Rhaglen, penderfyniadau a chofnodion drafft

I dderbyn unrhyw ymddiheuriadau am absenoldeb

Derbyniwyd ymddiheuriadau gan y Cyng. Iwan Huws

I dderbyn unrhyw ddatganiad o fuddiant personol

Dim i’w nodi

Nodi unrhyw eitemau sy’n fater brys ym marn y cadeirydd fel y gellir eu hystyried.

Dim i’w nodi

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 7fed o Orffennaf 2025 fel rhai cywir  

Bu i’r Cadeirydd dderbyn cofnodion y cyfarfod a gynhaliwyd ar 7fed o Fehefin 2025 fel rhai cywir.

I dderbyn a nodi’r wybodaeth

PENDERFYNIAD:

Derbyn yr adroddiad a nodi’r wybodaeth

Nodyn: Pwyso unwaith eto ar PPC i gyfeirio at Brosiect Snowdon fel Prosiect Yr Wyddfa

.

Amlygodd y Rheolwr Buddsoddi bod yr adroddiad bellach yn un rheolaidd sy’n cael ei gyflwyno i’r Aelodau yn nodi’r wybodaeth ddiweddaraf ar waith PPC ynghyd a phenderfyniadau cyfarfod mis Gorffennaf o’r Cydbwyllgor Llywodraethu (corff sy’n gwneud penderfyniadau dros y Bartneriaeth gyda Chadeirydd pob cronfa yn eistedd arno).

Cadarnhawyd bod yr archwiliad a’r Ffurflen Flynyddol wedi eu cymeradwyo ac nid oedd unrhyw fater wedi codi. Ategwyd bod y gwaith ‘Prosiect Yr Wyddfa’, sef sefydlu Cwmni Buddsoddi ar gyfer buddsoddiadau cronfeydd pensiwn LGPS yng Nghymru yn prysur symud yn ei flaen, a'r cam nesaf fydd cofrestru gyda’r FCA, (Financial Conduct Authority) erbyn diwedd mis Medi.

Cyflwynwyd hefyd ddiweddariad ar y cynllun hyfforddi, y cynllun busnes a’r gofrestr risg ac adolygwyd y polisïau buddsoddi cyfrifol, hinsawdd a stiwardiaeth. Cyfeiriwyd at fanylder gwaith y gweithredwr dros y cyfnod ac at amodau’r farchnad oedd wedi cael eu monitro ganddynt. Tynnwyd sylw at ddadansoddiad a pherfformiad yr is gronfeydd gan amlygu bod buddsoddiadau marchnadoedd preifat wedi ei lansio a bod gan Cronfa Bensiwn Gwynedd fuddsoddiadau mewn isadeiledd, credyd preifat ac ecwiti preifat, gyda gwaith yn parhau i geisio lansio buddsoddiadau eiddo, yn hwyrach yn yr Hydref. Gyda nifer o feysydd newydd, adroddwyd bod gwybodaeth ar bob maes yn unigol yn cael ei gyflwyno i’r cydbwyllgor ac mai ecwiti preifat a drafodwyd ym mis Gorffennaf.

Diolchwyd am yr adroddiad

Mewn ymateb i sylw bod PPC yn parhau i gyfeirio at y prosiect fel Prosiect Snowdon Project ac nid Prosiect yr Wyddfa / Yr Wyddfa Project, nodwyd bod y sylw wedi cael ei gyflwyno i PPC, ac ar bob cyfle posib wedi hynny, y swyddogion wedi ceisio cyfleu’r enw cywir. Derbyniwyd y sylw bod gweddill y DU bellach yn defnyddio'r enw Yr Wyddfa a’r siom bod PPC, o bob sefydliad, yn methu cydnabod hyn. Er bod gwedd 1 (Prosiect yr Wyddfa) bellach wedi dod i ben, derbyniwyd yr awgrym i’r Cadeirydd, yng nghyfarfod nesaf y Cydbwyllgor, bwyso unwaith eto ar PPC i gyfeirio at Prosiect Snowdon fel Prosiect yr Wyddfa.

PENDERFYNWYD

Derbyn yr adroddiad a nodi’r wybodaeth

Nodyn: Pwyso unwaith eto ar PPC i gyfeirio at Prosiect Snowdon Project fel Prosiect Yr Wyddfa

I ystyried a derbyn yr adroddiad er gwybodaeth

PENDERFYNIAD

Derbyn yr adroddiad a nodi’r wybodaeth

Cyflwynwyd adroddiad gan y Rheolwr Buddsoddi yn adrodd ar wir ganlyniadau rheolaeth trysorlys y Cyngor 2024/25, yn erbyn y Strategaeth a gymeradwywyd gan y Cyngor Llawn Mawrth y 7fed 2024. Adroddwyd bod y flwyddyn wedi bod yn flwyddyn brysur a llewyrchus iawn i weithgaredd rheolaeth trysorlys y Cyngor wrth i’r gweithgaredd aros o fewn y cyfyngiadau a osodwyd. Cadarnhawyd nad oedd unrhyw fethiant i ad-dalu gan y sefydliadau roedd y Cyngor wedi buddsoddi arian gyda nhw.

Adroddwyd bod £2.5m o log wedi ei dderbyn ar fuddsoddiadau sydd yn is na’r £2.7m oedd yn y gyllideb a hynny’n rhesymol o ystyried gostyngiad yn y gyfradd sylfaenol o 5.25% i 4.5%. Nodwyd bod yr incwm llog yn cael ei rannu gyda’r Gronfa Bensiwn ar sail balans dyddiol a’r Gronfa Bensiwn wedi derbyn £1.09 miliwn o incwm yn y flwyddyn dan sylw.

Adroddwyd, yng nghyd-destun gweithgareddau buddsoddi, bod y Cyngor wedi parhau i fuddsoddi gyda Banciau a Chymdeithasau Adeiladu, Cronfeydd Marchnad Arian, Cronfeydd wedi’i pwlio, Awdurdodau Lleol a Swyddfa Rheoli Dyledion. Nodwyd bod y cronfeydd yn gyson gyda’r math o fuddsoddiadau sydd wedi eu gwneud ers nifer o flynyddoedd bellach.

Yng nghyd-destun adroddiad cydymffurfiad a dangosyddion, adroddwyd bod yr holl weithgareddau wedi cydymffurfio’n llawn gyda chod ymarfer CIPFA a Strategaeth Rheolaeth Trysorlys y Cyngor - hynny yn newyddion da, ac yn dangos bod rheolaeth gadarn dros yr arian.

Diolchwyd am yr adroddiad

PENDERFYNWYD

Derbyn yr adroddiad a nodi’r wybodaeth

I ystyried cynnwys yr adroddiad a chynnig sywladau

PENDERFYNIAD

Derbyn yr adroddiad a nodi’r wybodaeth

Nodyn: Awgrym i gynnwys ym mharagraff  3 ‘Gwaith y Pwyllgor’, gyfrifoldeb y Pwyllgor i herio, annog newid a cheisio sicrwydd ansawdd

Amlygodd y Rheolwr Pensiynau ei bod hi’n ofynnol bellach i Gadeirydd y Pwyllgor Pensiynau gyflwyno adroddiad blynyddol fel rhan o Adroddiad Blynyddol y Gronfa Bensiwn. Nodwyd bod yr adroddiad yn dilyn gosodiad adroddiad blynyddol Cadeirydd y Bwrdd Pensiwn ac yn cynnwys gwybodaeth am swyddogaethau craidd y Pwyllgor, hyfforddiant, cynllun gwaith, blaenoriaethau a chrynodeb o’r pynciau a drafodwyd yn ystod y flwyddyn.

Adroddwyd bod angen cyflwyno’r adroddiad terfynol i’r Rheolwr Buddsoddi erbyn 30/9/2025 i’w gynnwys fel rhan o Adroddiad Blynyddol y Gronfa ac fel rhan o Gyfarfod Blynyddol y Gronfa Tachwedd 2025.

Diolchwyd am yr adroddiad ac i’r staff oedd yn gysylltiedig â pharatoi’r gwaith. Gwnaed awgrym i gynnwys mwy o fanylion am sut mae’r Pwyllgor yn mynd ati i herio perfformiad a cheisio sicrwydd ansawdd - nid trafod buddsoddiadau yn unig, ond ceisio gyrru newid.

PENDERFYNWYD derbyn yr adroddiad a nodi’r wybodaeth

Nodyn: Awgrym i gynnwys ym mharagraff  3 ‘Gwaith y Pwyllgor’, gyfrifoldeb y Pwyllgor i herio, annog newid a cheisio sicrwydd ansawdd

I ystyried yr adroddiad

PENDERFYNIAD

Derbyn yr adroddiad a nodi’r wybodaeth

Nodyn: Cywiro geiriad Risg 2:12 yn y Saesneg i ‘... are not received or are NOT processed or recorded completely and accurately’

Cyflwynwyd cofrestr risg ddiwygiedig i’r Pwyllgor fel modd iddynt adnabod a deall y risgiau perthnasol sydd i’r Gronfa Bensiwn. Tynnwyd sylw at y risgiau newydd oedd wedi eu hychwanegu - cydymffurfiaeth â Chod Cyffredinol Rheoleiddiwr Pensiynau (1.4), cyflawni gofynion y dashfwrdd (6.12), cyflwyno system gyflogres newydd (6.13) ac ymateb i ymgynghoriad ‘Addas i’r Dyfodol (9.1-9.3). Cyfeiriwyd hefyd at gynnydd yn lefel sgôr risg ymosodiadau syber yn sgil digwyddiadau diweddar i sefydliadau mawr.

Ategwyd bod y ddogfen yn ddogfen weithredol ac y byddai addasiadau pellach, megis pan ddaw Addas i Bwrpas i rym, yn cael eu hychwanegu.

Diolchwyd am yr adroddiad.

PENDERFYNWYD

Derbyn yr adroddiad a nodi’r wybodaeth

Nodyn: Cywiro geiriad Risg 2:12 yn y Saesneg i ‘... are not received or are NOT processed or recorded completely and accurately’

I gymeradwyo a mabwysiadu'r polisïau

PENDERFYNIAD

Derbyn yr adroddiad a chymeradwyo’r polisïau canlynol i fod yn weithredol o’r 1af o Hydref 2025

1.     Polisi Taliadau Ymlaen Llaw o’r Gyflogres Pensiynwyr

2.     Polisi Dosbarthiad Taliadau Grant Marwolaeth

3.     Polisi Egwyl Mewn Addysg ar gyfer Pensiwn Plentyn Dibynnol CPLlL

Cyflwynodd y Rheolwr Pensiynau adroddiad oedd yn cyflwyno tri polisi gweinyddol allweddol i’r Pwyllgor eu cymeradwyo. Nodwyd bod y polisïau yn hanfodol ar gyfer rheoli a gweinyddu’r Gronfa Bensiwn yn effeithiol ac yn gam sylweddol tuag at lywodraethu da. Nodwyd bod y polisïau wedi eu hadolygu gan y Bwrdd Pensiwn, a’u sylwadau wedi eu cynnwys yn y fersiynau terfynol.

Trafodwyd y Polisïau yn unigol gan roi cefndir a chyd-destun bob un i’r Aelodau

1.     Polisi Taliadau Ymlaen Llaw o’r Gyflogres Pensiynwyr

2.     Polisi Dosbarthiad Taliadau Grant Marwolaeth

3.     Polisi Egwyl Mewn Addysg ar gyfer Pensiwn Plentyn Dibynnol CPLlL

Diolchwyd am yr adroddiad ac am y gwaith o ffurfioli’r polisïau.

PENDERFYNIAD

Derbyn yr adroddiad a chymeradwyo’r polisïau canlynol i fod yn weithredol o’r 1af o Hydref 2025

1.     Polisi Taliadau Ymlaen Llaw o’r Gyflogres Pensiynwyr

2.     Polisi Dosbarthiad Taliadau Grant Marwolaeth

3.     Polisi Egwyl Mewn Addysg ar gyfer Pensiwn Plentyn Dibynnol CPLlL

Bydd y Cadeirydd yn cynnig y dylid cau’r wasg a’r cyhoedd allan o’r cyfarfod yn ystod y drafodaeth ar yr eitemau canlynol gan ei fod yn debygol y datgelir gwybodaeth eithriedig fel y’i diffinnir ym mharagraff  Paragraff 14 o Atodiad 12A o Ddeddf Llywodraeth Leol 1972 Gwybodaeth ynglŷn â thrafodion ariannol neu fusnes unrhyw berson penodol( yn cynnwys yr awdurdod sydd yn dal y wybodaeth hynny).

Mae budd cyhoeddus cydnabyddedig mewn bod yn agored ynglŷn â defnydd adnoddau cyhoeddus a materion ariannol cysylltiedig. Cydnabyddir fodd bynnag fod adegau, er gwarchod buddiannau ariannol awdurdod cyhoeddus fod angen trafod gwybodaeth fasnachol heb ei gyhoeddi. Byddai cyhoeddi gwybodaeth fasnachol sensitif o’r math yma yn amhriodol o ran buddiannau cydnabyddedig trydydd bartïon ac yn gallu tanseilio hyder i ddod a gwybodaeth ymlaen gerbron y Cyngor a felly gallu’r Cyngor i wneud penderfyniadau ar ran y gronfa. Byddai hyn yn groes i’r budd cyhoeddus ehangach o sicrhau gwerth am arian a’r allbwn cyfansawdd gorau ac felly am y rhesymau yma mae’r materion yn gaeedig er y budd cyhoeddus.

PENDERFYNWYD cau’r wasg a’r cyhoedd allan o’r cyfarfod yn ystod y drafodaeth ar yr eitemau canlynol gan ei fod yn debygol y datgelir gwybodaeth eithriedig fel y’i diffinnir ym Mharagraff 14 o Atodiad 12A o Ddeddf Llywodraeth Leol 1972 Gwybodaeth ynglŷn â thrafodion ariannol neu fusnes unrhyw berson penodol (yn cynnwys yr awdurdod sydd yn dal y wybodaeth hynny).

Mae budd cyhoeddus cydnabyddedig mewn bod yn agored ynglŷn â defnydd adnoddau cyhoeddus a materion ariannol cysylltiedig. Cydnabyddir fodd bynnag fod adegau, er gwarchod buddiannau ariannol cyhoeddus fod angen trafod gwybodaeth fasnachol heb ei gyhoeddi. Mae’r adroddiadau yn benodol ynglŷn â phroses gaffael arfaethedig. Byddai cyhoeddi gwybodaeth fasnachol sensitif o’r math yma yn gallu bod yn niweidiol i fuddiannau’r Cyngor a’i bartneriaid drwy danseilio cystadleuaeth. Byddai hyn yn groes i’r budd cyhoeddus ehangach o sicrhau'r allbwn cyfansawdd gorau. Am y rhesymau hyn mae’r materion yn gaeedig er y budd cyhoeddus.

I ystyried yr adroddiad

(copi i Aelodau yn unig)

PENDERFYNIAD

Derbyn yr adroddiad a nodi’r wybodaeth

Cyflwynwyd er gwybodaeth adroddiad gan y Rheolwr Buddsoddi yn cyflwyno canlyniadau cychwynnol prisiad actiwaraidd 2025 Cronfa Bensiwn Gwynedd yn ffurfiol. Amlygwyd bod yr Aelodau wedi derbyn hyfforddiant gan Hymans Roberts (15-09-25), lle trafodwyd y canfyddiadau allweddol, y rhagdybiaethau, y risgiau a'r camau nesaf.

PENDERFYNWYD

Derbyn yr adroddiad a nodi’r wybodaeth

I ystyried yr adroddiad

(Copi i’r Aelodau yn unig)

PENDERFYNIAD

Derbyn yr adroddiad a nodi’r wybodaeth

Cyflwynwyd adroddiad chwarterol yn crynhoi'r gwaith mae Robeco (Darparwr Pleidleisio ac Ymgysylltu PPC) yn gyflawni ar ran y Gronfa Bensiwn ar faterion buddsoddi cyfrifol. Cyfeiriwyd at y meysydd oedd wedi cael sylw Robeco yn ystod y chwarter dan sylw a’r wybodaeth yn cynnwys manylion am y nifer gweithgareddau a’r ymgysylltu a gwblhawyd oedd yn cynnwys cwmnïau mawr gyda phwysigrwydd rhyngwladol. Nodwyd hefyd mai thema ymgysylltu'r chwarter dan sylw oedd Llywodraethu Da.

Diolchwyd am yr adroddiad

PENDERFYNWYD

Derbyn a nodi’r wybodaeth