Aelod Cabinet: Cynghorydd
John Wynn Jones
Ystyried yr
adroddiad a gwneud argymhellion ar y drefn awgrymir ar gyfer codi
ffi ar drigolion
am gasglu gwastraff gardd
Cofnod:
Ymneilltuodd y Cynghorydd Angela Russell o’r
ystafell yn ystod y drafodaeth.
a)
Cyflwynwyd adroddiad gan Aelod Cabinet Amgylchedd
yn amlygu bwriad yr Adran Priffyrdd a Bwrdeistrefol i godi ffi am gasglu gwastraff gardd.
Mewn cyfarfod a gynhaliwyd
16.12.14 bu i’r Cabinet gymeradwyo gweithredu ystod o gynlluniau arbedion effeithlonrwydd a oedd yn cynnwys ‘Adolygu
Gwasanaeth Gwastraff Gardd’ i gyflawni arbedion o £750,000 yn y flwyddyn ariannol 2017/2018.
O dan ‘Reoliadau
Gwastraff a Reoli’r 2012 gall awdurdodau godi ffi ar gasglu
gwastraff gardd gan drigolion (hyn ddim i gynnwys y
gost o’i waredu) ac mae Deddf Amddiffyn yr Amgylchedd 1990 yn rhoddi
hyblygrwydd ar godi ffi neu beidio ar hawl pe dymunir i godi ffi resymol am y
gwasanaeth.
Mae Llywodraeth
Cymru yn ei ganllawiau ymarfer da ‘Glasbrint Casglu’ yn argymell y dylid codi
ffi ar drigolion am gasglu gwastraff gardd ar amlder pob pythefnos a hyn i bwrpas lleihau ar y
cyfaint o wastraff gardd a roddir allan gan drigolion
ac er mwyn arbed costau casglu a thirlenwi.
Adroddwyd bod
gwastraff gardd yn cyfrannu at gyflawni targedau
ailgylchu ac ym Mawrth 2016 bu i’r Cyngor lwyddo i gyrraedd 58.75% (targed
statudol o 58%). Nodwyd, pe byddai’r ganran ailgylchu yn gostwng yn is na’r
targed yna byddai'r Cyngor yn derbyn dirwyon. Amlygwyd y bydd gostyngiad tebygol
yn y galw am y gwasanaeth yn y flwyddyn gyntaf, ond rhagwelir bydd cynnydd yn y
flwyddyn olynol.
Gwnaed sylw nad
oedd codi ffi ar unrhyw wasanaeth yn fater poblogaidd, ond bod rhaid ymateb i’r
toriadau neu bydd rhaid ystyried toriadau pellach mewn gwasanaethau eraill.
Yr opsiynau dan sylw;
-
Opsiwn 1: Parhau i gasglu
gwastraff gardd
am 12 mis o’r flwyddyn gan osod lefel ffi o £33 y flwyddyn (Arbediad
blynyddol - £750,000)
-
Opsiwn 2: Casglu gwastraff gardd
am 9 mis y flwyddyn gan osod lefel ffi o £30 mis y flwyddyn (arbediad blynyddol
- £756,410)
b)
Mewn ymateb i sylw ynglŷn â phryder o dderbyn
dirwyon am fethu cyrraedd targedau ailgylchu cenedlaethol, dywedodd Pennaeth
Priffyrdd a Bwrdeistrefol bod yr adran yn rhannu'r pryderon hynny ac yn
pwysleisio yr angen i barhau i gyflawni
a chynnal y gwasanaeth i’r un safon gan fonitro'r sefyllfa yn ofalus.
c)
Yn ystod
y drafodaeth nodwyd y sylwadau canlynol:
·
Nad oedd cyflwyno'r newidiadau yn amserol o
ystyried newidiadau diweddar i drefniadau ailgylchu - buasai hyn yn gam yn ôl
·
Bod chwe
swydd yn y fantol – nid oedd
hyn yn newyddion
da
·
Cais i’r Cyngor ystyried sachau hesian fel opsiwn
·
Dim yn gefnogol i’r taliad
·
Cynnydd tebygol
mewn tipio slei bach a cham
ddefnydd o’r bin gwastraff gweddilliol – sut fydd hyn
yn cael ei
blismona?
·
Angen ystyried
sut y bydd unigolion bregus yn ymdopi
·
Dylid annog
mwy o ddefnydd o’r bin brown
·
Cais i ystyried gostyngiad mewn ffi i fin llai ei
faint
·
Ymddengys bod pobl y Sir yn cael eu cosbi am
gompostio - angen i Lywodraeth Cymru addasu'r fformiwla ailgylchu
Mewn ymateb i’r
sylwadau, atgoffwyd yr Aelodau bod y bwriad eisoes wedi ei gymeradwyo ac felly
gwireddu'r arbediad oedd dan sylw. Cytunwyd gyda’r awgrym nad oedd yr addasiad
yn amserol, ond ategwyd mai sefyllfa ariannol y Cyngor oedd yn gorfodi'r newid
hwn. Cadarnhawyd y byddai’r sefyllfa yn cael ei monitro yn ofalus.
Nodwyd bod
defnyddio sachau hesian wedi cael ei ystyried, ond bod y sachau yn fach o ran maint ac yn costio
oddeutu £16 yr un. Yng nghyd destun cam ddefnyddio’r bin gwastraff gweddilliol,
amlygwyd y byddai modd cyflwyno camau
gorfodaeth i reoli hyn.
Mewn ymateb i
gwestiwn ynglŷn â gwerthu'r compost sydd yn cael ei gynhyrchu, nodwyd bod
yr adran wedi edrych ar y cyfleodd i’w farchnata, ond gan mai ‘gwelliant pridd’
ydoedd ac nid compost, nid oedd modd ei werthu yn gyhoeddus. Ategwyd bod y
‘gwelliant pridd’ yn cael ei waredu ar dir llwyd neu ei ddosbarthu am ddim i drigolion Gwynedd drwy'r Canolfannau Ailgylchu.
Wrth drafod
opsiynau’r cynllun, gwnaed sylw gan yr
Uwch Reolwr Gwastraff a Chomisiynu y byddai parhau i gasglu am 12 mis o’r flwyddyn yn gwella'r posibilrwydd o lwyddo i gyrraedd
y targedau cenedlaethol gan fod oddeutu 200 tunnell y mis o wastraff yn cael ei
gasglu tu allan i’r tymor tyfu.
Cynigiwyd ac
eiliwyd i gynnig opsiwn 1
Penderfynwyd
derbyn yr argymhelliad i godi ffi ar
drigolion am gasglu gwastraff gardd
am 12 mis y flwyddyn, ond amlygwyd
-
Pryder am effaith y newidiadau ar y targedau
ailgylchu, o ystyried;-
o
Bod ailgylchu ar gynnydd o fewn y sir
o
Bod trigolion y sir newydd ddod i arfer a’r
trefniadau newydd
o
Bod dirwyon sylweddol am fethu cyrraedd y targed
statudol
-
Pryder bod cost ychwanegol ar rai teuluoedd o
gyflwyno’r cynllun
-
Bod cais i’r Aelodau Cabinet gynnal trafodaeth gyda
Llywodraeth Cymru i bwrpas cynnwys tunelloedd
compostio cartref yn y cyfrifiad ailgylchu fel nad yw yn cael effaith ar
berfformiad y Cyngor yn erbyn eu targedau
Dogfennau ategol: