Mater - cyfarfodydd

Derbyniwyd a nodwyd y wybodaeth yn yr adroddiad.

Cyflwynwyd yr adroddiad gan Cyng. Dafydd Meurig

PENDERFYNIAD

Derbyniwyd a nodwyd y wybodaeth yn yr adroddiad.

TRAFODAETH

Cyflwynwyd yr adroddiad gan dynnu sylw at y prif bwyntiau yn yr adroddiad. Tynnwyd sylw at un o brif fesuryddion yr adran ‘a wnaethom yr hyn sydd yn bwysig i’r unigolyn?’ a phwysleisiwyd mai hyn sydd yn gyrru’r gwasanaeth.

Mynegwyd fod rhai o’r mesurau yn fesurau statudol gan Lywodraeth Cymru megis cyfradd oediad mewn gofal am resymau gofal cymdeithasol. Ategwyd fod y mesur hwn yn gyrru gweithgaredd ond ddim yn adlewyrchu ar brofiad y dinesydd. Mynegwyd fod Gweithlu a Recriwtio yn y maes gofal yn parhau i fod yn flaenoriaeth i’r adran. Ychwanegwyd ar y cyfan fod yr aelod yn hapus a pherfformiad yr adran.

Sylwadau’n codi o’r drafodaeth

¾     Diolchwyd i’r staff gan aelod o’r Cabinet am y gwasanaeth a gafwyd gan yr adran a’i brofiad ef o hynny oedd ei fod yn wasanaeth clodwiw.

¾     Mynegwyd nad oes gan yr adran unrhyw graffiau yn dangos eu perfformiad ond bod yna straeon fel hyn yn adlewyrchu ar ansawdd y gwasanaeth.

¾     Amlygwyd mai’r gyfrinach fyddai ystyried sut mae modd trosi’r profiadau unigolion yn fesur i dangos ansawdd y gwasanaeth