Rhaglen a chofnodion

Derbyn ymddiheuriadau am absenoldeb.

Y Cynghorwyr: Lesley Day, Trevor Edwards, June Marshall, Michael Sol Owen, Gethin Glyn Williams ac R.H.Wyn Williams.

Derbyn unrhyw ddatganiad o fuddiant personol.

Ni dderbyniwyd datganiad o fuddiant personol gan unrhyw aelod oedd yn bresennol.

Nodi unrhyw eitemau sy’n fater brys ym marn y Cadeirydd fel y gellir eu hystyried.

Dim

          Bydd y Cadeirydd yn cynnig y dylid llofnodi cofnodion y cyfarfod blaenorol o’r pwyllgor hwn a gynhaliwyd ar 3 Rhagfyr, 2015 fel rhai cywir (ynghlwm).

Llofnododd y Cadeirydd gofnodion y cyfarfod diwethaf o’r pwyllgor hwn a gynhaliwyd ar 3 Rhagfyr, 2015 fel rhai cywir.

Ystyried adroddiad yr Arweinydd  (ynghlwm).

2.30pm – 3.30pm.

Cyflwynwyd – adroddiad yr Arweinydd yn gwahodd y pwyllgor i graffu ymlaen llaw ymateb tebygol y Cyngor i’r Bil Llywodraeth Leol drafft cyn iddo gael ei gymeradwyo’n ffurfiol yn y Cabinet ar 16 Chwefror.

Gosododd yr Arweinydd y cyd-destun ac ystyriodd y pwyllgor yr ymdrech gyntaf ar sylwadau a gynhwyswyd fel rhan o’r adroddiad.

Cyflwynwyd y sylwadau a ganlyn:-

Rhan 1

·         Argymhellir bod y Cabinet yn mynnu tystiolaeth am yr arbedion ariannol sydd i ddeillio o’r ymuno gan Lywodraeth Cymru, hynny yw, bod y Cyngor angen achos busnes am yr ymuno.  Yn ogystal, dylid herio a cheisio sicrwydd ynglŷn â phwy sydd i ariannu’r “costau ad-drefnu” yn y cyfnod hwn o gyni ariannol.

·         Dymuna’r Pwyllgor Craffu Corfforaethol argymell 3 Cyngor ar gyfer Gogledd Cymru.  ‘Roedd y farn yn seiliedig ar ystyried ffactorau ieithyddol, anghenion economaidd, yn ogystal â threfniadau gweinyddol / daearyddol.  Datganwyd hefyd bod y polisi iaith (mewnol) wedi cryfhau’r polisi iaith ehangach o fewn y sir ac y byddai goblygiadau i hyn gyda’r ymuno.

Rhan 2

·         Rhaid edrych ar drefniadau Llywodraeth leol ar y cyd ag edrych ar drefniadau ehangach (o ran lleol, Cynulliad a Llywodraeth Prydain) i sicrhau asiad synhwyrol.

·         Dymuna’r Pwyllgor Craffu Corfforaethol nodi eu bod yn cyd-weld gyda’r egwyddor gyffredinol o “bwer cyffredinol”, ond rhaid newid diwylliant rhwng Llywodraeth Cymru a Llywodraeth leol – dim micro-reoli, ond yn hytrach canolbwyntio ar y deilliannau.

Rhannau 3-7

·         Cydweld gyda’r sylwadau drafft yn yr adroddiad.

Cyffredinol

·         Dymuna’r Pwyllgor Craffu nodi eu bod hefyd o’r farn y dylid cymryd y cyfle i nodi neges gyffredinol ein bod yn erbyn yr egwyddor bod cyfrifoldeb gan awdurdod lleol dros gyrff eraill, e.e. hyfforddiant cynghorau cymuned, ayb.

Diolchwyd i’r Arweinydd a’r swyddogion am y drafodaeth.

Ystyried adroddiad yr Aelod Cabinet – Tai, Gofal Cwsmer a Llyfrgelloedd, Amddifadedd a Chydraddoldeb  (ynghlwm).

3.30pm – 4.00pm

Gwahoddwyd y pwyllgor i graffu’r Cynllun Cydraddoldeb Strategol cyn ei gyflwyno’n derfynol i’r Cabinet ar 15 Mawrth, 2016 i’w fabwysiadu.

Cyflwynwyd – adroddiad yr Aelod Cabinet Tai, Gofal Cwsmer a Llyfrgelloedd, Amddifadedd a Chydraddoldeb yn gosod y cyd-destun ac yn ymateb i gwestiynau a ddarparwyd ymlaen llaw mewn perthynas â:-

·         Sail y 4 amcan a ddewiswyd.

·         Digonolrwydd yr adnoddau i gyflawni’r prosiectau.

·         Trefniadau codi ymwybyddiaeth swyddogion ynglŷn â’r cynllun a’i gynnwys, a dyletswyddau pob swyddog.

·         Cynlluniau i godi ymwybyddiaeth aelodau etholedig o’r cynllun a rôl aelodau ym maes cydraddoldeb.

·         Y drefn ar gyfer sicrhau hyfforddiant cydraddoldeb i aelodau a swyddogion a nifer yr aelodau sydd wedi bod ar yr hyfforddiant cydraddoldeb hyd yma.

·         Yr hyn fydd yn wahanol mewn blwyddyn o fod wedi mabwysiadu’r cynllun hwn.

Ymatebodd yr Aelod Cabinet a’r Rheolwr Cynllunio Strategol a Pherfformiad i gwestiynau/sylwadau pellach gan yr aelodau.

Crynhodd y Cadeirydd brif neges y drafodaeth fel a ganlyn:-

·         Cydnabod y gwaith da ar gyfer llunio’r cynllun.

·         Yr angen i fonitro cynnydd yn erbyn deilliannau’r prosiectau.

          Diolchwyd i’r Aelod Cabinet a’r Rheolwr Cynllunio Strategol a Pherfformiad am y drafodaeth.

Derbyn cyflwyniad ar y Strategaeth TG  (strategaeth ddrafft ynghlwm).

4.00pm – 4.30pm

Cyflwynwyd – y Strategaeth TG ddrafft a derbyniwyd cyflwyniad gan yr Uwch Reolwr Technoleg Gwybodaeth a Thrawsnewid ar gynnwys y strategaeth, gan fanylu ar:-

·         Y broses o adolygu’r strategaeth

·         Ystyriaethau’r Strategaeth TG newydd

·         Beth sydd ddim yn y Strategaeth newydd

·         Beth sydd yn y Strategaeth newydd

·         Themâu

·         Egwyddorion

Ymatebodd yr Uwch Reolwr Technoleg Gwybodaeth a Thrawsnewid i gwestiynau/sylwadau gan yr aelodau.

Dosbarthodd y Pennaeth Cyllid bapur yn nodi bod adroddiad a baratowyd gan KMPG ar gostau “gweinyddol” cynghorau Cymru yn egluro bod cost TG yng Ngwynedd yn parhau yn is na chyfartaledd Cymru a bod y Cyngor hwn wedi symud o’r 13eg i’r 14eg safle drwy Gymru.  Nododd fod ffigurau bodlonrwydd cwsmer yn eithaf da, ond bod angen edrych ar yr holl agweddau i sicrhau gwerth am arian ac effeithlonrwydd.

Crynhodd y Cadeirydd brif negeseuon y drafodaeth fel a ganlyn:-

·         Argymhellir y dylid sicrhau eglurder am lwyddiant y strategaeth flaenorol ac esbonio hynny gan ei ddefnyddio fel sail i’r strategaeth newydd.  Bydd hyn yn ein galluogi i fesur cynnydd.  Argymhellir bod angen i’r gwasanaeth adnabod ac asesu lle mae’r Cyngor wedi cyrraedd, pa wersi a ddysgwyd hyd yma, gan ymgorffori’r wybodaeth fel sail i’r strategaeth newydd.

·         Mae angen i’r Strategaeth TG fod yn hyblyg i ymateb i ofynion y cwsmer (pan fo hynny’n glir) a bod mor hyblyg â phosib’ o fewn cyfyngiadau diogelwch.

·         Dylid ystyried ymyriad Ffordd Gwynedd yn y Gwasanaeth TG yn fuan.  Fe all yr ymyrraeth ryddhau adnoddau a allai gael eu defnyddio yn y mannau sy’n cael eu crybwyll yn y Strategaeth.

Diolchwyd i’r Aelod Cabinet a’r swyddogion am y drafodaeth.