Rhaglen a chofnodion

I ethol Cadeirydd ar gyfer 2018/19

PENDERFYNWYD ail ethol y Cynghorydd Gethin Williams yn Gadeirydd y Pwyllgor hwn am y flwyddyn 2018/19.

I ethol Is Gadeirydd ar gyfer 2018/19

PENDERFYNWYD ail ethol y Cynghorydd Eryl Jones-Williams yn Is-gadeirydd y Pwyllgor hwn am y flwyddyn 2018/19.

I dderbyn unrhyw ymddiheuriadau am absenoldeb

Y Cynghorydd Ioan Ceredig Thomas (Aelod Cabinet - Economi), Dr John Smith (Grŵp Mynediad Traphont Abermaw), Mr Martin Parouty (Grŵp Defnyddwyr Harbwr Abermaw) a Mr Mike Ellis (Pwyllgor Ras y Tri Chopa)

I dderbyn unrhyw ddatganiad o fuddiant personol

Derbyniwyd datganiad o gysylltiad personol gan yr aelodau isod am y rhesymau a            nodir:  

(a)           Cyng. Gethin Williams – aelod o’r Ymddiriedolaeth Cymunedol

(b)           Mrs Wendy Ponsford – aelod o’r Clwb Hwylio, aelod o’r Ymddiriedolaeth   Cymunedol

(c)           Cyng. Rob Triggs – aelod o’r Ymddiriedolaeth Cymunedol, aelod o’r Clwb Hwylio

          Ni fu i’r Aelodau bleidleisio ar faterion a oedd yn ymwneud â’u buddiant       personol. 

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 6.03.18 fel rhai cywir  

Llofnododd y Cadeirydd gofnodion cyfarfod y Pwyllgor hwn a gynhaliwyd ar 6 Mawrth, 2018, fel rhai cywir.

Dymunwyd ymddeoliad hapus i Glynda O’Brien (Swyddog Cefnogi Aelodau) am ei chefnogaeth a’i gwasanaeth i’r Pwyllgor dros y blynyddoedd.

Materion yn codi o’r cofnodion:

(a)           Cynnal a Chadw
                 Swyddog Morwrol a Pharciau Gwledig i holi’r Uwch Swyddog Harbyrau a                                   Harbwr Feistr Abermaw am raglen waith cynnal a chadw dros gyfnod y                                      gaeaf.

(b)           Digwyddiadau
                
                 Derbyn bod lle i wella’r broses o atgoffa trefnwyr i gysylltu gyda’r Gwasanaeth                         Morwrol yn gyntaf i gael caniatâd i gynnal gweithgareddau a chryfhau trefniadau o                  ddydd i ddydd.

                        Adroddwyd bod trafodaethau wedi eu cynnal ynglŷn â digwyddiad Motorcross yn                           gwrthdaro gyda gwyliau Hanner Tymor Gwynedd a’r diffyg cyfathrebu rhwng y                                trefnwyr a Chyngor Tref Abermaw. Nodwyd bod Mr Arnold (trefnwr y Motorcross)               angen cadarnhad o ddyddiadau 2019 cyn mis Rhagfyr er mwyn trefnu’r digwyddiad.                      Ategwyd nad oedd modd newid y dyddiad ar gyfer 2018 gan fod rhaglen                                           digwyddiadau Motorcross ar draws y wlad eisoes wedi ei chyhoeddi. Gwnaed                                 awgrym y dylid osgoi penwythnosau hanner tymor mis Hydref (Gwynedd) a hefyd              rhoi ystyriaeth i ddyddiad Sul y Cofio.

            Awgrymwyd 9/10 neu 16/17 o Dachwedd fel nad oedd gwrthdaro gyda hanner      tymor. Nodwyd bod y digwyddiad yn un pwysig i’r ardal ac nad oedd eisiau ei                    golli. Pwysleisiwyd yr angen i gadarnhau’r dyddiadau gyda Mr Arnold cyn                                   mis Rhagfyr 2018

(c)        Ffonau Gwasanaeth Brys Y Friog

                        Amlygwyd, yn dilyn penderfyniad y Pwyllgor i gyfleu i’r Aelod Cabinet perthnasol i                      waredu'r ffonau gwasanaethau brys oherwydd diffyg defnydd, nad oedd hyn wedi             digwydd. Awgrymwyd, cyn gwaredu, y dylid ymgynghori ymhellach gyda Gwylwyr y                      Glannau a Mudiad y Bad Achub o ddefnydd y ffonau.

(ch)        Gweithgareddau FLAG (Fisheries Local Action Group)

               Adroddwyd bod y gweithgareddau wedi bod yn llwyddiannus a bod bwriad cynyddu'r           fenter i’r dyfodol. Diolchwyd i bawb oedd wedi bod yn rhan o’r trefniadau.

               Nododd y Cynghorydd Tref nad oedd wedi gallu mynychu cyfarfodydd Grwp FLAG             yn yr ardal ac awgrymodd y dylid cynnig yr aelodaeth i rywun arall.                                       Cadarnhawyd mai  cynrychiolaeth gan unrhyw un o aelodau Cyngor Tref Abermaw                      oedd dymuniad y Grwp FLAG

(d)          Clirio Tywod

               Mewn datganiad nad oedd modd gweld y môr o Abermaw, nodwyd yn dilyn                         cyfarfodydd gyda Ymgynghoriaeth Gwynedd nad oedd modd symud tywod. Er                     hynny, amlygwyd bod datganiadau positif wedi eu cynnwys mewn cylchgrawn yn                mynegi bod y traeth yn adnodd bendigedig, y morglawdd yn boblogaidd a’r sianel                         yn glir.

(dd)        Carthu

               Rhagwelir mai Doc Fictoria a Harbwr Pwllheli  yn unig fydd yn cael ei carthu

(e)          Cyngor Cymuned Arthog - rheoli mewn llifiad traffig

               Gyda mewnlifiad sylweddol o draffig twristiaeth i’r ardal adroddwyd er bod cyfarfod             wedi ei gynnal gyda’r Adran Trafnidiaeth ymddengys nad oedd pethau yn symud                ymlaen i ymateb i’r cynnydd. Amlygwyd bod Cyngor Cymuned Arthog yn cydweithio                     gyda Grŵp yn Y Friog i geisio adfer rhai o'r materion oedd yn cynnwys camau                              gweithredu  i atal parcio dros nos. Cadarnhawyd bod yr Aelod Cabinet perthnasol yn                    derbyn copi  ...  gweld y cofnod llawn ar gyfer eitem 5.

I ystyried unrhyw faterion diogelwch yr Harbwr

Nodwyd nad oedd unrhyw fater o ran diogelwch harbwr wedi ei gyflwyno o fewn y cyfnod ond tynnwyd sylw at bryder bod plant ifanc yn dringo ar hyd yr adeiladau, cychod, cewyll ac offer pysgota yn Aberdyfi. Gwnaed sylw bod angen sicrhau bod y safle yn ddiogel a gwneud cais i berchennog unrhyw offer          gwblhau asesiad risg.

I ystyried adroddiad yr Harbwrfeistr

(a)          Adroddiad yr Uwch Swyddog Harbyrau

                        Cyflwynwyd adroddiad gan yr Uwch Swyddog Harbyrau yn rhoi diweddariad cryno                       ar faterion yr Harbwr am y cyfnod rhwng Mawrth 2018 a Hydref 2018. Yn dilyn Haf                       arbennig gyda chynnydd sylweddol mewn niferoedd yn ymweld a’r ardal, adroddwyd                    nad oedd yr adnoddau’r Gwasanaeth yn ddigonol  i ymateb i’r holl faterion ac                           amlygwyd hyn fel risg uchel. Ategwyd bod un ddamwain angheuol wedi digwydd a                bod ymateb i’r crwner wedi ei weithredu. Nodwyd hefyd bod y staff yn gorfod delio                        gyda sefyllfaoedd anodd iawn ac mewn ymateb i hyn amlygwyd bod cyfarfod wedi ei                        drefnu gyda Gwylwyr y Glannau i drafod y sefyllfa ymhellach. Adroddwyd bod y                         Gwasanaeth dan bwysau.

                        Mewn ymateb i gwestiwn ynglŷn â nifer yr angorfeydd yn lleihau, adroddwyd bod                          hyn yn batrwm sydd i’w weld mewn harbyrau naturiol. Ategwyd bod y diwydiant ei                        hun yn dioddef, ond er y lleihad nid oedd yn cael effaith ar y budd economaidd wrth                 edrych ar y sefyllfa yn ei gyfanrwydd e.e., gwelwyd cynnydd positif mewn niferodd                   cychod pŵer. Nododd yr Harbwr Feistr mai newid mewn diwylliant yw un rheswm                  dros leihad yn y nifer o gychod hwylio gyda’r angen am bŵer a chyflymdra yn                               cynyddu. Ategwyd bod cwsmeriaid angen ‘prynu adnodd’, megis angorfeydd, fel                                    eitem ac mai proses hirwyntog yw’r broses sydd yn bodoli ar hyn o bryd.

                        I gyfarch hyn, awgrymwyd gwasanaeth hwyluso taliadau a gwnaed cais am                          adroddiad i’r cyfarfod nesaf yn rhestru’r opsiynau posib.

                        Ategodd y Swyddog Morwrol a Pharciau Gwledig bod adolygiad yn cael ei wneud                         gan y Gwasanaeth yn holi pam bod perchnogion angorfeydd wedi ymadael ac y                           byddai adroddiad ar y canfyddiadau yn cael ei gyflwyno (i bob Pwyllgor Harbwr ) ym                    mis Mawrth 2019.

                        Yng nghyd-destun, gosod angorfeydd, amlygwyd bod Cyngor Tref Abermaw wedi                        ystyried cyllido costau angorfeydd a bod bwriad ganddynt i godi arian ar gyfer                               pontwns. Amlygwyd yr angen i gadarnhau trefniadau perchnogaeth ac awgrymwyd                      y dylai’r Cynghorydd Tref gyfarfod gyda’r Uwch Swyddog Harbyrau a’r Harbwr Feistr                       i drafod ymhellach. O ran carthu, byddai angen trwydded i weithredu. Gyda                                    chyllidebau'r Cyngor yn dynn ac yn wynebu toriadau pellach ni fyddai modd i’r                            Cyngor ariannu carthu’r Harbwr. Awgrymwyd y dylai’r Cynghorydd Tref                                              ymgynghori gyda Swyddog Morwrol a Pharciau Gwledig i gydsynio i ysgrifennu                              llythyr at CNC i gael gweithredu. Awgrymwyd bod y gymuned yn barod i godi’r arian.

                        Canmolwyd cymuned Abermaw am eu parodrwydd i gydweithio a cheisio’r gorau i’r                     dref yn wyneb toriadau i gyllidebau Cyngor Gwynedd. Dylid eu cymeradwyo a’u                            llongyfarch am eu gwaith da.

               Adroddwyd bod archwilwyr yr Asiantaeth Forwrol a Gwylwyr y Glannau i                               ailymweld a’r gwasanaeth fis Hydref eleni fel dilyniant i’r adolygiad a gynhaliwyd                  2017. Oherwydd amgylchiadau annisgwyl nodwyd y byddai rhaid gohirio’r                            ymweliad tan fis Mawrth 2019. Bydd gwahoddiad i holl Aelodau’r Pwyllgorau                        Ymgynghorol fynychu cyfarfod ym Mhorthmadog.

               Tynnwyd sylw'r Aelodau at fwriad y Gwasanaeth i gyflogi cymhorthydd harbwr llawn            amser i weithio yn Harbyrau Abermaw, Aberdyfi a Porthmadog. Mewn ymateb y                  dylai’r gwasanaeth ystyried yn  ...  gweld y cofnod llawn ar gyfer eitem 7.

·         I ystyried cynrychiolydd o’r Fairbourne Amenities Trust fel aelod cyfetholedig ar y Pwyllgor

          (a)          Ystyried cynrychiolydd o Ymddiriedolaeth Mwynderau'r Friog fel aelod                        cyfetholedig ar y Pwyllgor.

                         Cyfeiriodd y Swyddog Morwrol a Pharciau Gwledig at Gylch Gorchwyl                   y Pwyllgorau Harbwr gan gadarnhau’r Aelodaeth

·         hyd at 4 aelod lleol o Gyngor Gwynedd

·         Aelod Cabinet Cyngor Gwynedd sydd yn gyfrifol am bortffolio awdurdod harbwr

·         Un aelod o Gyngor Tref

·         Hyd at 7 aelod arall i gynrychioli gwahanol fuddiannau defnyddwyr yr harbwr

                        Gyda Aelodaeth bresennol Pwyllgor Ymgynghorol Harbwr Abermaw yn gyflawn                   byddai cais ychwanegol yn mynd tu hwnt i fframwaith gorfodaeth y Cyngor.

                        Amlygwyd bod sedd wag gan Cyngor Cymuned Arthog ac awgrymwyd y gellid                     penodi un cynrychiolydd fyddai yn cynrychioli dau gorff.

                        Nodwyd bod cynrychiolydd Grŵp Mynediad Traphont Abermaw wedi                                    ymddiswyddo ac mai cyfrifoldeb y Gymdeithas oedd ethol cynrychiolydd newydd.

                        Nodwyd bod cynrychiolydd Ras y Tri Chopa hefyd yn dymuno ymddiswyddo                        ac mai cyfrifoldeb y Pwyllgor hwnnw fyddai ethol cynrychiolydd newydd

                        Pwysleisiwyd bod cyfrifoldeb ar y cyrff uchod i roi gwybod i’r Swyddog Morwrol a                 Pharciau Gwledig neu’r Swyddog Cefnogi Aelodau o’r enwebiadau newydd.

                        Diolchwyd i Mr Mike Ellis (Pwyllgor Ras y Tri Chopa) am ei gyfraniad                                    arbennig i’r Pwyllgor dros y blynyddoedd.

I nodi cynhelir cyfarfod nesaf Pwyllgor Ymgynghorol Harbwr Abermaw ar 26 o Fawrth 2019

Nodwyd y bydd y cyfarfod nesaf yn cael ei gynnal ar 26ain Mawrth, 2019.