Rhaglen, penderfyniadau a chofnodion

I dderbyn unrhyw ymddiheuriadau am absenoldeb

Derbyniwyd ymddiheuriadau gan y Cyng. Alan Jones Evans a’r Cyng. Hefin Underwood

I dderbyn unrhyw ddatganiad o fuddiant personol

Dim i’w nodi

Nodi unrhyw eitemau sy’n fater brys ym marn y cadeirydd fel y gellir eu hystyried.

Dim i’w nodi

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 10fed o Fehefin 2024 fel rhai cywir  

. 

Llofnododd y Cadeirydd gofnodion cyfarfod o’r pwyllgor a gynhaliwyd 10fed o Fehefin 2024  fel rhai cywir

Cyflwyno, er gwybodaeth, cofnodion yr Is Bwyllgor Trwyddedu Canolog a gynhaliwyd ar y dyddiau canlynol:

a)     10-06-24

b)     25-07-24

c)     06-09-24

Cyflwynwyd a derbyniwyd er gwybodaeth, gofnodion yr Is Bwyllgorau Trwyddedu Canolog a gynhaliwyd 10fed o Fehefin, 25ain o Orffennaf 2024 a’r 6ed o Hydref 2024

I ystyried yr adroddiad a chymeradwyo is – ddirprwyo swyddogaethau a ddirprwyid i’r Pwyllgor Trwyddedu Canolog o dan y Deddf Iechyd Cyhoeddus (Cymru) 2017 i’r Is -Bwyllgor Trwyddedu Canolog

Cymeradwyo is-ddirprwyo swyddogaethau a ddirprwyid i’r Pwyllgor Trwyddedu Canolog o dan Ddeddf Iechyd Cyhoeddus (Cymru) 2017 i’r Is-bwllgor Trwyddedu Canolog

Cyflwynwyd adroddiad gan y Rheolwr Trwyddedu yn manylu ar gynllun trwyddedu newydd ar gyfer 'Triniaethau Arbennig' gan Lywodraeth Cymru fydd yn cael ei weithredu Tachwedd 2024 dan Rhan 4 Deddf Iechyd Cyhoeddus (Cymru) 2017; gan gynnwys Rheoliadau Triniaethau Arbennig (Cymru) 2024 a Rheoliadau Pwyllgor-au Trwyddedu Triniaethau Arbennig (Cymru) 2024.

Atgoffwyd yr Aelodau bod y Pwyllgor, mewn cyfarfod ym mis Rhagfyr 2023, wedi derbyn gwybodaeth am brif ofynion a goblygiadau’r cynllun ynghyd a chyflwyniad o’r prif egwyddorion gan Dr Sarah Jones, Uwch Ymgynghorydd Iechyd yr Amgylchedd i Lywodraeth Cymru.

Adroddwyd mai bwriad y cynllun oedd lleihau'r risgiau iechyd sy’n gysylltiedig â'r triniaethau megis tatŵio, lliwio croen lled-barhaol, tyllu cosmetig, aciwbigo, nodwyddau sych ac electrolysis, a bydd y cynllun trwyddedu newydd yn un gorfodol. Bydd y drefn newydd yn golygu gofyn i Awdurdodau Lleol fod yn gyfrifol am orfodi gofynion trwyddedu a chadw cofrestr o drwyddedau triniaethau arbennig a roddwyd ganddynt. Bydd hi'n ofynnol i Ymarferwyr Triniaethau Arbennig ddangos eu cymhwysedd i ymgymryd â'r triniaethau hyn drwy gwblhau hyfforddiant a bod yn destun archwiliad gan Swyddogion Gwarchod y Cyhoedd (Swyddogion Iechyd yr Amgylchedd). Yn ogystal, bydd yn rhaid iddynt ddarparu DBS Sylfaenol fel rhan o'u cais am drwydded.

Tynnwyd sylw at rôl y Pwyllgor Trwyddedu Canolog gan amlygu bod Deddf 2017 (cymal 21, Atodlen 3) yn dirprwyo swyddogaethau penodol i bwyllgor trwyddedu'r Awdurdod sydd wedi ei sefydlu o dan y Ddeddf Drwyddedu 2003 (h.y. y Pwyllgor Trwyddedu Canolog) ac mae’n caniatáu i’r Pwyllgor wneud penderfyniadau mewn perthynas â’r swyddogaethau hynny. Amlygwyd y bydd Swyddogion Gwarchod y Cyhoedd yn cyflwyno Hysbysiad o Rybudd i’r ymarferwyr hynny sydd ddim yn ymateb i ofynion y cynllun, ond y bydd gan yr ymarferwyr hawl i gyflwyno ymatebion. Cyfrifoldeb y Pwyllgor Trwyddedu Canolog fydd ystyried yr ymatebion hynny a phenderfynu os dylid gweithredu yn unol â’r camau fydd wedi eu gosod allan yn yr Hysbysiad o Rybudd. Ategwyd bod y Ddeddf Trwyddedu 2003 yn caniatáu i’r Pwyllgor Trwyddedu Canolog ddirprwyo’r swyddogaeth yma i Is-bwyllgor Trwyddedu Canolog sydd eisoes wedi ei sefydlu a’r Aelodau yn brofiadol wrth ystyried a phenderfynu ceisiadau.

Diolchwyd am yr adroddiad

Yn ystod y drafodaeth ddilynol, nodwyd y sylwadau canlynol gan yr aelodau:

·       Croesawu'r cynllun newydd

·       Cefnogi’r angen i fonitro gwaith ymarferwyr – gormod o enghreifftiau o driniaethau gwael

·       Angen ystyried addasrwydd lleoliadau

·       Awgrym i osod bathodyn ar ffenest eiddo / cerbyd yn amlygu’r safon

Mewn ymateb i’r sylwadau, nododd y Rheolwr Trwyddedu bod y grŵp sydd yn gweithredu dyfodiad y pwerau newydd yn creu canllawiau statudol pendant a gweithdrefnau caeth yn unol â Deddf Iechyd y Cyhoedd fydd yn ystyried lleoliadau, safonau hylendid, diogelwch a materion cyfreithiol. Bydd modd i’r Adran Trwyddedu ystyried os bydd angen Polisi Addasrwydd lleoliadau i’r dyfodol. Ategwyd bod y ddeddfwriaeth yn dod i rym mewn ymateb i enghreifftiau gwael o driniaethau gan orfodi system drwyddedu, grymus i reoli’r sefyllfa. Bydd cofrestr genedlaethol o ymarferwyr wedi eu trwyddedu ar gael i’r cyhoedd.

Yng nghyd-destun gosod bathodyn safon ar ffenestr eiddo / cerbyd, nodwyd bydd gofyn i’r ymarferwyr  ...  gweld y cofnod llawn ar gyfer eitem 6.