Rhaglen, penderfyniadau a chofnodion

I dderbyn unrhyw ymddiheuriadau am absenoldeb

Derbyniwyd ymddiheuriadau gan y Cynghorydd Elin Hywel (Cadeirydd) a’r Cynghorydd John Pughe Roberts (Is gadeirydd)

Yn absenoldeb y Cadeirydd ar Is-gadeirydd gofynnwyd am enwebiadau ar gyfer Cadeirydd i’r cyfarfod yma yn unig. Cynigwyd ac eiliwyd y Cyng. Ioan Thomas a’r Cyng. Stephen Churchman.

Pleidleisiwyd ar y ddau gynnig.

Etholwyd y Cynghorydd Stephen Churchman fel Cadeirydd i’r cyfarfod yma yn unig.

Croesawyd y Cynghorydd Gwynfor Owen fel aelod newydd i'r Pwyllgor.

I dderbyn unrhyw ddatganiad o fuddiant personol

Dim i’w nodi

Nodi unrhyw eitemau sy’n fater brys ym marn y Cadeirydd fel y gellir eu hystyried.

Dim i’w nodi

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd ar y 9fed o Chwefror 2026 fel rhai cywir  

Bu i’r Cadeirydd dderbyn cofnodion y cyfarfod a gynhaliwyd ar 9fed o Chwefror 2026 fel rhai cywir

I ystyried yr adroddiad, nodi’r cynnwys a derbyn yr adroddiad

PENDERFYNIAD:

• Nodi’r cynnwys a derbyn yr adroddiad

Cyflwynwyd adroddiad gan y Rheolwr Buddsoddi mewn ymateb i’r angen i ragamcanu llif arian disgwyliedig y Gronfa dros gyfnod hirdymor, fel bod modd deall sensitifrwydd sefyllfa llif arian net y Gronfa mewn nifer o senarios chwyddiant. Adroddwyd, er bod y prisiad teirblynyddol wedi dangos bod y Gronfa mewn sefyllfa iach o ran asedau, rhaid cadw golwg ar lif arian y Gronfa gan ystyried trosi rhai asedau i arian neu i asedau fyddai’n talu incwm rheolaidd (er mwyn talu’r pensiynwyr), ac a fyddai digon o arian yn dod i mewn i’r Gronfa o ddydd i ddydd i wneud hynny.

Tynnwyd sylw at y mathau o incwm a’r gwariant rheolaidd sydd yn digwydd o fewn y Gronfa, ynghyd a sefyllfa llif arian y blynyddoedd diweddar oedd yn amlygu bod y sefyllfa wedi bod yn bositif dros y tair mlynedd ddiwethaf. Eglurwyd ei bod yn arferol i Gronfa Bensiwn fynd i sefyllfa llif arian negyddol pan fydd taliadau buddion yn mynd yn uwch na’r incwm sydd yn dod i mewn, ac felly amlinellwyd bwysigrwydd o’r angen i fonitro’r sefyllfa a defnyddio Strategaeth Fuddsoddi er mwyn gwerthu neu newid y math o asedau sydd fwyaf priodol.

Cyfeiriwyd at adroddiad a ddarparwyd gan Hymans Robertson oedd yn asesu’r sefyllfa ynghyd a chanlyniadau scenario analysis a wnaethwpyd i ganfod beth fydd efffaith chwyddiant gwahanol lefelau. Ymddengys petai senario waelodlin, yna bydd potensial i’r Gronfa wynebu sefyllfa llif arian negyddol yn 2027 ac yn gynharach na hynny os bydd chwyddiant yn parhau ar lefel uchel. Ategwyd, yn y tymor byr, bod gan y Gronfa gronfeydd hylifol y gellid galw arnynt ar fyr rybudd; bydd monitro a gweithredu’r llif arian hefyd yn ystyriaeth i’r Cwmni Rheoli Buddsoddi WPP IMCo o fis Ebrill 2026 – bydd angen cydweithio gyda’r cwmni dros y cyfnod nesaf i sicrhau bod digon o hylifedd ar gael.

Diolchwyd am yr adroddiad a gwerthfawrogwyd yr ymarferiad gan Hymans Robertson.

Mewn ymateb i gwestiwn ynglŷn â’r angen i ystyried polisi llif arian ac ail-gydbwyso ffurfiol, nodwyd bydd rhain yn gamau y bydd Cwmni Buddsoddi WPP IMCo angen eu hystyried; bydd y cwmni hefyd gyda’r arbenigedd i wneud y penderfyniad cywir. Ategwyd bod asedau ecwiti bellach wedi eu dad risgio, bod camau diogelu mewn lle a bod y sefyllfa yn un synhwyrol.

PENDERFYNWYD:

·        Nodi’r cynnwys a derbyn yr adroddiad

I ystyried yr adroddiad a mabwysiadu’r Datganiad Strategaeth Cyllido

PENDERFYNIAD

Derbyn yr adroddiad a mabwysiadu’r Datganiad Strategaeth Cyllido 

Cyflwynwyd adroddiad gan y Rheolwr Buddsoddi yn egluro’r gofyn sydd ar y Gronfa i adolygu’r Datganiad Strategaeth Cyllido pob tair blynedd, a hynny ar ôl y prisiad teirblynyddol (onibai bod newid sylweddol yn amodau’r farchnad). Amlygwyd mai prif bwrpas y datganiad yw adlewyrchu ffactorau’r prisiad gan bwyso a mesur fforddiadwyedd i’r cyflogwyr gydag amcanion hylifedd hirdymor y Gronfa.

Nodwyd bod y Datganiad yn ddogfen faith a thechnegol, ac wedi ei pharatoi mewn ymgynghoriad manwl gyda Hymans a swyddogion y Gronfa. Eglurwyd, fel rhan o’r adolygiad, bod rhaid i’r awdurdod gweinyddol ymgynghori gyda phob cyflogwr sydd yn rhan o’r cynllun, gydag actiwari, ymgynghorwyr y Gronfa ac unrhyw bersonau eraill y maent yn eu hystyried yn addas. Yn unol â’r gofyn, cyflwynwyd y Datganiad (drafft) i’r Pwyllgor Pensiynau ym mis Chwefror 2026, i’r Bwrdd Pensiwn ac i holl gyflogwyr y Gronfa. Adroddwyd nad oedd unryw adborth wedi ei dderbyn gan y cyflogwyr, ond bod yr actiwari wedi awgrymu un newid / ychwnaegiad i Ch4 ynglŷn ag adrodd ar y Bwlch Pensiwn rhwng Rhywiau

Diolchwyd am yr adroddiad – er yn ddogfen faith, bod y cynnwys yn syml a dealladwy.

PENDERFYNWYD

Derbyn yr adroddiad a mabwysiadu’r Datganiad Strategaeth Cyllido 

I ystyried yr adroddiad a mabwysiadu’r Datganiad Strategaeth Buddsoddi

PENDERFYNIAD       

Derbyn yr adroddiad a mabwysiadu’r Datganiad Strategaeth Buddsoddi

Cyflwynwyd adroddiad gan y Rheolwr Buddsoddi yn ceisio cymeradwyaeth ffurfiol y Pwyllgor i fabwysiadu’r Strategaeth Buddsoddi a chadarnhau trefniadau cronni. Amlygwyd ei bod yn ofynnol i’r Gronfa gyhoeddi’r Datganiad Strategaeth, ac amserol fyddai gosod dyraniad asedau strategol newydd yn dilyn y prisiad teirblynyddod. Nodwyd bod y Datganiad Strategaeth Buddsoddi wedi ei baratoi mewn ymgynghoriad â Hymans Robertson.

Amlinellwyd bod y strategaeth yn tanlinellu’r cydbwysedd rhwng risg a dychweliadau y mae’r gronfa ei hangen gan amlinellu’r dyraniad asedau strategol. Cyfeiriwyd at wybodaeth am y Cwmni Rheoli Buddsoddi IMCo (strwythur a llywodraethiant y cwmni fydd yn weithredol o’r 1af o Ebrill 2026), buddsoddi cyfrifol, hawliau pleidleisio ac ymgysylltu - elfennau pwysig yng ngweithrediad y Gronfa.

Diolchwyd am yr adroddiad

PENDERFYNWYD    

Derbyn yr adroddiad a mabwysiadu’r Datganiad Strategaeth Buddsoddi

I ystyried yr adroddiad

I fabwysiadu’r Datganiad Strategaeth Rheolaeth Trysorlys atodol am 2026/27, fel ei addaswyd i bwrpas Cronfa Bensiwn Gwynedd (Atodiad A).

I wneudd cais i’r Cyngor (er nad yw’n gorff ar wahân) i ganiatáu i arian dros ben y Gronfa Bensiwn barhau i gael ei gronni gyda llif-arian cyffredinol y Cyngor o 1 Ebrill 2026 ymlaen. 

PENDERFYNIAD

• Derbyn yr adroddiad
• Mabwysiadu’r Datganiad Strategaeth Rheolaeth Trysorlys am 2026/27, fel ei addaswyd i bwrpas Cronfa Bensiwn Gwynedd
• Gwneud cais i’r Cyngor (er nad yw’n gorff ar wahân) i ganiatáu i arian dros ben y Gronfa Bensiwn barhau i gael ei gronni gyda llif-arian cyffredinol y Cyngor o 1 Ebrill 2026 ymlaen.

Cyflwynwyd adroddiad blynyddol gan y Rheolwr Buddsoddi yn nodi, yn unol â Chyfarwyddyd Statudol Llywodraeth Cynulliad Cymru ar Fuddsoddiadau Llywodraeth Leol, mae’n ofynnol i’r Cyngor, fel rhan o’i swyddogaeth wrth reoli’r trysorlys, baratoi Strategaeth Fuddsoddi Flynyddol. Fel ymarfer da, ystyriwyd y dylai Cronfa Bensiwn Gwynedd (y “Gronfa”) fabwysiadu Datganiad Strategaeth Rheoli’r Trysorlys (DSRhT) Cyngor Gwynedd am 2026/27, fel ei addaswyd i bwrpas y Gronfa Bensiwn. Cafodd DSRhT Cyngor Gwynedd am 2026/27 ei gymeradwyo gan y Cyngor llawn ar y 5ed o Fawrth 2026.

Eglurwyd, ar hyn o bryd, bod yr holl arian sydd dros ben yn y Gronfa (sef arian nad yw’n cael ei fuddsoddi gyda Rheolwyr Buddsoddi) yn cael ei gronni gyda balansau ariannol Cyngor Gwynedd ac yn cael ei fuddsoddi gyda gwrthbartion yn unol â Strategaeth Rheolaeth Trysorlys Cyngor Gwynedd. Ar ddiwedd y flwyddyn ariannol, bydd Cyngor Gwynedd yn talu llog i’r Gronfa Bensiwn ar sail balansau dyddiol y Gronfa dros y flwyddyn.

Adroddwyd bod cod ymarfer CIPFA a chanllawiau Llywodraeth Cymru yn ei gwneud yn ofynnol i’r Cyngor fuddsoddi ei arian yn ddarbodus gan roi ystyriaeth i ddiogelwch a hylifedd cyn ceisio enillion neu’r cynnyrch uchaf, a tharo cydbwysedd gyda’r ffactorau yma. Cyfeiriwyd at y sectorau sydd wedi’u cymeradwyo i fuddsoddi ynddynt ynghyd a’r terfynau buddsoddi ar eu cyfer e.e. llywodraeth leol, awdurdodau lleol, banciau, cronfeydd marchnad arian a chronfeydd cyfun. Tynnwyd sylw at y rhagolygon oedd wedi eu paratoi gan ymgynghorwyr ariannol y Cyngor, Arlingclose, y math o fuddsoddiadau roedd gan y Cyngor ar ddiwedd 2025 ac at ofynion ychnwaegol Canllawaiu Buddsoddi Llywodraeth Cymru.

Diolchwyd am yr adroddiad.

PENDERFYNWYD

·        Derbyn yr adroddiad

·        Mabwysiadu’r Datganiad Strategaeth Rheolaeth Trysorlys am 2026/27, fel ei addaswyd i bwrpas Cronfa Bensiwn Gwynedd

·        Gwneud cais i’r Cyngor (er nad yw’n gorff ar wahân) i ganiatáu i arian dros ben y Gronfa Bensiwn barhau i gael ei gronni gyda llif-arian cyffredinol y Cyngor o 1 Ebrill 2026 ymlaen.

I ystyried yr adroddiad a chymeradwyo’r Cynllun Busnes

PENDERFYNIAD

Derbyn yr adroddiad a chymeradwyo’r Cynllun Busnes

Cyflwynwyd adroddiad gan y Rheolwr Buddsoddi yn cynnwys Cynllun Busnes y Bartneriaeth. Mynegwyd yn arferol, bod y Bartneriaeth yn creu Cynllun Busnes blynyddol am gyfnod o dair blynedd, ond bod cynllun eleni yn Gynllun Busnes Trosiannol ar gyfer blwyddyn gyntaf Cwmni Rheoli Buddsoddiadau WPP IM Co (cwmni annibynnol fydd yn cael ei reoli gan yr Awdurdod Ymddygiad Ariannol (FCA) ac yn weithredol o’r 1af o Ebrill 2026). Bydd y ddogfen hon yn cael ei monitro, ei hadolygu a'i chytuno yn ffurfiol yn flynyddol. Ategwyd bod y Cynllun Busnes wedi ei gymeradwyo gan Cyd Bwyllgor Llywodraethu’r Bartneriaeth ar y 10fed o Fawrth 2026 a bod gofyn i’r wyth Awdurdod sydd yn rhan o’r Bartneriaeth gymeradwyo’r Cynllun.

Yng nghyd-destun trefniadau newydd Partneriaeth Pensiwn Cymru, eglurwyd mai’r Awdurdodau Cyfansoddol yw cyfranddalwyr a chleientiaid y Cwmni Rheoli Buddsoddiadau (WPP IM Co), ac y bydd gan WPP IM Co gynllun busnes a chyllideb ar wahân (gweler eitem 10). Ategwyd y bydd rôl newydd y Bartneriaeth fel cyfranddalwyr a chleientiaid, yn cynnwys goruchwylio WPP IM Co, yn ogystal â pharhau i weithredu agweddau’r Cytundeb Rhyng Awdurdod (IAA) diwygiedig a gymeradwywyd gan y Cyngor Llawn ar 5ed o Fawrth 2026; cyfeiriwyd at strwythur newydd llywodraethu PPC o’r Iaf o Ebrill 2026.

Adroddwyd bod y cynllun busnes hefyd yn manylu ar sut mae’r Bartneriaeth yn mynd i gyflawni ei nodau gan amlinellu blaenoriaethau ac amcanion Awdurdodau Cyfansoddol y Bartneriaeth a’r gyllideb ariannol.

Diolchwyd am yr adroddiad.

Mewn ymateb i gwestiwn ynglyn a phryd fydd Cwmni Rheoli Buddsoddiadau (WPP IM Co) yn dechrau gweithredu, nodwyd mai’r 1af o Ebrill 2026 yw’r dyddiad swyddogol gyda chyfnod trosiannol wrth i’r cwmni sefydlu trefniadau ei hun.

Mewn ymateb i gwestiwn ynglŷn â pha mor aml fydd y Cynllun Busnes yn cael ei adolygu, o ystyried y trefniadau newydd o’r 1af o Ebrill 2026, nodwyd y bydd yr Awdurdodau Cyfansoddol yn derbyn adolygiad chwarterol gan PPC, ac adolygiad chwarterol gan y Cwmni Rheoli Buddsoddiadau. Ategwyd y bydd cyswllt parhaus gyda swyddogion PPC ac WPP IM Co, gyda bwriad o rannu gwybodaeth / diweddariad yng nghyfarfodydd y Pwyllgor i’r dyfodol.

PENDERFYNWYD

Derbyn yr adroddiad a chymeradwyo’r Cynllun Busnes

I ystyried yr adroddiad a chymeradwyo’r Cynllun Busnes

PENDERFYNIAD

Derbyn yr adroddiad a chymeradwyo’r Cynllun Busnes

Nodyn

Cais am Gynllun Strategol / ddogfen ffurfiol fyddai’n amlinellu cyfeiriad WPP IM Co  i  leihau costau  wedi’r cyfnod trawsnewid

Cyflwynwyd adroddiad gan y Rheolwr Buddsoddi yn cynnwys Cynllun Busnes Cychwynnol Cwmni Rheoli Buddsoddiadau (WPP IM Co). Eglurwyd, o’r 1af o Ebrill 2026, bydd WPP Investment Management Company Limited (WPP IM Co) yn gyfrifol am gyngor buddsoddi a gweithredu buddsoddiadau, gwerth mwy na £25 biliwn, ar ran wyth cronfa Cynllun Pensiwn Llywodraeth Leol o Gymru. Ategwyd mai’r Cynllun Busnes Cychwynnol yma yw'r cyfrif ffurfiol cyntaf mae’r Awdurdodau wedi ei dderbyn ac fe gymeradwywyd y Cynllun Busnes gan y Cyd-bwyllgor Llywodraethu ar y 10fed o Fawrth 2026.

Amlygwyd bod y Cynllun Busnes yn manylu ar sut fydd y Cwmni Rheoli Buddsoddiadau yn mynd i gyflawni’r amcanion strategol (dyletswydd ymddiriedolwyr a lles Aelodau; Gweithredu buddsoddiad; Cyngor buddsoddi; Buddsoddiad cyfrifol a stiwardiaeth; Buddsoddiad lleol a Chymru; Llywodraethu, atebolrwydd a thryloywder; Cydymffurfiaeth reoleiddiol; Datblygu tîm a gallu), ynghyd â gosod cynllun  llywodraethu a goruchwylio, crynodeb ariannol, dull rheoli buddsoddiadau, gweithrediadau a staffio, rheoli risg a chydymffurfiaeth a buddsoddiad cyfrifol mewn lle.

Diolchwyd am yr adroddiad

Mewn ymateb i sylw bod costau staffio (amcangyfrif £4.2m) yn sylweddol uwch na gwariant staffio'r Bartneriaeth ar hyn o bryd, ac a oedd ffigyrau cyfatebol ar gael, nodwyd bod y costau presennol yn isel iawn, ond y bydd cynnydd sylweddol yn y cyfnod trosiannol wrth sefydlu’r trefniadau newydd. Y bwriad yw, wrth i’r arbenigedd gael ei sefydlu yn fewnol, y bydd costau ffioedd Rheolwyr Buddsoddi allanol yn gostwng yn sylweddol.

Mewn ymateb i gwestiwn ynglŷn â thaliadau budd (dividend) i Aelodau Bwrdd y Cyfranddalwyr, nodwyd mai cyflogau fydd yn cael eu talu ac nid bonws. Adroddwyd bod Bwrdd Cysgodol wedi ei sefydlu ers cofrestru Cwmni Rheoli Buddsoddiadau WPP IM Co gyda’r Tŷ Cwmnïoedd. Ategwyd mai’r wyth Awdurdod Cyfansoddiadol yw’r Cyfranddalwyr ac felly pe bai buddion i’w rhannu, i’r Cynghorau unigol bydd y rhain yn cael eu talu. Nodwyd hefyd bod bwriad sefydlu Polisi Tâl (Remuneration Policy). Mae penodiadau’r Bwrdd IM Co yn y broses o dderbyn  sêl bendith gan y Cofrestr Gwasanaethau Ariannol (FCA).

Mewn ymateb i sylw bod angen Cynllun Strategol / dogfen ffurfiol fyddai’n amlinellu cyfeiriad WPP IM Co i leihau costau wedi’r cyfnod trawsnewid, nodwyd bod bwriad cyflogi 12 aelod o staff ym mis Ebrill, gyda’r ffigwr yn cynyddu i 24 erbyn mis Rhagfyr 2026 - cynnydd tebygol mewn costau. Er hynny, nodwyd bod disgwyliad i gostau Rheolwr Buddsoddi / Cronfeydd allanol leihau yn y tymor hir – amser a ddengys; Dyhead y Llywodraeth yw lleihau’r ffioedd.

PENDERFYNWYD

Derbyn yr adroddiad a chymeradwyo’r Cynllun Busnes

Nodyn:

Cais am Gynllun Strategol / ddogfen ffurfiol fyddai’n amlinellu cyfeiriad WPP IMCo i leihau costau wedi’r cyfnod trawsnewid

Gofynnir i'r Pwyllgor:

• Nodi’r hyfforddiant a gynhaliwyd yn ystod 2025/26;
• Nodi’r absenoldeb yr Asesiad Gwybodaeth Cenedlaethol 2025 a'r adolygiad arfaethedig o'r fframwaith;
• Cymeradwyo Cynllun Hyfforddi 2026/27 fel y nodir yn Atodiad 2

PENDERFYNIAD

• Derbyn yr adroddiad gan nodi’r wybodaeth am yr hyfforddiant a gynhaliwyd yn ystod 2025/26
• Croesawu’r cyfleoedd sydd yn cael eu cynnig
• Nodi absenoldeb yr Asesiad Gwybodaeth Cenedlaethol 2025 a'r adolygiad arfaethedig o'r fframwaith
• Cymeradwyo Cynllun Hyfforddi 2026/27

Nodyn

Cynnal sesiynau un i un gyda’r Aelodau newydd

Cyflwynwyd adroddiad gan y Rheolwr Pensiynau yn diweddaru’r Aelodau ar gynllun hyfforddiant 2025/26 a gofyn iddynt gymeradwyo cynllun hyfforddiant arfaethedig  2026/27. Ystyriwyd bod cynllun 2025/26 wedi bod yn llwyddiannus a diolchwyd i’r Aelodau am fynychu amryw o sesiynau hyfforddiant oedd yn cynnig ystod eang o bynciau, yn ogystal  â seminarau, cynadleddau a gweminarau allanol perthnasol oedd yn cael eu canmol fel rhai defnyddiol ac amserol.

Amlygwyd nad oedd Asesiad Gwybodaeth Cenedlaethol, sydd fel arfer yn cael ei gydlynu gan Hymans Robertson i feincnodi lefelau gwybodaeth yr Aelodau, wedi ei gynnal yn ystod 2025 oherwydd yr angen i adolygu’r fframwaith yn sgil diwygiadau llywodraethu Addas ar Gyfer y Dyfodol, cryfhau disgwylidau o dan y Côd Cyffredinol a datblygiadau mewn pwlio buddsoddiadau, buddsoddii cyfrifol a safonau llywodraethu. Unwaith y bydd yr Asesiad diwygiedig wedi ei gyhoeddi bydd hyn yn galluogi’r Gronfa i feincnodi lefelau gwybodaeth yn genedlaethol, nodi anghenion hyfforddi sy'n dod i'r amlwg a llywio iteriadau y Cynllun Hyfforddi a'r Strategaeth Llywodraethu a Hyfforddiant i’r dyfodol.

Wrth gyflwyno Cynllun Hyfforddiant 2026/27, ac yng nghyd-destun hyfforddiant craidd, nodwyd bod y Cynllun yn adlewyrchu'r bwriad i Bartneriaeth Pensiwn Cymru barhau fel prif ddarparwr hyfforddiant i aelodau'r Pwyllgor a'r Bwrdd Pensiwn. Fodd bynnag, oherwydd y newidiadau parhaus o fewn y trefniadau pwlio, nid oedd unrhyw sesiynau hyfforddi wedi'u trefnu. Ategwyd, unwaith bydd y strwythur a'r trefniadau llywodraethu diwygiedig wedi'u cwblhau, rhagwelir bydd rhaglen o sesiynau yn cael eu trefnu. Y disgwyliad yw y bydd y sesiynau hyn yn cwmpasu'r meysydd allweddol.

Cyfeiriwyd at gynadleddau sydd wedi eu nodi ar gyfer 2026/27 gan ategu disgwyliad i’r Aelodau sydd yn mynychu gwblhau ffurflen adborth strwythuredig i’w chynnwys ar raglen cyfarfod y Pwyllgor Pensiynau dilynol. Anogwyd yr Aelodau i fanteisio ar gyfleoedd dysgu ychwanegol megis modiwlau dysgu ar lein a dysgu hunangyfeiriedig.

Diolchwyd am yr adroddiad

Sylwadau yn codi o’r drafodaeth ddilynol:

·        Yn gwerthfawrogi rhaglen hyfforddiant ffurfiol a chynhwysfawr

·        Yn croesawu’r cyfleoedd hyfforddiant, yn enwedig i aelodau newydd

·        Awgrym i gynnal sesiynau un i un (mewnol)

·        Awgrym i gyflwyno sesiwn dilyniant i’r hyfforddiant Hanfodion (wedi blwyddyn o’r dyddiad cwblhau)

·        Bod Cynhadledd LAPFF i’w chynnal 2-4 Rhagfyr 2026

PENDERFYNWYD

·        Derbyn yr adroddiad gan nodi’r wybodaeth am yr hyfforddiant a gynhaliwyd yn ystod 2025/26

·        Croesawu’r cyfleoedd sydd yn cael eu cynnig

·        Nodi absenoldeb yr Asesiad Gwybodaeth Cenedlaethol 2025 a'r adolygiad arfaethedig o'r fframwaith

·        Cymeradwyo Cynllun Hyfforddi 2026/27

Nodyn

Cynnal sesiynau un i un gyda’r Aelodau Newydd

I ystyried yr adroddiad a nodi’r wybodaeth

PENDERFYNIAD

Derbyn yr adroddiad a nodi’r wybodaeth

Cyflwynwyd er gwybodaeth, adroddiad prisiad gan y Rheolwr Pensiynau. Adroddwyd bod y swyddogion wedi bod yn cydweithio gyda’r actiwari Hymans Robertson dros y flwyddyn diwethaf ar brisiad tair blynedd Cronfa Bensiwn Gwynedd. Eglurwyd mai pwrpas y prisiad yw sicrhau bod gan y Gronfa strategaeth ariannu gadarn i fodloni rhwymedigaethau buddion hirdymor wrth osod cyfraddau cyfraniadau cyflogwyr ar y cyfnod rhwng 1af o Ebrill 2026 a 31 Mawrth 2029.

Cyfeiriwyd at sefyllfa ariannol iach y Gronfa ac at gyfraddau cyfraniadau’r cyflogwr fydd yn gostwng i 16.2% o’r cyflog (o gymharu â 21.8% yn 2022). Tynnwyd sylw hefyd at ofyniad newydd ar gyfer Prisiad 2025 sef adrodd ar y Bwlch Pensiwn rhwng y Rhywiau. Nodwyd y bydd adolygiad i newidiadau yn y rheoliadau i geisio lleihau’r bwlch sydd ar hyn o bryd yn cael ei ddylanwadu fawr gan y bwlch cyflog rhwng y rhywiau sydd yn adlewyrchu gwahanol batrymau gwaith fel gwaith rhan-amser.

Adolygwyd y rhagdybiaethau a ddefnyddiwyd yn y prisiad hwn yn mis Ionawr 2025 ac fe’i cymeradwywyd yn Mhwyllgor Pensiynau Mawrth 2025. Ategwyd, yn dilyn ymgynghoriadau â chyflogwyr, bod y Datganiad Strategaeth Ariannu terfynol wedi ei gymeradwyo yn y cyfarfod yma (eitem 6), a bod y prisiad ffurfiol nesaf wedi ei drefnu ar gyfer 31 Mawrth 2028.

Diolchwyd am yr adroddiad

Mewn ymateb i gwestiwn ynglŷn â pha mor gyfreithlon yw edrych ar wahanol ryweddau ar wahân, nodwyd gyda’r mater yn un cenedlaethol y tebygrwydd yw bod barn gyfreithiol wedi ei dderbyn ar y mater. Ategwyd mai’r un yw’r ganran cyfraniadau i bawb, ond bod yr anghydraddoldeb yn deillio o ferched gan amlaf yn derbyn llai o enillion oherwydd gwaith rhan-amser, a seibiannau gyrfa ar gyfer mamolaeth / gofalu, sy’n arwain at gyfraniadau pensiwn llai; Bydd angen mynd i'r afael â'r bwlch pensiwn rhywedd drwy hyrwyddo cyflog cyfartal a cheisio mwy o hyblygrwydd.

Mewn ymateb i gwestiwn ynglŷn ag ystyr ‘profiad aelodaeth’ (membership experience) yn y tabl ‘Newidiadau ers y gwerthusiad diwethaf - sefyllfa ariannu’, (£31m o leihau gwarged / cynyddu diffyg), nodwyd bod hyn yn amlygu’r profiad real o gymharu a disgwyliadau y gwerthusiad diwethaf.

PENDERFYNWYD

Derbyn yr adroddiad a nodi’r wybodaeth

Bydd y Cadeirydd yn cynnig y dylid cau’r wasg a’r cyhoedd allan o’r cyfarfod yn ystod y drafodaeth ar yr eitemau canlynol gan ei fod yn debygol y datgelir gwybodaeth eithriedig fel y’i diffinnir ym mharagraff  Paragraff 14 o Atodiad 12A o Ddeddf Llywodraeth Leol 1972 Gwybodaeth ynglŷn â thrafodion ariannol neu fusnes unrhyw berson penodol (yn cynnwys yr awdurdod sydd yn dal y wybodaeth hynny).

Mae budd cyhoeddus cydnabyddedig mewn bod yn agored ynglŷn â defnydd adnoddau cyhoeddus a materion ariannol cysylltiedig. Cydnabyddir fodd bynnag fod adegau, er gwarchod buddiannau ariannol awdurdod cyhoeddus fod angen trafod gwybodaeth fasnachol heb ei gyhoeddi. Byddai cyhoeddi gwybodaeth fasnachol sensitif o’r math yma yn amhriodol o ran buddiannau cydnabyddedig trydydd bartïon ac yn gallu tanseilio hyder i ddod a gwybodaeth ymlaen gerbron y Cyngor a felly gallu’r Cyngor i wneud penderfyniadau ar ran y gronfa. Byddai hyn yn groes i’r budd cyhoeddus ehangach o sicrhau gwerth am arian a’r allbwn cyfansawdd gorau ac felly am y rhesymau yma mae’r mater yn gaeedig er y budd cyhoeddus.

PENDERFYNWYD cau’r wasg a’r cyhoedd allan o’r cyfarfod yn ystod y drafodaeth ar yr eitemau canlynol gan ei fod yn debygol y datgelir gwybodaeth eithriedig fel y’i diffinnir ym Mharagraff 14 o Atodiad 12A o Ddeddf Llywodraeth Leol 1972 Gwybodaeth ynglŷn â thrafodion ariannol neu fusnes unrhyw berson penodol (yn cynnwys yr awdurdod sydd yn dal y wybodaeth hynny).

Mae budd cyhoeddus cydnabyddedig mewn bod yn agored ynglŷn â defnydd adnoddau cyhoeddus a materion ariannol cysylltiedig. Cydnabyddir fodd bynnag fod adegau, er gwarchod buddiannau ariannol cyhoeddus fod angen trafod gwybodaeth fasnachol heb ei gyhoeddi. Mae’r adroddiadau yn benodol ynglŷn â phroses gaffael arfaethedig. Byddai cyhoeddi gwybodaeth fasnachol sensitif o’r math yma yn gallu bod yn niweidiol i fuddiannau’r Cyngor a’i bartneriaid drwy danseilio cystadleuaeth. Byddai hyn yn groes i’r budd cyhoeddus ehangach o sicrhau'r allbwn cyfansawdd gorau. Am y rhesymau hyn mae’r materion yn gaeedig er y budd cyhoeddus.

I ystyried yr adroddiad, nodi’r wybodaeth a chynnwys yr adroddiad atodol

(copi i’r Aelodau yn unig)

PENDERFYNIAD

• Derbyn yr adroddiad a nodi’r wybodaeth
• Yn llongyfarch y swyddogion am y gwaith da sydd yn cael ei wneud

Cyflwynwyd adroddiad gan y Rheolwr Buddsoddi yn adrodd ar berfformiad buddsoddi Cronfa Bensiwn Gwynedd hyd at Rhagfyr 2025. Nodwyd, yn y gorffennol bod y perfformiad yn cael ei drafod mewn panel buddsoddi gyda’r Rheolwyr Buddsoddi ond gyda newid i drefniadau wrth sefydlu Cwmni Rheoli Buddsoddi WPP IM Co, bydd y Rheolwr Buddsoddi yn adrodd ar y perfformiad hyd nes bydd y Cwmni Buddsoddi yn dechrau adrodd i’r Pwyllgor.

Trafodwyd yr adroddiad.

PENDERFYNWYD

·        Derbyn yr adroddiad a nodi’r wybodaeth

·        Yn llongyfarch y swyddogion am y gwaith da sydd yn cael ei wneud