Rhaglen, penderfyniadau a chofnodion

I ethol Cadeirydd ar gyfer 2020/21

AIL ETHOL Y CYNGHORYDD ELFED WILLIAMS YN GADEIRYDD AR GYFER 2020/21

PENDERFYNWYD AIL ETHOL Y CYNGHORYDD ELFED WILLIAMS YN GADEIRYDD AR GYFER 2020/21

I ethol Is Gadeirydd ar gyfer 2020/21

AIL ETHOL Y CYNGHORYDD ANNWEN HUGHES YN IS-GADEIRYDD AR GYFER 2020/21

PENDERFYNWYD AIL ETHOL Y CYNGHORYDD ANNWEN HUGHES YN IS-GADEIRYDD AR GYFER 2020/21

I dderbyn unrhyw ymddiheuriadau am absenoldeb

Derbyniwyd ymddiheuriadau gan y Cynghorydd John Brynmor Hughes a’r Cynghorydd Dafydd Owen

I dderbyn unrhyw ddatganiad o fuddiant personol

Ni dderbyniwyd datganiad o fuddiant personol gan unrhyw aelod oedd yn bresennol.

Nodi unrhyw eitemau sy’n fater brys ym marn y cadeirydd fel y gellir eu hystyried.

Dim i’w nodi

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 2il o Ragfyr 2019 fel rhai cywir  

Llofnododd y Cadeirydd gofnodion cyfarfod o’r pwyllgor a gynhaliwyd Rhagfyr 2il 2019 fel rhai cywir

Cyflwyno, er gwybodaeth, cofnodion yr Is Bwyllgor Trwyddedu Cyffredinol a gynhaliwyd ar y dyddiau canlynol:

1.            26-01-2021

2.            08-12-2020

3.            22-10-2020

4.            06-10-2020

5.            09-07-2020

6.            09-03-2020

7.            12-02-2020

8.            18-12-2019

9.            21-11-2019

Derbyniwyd, er gwybodaeth gofnodion yr Is bwyllgorau a gynhaliwyd

26-01-2021, 08-12-2020, 22-10-2020, 06-10-2020, 09-07-2020, 09-03-2020

12-02-2020, 18-12-2019 a 21-11-2019

I ystyried yr adroddiad a chymeradwyo ffioedd arfaethedig ar gyfer ymgynghoriad cyhoeddus

GWRTHOD Y CYNNIG I GODI’R FFIOEDD I’R LEFEL A ARGYMHELLWYD

Cyflwynwyd adroddiad gan y Rheolwr Trwyddedu yn gofyn i’r Pwyllgor gymeradwyo ffioedd arfaethedig trwyddedau tacsi 2021/22. Atgoffwyd yr Aelodau bod y Pwyllgor  hwn, yn ôl yn 2013, wedi  penderfynu y byddai ffioedd tacsi yn cael eu hadolygu yn flynyddol a hynny i adennill costau yn llawn. Amlygwyd nad oedd ffioedd Gwynedd wedi newid ers 2019.

Wrth asesu’r sefyllfa ac ystyried sgil effeithiau argyfwng covid 19 ar y diwydiant, awgrymwyd nad oedd cyfiawnhad dros gynyddu’r ffioedd yn sylweddol am y flwyddyn ariannol nesaf, ond i’r Pwyllgor ystyried cynnydd chwyddiant dros y ddwy flynedd diwethaf yn unig ar gyfer pob ffi trwyddedu tacsi. Amcangyfirifwyd y byddai hyn yn gyfystyr a chynnydd o 2.56% ar bob ffi trwydded.

Argymhellwyd i’r Pwyllgor gymeradwyo codi’r ffioedd i’r lefel arfaethedig yn ddarostyngedig i ymgynghoriad gyda’r diwydiant tacsi ac ymgynghoriad drwy rybudd cyhoeddus.

Diolchwyd am yr adroddiad ac hefyd am y gefnogaeth roedd yr Uned Trwyddedu wedi ei roi i’r diwydiant tacsi dros gyfnod yr argyfwng

Cynigiwyd ac eiliwyd i ohirio’r penderfyniad i gynyddu’r ffioedd am flwyddyn gan wneud cais i’r Adran Cyllid ddefnyddio arian ychwanegol mae wedi ei dderbyn gan y Llywodraeth mewn ymateb i effeithiau covid 19.

Cynigiwyd ac eiliwyd gwelliant i godi’r ffioedd gan y byddai angen torri arian o wasanaeth arall i gau’r bwlch.

Materion yn codi o’r drafodaeth ddilynol:

·         Cydymdeimlwyd gyda’r diwydiant tacsi, a phob diwydiant arall sydd wedi dioddef yn sgil effaith covid 19

·         Bod angen gwarchod ein cymunedau

·         O gynyddu’r ffioedd, £8 yw’r codiad mwyaf

Mewn ymateb i gwestiwn ynglŷn â chymharu’r ffioedd gyda chynghorau eraill ar draws y Gogledd, ymddengys bod ffioedd Gwynedd, yn gyffredinol, yn gorwedd yn ‘y canol’.

Ategodd Pennaeth Cynorthwyol - Amgylchedd bod yr egwyddor o adennill costau yn unig wedi ei sefydlu yn 2013 ac os nad yw’r gwasanaeth yn adennill y costau hynny drwy godi ffioedd, yna, byddai rhaid ceisio arian o rywle arall. Adroddwyd nad oedd y ffioedd wedi codi ers 2019 a bod y diwydiant wedi derbyn cefnogaeth drwy ffynhonellau ariannol ychwanegol i fod yn ‘saff’ dros gyfnod yr argyfwng.

Pleidleiswyd ar y cynnig i godi’r ffioedd

PENDERFYNWYD GWRTHOD Y CYNNIG I GODI’R FFIOEDD I’R LEFEL A ARGYMHELLWYD