Estyniad 75,000 troedfedd sgwar i'r warws presennol
AELOD LLEOL:
Cynghorydd John Wyn Williams
Dolen
i'r dogfennau cefndir perthnasol
Cofnod:
Estyniad 75,000 troedfedd sgwâr i'r warws presennol
(a) Ymhelaethodd yr Uwch Swyddog Rheolaeth Datblygu ar gefndir y cais gan nodi
mai cais llawn ydoedd ar gyfer ymestyn warws llyfrau ‘The Book
People’ ym Mharc Menai er mwyn creu storfa ychwanegol atodol i’r warws
presennol.
Nodwyd bod safle’r estyniad wedi ei leoli ar dalcen gorllewinol yr adeilad
presennol ac yn cynnwys llecyn o dir gwastad o wyneb llechi a greuwyd pan godwyd yr adeilad gwreiddiol yn 2002.
Amlygwyd bod egwyddor o ymestyn ac ehangu mentrau cymdeithasol wedi ei
selio ar bolisi D8 o CDUG sydd yn datgan y
bydd cynigion o’r fath yn cael eu cymeradwyo os gellid cydymffurfio gyda
nifer o ganllawiau sydd yn datgan nad yw’r defnydd presennol yn achosi difrod
arwyddocaol i’r ardal, bod y bwriad wedi ei leoli o fewn y datblygiad
presennol, bod y bwriad yn ategol i’r gwaith presennol ac na fydd graddfa'r
bwriad yn achosi niwed arwyddocaol i fwynderau’r amgylchedd a’r rhwydwaith
ffyrdd lleol. Nodwyd bod manylion y bwriad
wedi ei gynnwys yn y cais gwreiddiol yn 2002 ar gyfer codi’r adeilad presennol
sydd yn cadarnhau bwriad yr ymgeisydd i ehangu’r fenter.
Cadarnahwyd y byddai’r estyniad yn adlewyrchiad
o’r adielad presennol ac wedi ei sgrinio yn
sylweddol gan goedlan sefydlog . Gan fod
y estyniad o’r un edrychiad ac o’r un uchder ni
fydd gwahaniaeth sylweddol nac arwyddocaol
yn nhrawiad yr estyniad ar
fwynderau gweledol. Nodwyd hefyd bod y safle
wedi ei leoli
o fewn Ardal Gwarchod y Dirwedd yn CDUG yn ogystal
a bod o fewn Tirwedd Hanesyddol Cofrestredig. Nodwyd, oherwydd bod y safle eisoes wedi
ei ddynodi ar gyfer defnyddiau
diwydiannol o safon uchel, ni fyddai
yn cael effaith
sylweddol bellach ar osodiad a chymeriad
y tirlun hanesyddol. Amlygywd bod y safle nepell i’r de o ardal gadwraeth Stad y Faenol ynghyd
a wal restredig gradd II y stad sydd wedi ei
leoli i’r dwyrain o’r safle
– er hynny ni ystyriwyd y byddai unrhyw effaith
negyddol sylweddol ar osodiad nac
integredd yr ardal gadwraeth na’r wal restredig
o ystyried lleoliad a dyluniad yr estyniad
ynghyd a sgrinio a tirweddu sydd yn
lleihau yr adrawiad ar yr
amgylchedd lleol.
Amlygwyd nad oedd Cyfoeth Naturiol Cymru wedi cytuno i’r cais yn wreiddiol
gan nad oedd digon o wybodaeth wedi ei gyflwyno i ymateb yn llawn iddo. Gwnaed
cais i’r ymgeisydd am wybodaeth ychwanegol yn ymwneud a chynllun goleuo ac
asesiad risg bioamrywiaeth ac effaith y datblygiad ar rywogaethau gwarchodedig.
Er nad oedd ymateb ysgrifenedig wedi ei dderbyn ar ôl ymgynghori pellach gyda
Cyfoeth Naturiol Cymru, cynigiwyd bod modd gosod amodau priodol i reoli'r sefyllfa os oedd sylwadau CNC yn gofyn am
hyn.
Yn unol â gofynion
perthnasol cyflwynwyd Datganiad Ieithyddol a Chymunedol gyda’r cais a
cyfeiriwyd at yr ymateb yn y sylwadau ychwanegol a ddosbarthwyd.
Wrth ystyried yr asesiad ac yn ddarostyngedig
i dderbyn sylwadau ffarfiol gan Cyfoeth Naturiol
Cymru, ystyriwyd bod y cais yn dderbyniol
ar sail graddfa, lleoliad, dyluniad, ffurf, deunyddiau, diogelwch ffyrdd, parcio, mwynderau gweledol a phreswyl ac yn cydymffurfio gyda pholisiau a chyngor cynllunio lleol a chenedlaethol perthnasol.
(b) Gwnaed y prif bwyntiau canlynol gan yr aelod
lleol (oedd yn aelod o’r
Pwyllgor Cynllunio hwn):-
·
Ei fod yn gefnogol
i’r cais
·
Bod y safle eisoes wedi ei glustnodi
ar gyfer estyniad i’r busnes
presennol
·
Dyma'r cyflogwr mwyaf o fewn Parc
Britannia, Parc Menai
(c) Cynigiwyd ac eiliwyd i ganiatáu y cais
(ch) Yn ystod y drafodaeth ddilynol, nodwyd y prif sylwadau canlynol:
·
Croesawu y datblygiad ac balch bod y cwmni eisiau parhau
i fuddsoddi ym Mangor
·
Bod cwmni ‘The Book People’ yn gyflogwyr pwysig
iawn i ddalgylch
Bangor
·
Y llyfrau yn fforddiadwy ac
felly yn annog pobl i ddarllen
Mewn ymateb i gwestiwn
ynghlyn a thirlunio pellach, nodwyd bod y safle eisoes wedi
ei dirlunio yn sylweddol ac yn eithaf cuddiedig,
fodd bynnag nodwyd fod amod
wedi ei argymell
yn yr adroddiad
i sicrhau cynllun rheoli ar gyfer tirweddu.
PENDERFYNWYD caniatáu y cais
Dirprwyo’r hawl
i’r Uwch Reolwr Cynllunio ac Amgylchedd i ganiatáu’r
cais yn ddarostyngedig
i dderbyn sylwadau ffafriol gan CNC.
Amodau:
1. 5 mlynedd.
2. Yn unol
â’r cynlluniau.
3. Amodau
Bioamrywiaeth sy’n ymwneud ac ymgymryd â mesuriadau lliniaru fel y’i cynhwysir yn yr Arolwg Cynefin Estynedig Cam
1 a gyflwynwyd gyda’r cais cynllunio.
4. Deunyddiau allanol.
5. Amodau CNC parthed diogelu
rhywogaethau gwarchodedig.
6. Cyflwyno cynllun goleuo i’w
gytuno gyda’r Awdurdod Cynllunio Lleol.
7. Cyflwyno cynllun rheoli
tirlunio i’w gytuno gyda’r Awdurdod Cynllunio Lleol.
8. Cyfyngu’r llawr mezzanine i’r lleoliad a ddangosir yng nghynllun
rhif BAS-DR-A 023 Rev. P3.
Dogfennau ategol: