Rhaglen a chofnodion
Lleoliad: Siambr Hywel Dda - Swyddfeydd y Cyngor
Cyswllt: Bethan Adams 01286 679020
Rhif | eitem |
---|---|
YMDDIHEURIADAU Derbyn
unrhyw ymddiheuriadau am absenoldeb. Cofnod: Y Cynghorwyr Dilwyn Morgan, Michael Sol Owen a Glyn Thomas. |
|
DATGAN BUDDIANT PERSONOL Derbyn unrhyw ddatganiad o fuddiant personol. Cofnod: Ni dderbyniwyd datganiad o fuddiant personol gan unrhyw aelod oedd yn bresennol. |
|
MATERION BRYS Ystyried unrhyw fater arall sydd yn teilyngu sylw brys ym marn y Cadeirydd. |
|
Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd ar 16 Gorffennaf 2015, fel rhai cywir. Cofnod: Llofnododd y Cadeirydd gofnodion o’r pwyllgor hwn a gynhaliwyd ar 16 Gorffennaf 2015, fel rhai cywir. |
|
CYFRIFON TERFYNOL 2014/15 PDF 137 KB Cyflwyno’r
datganiadau ariannol statudol ar gyfer
2014/15. a) Cyflwyno’r
datganiadau ariannol statudol diwygiedig gan y Pennaeth Cyllid am gymeradwyaeth y pwyllgor (copi yma – papur
gwyn) b)(i) Cyflwyno adroddiad ffurfiol “ISA 260” i’r “rhai sy’n gyfrifol
am lywodraethu” gan Swyddfa Archwilio Cymru ar Ddatganiadau
Cyfrifon 2014/15 Cyngor
Gwynedd (copi yma – papur llwyd) b)(ii) Awdurdodi Cadeirydd y Pwyllgor a’r Pennaeth
Cyllid i arwyddo’r “llythyr cynrychiolaeth” ar ran y Pwyllgor Archwilio, sy’n gyfrifol am lywodraethu yng nghyswllt cymeradwyo datganiadau ariannol statudol y Cyngor (copi yma fel
Atodiad 1 i adroddiad Swyddfa Archwilio Cymru sy’n (b)(i) uchod) c)(i) Cyflwyno adroddiad ffurfiol “ISA 260” i’r “rhai sy’n gyfrifol
am lywodraethu” gan Swyddfa Archwilio Cymru ar Ddatganiadau
Cyfrifon 2014/15 y Gronfa Bensiwn (copi yma – papur lelog) c)(ii) Awdurdodi Cadeirydd y Pwyllgor a’r Pennaeth Cyllid i arwyddo’r “llythyr cynrychiolaeth” ar ran y Pwyllgor Archwilio, sy’n gyfrifol am lywodraethu yng nghyswllt cymeradwyo datganiadau ariannol statudol y Gronfa Bensiwn (copi yma fel Atodiad 1 i adroddiad Swyddfa Archwilio Cymru sy’n (c)(i) uchod). Dogfennau ychwanegol:
Cofnod: i) Datganiad o’r Cyfrifon Cyflwynodd
y Pennaeth Cyllid y datganiadau ariannol statudol diwygiedig am
gymeradwyaeth y pwyllgor. Nododd fod Atodiad 3 yn yr
adroddiadau sy’n dilyn gan Swyddfa Archwilio Cymru (SAC) yn nodi’r prif
newidiadau yn y cyfrifon ers cyflwynwyd y fersiwn cyn-archwiliad i gyfarfod 16
Gorffennaf o’r Pwyllgor. ii) Adroddiad yr Archwilydd
Penodedig ar yr Archwiliad o Ddatganiadau Ariannol a) Cyfrifon y Cyngor Yn unol
â’r drefn Archwilio Flynyddol, sef adroddiad yr Archwilydd Penodedig i’r rhai
sy’n llywodraethu, cyflwynwyd adroddiad SAC. ‘Roedd
Arweinydd Ymgysylltu a Rheolwr Lleol, SAC, yn bresennol i gyflwyno’r wybodaeth. Nodwyd
bod SAC yn gyfrifol am gynnal archwiliad ar ran yr
Archwilydd Cyffredinol ac adrodd os ydynt o’r farn bod yr adroddiadau’n
cyflwyno’r sefyllfa ariannol yn gywir a theg ar ddiwedd blwyddyn. Adroddwyd bod
yr Archwilydd Cyffredinol yn bwriadu cyhoeddi adroddiad archwilio diamod ar
gyfrifon Cyngor Gwynedd am 2014/15. Nodwyd y prif sylwadau
canlynol gan gynrychiolwyr SAC: ·
Y byddai oedi cyn ardystio’r cyfrifon gan fod aelod
o’r cyhoedd wedi lleisio gwrthwynebiad i’r cyfrifon yn ymwneud â gwariant
Asiantaeth Cefnffyrdd. O ganlyniad, ni allai SAC
gwblhau eu cyfrifoldebau archwilio yn ffurfiol na chyflwyno tystysgrif i gau’r
archwiliad cyn bod y mater wedi ei gyfarch. ·
Yng nghyswllt camddatganiadau na gywirwyd, bod SAC
wedi adnabod gorddatganiad o £825,000 yn y darpariaethau, sef: Ø Darpariaeth o
£490,000 ar gyfer y golled o ran y dreth Gyngor yn y dyfodol o ganlyniad i
ddeiliaid tai ag eiddo sydd ddim yn llawn drwy gydol y
flwyddyn yn newid i Ardreth Annomestig Genedlaethol. Ø Darpariaeth o
£335,000 i gyfrannu tuag at y diffyg sy’n bodoli o ran pensiwn. Ø Er bod
rhwymedigaeth wedi’i wneud yn y gorffennol mewn perthynas â’r costau hyn, nid
yw’n briodol cael darpariaeth yn y cyfrifon gan fod y rhwymedigaeth eisoes
wedi’i adlewyrchu yn y cyfrifon yn sgil Safon Gyfrifyddu Ryngwladol 19 -
Buddiannau Gweithwyr (IAS19). ·
Nodwyd er y gwerthfawrogir mai doeth yw
neilltuo’r cyllid mewn termau cyllidebol, nid ydynt yn cydymffurfio â’r
diffiniad o “ddarpariaethau” o safbwynt cyfrifyddu technegol ac y byddai’n fwy
priodol i’r symiau hyn gael eu neilltuo fel cronfeydd
wrth gefn wedi’u clustnodi. Mewn ymateb i’r sylwadau uchod nododd
y Pennaeth Cyllid: ·
Nid oedd o’r farn bod
gwrthwynebiad yr aelod o’r cyhoedd yn ymwneud yn uniongyrchol efo’r cyfrifon am
2014/15; ·
Yng nghyswllt y gorddatganiadau, mai dau fater
cyfrifyddu technegol oedd dan sylw. Neilltuwyd dwy gronfa yn ddarbodus, ond bod
yr archwiliwr yn awgrymu na ddylid eu trin fel
darpariaethau. Nodwyd bod sail i fedru ystyried arian
a neilltuwyd naill ai fel darpariaethau neu fel cronfeydd, ond byddai’n
ail-ystyried y drefn erbyn 2015/16. Mewn ymateb i
sylwadau gan aelodau parthed y ddarpariaeth o ran Treth Cyngor, cadarnhaodd y
Pennaeth Cyllid bod Ymchwiliad Craffu ar y gweill yng nghyswllt Tai Gwyliau a
Threthi. Mewn ymateb i gwestiwn gan aelod, nodwyd bod y rhagdybiaethau a dull cyfrifo’r diffyg pensiwn hanesyddol wedi newid, gyda chyfraniad o swm penodol yn hytrach na chanran o gyflog. Adroddwyd nad oedd y nifer swyddi wedi gostwng gymaint a ragwelwyd yn 2014-15, felly bod ... gweld y cofnod llawn ar gyfer eitem 5. |
|
RHEOLAETH TRYSORLYS 2015/16 – ADOLYGIAD CANOL BLWYDDYN PDF 207 KB Cyflwyno,
er gwybodaeth, adroddiad y Pennaeth Cyllid ar wir
weithgarwch benthyg a buddsoddi’r Cyngor hyd yma yn
y flwyddyn ariannol gyfredol (copi yma – papur glas) Cofnod: Cyflwynwyd adroddiad y Pennaeth
Cyllid ar weithgaredd rheolaeth trysorlys y flwyddyn gyfredol. Cadarnhaodd y Rheolwr Buddsoddi, yn ystod y pum
mis rhwng 1 Ebrill a 31 Awst 2015, arhosodd gweithgarwch benthyca’r Cyngor o fewn y cyfyngiadau a osodwyd yn wreiddiol,
ac nid oedd unrhyw fanciau lle'r oedd y Cyngor
wedi adnau arian yn methu
ad-dalu. Adroddwyd
bod 98% o fuddsoddiad y Cyngor ym Manc
Heritable wedi ei adennill, gyda dim ond £80,376 bellach heb ei dalu,
a’i fod yn
debygol y derbynnir dosraniad pellach. PENDERFYNWYD derbyn yr adroddiad
er gwybodaeth. |
|
ADRODDIAD Y GWEITHGOR GWELLA RHEOLAETHAU PDF 576 KB Cyflwyno adroddiad Cadeirydd y Pwyllgor yn cyflwyno adborth o gyfarfod y Gweithgor ar 20 Awst 2015 (copi yma – papur pinc). Cofnod: Cyflwynwyd adroddiad Cadeirydd y Pwyllgor Archwilio ar gyfarfod o’r
gweithgor uchod a gynhaliwyd ar 20 Awst 2015 i ystyried
saith archwiliad a dderbyniodd gategori barn C yn ystod y cyfnod
rhwng 1 Chwefror 2015 a 30 Mehefin 2015 sef - a) Trefniadau Wrth Gefn a Pharhad
Gwasanaeth b) Iechyd a Diogelwch – Gweithio’n Unig c) Taliadau Cymorth Cyntaf ch) System Swyddi d) Costau Teithio Gweithwyr Gofal Cymunedol dd) Gwasanaethau Plant – Comisiynu Gofal e) Cynllun
Datblygu Amgueddfa ac Oriel Gwynedd. Nodwyd
yr ystyriwyd yn ogystal archwiliad
‘Gorfodaeth Parcio’ a oedd wedi derbyn
barn B yn ogystal â mater a
godwyd gan aelod yng nghyfarfod
y Pwyllgor ar 16 Gorffennaf yng nghyswllt Prydlesu Canolfan Awyr Agored
Rhyd Ddu i Antur Nantlle
Cyf. Gwahoddwyd Uwch Reolwyr i fynychu’r cyfarfod
er mwyn trafod
y materion sy’n codi o’r archwiliadau
a’r gwaith a wnaed ers cyhoeddi’r
adroddiadau archwilio er mwyn cryfhau’r
rheolaethau mewnol dan sylw. Nodwyd y cafwyd sicrwydd yn y Gweithgor bod y materion a amlygwyd
gan Archwilio Mewnol yn cael
sylw teilwng a bod camau yn cael
eu cymryd. Nododd aelod nad
oedd yn bosib
iddo fynychu cyfarfod y Gweithgor ar gyfer y drafodaeth
ar y mater Prydlesu Canolfan Awyr Agored
Rhyd Ddu i Antur Nantlle
Cyf gan ei
fod ar ei
wyliau. Mewn
ymateb i sylw gan aelod
parthed asesiadau risg, nododd y Rheolwr Archwilio bod Archwilio Mewnol llynedd wedi gwirio
asesiadau risg gan yr Adrannau
yn ogystal a cadarnhau bod y Gwasanaeth Iechyd a Diogelwch yn gwirio asesiadau
risg yr Adrannau. Holwyd yng nghyswllt archwiliad
Costau Teithio Gweithwyr Gofal Cymunedol, yn dilyn
penderfyniad Ewrop bod amser gwaith gweithwyr
gofal cymunedol yn cychwyn pan yn gadael y cartref,
beth oedd yr oblygiadau ariannol
i’r Cyngor. Nodwyd bod y
mater yn derbyn sylw gan y Gwasanaeth
Adnoddau Dynol. Mewn ymateb i gwestiwn
gan aelod o ran monitro cynnydd y Gwasanaethau ar yr argymhellion, nododd y Rheolwr Archwilio bod archwiliadau dilyniant wedi eu cynllunio. PENDERFYNWYD derbyn yr adroddiad. |
|
CYNNYRCH ARCHWILIO MEWNOL PDF 553 KB Cyflwyno adroddiad y Rheolwr Archwilio yn amlinellu gwaith Archwilio Mewnol am y cyfnod rhwng 1 Gorffennaf a 11 Medi 2015 (copi yma – papur gwyrdd). Cofnod: Gwaith Archwilio
Mewnol am y cyfnod hyd at 11 Medi 2015 Cyflwynwyd
adroddiad y Rheolwr Archwilio yn amlinellu
gwaith Archwilio Mewnol am y cyfnod rhwng 1 Gorffennaf a 11 Medi 2015. Nodwyd bod 8 adroddiad am archwiliadau o’r cynllun gweithredol gyda’r categori barn berthnasol yn cael
ei ddangos wedi ei gwblhau
yn ystod y cyfnod ynghyd â 2 archwiliad dilyniant. Rhoddwyd ystyriaeth i’r adroddiadau yn unigol. Rhoddwyd ystyriaeth i’r adroddiadau yn unigol ac yn ystod
y drafodaeth cyfeiriwyd at
y materion canlynol – Cronfa’r Cadeirydd Mewn ymateb i ymholiad gan aelod,
eglurwyd mai cyllideb blynyddol oedd y “gronfa”, mewn gwirionedd. Prif System Gyfrifo – Adolygiad o’r Rheolaethau Allweddol Tynnodd aelod sylw at fater a amlygwyd yng nghyfarfod
y Pwyllgor Apelau Cyflogaeth ar 18 Medi 2015 o ran defnydd codau gwariant un Adran gan Adran
arall. Mewn ymateb, nodwyd nad oedd
yn anghyffredin i unigolyn ddal
swydd gyda mwy nag un Adran, a bod dyletswydd ar reolwyr
i wirio’r wybodaeth. Nododd yr aelod y byddai’n trafod y mater gyda’r swyddogion ar derfyn y cyfarfod. PENDERFYNWYD: (a)
derbyn yr
adroddiadau ar waith Archwilio Mewnol am y cyfnod o 1 Gorffennaf i 11 Medi 2015 a chefnogi’r argymhellion a gyflwynwyd eisoes i reolwyr
y gwasanaethau perthnasol er gweithrediad. (b)
bod Cadeirydd y pwyllgor, ynghyd â’r Cynghorwyr Tom Ellis, John B.
Hughes a Angela Russell i wasanaethu
ar y Gweithgor i ystyried yr
archwiliadau oedd wedi derbyn categori
barn ‘C’. (c)
mai cyfrifoldeb
unrhyw aelod na allai fod
yn bresennol yn y Gweithgor oedd trefnu eilydd. |
|
CYNLLUN ARCHWILIO MEWNOL 2015/16 PDF 361 KB Cyflwyno adroddiad y Rheolwr Archwilio ar y cynnydd ar Gynllun Archwilio Mewnol 2015/16 (copi yma – papur eog). Cofnod: Cyflwynwyd adroddiad y
Rheolwr Archwilio yn rhoi diweddariad ar y sefyllfa gyfredol o ran cwblhau
cynllun archwilio mewnol 2015/16. Adroddwyd bod yr Uned
Archwilio Mewnol wedi rhagori ar darged chwarter 2, gyda 23.81% o
archwiliadau’r cynllun wedi eu rhyddhau yn derfynol o gymharu â’r targed o 20% cyn diwedd y chwarter. PENDERFYNWYD nodi cynnwys yr adroddiad fel
diweddariad o gynnydd yn erbyn cynllun archwilio 2015/16. |