Mater - cyfarfodydd

Cyflwyno adroddiad gan Heledd Jones (Arweinydd Tîm) Gwasanaeth Polisi

Cynllunio ar y Cyd

Cymeradwywyd rhyddhau’r Canllaw Cynllunio Atodol Drafft ar gyfer cyfnod ymgynghori cyhoeddus.

Cafwyd cyflwyniad gan Heledd Jones yn rhoi cyd- destun y CCA a gosod allan y camau nesaf. Esboniwyd y broses o baratoi’r CCA, a bod diwygiadau  wedi ei wneud yn dilyn cyflwyno’r fersiwn drafft cychwynnol o’r Canllaw i’r Panel. Amlygwyd bod y newidiadau yma wedi ei wneud yn dilyn trafodaethau mewnol. Gosodwyd allan y diwygiadau fel isod.

·         Diwygio rhannau sydd yn cyfeirio at y polisïau perthnasol a gynhwysir o fewn y CDLl ar y Cyd er mwyn sicrhau cysondeb a chywirdeb rhwng y Canllaw a’r Polisïau;

·         Ychwanegu eglurder o ran colli defnydd cyfleuster cymunedol sydd ddim yn ddefnydd masnachol a’r wybodaeth a ddisgwylir ei gyflwyno;

·         Ychwanegu eglurder o ran y wybodaeth a ddisgwylir ei gyflwyno wrth ystyried addasrwydd ceisiadau ar gyfer defnyddiau ategol ar safleoedd cyflogaeth.

Materion a godwyd:

·         Holwyd pam fod para 4.5 (Canol Trefi) yn gofyn fod yr eiddo wedi bod ar y farchnad am bris gwerthu neu bris rhent rhesymol am gyfnod o chwe mis ond yn para 4.6 (mewn pentrefi) bod y gofyn yn deuddeg mis.

Ymateb:

·         Esboniwyd fod y gofyn yma yn deillio o’r polisïau yn y CDLl a bod o ddim yn bosib newid hynny trwy’r CCA.

Penderfyniad –

Cymeradwywyd rhyddhau’r Canllaw Cynllunio Atodol Drafft ar gyfer cyfnod ymgynghori cyhoeddus.