Cyflwyno
adroddiad yr Uwch Swyddog Harbyrau.
Penderfyniad:
Nodi a derbyn yr adroddiad
.
Cofnod:
Cyflwynwyd yr adroddiadau isod, a
gwahoddwyd yr Aelodau i gynnig sylwadau am eu cynnwys a gofyn cwestiynau.
Adroddiad yr Uwch Swyddog Harbyrau yn rhoi diweddariad cryno i’r pwyllgor
ar faterion yr harbwr ar gyfer y flwyddyn a ddaw i ben Mawrth 2023.
· Atgoffwyd yr aelodau fod cylch gorchwyl
pwyllgorau’r harbwr wedi cael ei greu o dan Adran 102 Deddf Llywodraeth Leol
1972 a bod Cabinet y Cyngor yn cadarnhau’r aelodaeth.
· Eglurwyd fod Aelod Cabinet
Economi a Chymuned yn cael gwahoddiad i fynychu’r cyfarfodydd er mwyn trafod
materion pwysig gyda’r aelodau, cyn adrodd yn ôl i’r Cabinet ble fydd angen.
· Datganwyd fod lleihad yn y
nifer o gychod ar angorfeydd yr harbwr. Mae hyn yn achosi pryder gan fod
gostyngiad o tua 30% wedi bod yn y ffigyrau hyn yn y blynyddoedd diwethaf, Er
hyn, cadarnhawyd fod gwaith yn cael ei wneud er mwyn hysbysebu’r angorfeydd er
mwyn cynyddu’r nifer o ddefnyddwyr unwaith eto.
· Pwysleisiwyd fod yr harbwr
dal i fod yn brysur iawn. Fe welir tystiolaeth o hyn yn y ffaith fod nifer
uchel iawn o bobl wedi cofrestru i gadw eu cychod ar yr harbwr. Nodwyd hefyd
fod defnydd cyffredinol o gychod yn uchel iawn. Er bod y ffigyrau wedi lleihau
ychydig, mae’r defnydd o’r harbwr yn uchel iawn o’i gymharu gyda harbyrau
eraill y sir.
· Cadarnhawyd bod cyfarfod
herio perfformiad wedi cael ei gynnal ar 21ain Hydref 2022.
· Mynegwyd diolchiadau i bawb
o fewn y Clwb Hwylio, Outward Bound, y Clwb Rhwyfo a’r Bad Achub am gydweithio
mor effeithiol gyda’r harbwr yn ystod y flwyddyn.
· Canmolwyd y cwmni sydd wedi
bod yn brysur yn ddiweddar yn gwneud gwaith adeiladu o gwmpas yr harbwr drwy
adnewyddu wal y cei. Roedd aelodau yn falch iawn fod grisiau pwrpasol yn cael
ei ymgorffori fewn i wal y cei ac y bydd y grisiau hyn yn defnyddiol er mwyn
bod o gymorth i’r rhai fydd yn ceisio mynediad at ei cychod wrth ymweld ac
Aberdyfi.
o
Nodwyd bod un cornel o adeilad yr harbwr yn disgyn 10mm ac mae gwaith
yn cael ei wneud er mwyn sicrhau fod strwythur yr adeilad yn parhau i fod yn
gadarn
· Holiwyd am leoliad cywir y
grisiau. Yn wreiddiol, credwyd bod y ddau set o risiau yn mynd i’r lanfa er
mwyn cynorthwyo’r cychod. Bellach mae un set o’r grisiau ar y lanfa ger
swyddfa’r harbwr ac un arall o flaen y Clwb Hwylio.
o Cadarnhawyd fod y grisiau yn cael eu
rhannu ar gyfer y defnydd gorau i’r holl ddefnyddwyr cyn decaf â phosibl. Bydd
cynllun y gwaith adeiladu yn cael ei rannu gyda’r aelodau fel rhan o grŵp
ffocws er mwyn iddynt allu gweld sut bydd yr harbwr yn edrych yn dilyn yr holl
waith adeiladu sy’n mynd yn ei flaen ar hyn o bryd.
Côd Diogelwch Morol Phorthladdoedd
· Manylwyd fod yr harbwr wedi cymryd rhan
mewn dau asesiad diweddar gan Wylwyr y Glannau. Mae’r canlyniadau o’r asesiadau
hynny yn dangos fod yr harbwr yn cydymffurfio â’r côd.
· Cadarnhawyd bod holl
asesiadau risg wedi cael eu cwblhau ac yn cael ei ail asesu yn rheolaidd er
sicrhau ei bod yn addas ar gyfer y pwrpas.
· Datganwyd bod digwyddiad wedi bod dros
yr haf ble roedd dau gwch wedi gwrthdaro a'i gilydd, ond nid oedd neb wedi cael
eu hanafu ac felly nid oedd rhaid gwneud ymchwiliad pellach. Mae’r Awdurdod
Harbwr wedi adrodd ar y digwyddiad i MAIB (Marine Accident Investigation
Branch) fel rhan o adroddiad digwyliedig.
·
Adroddwyd
bod canlyniadau cadarnhaol iawn wedi cyrraedd yn dilyn archwiliad gan Dŷ’r
Drindod, sef awdurdod goleudy cenedlaethol. Bu cadarnhad o fewn yr archwiliad
fod y cynorthwyon mordwyo wedi aros yn y man cywir ar ôl eu lleoli.
· Mynegwyd pryder am y defnydd
o fadau dŵr personol (jet ski) yn yr ardal, gan eu bod yn gallu bod yn
beryglus i ddefnyddwyr eraill y môr.
o
Cadarnhawyd
bod Cyngor Gwynedd wedi cysylltu â Chyfoeth Naturiol Cymru a Chyngor Ceredigion
er mwyn gweld os ydynt yn awyddus i fabwysiadu system o gofrestru badau
dŵr fel sydd wedi bod yn llwyddiannus yng Ngwynedd.
o
Pwysleisiwyd byddai swyddogion yn cysylltu gyda Cyfoeth Naturiol Cymru
a Chyngor Ceredigion unwaith eto er mwyn eu annog i fabwysiadu’r system hon.
Nodwyd gan yr Arweinydd
Portffolio Economi a Cymuned a Deilydd Dyletswydd Côd Diogelwch Harbyrau ei bod
yn awyddus i gysylltu gyda’r awdurdodau hyn er mwyn gwella’r system.
o Cydnabuwyd bod y broblem yma hefyd yn
berthnasol i bobl sy’n badl fyrddio ond pwysleisiwyd fod gwaith yn cael ei
wneud er mwyn sicrhau bod arwyddion diogelwch yn cael eu gwella er mwyn
lleihau’r risg o niwed.
Materion Staffio
· Diolchwyd i’r holl staff am ei
ymrwymiad at waith yr harbwr a thraethau cyfagos dros y cyfnod diwethaf a
chadarnhawyd na rhagwelir bydd lleihad yn nifer o aelodau staff yn y dyfodol
agos.
·
Datganwyd fod y traeth wedi cael cyfnod prysur iawn dros yr haf ac
mae’r wardeniaid wedi bod yn cwblhau eu gwaith yn effeithiol iawn. Pe bydd yn
bosib, bydd ystyriaeth yn cael ei roi i ymestyn eu tymor cyflogaeth y tymor
nesaf ac edrych ar y cyfleusterau er mwyn sicrhau nad oes rhaid i unrhyw un
weithio ar eu pen eu hunain.
· Mynegwyd bod y wardeniaid
traeth angen caban gwell na’r un sydd ar y safle yn bresennol, gan nad yw’n
addas.
o
Cadarnhawyd
fod y broblem yma yn cael ei ddelio gydag o dan gynlluniau gwelliannau traethau
os bydd digon o gyllideb. Mae datblygiadau eraill hefyd yn cael ei wneud ar y
traeth megis gwella’r toiledau cyhoeddus.
· Trafodwyd y broblem barhaus o gronni
tywod sy’n digwydd ar y traeth. Byddai’n syniad i gael datrysiad o sut i atal y
tywod rhag cael ei chwythu i’r pentref ac ar draws llithrfa’r bad achub.
Pryderwyd bydd y tywod yn mynd allan o’r traeth ac yn gorchuddio’r maes parcio,
gan greu costau ychwanegol i’r Cyngor yn y blynyddoedd nesaf os na fydd
datrysiad.
o
Cydnabuwyd
bod ardal Conwy wedi cael llwyddiant yn ddiweddar wrth fewnosod pwmp yn yr
ardal i helpu atal y broblem hon.
o
Pwysleisiwyd bod difrifoldeb y broblem yn wybyddus i bawb ac mae sawl
opsiwn yn cael ei drafod er mwyn ceisio datrys y broblem yma yn effeithiol ac
yn barhaol.
o Cytunwyd bydd cyfarfod rhwng defnyddwyr
yr harbwr yn fuan er mwyn trafod y mater hwn ymhellach ac i rannu syniadau.
Materion Ariannol
· Adroddwyd bod gorwariant wedi bod mewn
rhai adrannau o’r gyllideb eleni. Mae’r rhain i’w gweld yn feysydd staff a
thrafnidiaeth. Er hyn, mae tanwariant i’w weld ym meysydd eiddo, offer ac
incwm.
· Cadarnhawyd y rhagwelir
tanwariant o £8,828.00 yn y flwyddyn ariannol hon.
· Pwysleisiwyd nad ydi rhai
pethau megis wal y cei a wardeniaid y traeth heb gael eu cysidro o fewn y
gyllideb hon gan bod eu cyllideb yn deillio o fannau eraill.
·
Ystyriwyd
cyfraddau ffioedd am y flwyddyn ariannol nesaf. Nid ydi'r rhain wedi cael eu
cyflwyno i’r pwyllgor ar hyn o bryd gan fod chwyddiant yn cynyddu yn dilyn y
wasgfa ariannol bresennol. Gobeithir canfod dull o beidio codi ffioedd i
ddefnyddwyr yr harbwr gan fuasai’r cynnydd hwn yn effaith mawr ar ddefnyddwyr a
chynyddu’r risg o leihau’r nifer o ddefnyddwyr yn y dyfodol.
· Gofynnwyd os bydd yr arian
o’r tanwariant hwn yn cael aros yn Aberdyfi, neu ydi o’n debygol iddo fynd i
gynorthwyo harbwr arall pe bai’r angen yn codi.
o Cadarnhawyd mai’r bwriad yw
cadw’r arian yn yr ardal ond nid ellir rhoi sicrwydd bod modd gwneud hyn.
Adroddiad yr Harbwr Feistr yn crynhoi’r materion Mordwyo a Gweithredol
a wnaed ac a brofwyd yn y cyfnod rhwng mis Mawrth a Hydref 2022, gan gynnwys
materion cynnal a chadw.
· Cadarnhawyd bod trefniant
wedi ei gyrraedd gyda’r cychod pysgota er mwyn iddyn nhw parhau i ddefnyddio’r
harbwr dros y gaeaf.
· Rhannwyd pryderon am y lanfa yn
Aberdyfi gan fod cerbydau wedi bod yn dreifio arno. Mae asesiadau risg
cychwynnol yn dangos bod hwn o risg uchel iawn a thrafodwyd y posibilrwydd o
osod polion i atal cerbydau rhag dreifio arno.
· Ystyriwyd y cawellu sydd ar y cei a
phenderfynwyd bod angen symud rhai ohonynt i ffwrdd o safle er mwyn sicrhau
diogelwch defnyddwyr.
· Rhoddwyd diweddariad ar bont newydd i
Fryn Llestair, gan nodi fod y gwaith adnewyddu bron wedi ei gwblhau, a bydd y
ffordd yn cau dros nos yn fuan er mwyn ei osod yn iawn cyn i ddefnyddwyr ei
groesi.
· Cynhaliwyd sawl digwyddiad
dros y cyfnod diwethaf a diolchwyd i bawb am gydweithio mor effeithiol i’w
cynnal.
· Holiwyd pa drefniadau sydd
mewn lle ar gyfer codi angorfeydd dros y gaeaf yn sgil y gwaith sydd yn cael ei
wneud ar yr harbwr ar hyn o bryd.
o Eglurwyd bod yr harbwr yn disgwyl am
gadarnhad gan gontractwr yr angorfeydd i weld pryd fydd yr angorfeydd yn cael
eu codi dros y gaeaf er mwyn sicrhau ei fod yn ddiogel ac yn addas i bawb.
PENDERFYNWYD
Nodi a derbyn yr adroddiadau.
Dogfennau ategol: