Rhaglen, penderfyniadau a chofnodion drafft

Ethol Cadeirydd ar gyfer 2025 /26

PENDERFYNIAD:

Ethol y Cynghorydd Ioan Thomas yn Gadeirydd y Pwyllgor ar gyfer 2025/26

Cynigwyd ac eiliwyd ethol y Cynghorydd Ioan Thomas yn Gadeirydd

Cynigiwyd ac eiliwyd ethol y CYnghourdd Beth Lawton yn Gadeirydd

Pleidleisiwyd ar y cynigion

PENDERFYNWYD ethol y Cynghorydd Ioan Thomas yn Gadeirydd y Pwyllgor ar gyfer 2025/26

Ethol Is gadeirydd ar gyfer 2025 - 2026

PENDERFYNIAD:

I ethol y Cynghorydd Medwyn Hughes yn Is-gadeirydd y Pwyllgor ar gyfer 2025/26

Cynigiwyd ac eiliwyd ethol y Cynghorydd Medwyn Hughes yn Is-gadeirydd

Pleidleisiwyd ar y cynnig

PENDERFYNWYD ethol y Cynghorydd Medwyn Hughes yn Is-gadeirydd y Pwyllgor ar gyfer 2025/26.

I dderbyn unrhyw ymddiheuriadau am absenoldeb

Derbyniwyd ymddiheuriadau gan y Cynghorwyr Annwen Hughes, Dafydd Meurig, Angela Russell, Dyfrig Siencyn a Rob Triggs; y Prif Weithredwr Dafydd Gibbard

I dderbyn unrhyw ddatganiad o fuddiant personol

Dim i’w nodi

Nodi unrhyw eitemau sy’n fater brys ym marn y cadeirydd fel y gellir eu hystyried.

Dim i’w nodi

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd ar y 9fed o Ebrill 2025 fel rhai cywir  

Llofnododd y Cadeirydd gofnodion cyfarfod o’r pwyllgor hwn a gynhaliwyd ar 9fed o Ebrill 2025 fel rhai cywir

Yn dilyn marwolaeth annisgwyl Mrs Sharon Warnes, cymerodd y Cadeirydd y cyfle i gydymdeimlo a’i theulu. Nodwyd bod Sharon wedi bod yn swyddog gyda’r Cyngor ac yn ddiweddar yn Aelod Lleyg ar y Pwyllgor Llywodraethu ac Archwilio a chyn Aelod o’r Bwrdd Pensiwn; yn berson parchus a chydwybodol ac y bydd colled ar ei hol.

Bydd y Cadeirydd yn cynnig y dylid cau’r wasg a’r cyhoedd allan o’r cyfarfod yn ystod y drafodaeth ar yr eitemau canlynol gan ei fod yn debygol y datgelir gwybodaeth eithriedig fel y’i diffinnir ym mharagraff 12, Rhan 4, Atodiad 12A, Deddf Llywodraeth Leol 1972.

Mae’r paragraff yma yn berthnasol oherwydd bod yr adroddiad yn cynnwys gwybodaeth am unigolion penodol sydd a hawl i breifatrwydd. Nid oes unrhyw fudd cyhoeddus sydd yn galw am ddatgelu gwybodaeth bersonol am yr unigolion yma. O ganlyniad mae’r budd cyhoeddus yn disgyn o blaid cadw’r wybodaeth yn eithriedig.

PENDERFYNWYD cau’r wasg a’r cyhoedd allan o’r cyfarfod yn ystod y drafodaeth ar yr eitem ganlynol gan ei fod yn debygol y datgelir gwybodaeth eithriedig fel y’i diffinnir ym mharagraff 12, Rhan 4, Atodiad 12A, Deddf Llywodraeth Leol 1972. Mae’r paragraff yma yn berthnasol oherwydd bod yr adroddiad yn cynnwys gwybodaeth am unigolion penodol sydd â hawl i breifatrwydd. Nid oes unrhyw fudd cyhoeddus sydd yn galw am ddatgelu gwybodaeth bersonol am yr unigolion yma. O ganlyniad mae’r budd cyhoeddus yn disgyn o blaid cadw’r wybodaeth yn eithriedig.

I gyfweld ymgeiswyr ar gyfer y swydd

PENDERFYNIAD:

Penodi Mrs Mari Wynne Jones i’r swydd Pennaeth Oedolion, Iechyd a Llesiant

a)     Cadarnhawyd trefn y diwrnod gyda’r Aelodau.

b)     Cyfwelwyd dau ymgeisydd ar gyfer y swydd Pennaeth Oedolion, Iechyd a Llesiant

c)     Gwahoddwyd yr ymgeiswyr i roi cyflwyniad rhwng 10 a 15 munud ar y testun,’ Beth yw’r prif gyfleoedd sy’n wynebu’r Adran Oedolion dros y blynyddoedd nesaf a sut fyddech yn mynd i’r afael a hwy?

Ymatebwyd i bum cwestiwn ffurfiol a ofynnwyd gan y Cadeirydd, y Cynghorydd Ioan Thomas, ynghyd a chwestiynau dilynol gan yr Aelodau.

Gwahoddwyd Mr Dylan Owen (Cyfarwyddwr Statudol Gwasaethau Cymdeithsaol), i gyflwyno adborth cryno o berfformiadau’r ddwy ymgeisydd mewn cyfres o ymarferion cyn cyfweld. Cyflwynwyd canlyniadau profion ac ymarferion a gwblhawyd, ymateb i gyfweliadau proffesiynol ac i gyfweliad gyda phanel defnyddwyr gwasaneth yng Gwynedd a chyfweliad gyda dau Aelod Cabinet.

Gwahoddwyd y Cynghorydd Dilwyn Morgan, Aelod Cabinet Oedolion, Iechyd a Llesiant, i gyflwyno sylwadau ar berfformiad yr ymgeiswyr yn y cyfweliad.

ch) Cynigiwyd ac eiliwyd bod y swydd yn cael ei chynnig i Mrs Mari Wynne Jones.

PENDERFYNWYD penodi Mrs Mari Wynne Jones i’r swydd Pennaeth Oedolion, Iechyd a Llesiant