Mater - cyfarfodydd

Dafydd L Edwards, Swyddog Arweiniol Prosiect y CBC ac Iwan Evans, Swyddog Monitro'r CBC i gyflwyno adroddiad ar faterion cyfansoddiadol y Cyd-Bwyllgor.

1.    Cytunwyd i sefydlu Is-Bwyllgor Cynllunio Strategol ac Is-Bwyllgor Trafnidiaeth Strategol a chymeradwywyd yr aelodaeth a’r hawliau pleidleisio canlynol –

                     i)        Is-bwyllgor Cynllunio Strategol gyda 7 aelod â phleidlais, un o bob un o'r awdurdodau cyfansoddol (6 Chyngor ac APCE).

                    ii)        Is-bwyllgor Trafnidiaeth Strategol gyda 6 aelod â phleidlais, un o bob un o'r 6 Chyngor.

                   iii)        Aelodaeth yr Is-bwyllgor Cynllunio Strategol i gynnwys yr aelod Cabinet perthnasol o bob Cyngor cyfansoddol sy'n dal y portffolio ar gyfer Polisi Cynllunio, a chynrychiolydd APCE.

                   iv)        Aelodaeth yr Is-bwyllgor Trafnidiaeth Strategol gynnwys yr aelod Cabinet perthnasol o bob Cyngor cyfansoddol sy'n dal y portffolio ar gyfer Polisi Trafnidiaeth.

2.    Cadarnhawyd yr 22 Gorffennaf fel dyddiad nesaf y Cyd-Bwyllgor a cadarnhawyd y bydd holl gyfarfodydd y Cyd-Bwyllgor yn cael ei cynnal yn rhithiol am y tro.

Cyflwynwyd yr adroddiad gan Dafydd L Edwards (Swyddog Arweiniol Prosiect y Cyd-Bwyllgor).

PENDERFYNIAD

1. Cytunwyd i sefydlu Is-Bwyllgor Cynllunio Strategol ac Is-Bwyllgor Trafnidiaeth Strategol a chymeradwywyd yr yr aelodaeth a’r hawliau pleidleisio canlynol – 

1. Is-bwyllgor Cynllunio Strategol gyda 7 aelod â phleidlais, un o bob un o'r awdurdodau cyfansoddol (6 Chyngor ac APCE). 

2. Is-bwyllgor Trafnidiaeth Strategol gyda 6 aelod â phleidlais, un o bob un o'r 6 Chyngor. 

3. Aelodaeth yr Is-bwyllgor Cynllunio Strategol i gynnwys yr aelod Cabinet perthnasol o bob Cyngor cyfansoddol sy'n dal y portffolio ar gyfer Polisi Cynllunio, a chynrychiolydd APCE. 

4. Aelodaeth yr Is-bwyllgor Trafnidiaeth Strategol gynnwys yr aelod Cabinet perthnasol o bob Cyngor cyfansoddol sy'n dal y portffolio ar gyfer Polisi Trafnidiaeth. 

2. Cadarnhawyd yr 22 Gorffennaf fel dyddiad nesaf y Cyd-Bwyllgor a cadarnhawyd y bydd holl gyfarfodydd y Cyd-Bwyllgor yn cael ei cynnal yn rhithiol am y tro. 

TRAFODAETH

Cyflwynwyd yr adroddiad gan nodi y penderfyniad sef i sefydlu dau is-bwyllgor ar gyfer Cynllunio Strategol ynghyd â Thrafnidiaeth, ac i ofyn am adroddiad pellach ar Gylch Gorchwyl a Rheolau Sefydlog yr Is-bwyllgorau i’r cyfarfod nesaf. Nodwyd yn ogystal i ohirio sefydlu’r Is-Bwyllgorau Safonau a Llywodraeth ac Archwilio hyd nes y bydd cadarnhad o’r gofynion statudol.

Eglurwyd fod y darlun o ran strwythur yr Is-bwyllgorau wedi parhau yr un strwythur ers yr adroddiad safonol a gyflwynwyd i’r chwe Cyngor a’r Parc yn ôl ym mis Rhagfyr 2021. Amlygwyd fod y strwythur yn un ar gyfer y dyfodol ac mai dim ond penderfynu ar sefydlu dau o’r is-bwyllgorau mae’r Cyd-bwyllgor yn y cyfarfod hwn. Mynegwyd drwy wneud hyn fod y Cyd-bwyllgor yn gosod fframwaith ar gyfer cyflawni eu dyletswyddau cychwynnol.

Ychwanegodd y Swyddog Monitro mai hwn yw’r tro cyntaf i’r Cyd-Bwyllgor gytuno ar y fframwaith ar gyfer is-bwyllgorau ynghyd a’r aelodaeth. 

Eglurwyd fod sefyllfa’r Bwrdd Uchelgais Economaidd Gogledd Cymru yn eitem i’w drafod yn ystod tymor yr hydref. 

Sylwadau’n codi o’r drafodaeth

¾      Diolchwyd am y gwaith a cefnogwyd y cynnig a wnaethpwyd.

¾     Mynegwyd cefnogaeth i’r cyfarfodydd barhau yn rhithiol ar hyn o bryd.