Rhaglen, penderfyniadau a chofnodion drafft

I ethol Cadeirydd ar gyfer 2026 / 2027

PENDERFYNIAD

AIL ETHOL Y CYNGHORYDD GWYNFOR OWEN YN GADEIRYDD AR GYFER 2026/27

Cynigiwyd ac eiliwyd ail ethol y Cynghorydd Gwynfor Owen yn gadeirydd ar gyfer 2026/2027

PENDERFYNWYD AIL ETHOL Y CYNGHORYDD GWYNFOR OWEN YN GADEIRYDD AR GYFER 2026/27

I ethol Is gadeirydd ar gyfer 2026 / 2027

PENDERFYNIAD

AIL ETHOL Y CYNGHORYDD ARWYN HERALD ROBERTS YN IS-GADEIRYDD AR GYFER 2026/27

Cynigiwyd ac eiliwyd ail ethol y Cynghorydd Arwyn Herald Roberts yn is-gadeirydd ar gyfer 2026/2027

PENDERFYNWYD AIL ETHOL Y CYNGHORYDD ARWYN HERALD ROBERTS YN IS-GADEIRYDD AR GYFER 2026/27

I dderbyn unrhyw ymddiheuriadau am absenoldeb

Derbyniwyd ymddiheuriadau gan y Cynghorwyr Gareth Tudor Jones, Meryl Roberts, a John Brynmor Hughes

Y Cynghorydd Anwen Davies yn cael problemau gyda chyfarpar technoleg ac felly ddim wedi gallu mynychu’r cyfarfod

I dderbyn unrhyw ddatganiad o fuddiant personol

Ni dderbyniwyd datganiad o fuddiant personol gan unrhyw aelod oedd yn bresennol.

Nodi unrhyw eitemau sy’n fater brys ym marn y Cadeirydd fel y gellir eu hystyried

Dim i’w nodi

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 9fed o Fawrth 2026 fel rhai cywir  

Llofnododd y Cadeirydd gofnodion cyfarfod o’r pwyllgor a gynhaliwyd 9fed o Fawrth 2026  fel rhai cywir

Cyflwyno, er gwybodaeth, cofnodion yr Is Bwyllgor Trwyddedu Canolog a gynhaliwyd ar y dyddiau canlynol:

a)     20-03-2026

b)     28-04-2026

Cyflwynwyd a derbyniwyd er gwybodaeth, gofnodion Is Bwyllgor Trwyddedu Canolog a gynhaliwyd 20/03/2026 a 27/04/2026

I ystyried y Datganiad Polisi Hapchwarae drafft yn unol â Deddf Hapchwarae 2005 gan ei gymeradwyo ar gyfer ymgynghoriad cyhoeddus

PENDERFYNIAD :

·        Derbyn y Datganiad Polisi Hapchwarae drafft yn unol â Deddf Hapchwarae 2005

·        Cymeradwyo’r datganiad ar gyfer ymgynghoriad cyhoeddus.

Cyflwynwyd adroddiad gan Pennaeth yr Adran Amgylchedd yn ceisio cymeradwyaeth y Pwyllgor i’r Datganiad Polisi Hapchwarae drafft cyn cynnal ymgynghoriad cyhoeddus, yn unol â Deddf Hapchwarae 2005. Eglurwyd, pe byddai’r Pwyllgor yn cymeradwyo’r Datganiad bydd cyfnod o ymgynghori cyhoeddus yn cael ei gynnal am 12 wythnos gyda chyfrifoldeb ar yr Awdurdod Trwyddedu i roi sylw i unrhyw ymatebion a dderbyniwyd, gyda chais i’r Pwyllgor ystyried unrhyw newidiadau posib oedd wedi deillio o’r ymgynghoriad.  Ategwyd y bydd angen i’r Pwyllgor gytuno ar ddrafft terfynol o'r Datganiad Polisi Hapchware, cyn ei gyflwyno i’r Cyngor Llawn ei fabwysiadu (yn unol ag Adran 154 Deddf Hapchwarae 2025).

Rhoddwyd ychydig o gefndir dibenion Deddf Hapchwarae 2025 gan gyfeirio at dri amcan trwyddedu'r Ddeddf ynghyd a’r gofyn i Awdurdodau Trwyddedu baratoi a chyhoeddi datganiad o egwyddorion Trwyddedu y maent yn dymuno eu rhoi ar waith wrth ymgymryd â’u swyddogaethau, bob tair blynedd.

Eglurwyd bod y Datganiad Polisi Hapchwarae cyfredol wedi bod yn destun gwelliannau sylweddol yn 2018 ac ers hynny wedi cael ei adolygu yn unol â ‘Chanllaw’r Comisiwn Hapchwarae i Awdurdodau Lleol’ a gyhoeddwyd yn 2021 ac a ddiwygiwyd yn 2025.

Adroddwyd bod adolygiad i’r Polisi draft wedi ei wneud mewn ymgynghoriad â Grŵp Trwyddedu Gogledd Cymru gyda’r nod o gael cysondeb mewn ymdriniaeth ledled y rhanbarth. Ategwyd bod mewnbwn hefyd wedi ei dderbyn gan Swyddogion Cyfarwyddiaeth Iechyd Cyhoeddus Bwrdd Iechyd Prifysgol Betsi Cadwaladr, oherwydd pwysigrwydd cynyddol  effeithiau gamblo niweidiol ar iechyd cyhoeddus.

Argymhellwyd i’r Pwyllgor, yn unol â Deddf Hapchwarae 2005, ystyried y Datganiad Polisi Hapchwarae drafft gan ei gymeradwyo ar gyfer ymgynghoriad cyhoeddus.

Diolchwyd am yr adroddiad

Mewn ymateb i gwestiwn ynglŷn â’r newidiadau sydd rhwng y polisi presennol a’r polisi drafft nodwyd, yn dilyn derbyn cyngor ar faterion polisi a materion gweithredol gan y Comisiwn Gamblo, mai mân newidiadau yn unig oedd i’r polisi drafft, ond bod pwyslais wedi ei roi ar effaith gamblo ar iechyd meddwl unigolion bregus a’u teuluoedd. Ategwyd bod tystiolaeth gan Iechyd Cyhoeddus Cymru yn atgyfnerthu’r effeithiau hyn.

Mewn ymateb i sylw am bryder gor-hysbysu gamblo ar y we a chwestiwn ynglŷn â phwy oedd a chyfrifoldeb dros ei reoleiddio’n effeithiol, nodwyd, er yn rhannu’r pryderon, bod y mater yn cael ei reoli gan y Comisiwn Hapchwarae Cenedlaethol.

Cynigiwyd ac eiliwyd, yn unol â Deddf Hapchwarae 2005, gymeradwyo’r Datganiad Polisi Hapchwarae drafft ar gyfer ymgynghoriad cyhoeddus

PENDERFYNWYD

·        Derbyn y Datganiad Polisi Hapchwarae drafft yn unol â Deddf Hapchwarae 2005

·        Cymeradwyo’r datganiad ar gyfer ymgynghoriad cyhoeddus.