Mater - cyfarfodydd

Cyflwyno adroddiad gan Heledd Jones (Arweinydd Tîm) Gwasanaeth Polisi

Cynllunio ar y Cyd

Cymeradwywyd y diwygiadau oedd yn cael ei gynnig i ran 4.6 a pharagraff 6.2.1 o’r Canllaw a phenderfynwyd cymeradwyo rhyddhau’r Canllaw Cynllunio Atodol ar gyfer cyfnod ymgynghori cyhoeddus sydd yn benodol berthnasol i’r rhannau hynny.

Cafwyd cyflwyniad byr gan Heledd Jones yn esbonio taith y CCA hyd yma. Esboniwyd y rhesymau dros y newidiadau i’r CCA a’r man ddiwygiadau a chynigir i’r CCA. Esboniwyd fod y newidiadau yn ymwneud a diffinio'r hyn a ystyrir gan ormodedd o lety gwyliau’r rhesymeg dros y newidiadau hynny.  Amlygwyd mai'r newidiadau sydd wedi ei dangos mewn ysgrifen fras ac wedi ei danlinellu yn rhan 4.6 a phara 6.2.1 fydd yn destun ymgynghoriad cyhoeddus.

Materion a godwyd:

·         Gofynnwyd a fydd unrhyw ddatblygiad newydd (lle yn briodol) yn cael ei chlymu i Rif y Daliad

·         Angen edrych ar geiriad para 4.6.2 yn y fersiwn Saesneg y gair ‘idle’ ddim yn addas yn y cyd-destun yma

·         Gofynnwyd am esboniad o beth mae ‘cyfiawnhad cadarn’ ym mharagraff 3.1.3 yn ei olygu 

·         Gofynnwyd am esboniad beth mae ‘adeiladau diogelwch’ yn ei olygu ym mharagraff 4.4.1

Ymateb:

·         Eglurwyd bod y CCA yn rhoi arweinid ar hyn yn para 4.6.6, mae unrhyw ddatblygiad newydd yn cael ei rheoli gan amod lle yn briodol.

·         Cytunwyd nag oedd y gair yma yn addas a chytunwyd y bydd yn cael ei newid ag i brawf ddarllen y diwygiadau cyn yr ymgynghoriad cyhoeddus

·         Esboniwyd fod y paragraff yma ddim yn destun yr ymgynghoriad cyhoeddus

·         Esboniwyd fod yr eirfa yma yn dod o Bolisi Cynllunio Cymru.   

Penderfyniad

Cymeradwywyd y diwygiadau oedd yn cael ei gynnig i ran 4.6 a pharagraff 6.2.1 o’r Canllaw a phenderfynwyd cymeradwyo rhyddhau’r Canllaw Cynllunio Atodol ar gyfer cyfnod ymgynghori cyhoeddus sydd yn benodol berthnasol i’r rhannau hynny.