Rhaglen a chofnodion

Derbyn unrhyw ymddiheuriadau am absenoldeb.

Y Cynghorwyr Simon Glyn a Michael Sol Owen.

Derbyn unrhyw ddatganiad o fuddiant personol.

          Ni dderbyniwyd datganiad o fuddiant personol gan unrhyw aelod oedd yn bresennol.

Nodi unrhyw eitemau sy’n fater brys ym marn y Cadeirydd fel y gellir eu hystyried.

Bydd y Cadeirydd yn cynnig y dylid llofnodi cofnodion y cyfarfod blaenorol o’r pwyllgor hwn a gynhaliwyd ar 11 Mehefin, 2015 fel rhai cywir  (ynghlwm).

Noder – amcan yn unig yw’r amseroedd a nodir isod

Llofnododd y Cadeirydd gofnodion y cyfarfod diwethaf o’r pwyllgor hwn a gynhaliwyd ar 11 Mehefin, 2015 fel rhai cywir.

Nododd y Cynghorydd Lesley Day iddi ymddiheuro o’r cyfarfod oherwydd buddiant, ond nad oedd y rheswm hwnnw wedi’i gofnodi.  Eglurwyd nad oedd yn arferol i nodi’r rhesymau dros absenoldebau yn y cofnod a bod modd i aelodau gynnwys gwybodaeth o’r fath yn eu hadroddiadau blynyddol.

Aelod Cabinet:  Y Cynghorydd Mandy Williams-Davies

Ystyried adroddiad y Rheolwr Caffael Corfforaethol  (ynghlwm).

10.40am – 11.40am

Cyflwynodd bawb eu hunain, ac ar gais y Cadeirydd, rhoddodd y Rheolwr Caffael Corfforaethol esboniad byr o ystyr y term rheolaeth categori a sut mae’n gweithio’n ymarferol.

Gosododd yr Aelod Cabinet Economi'r cyd-destun gan bwysleisio pwysigrwydd cario’r momentwm a sicrhau bod pawb yn ymwybodol o’r trefniadau newydd.

Cyflwynwyd – adroddiad y Rheolwr Caffael Corfforaethol yn diweddaru’r pwyllgor ar gynnydd y Strategaeth Gaffael newydd drwy ymateb i gwestiynau’r Cyfarfod Paratoi mewn perthynas â:-

·         Chyrhaeddiad o ran mewnosod Rheolaeth Categori ym maes Gofal ynghyd â chynnydd yn erbyn y rhaglen waith a’r amserlen.

·         Y gwersi a ddysgwyd o osod y Rheolaeth Categori ym maes Gofal, sy’n bwysig i’w cadw mewn cof ar gyfer y ddau faes Rheolaeth Categori arall.

·         Y rhaglen waith ar gyfer mewnosod Rheolaeth Categori yn y ddau faes arall.

·         Sut mae’r drefn yn y maes Gofal yn annog gweithredu yn wahanol i’r hen drefn a beth sydd wedi gwella o ran y drefn newydd.

·         Parodrwydd y Rheolwyr i brynu i mewn i’r drefn Rheolaeth Categori ym maes gofal ac ar draws y Cyngor ac unrhyw anawsterau a ganfuwyd.

·         Effaith y trefniadau ar effeithlonrwydd ac effeithiolrwydd y Cyngor.

·         Y bwriadau o ran sicrhau cyfleoedd i ddarparwyr lleol ym maes Gofal ac ar draws y Cyngor.

·         Y gwaith cefndir a gyflawnwyd o ran adnabod anghenion ac adnabod y farchnad ym maes Gofal ac ar draws y Cyngor.

·         Y diweddaraf am y perfformiad ar wariant gyda chwmnïau ‘lleol’ yng Ngwynedd ac ar lefel Gogledd Cymru a Chymru.

·         Y camau a gymerwyd i hybu cysylltu â chwmnïau lleol a gwerthu’n lleol.

·         Dulliau o sicrhau buddion ehangach i’r sir drwy’r cymalau cymdeithasol.

·         Canran yr anfonebau sy’n cael eu talu o fewn 30 diwrnod.

·         Rôl yr Adran Economi a Chymuned o ran y Prosiect Cadw’r Budd yn Lleol a beth sydd wedi’i gyflawni hyd yma.

Ymhelaethodd yr Aelod Cabinet a’r swyddogion ar yr atebion ysgrifenedig yn yr adroddiad, gan hefyd ymateb i gwestiynau / sylwadau pellach gan yr aelodau mewn perthynas â:-

·         Sut mae’r system newydd yn mynd i godi ymwybyddiaeth ar draws y Cyngor o gaffael gan sicrhau fod hynny’n digwydd mewn ffordd unedig a strategol.

·         Yr opsiynau o ran cynorthwyo pobl i sefydlu busnesau newydd.

·         Cyfyngiadau deddfwriaeth a rheolau caffael Ewropeaidd.

·         Pwysigrwydd mewnbwn yr Adran Economi a Chymuned o safbwynt cadw’r budd yn lleol a’r cyswllt gyda chontractwyr lleol.

·         Yr her, wrth symud i drefn ganolog, o geisio perswadio cwmnïau bychain lleol i ymgeisio am gontractau, a hynny heb sicrwydd o unrhyw waith ar ddiwedd y broses.

·         Hyblygrwydd y broses gaffael a’i gallu i newid ac addasu’n gyson er mwyn adnabod anghenion y farchnad leol.

·         Yr her o adnabod a chreu cyfleoedd ar gyfer mentrau cymdeithasol.

·         Yr angen i fod yn effro i effaith cyflwyno’r cyflog byw ar allu’r Cyngor i ennill contractau.

·         Newidiadau mewn prosesau.

·         Effaith unrhyw doriadau yn yr Adran Economi a Chymuned ar y maes caffael gan ei fod yn ddibynnol ar y gefnogaeth fusnes mae’n dderbyn gan yr adran.

·         Monitro a rheoli safonau contractau.

·         Y diffiniad o gwmni  ...  gweld y cofnod llawn ar gyfer eitem 5.

Aelod Cabinet: Y Cynghorydd Peredur Jenkins

Ystyried adroddiad yr Aelod Cabinet Adnoddau  (ynghlwm).

11.40am – 12.40pm

Cyflwynodd bawb eu hunain.

Gosododd yr Aelod Cabinet Adnoddau'r cyd-destun ac ychwanegodd y Pennaeth Cefnogaeth Gorfforaethol fod y Cyngor yn cymryd ei ddyletswydd o ofal ar unrhyw adeg o ddifri’ ac yn gwneud popeth i hyrwyddo’r cymorth sydd ar gael ymysg y gweithlu.

Cyflwynwyd – adroddiad yr Aelod Cabinet Adnoddau yn manylu ar y ddarpariaeth ar gyfer cynnal a chefnogi staff mewn cyfnod o dorri ar wasanaethau a newid mawr yn y ffordd mae’r gwasanaethau yn cael eu cyflawni drwy ymateb i gwestiynau’r Cyfarfod Paratoi mewn perthynas ag:-

·         Asesiad gorau’r Cyngor ar hyn o bryd o nifer y staff all gael eu heffeithio gan y toriadau a’r arbedion effeithlonrwydd.

·         Strategaeth y Cyngor ar gyfer paratoi’r gweithlu ar gyfer y toriadau a’u cefnogi yn ystod y broses ynghyd â’r trefniadau o ran symud staff o fewn y Cyngor a dod o hyd i gyfleoedd eraill o fewn y Cyngor.

·         Cefnogaeth emosiynol i staff sy’n wynebu colli eu swyddi.

·         Trefniadau gydag asiantaethau eraill ar gyfer adnabod sgiliau staff ac adleoli staff gydag asiantaethau eraill.

·         Unrhyw waith sy’n mynd rhagddo, neu gynlluniau ar y gweill, i gefnogi staff cyfredol i fod yn sefydlu eu busnesau eu hunain er mwyn ateb y gofynion am ddarpariaeth newydd / gwahanol.

·         Unrhyw asesiad a gynhaliwyd ynghylch straen ar y staff sy’n weddill, a chasgliadau hynny.

·         Unrhyw gamau a gymerwyd ar gyfer dechrau paratoi i gefnogi staff ar gyfer yr ad-drefnu nesaf.

Ymhelaethodd yr Aelod Cabinet a’r swyddogion ar yr atebion ysgrifenedig yn yr adroddiad, gan hefyd ymateb i gwestiynau / sylwadau pellach gan yr aelodau mewn perthynas â:-

·         Phryder y gallai swyddi ddiflannu cyn i gyfleoedd eraill godi.

·         Yr angen i ragweld cyfleoedd tymor hwy a chyfleoedd i ail-hyfforddi.

·         Y ffaith nad yw’r sefyllfa am wella ac mai’r gwasanaethau lleol sy’n cael eu taro bob tro.

·         Bod y Cyngor yn cymryd y gwaith o gefnogi a chynnal o ddifri’ a’i fod eisoes wedi cynorthwyo unigolion i barhau mewn cyflogaeth.

·         Yr angen i gefnogi’r staff fydd ar ôl yn wyneb y pwysau cynyddol fydd arnynt a’r ffaith y gall fod yn anodd i’r staff hynny gael yr amser i fynychu sesiynau hyfforddi.

·         Pwysigrwydd y cyswllt gyda’r Adran Economi a Chymuned o safbwynt cynghori pobl sy’n gadael gwasanaeth y Cyngor ac yn awyddus i sefydlu eu busnes eu hunain, ac ati.

·         Y deialog ymlaen llaw cyn ystyried unrhyw ddiswyddiadau.

·         Anhawster adleoli staff mewn rhai achosion oherwydd natur wledig y sir.

·         Parhad y drefn apêl a’r niferoedd achosion tebygol.

Yn ei sylwadau cloi, nododd y Pennaeth Cefnogaeth Gorfforaethol fod darpariaeth y Cyngor yn y maes hybu iechyd a lles ei staff wedi ei gydnabod ar lefel genedlaethol.  Dyfarnwyd y Cyngor fel sefydliad lefel aur o ran y safon iechyd corfforaethol ac yn Ebrill y llynedd, gwahoddwyd y Cyngor i roi cyflwyniad ar ei waith yn y maes mewn cynhadledd genedlaethol yn Llundain.

Crynhodd y Cadeirydd brif negeseuon y drafodaeth fel a ganlyn:-

·         Derbyn yr adroddiad a diolch am y gefnogaeth sy’n cael ei chynnig.

·         Monitro’r sefyllfa wrth i effaith y  ...  gweld y cofnod llawn ar gyfer eitem 6.