Rhaglen a chofnodion
Lleoliad: Parlwr Mawr, Theatr y Ddraig, Canolfan Cymunedol Abermaw, Jubilee Road, Abermaw, Gwynedd. LL42 1EF. Gweld cyfarwyddiadau
Cyswllt: Glynda O'Brien 01341 424301
Rhif | eitem |
---|---|
ETHOL CADEIRYDD I ethol Cadeirydd i’r Pwyllgor hwn am y flwyddyn 2015-16. Cofnod: Penderfynwyd: Ail-ethol y Cynghorydd Gethin Glyn Williams yn
Gadeirydd y Pwyllgor hwn am y flwyddyn 2015/16. |
|
ETHOL IS-GADEIRYDD I ethol Is-gadeirydd i’r Pwyllgor hwn am y flwyddyn 2015-16. Cofnod: Penderfynwyd: Ail-ethol y Cynghorydd Eryl Jones-Williams yn
Is-gadeirydd y Pwyllgor hwn am y flwyddyn 2015/16. |
|
YMDDIHEURIADAU Cofnod: Y Cynghorwyr
Louise Hughes, Mandy Williams-Davies (Aelod Cabinet -
Economi), Cyng. Rob
Williams (BRIG), Dr John Smith (Grŵp Mynediad Traphont Abermaw), Mr Barry Davies (Swyddog Morwrol a Pharciau Gwledig). |
|
DATGAN BUDDIANT PERSONOL Cofnod: Derbyniwyd datganiad o gysylltiad personol gan yr aelodau
isod am y rhesymau a nodir: (i)
Cyng. Julian Kirkham – yn perthyn i un o’r gweithredwyr fferi (ii)
Cyng. Gethin Williams – yn aelod o’r
Clwb Hwylio (iii)
Cyng. R. Triggs – yn aelod o’r
Clwb Hwylio (iv)
Mr Mike Ellis – yn aelod o’r
Clwb Hwylio (v)
Mr Martin Parouty – yn aelod
o’r Clwb Hwylio ac yn weithredwr
masnachol yn yr Harbwr (vi)
Mr John Johnson – gweithredwr masnachol yn yr Harbwr. |
|
I dderbyn a nodi cofnodion y cyfarfod o’r Pwyllgor Ymgynghorol Harbwr Abermaw gynhaliwyd ar y 19 Mawrth 2015. Cofnod: Cyflwynwyd: Cofnodion
cyfarfod o Bwyllgor Ymgynghorol Harbwr Abermaw a gynhaliwyd ar 19 Mawrth 2015. Penderfynwyd: Derbyn
a chymeradwyo’r cofnodion fel rhai cywir. |
|
ADRODDIAD Y SWYDDOG MORWROL PDF 209 KB I dderbyn ac ystyried adroddiad y Swyddog Morwrol, Mr Barry Davies. Dogfennau ychwanegol:
Cofnod: Cyflwynwyd: I
aelodau yn ystod y cyfarfod, adroddiad ysgrifenedig gan y Swyddog Morwrol a
Pharciau Gwledig ar weithgareddau yn Harbwr Abermaw. Darllenodd yr Uwch
Swyddog Harbyrau yr adroddiad i’r aelodau a gwnaed cyfeiriad penodol i’r
isod: (a)
Cofrestru
Cychod Pŵer Mewn ymateb i ymholiad gan Aelod am
gofrestru’r holl gychod drwy drefniadau gwahanol, adroddwyd fod mwyafrif y
cofrestriadau o safleoedd carafanau wedi eu cyfeirio at Swyddfa’r Harbwr Feistr
ac roedd yr asesiadau risg yn cael eu cynnal gan yr Harbwr Fesitr a’u hadolygu
gan y Swyddog Morwrol a Pharciau Gwledig a /neu Uwch Swyddog Harbyrau. Rhoddwyd
sicrwydd fod popeth mewn llaw. Penderfynwyd: Derbyn
a nodi’r uchod. (b)
Mordwyo Adroddwyd fod gwaith yn mynd rhagddo gyda’r
cymhorthion mordwyo ar ôl yr oedi pan roedd y contractwr lleol i ffwrdd. Roedd dau fwi newydd yn y broses o gael eu
prynu yn ogystal â goleuadau newydd, a sicrhawyd fod y Gwasanaeth Morwrol yn
awyddus i gael y cymhorthion mordwyo i’r safon gorau gan eu bod yn flaenoriaeth
o ran iechyd a diogelwch. Dywedodd yr
Uwch Swyddog Harbyrau ei fod yn gobeithio y byddai’r gwaith wedi ei gwblhau cyn
pen y 2/3 wythnos nesaf. Nodwyd
ymhellach fod y bwi bar yn agored i ryferthwy’r tywydd ac roedd y Gwasanaeth
Morwrol mewn trafodaethau gyda Hydrosphere i gael math addas. Gofynnodd cynrychiolydd Grŵp Defnyddwyr
Harbwr Abermaw pam fod y cymhorthion mordwyo wedi eu hamwybyddu am gymaint o
amser. Atebodd yr Uwch Swyddog Harbyrau
ers iddo fod yn ei swydd ym mis Chwefror nid oedd yn ymwybodol eu bod wedi eu
diystyru. Atgoffodd y Cadeirydd y
Pwyllgor fod Grŵp Defnyddwyr yr Harbwr yng nghyfarfod diwethaf y Pwyllgor
hwn wedi llongyfarch y Gwasanaeth Morwrol am safon y cymhorthion mordwyo. Dywedodd yr Uwch Reolwr – Economi a Chymuned
nad oedd unrhyw ateb hawdd ynglŷn â esgeuluso’r cymhorthion mordwyo, ond
roedd yna nifer o ffactorau cysylltiedig.
Roedd Tŷ’r Drindod yn archwilio holl gymhorthion mordwyo’r harbwr
ac o ran Harbwr Abermaw roedd gwersi i’w dysgu a hyderir y bydd y rhain yn cael
eu cywiro yn y dyfodol agos. O safbwynt y goleuadau ar y bwiau oedd mewn
cyflwr gwael, ac yn arbennig dydd Sadwrn diwethaf (10.10.15), dywedodd yr
Harbwr Feistr fod y cymhorthion mordwyo wedi dod i’r lan i’w trwsio a
chyflwynwyd Rhybudd i Forwyr ynglŷn â hyn (dosbarthwyd copi o’r rhybudd er
gwybodaeth yn ystod y cyfarfod). O ran
bwi’r sianel fordwyo, roedd y golau wedi cael ei godi i'r uchafswm ac roedd
golau newydd wedi ei archebu i'r bwi bar a sicrhawyd y byddai'r goleuadau
mordwyo yn gweithio cyn gynted â phosib. Nodwyd ymhellach fod sianel gyda bwiau da yn
arbennig o bwysig yn enwedig i annog mwy o bobl i ymweld â’r Harbwr. Derbyniodd yr Uwch Reolwr – Economi a
Chymuned y sylwadau a wnaed ac erfyniwyd ar aelodau’r pwyllgor a defnyddwyr i gysylltu â’r Harbwr
Feistr os oedd ganddynt unrhyw bryderon am y cymhorthion mordwyo. Penderfynwyd: Derbyn
a nodi’r uchod. (c) Rhaglen Waith Rhestrodd yr Uwch Swyddog Harbyrau y ... gweld y cofnod llawn ar gyfer eitem 6. |
|
MATERION I'W HYSTYRIED AR GAIS AELODAU O'R PWYLLGOR YMGYNGHOROL I dderbyn adroddiadau llafar gan y swyddogion priodol ar y materion canlynol:
· Lansio o Pwynt Penrhyn – Statws Yswiriant. Trefniadau monitro. · Dyddodiad tywod a siltio parhaus · Marciau Mordwyo · Pontwn · Cau Pont Abermaw i gerddwyr Cofnod: (a) Lansio o Bwynt
Penrhyn – statws yswiriant. Sut mae hyn
yn cael ei
fonitro? Diolchodd y Cyng
Julian Kirkham, ar ran Cyngor Cymuned
Arthog, i’r Swyddog Morwrol a Pharciau Gwledig am ddatrys y problemau ym Mhwynt Penrhyn
o ran biniau sbwriel, arwyddion ac ati. Er hynny, roedd pryder
o hyd gyda lansio o Bwynt Penrhyn ac yn enwedig
felly heb yswiriant. Gofynnwyd a fyddai’r cwch patrol yn cadw golwg
yn fwy aml
ar hyn. Penderfynwyd: Cytunodd yr Uwch Swyddog
Harbyrau i drafod y mater ymhellach gyda’r Harbwr Feistr o ran mwy o ymweliadau â Phwynt Penrhyn. (b) Dyddodiad a chasgliad
tywod a chael gwared ohono Roedd yr Uwch Reolwr – Economi
a Chymuned yn ymwybodol o’r pryder
am dywod yn casglu yn arbennig
ar y sarn. Roedd yn wir dweud
fod nifer o gwynion wedi eu
derbyn yn ystod yr haf
a bod y Gwasanaeth Morwrol wedi ymdrechu i ddelio gyda’r sefyllfa
ond roedd hon yn broses naturiol. Trefnwyd cyfarfod rhwng Cadeirydd y Pwyllgor hwn, Prif Wethredwr
yr Awdurdod ac Ymgynghoriaeth Gwynedd ac fe gydnabuwyd fod yna broblem ond
nad oedd yn hawdd ei
datrys. Yn y cyfarfod cytunodd
Ymgynghoriaeth Gwynedd i ymchwilio
i’r dewisiadau oedd ar gael
yn y tymor hir. Roedd Cyngor Tref Abermaw hefyd wedi nodi
pryder am y mater ac roedd safle cyfarfod wedi ei drefnu
gyda chynrychiolwyr o Gyfoeth Naturiol Cymru oedd hefyd
o blaid ymchwilio i’r dewisiadau tymor hir. Hyderir y cynhelir cyfarfodydd lleol eraill er
mwyn ceisio’r farn leol. Penderfynwyd: Nodi a derbyn
yr uchod. (c) Pontŵn Mynegodd Grŵp Defnyddwyr Harbwr a Moryd Abermaw ddiolch
i’r Cyngor am atgyweirio’r pontŵn, ased gwerthfawr i’r harbwr oedd yn
gwella ei apêl fel cyrchfan
i gychod oedd yn ymweld. Dywedodd Uwch Swyddog yr Harbyrau
fod ychydig o faterion oedd angen
eu cywiro o ran cynnal a chadw a gorfodaeth ac ati. (d) Cau Pont Abermaw i gerddwyr
Penderfynwyd: Y dylai’r mater yma gael ei
gyfeirio i ymgynghoriad Her
Gwynedd ynglŷn â pharhau
i dalu ffi i Network Rail i
ganiatáu i gerddwyr, beicwyr a rhai ar feic modur
i ddefnyddio pontdroed Abermaw. |
|
DYDDIAD CYFARFOD NESAF I nodi y cynhelir cyfarfod nesaf y Pwyllgor Ymgynghorol Harbwr Abermaw ar 22 Mawrth 2016. Cofnod: Penderfynwyd: Nodwyd
y cynhelir cyfarfod nesaf y Pwyllgor Ymgynghorol ar 22 Mawrth 2016. |