno yn unol â sylwadau’r trigolion
lleol
Mewn ymateb i gwestiwn ynglŷn â
phleidlais y Cyngor Tref ar y cais,
nodwyd bod y bleidlais i wrthod wedi bod yn unfrydol ac nad oedd yr un llythyr
o gefnogaeth wedi ei dderbyn
Mr D Hooper
·
Yn cadarnhau ei wrthwynebiad gyda phwyslais ar
anaddasrwydd y lleoliad
Parchedig Dawn Robinson
·
Cadarnhau bod ei gwrthwynebiadau yn sefyll - siarad
ar ran yr Eglwys
·
Anghytuno gyda lleoliad y siop
Katie Pattison
·
Yn rhiant lleol ac yn gefnogol i’r cais
·
Yn rhannu'r un fynedfa i’w chartref a’r siop
·
Dim rhesymau moesol dros wrthwynebu’r cais
·
Bod mwy o adnoddau all achosi tramgwydd yn y Siop
Roc!
·
Nid yw ei phlant wedi gwneud sylw wrth gerdded heibio’r siop i’r ysgol
·
Wedi dod i adnabod yr ymgeiswyr yn dda
·
Ni ddylid cuddio’r siop
·
Ei bod wedi anfon e-bost yn cadarnhau ei
chefnogaeth
dd) Yn manteisio ar y cyfle i
gloi'r achos, nododd y Rheolwr Trwyddedu'r pwyntiau canlynol
·
Y cais wedi ennyn llawer o sylw yn y gymuned leol
·
Y gymuned leol wedi amlygu teimladau cryfion a
rhain wedi eu rhannu
·
Tynnwyd sylw at y ofynion y ddeddf ynghyd a’r
polisi
·
Lleoliad y siop yw’r sail dros yr argymhelliad i
wrthod – nid yw yn leoliad addas i gymeriad yr ardal gyfagos
e)
Yn manteisio ar y cyfle i gloi'r achos, nododd yr
ymgeisydd y pwyntiau canlynol gan ymateb hefyd i’r pryderon a amlygwyd gan yr
ymatebwyr:
·
Bod cael trwydded ar y siop wedi bod yn rhan o’r
cynllun ers y dechrau
·
Llawer o ddiddordeb yn y siop wedi ennyn cefnogaeth
·
Ers agor, y siop efallai wedi derbyn mwy o
gefnogaeth
·
Eu bod yn rhan o’r gymuned - yn cyflogi pobl leol
·
Eu bod yn byw yn yr eiddo
·
Gellid sicrhau diogelwch i’r gymuned
·
Trwydded yn ddilys am 12 mis – hwn yn gyfle da
Ymneilltuodd yr ymgeisydd, yr ymatebwyr a’r Rheolwr Trwyddedu o’r cyfarfod
tra bu i aelodau’r Is-bwyllgor drafod y cais
Wrth gyrraedd y
penderfyniad ystyriodd yr Is-bwyllgor ffurflen gais yr ymgeisydd, sylwadau
ysgrifenedig a gyflwynwyd gan y partïon â diddordeb, adroddiad y Swyddog
Trwyddedu yn argymell gwrthod y cais ynghyd â sylwadau llafar pob parti yn
bresennol yn y gwrandawiad.
Roedd yr holl
ystyriaethau yn cael eu pwyso a’u mesur yn erbyn egwyddorion Deddf Llywodraeth
Leol (Darpariaethau Amrywiol) 1982 sydd yn cynnwys cynllun trwyddedu i reoli
sefydliadau rhyw (Siopau rhyw a sinemâu rhyw). Mabwysiadwyd Cyngor Gwynedd y
Ddeddf ynghyd a Datganiad o Bolisi Trwyddedu Sefydliadau Rhyw mewn cyfarfod o’r
Cyngor Llawn ar y 7fed o Hydref 2021
PENDERFYNWYD:
GWRTHOD Y CAIS AR Y SAIL NAD YW'N CYD-FYND Â CHYMERIAD YR ARDAL GYFAGOS A BOD
LLEOLIAD ARFAETHEDIG YR EIDDO YN AGOS I EIDDO A FYNYCHIR GAN BLANT AC OEDOLION
BREGUS.
Rhesymau:
Roedd yr Is
Bwyllgor yn fodlon nad oedd y seiliau ar gyfer gwrthod cais yn Atodiad 3
paragraff 12(1)
o’r Deddf yn perthnasu i’r cais. Gan hynny ystyriwyd y cais dan ddarpariaethau
dewisol Atodiad 3 paragraff*3) o’r Deddf.
Ystyriwyd y
rhesymau dewisol:
a)
Fod yr ymgeisydd yn anaddas i ddal y drwydded am ei
fod wedi derbyn collfarn am drwydded neu am unrhyw reswm arall
b)
Petai’r drwydded yn cael ei chaniatáu, adnewyddu
neu drosglwyddo byddai’r busnes oedd yn berthnasol iddo yn cael ei reoli neu ei
weithredu er budd person, ac eithrio'r ymgeisydd, fyddai ddim yn derbyn
trwydded pe bai'n ymgeisio am un ei hun.
c)
Y byddai y nifer o sefydliadau rhyw neu sefydliadau
rhyw o fath benodol yn yr cyffiniau perthnasol ar adeg y cais yn gyfartal neu'n
uwch na’r nifer yr ystyrir yn briodol i'r cyffiniau gan yr awdurdod.
d)
Y byddai caniatáu neu adnewyddu'r drwydded yn
amhriodol gan ddal sylw at -
i.
Cymeriad yr ardal leol berthnasol;
ii.
Y defnydd a wneir o unrhyw eiddo yn y cyffiniau;
neu
iii.
Gosodiad, cymeriad, cyflwr neu leoliad yr eiddo,
cerbyd, llestr neu storfa ynglŷn â’r sawl yn gwneud y cais.
Derbyniwyd nifer helaeth
o sylwadau gan aelodau o’r cyhoedd yn gwrthwynebu’r cais gan gyfeirio at sawl
agwedd a honiadau ynglŷn a’r bwriad. Yn ogystal derbyniwyd sylwadau oedd
yn cefnogi’r cais a chyflwynwyd gwybodaeth bellach o gefnogaeth gan yr
ymgeiswyr. Fodd bynnag, dim ond y wybodaeth oedd yn berthnasol i’w benderfyniad
dan Atodiad 3 o’r Deddf am drwydded ar gyfer Sefydliad Rhyw sef Siop Rhyw fel y
diffinnir yn y Ddeddf oedd gan yr Is Bwyllgor yr hawl i’w ystyried.
Fel rhan o’u
cyflwyniad fe godwyd pwynt o drefn gan yr ymgeiswyr ynglŷn a’r treiglad
amser ers yr ymgynghoriad gwreiddiol a statws yr ymatebion a dderbyniwyd. Roedd
hyn yn benodol oherwydd fod yr ymgynghoriad gwreiddiol dros 12 mis oed a bod yr
ymarfer diweddaru gan yr Adran Amgylchedd ac ymdriniaeth y canlyniadau yn
anghywir ac annheg. Roedd yr Is Bwyllgor yn fodlon fod paragraff 29 o Atodiad 3
y Ddeddf yn darparu ar gyfer sefyllfa ble cyflwynwyd cais cyn i Gyngor
fabwysiadu y gyfundrefn rheoli Sefydliadau Rhyw dan y Deddf. Roedd y
ddarpariaeth yn paragraff 28 yn caniatáu gosod cais gwarchodol er cynnal
gweithgaredd. Roedd yn ofyn hefyd dan paragraff 10 o’r Atodiad fod rhybudd
cyhoeddus yn gwahodd sylwadau o fewn 28 diwrnod yn cael ei arddangos ar y safle
ar dyddiad cyflwyno y cais. Roedd felly yn anorfod drwy ddewis cyflwyno cais
rhag blaen fod yr ymgeiswyr yn cychwyn y broses o geisio sylwadau.
Codwyd pwynt o
drefn bellach ynglŷn â’r llythyr anfonwyd gan Yr Adran Amgylchedd yn
Ionawr 2022 yn ceisio diweddariad gan yr ymatebwyr. Nodwyd er bod 92 o
ymatebion wedi eu derbyn yn wreiddiol ni chafwyd ond ateb pellach gan 22.
Nodwyd pryderon yr ymgeiswyr am y treiglad amser rhwng y cais gwreiddiol a’r
gwrandawiad hefyd. Nodwyd bod gofyn i’r Is Bwyllgor ddod i farn ar sail y
dystiolaeth berthnasol a gyflwynwyd ac nid yw nifer y gwrthwynebiadau yn eu
hunain yn berthnasol i’r penderfyniad. Roedd yr Is Bwyllgor yn fodlon o glywed
y cyflwyniadau ac ystyried y wybodaeth oedd gerbron ei bod mewn sefyllfa i ddod
i benderfyniad ar y cais am y rhesymau canlynol:
Diystyrwyd sylwadau
ddaeth i law i’r graddau eu bod yn amherthnasol i’r ystyriaethau. Roedd sawl
gwrthwynebiad yn honni fod risg o weithgareddau ehangach yn cymryd lle o fewn
yr adeilad ac y byddai yn gyrchfan i ‘dwristiaeth rhyw’. Cais trwydded ar gyfer
sefydliad rhyw, (siop rhyw) oedd dan sylw ac ni fyddai y drwydded yn caniatáu
gweithgareddau eraill. Roedd yr Is Bwyllgor yn fodlon nad oedd hyn yn sail i
ganfod y byddai yr ymgeiswyr yn anaddas i dderbyn trwydded.
Penderfynwyd y
byddai canatau trwydded yn amhriodol o ran:
i.
Cymeriad yr ardal leol berthnasol;
ii.
y defnydd a wneir o unrhyw eiddo yn y cyffiniau;
neu
iii.
Gosodiad, cymeriad, cyflwr neu leoliad yr eiddo,
cerbyd, llestr neu storfa ynglŷn â’r sawl yn gwneud y cais.
Disgrifiwyd yr
ardal leol o amgylch y safle fel pwynt canolog yn y brif stryd siopa yn
Abermaw. Roedd y lleoliad ar bwys Sgwâr St Anne oedd yn leoliad canolog pwysig
yng nghanol y dref, o fewn ardal siopa brysur gyda Sgwâr St Anne yn leoliad lle
roedd ymgasglu a man cymdeithasu i bobl a theuluoedd gyda darpariaethau eistedd
allanol yn ardal yr eiddo. Eisteddai yn uniongyrchol gyferbyn a man croesi
prysur, safle marchnad a siop elusennol ynghyd a bod yn uniongyrchol gyferbyn a
Eglwys Crist (Christ Church) sydd yn addoldy agored ac yn gyrchfan ar gyfer grwpiau
ieuenctid yn ogystal a gwasanaethau crefyddol (yn cynnwys priodasau ac
angladdau rheolaidd). Nodwyd fod y cais yn gofyn am hawl i agor ar y Sul.
Nodwyd bod y Polisi Trwyddedu yn amlygu fod agosatrwydd at addoldai yn
ystyriaeth penodol wrth ddyfarnu ar gais.
Roedd yr Is
Bwyllgor o’r farn fod yr adeilad yn amlwg yn y lleoliad ac yn wahanol o ran
edrychiad i siopau ac eiddo cyfagos oedd yn golygu fod natur y sefydliad yn
amlwg yn y stryd.
Adroddodd y Cyfreithiwr y byddai’r penderfyniad yn cael ei gadarnhau yn
ffurfiol. Ategwyd bod yr ymgeisydd yr hawl i gyflwyno apêl yn Llys Ynadon
Caernarfon yn erbyn penderfyniad yr Is-bwyllgor. Dylid cyfeirio unrhyw apêl o’r
fath drwy roi rhybudd o apêl i’r Prif Weithredwr, Llys Ynadon Llandudno,
Llandudno, o fewn cyfnod o 21 diwrnod gan gychwyn â’r dyddiad y bydd yr apelydd
yn derbyn llythyr (neu gopi ohono) yn cadarnhau’r penderfyniad.
Dogfennau ategol: