Lleoliad: Hen Eglwys y Santes Fair, Tremadog
Cyswllt: Glynda O'Brien 01341 424301
Rhif | eitem |
---|---|
ETHOL CADEIRYDD I ethol
Cadeirydd i’r Fforwm am y flwyddyn 2016/17. Cofnod: Penderfynwyd: Ail-ethol Mr Godfrey
Northam yn Gadeirydd y Fforwm am y flwyddyn 2016/17. |
|
ETHOL IS-GADEIRYDD I ethol
Is-gadeirydd i’r Fforwm am y flwyddyn 2016/17. Cofnod: Penderfynwyd: Ail-ethol y Cynghorydd Gareth Thomas yn Is-gadeirydd
i’r Fforwm am y flwyddyn 2016/17. |
|
YMDDIHEURIADAU I dderbyn ymddiheuriadau am absenoldeb. Cofnod: Derbyniwyd ymddiheuriadau gan y Cyng. Michael
Sol Owen (Ysgol Glan y Môr), Esme Spencer (Ysgol Baladeulyn),
Gwyn Howells (Ysgol y Gelli), Rhys Williams (Ysgol
Cymerau), Geraint Evans (Ysgol Edern), Andrew Roberts (Ysgol y Berwyn), Dewi Lake (Ysgol y Moelwyn), Llinos Lloyd (Corff Cysgodol
Dalgylch y Gader), Dafydd Meirion Roberts (Ysgol Brynrefail), Arwyn Thomas
(Pennaeth Addysg), Dafydd Edwards (Pennaeth Cyllid), |
|
DATGAN BUDDIANT PERSONOL I dderbyn unrhyw ddatganiad o fuddiant personol. Cofnod: Ni dderbyniwyd datganiad o fuddiant personol. |
|
I gadarnhau cofnodion cyfarfod o’r Fforwm
a gynhaliwyd ar 20 Ionawr 2016. (Copi’n amgaeedig) Cofnod: Llofnododd y Cadeirydd gofnodion cyfarfod o’r
Fforwm Cyllideb Ysgolion a gynhaliwyd ar 20 Ionawr 2016 fel rhai cywir. |
|
MATERION YN CODI O’R COFNODION |
|
CYFRIFON TERFYNOL YSGOLION 2015/16 PDF 213 KB I ystyried adroddiad gan y Pennaeth Addysg ar yr
uchod. Dogfennau ychwanegol: Cofnod: Cyflwynwyd, er gwybodaeth, adroddiad gan y
Pennaeth Addysg ar yr uchod a thywyswyd yr Aelodau drwy ei gynnwys gan yr Uwch
Reolwr Gwasanaeth Adnoddau Addysg gan nodi yn gyffredinol bod balansau holl ysgolion Gwynedd wedi gostwng £159,010 i
£3,336,570 yn ystod 2015/16 sy’n cyfateb i 4.66% o’u dyraniad terfynol. Ymhelaethwyd fel a ganlyn bod: ·
16 ysgol gyda diffyg ariannol
gwerth £447,692 ·
11 ysgol gynradd gyda chyfanswm diffyg £96,263 ·
4 ysgol Uwchradd gyda chyfanswm diffyg £297,238 ·
1 Ysgol Arbennig gyda diffyg o £54,191 Nodwyd bod balansau’r ysgolion cynradd wedi lleihau am y tro cyntaf
ers 2010. Mynegwyd pryder bod balansau rhai ysgolion
yn parhau yn uchel er bod cynllun cyfarwyddo wedi ei fabwysiadu o ran defnydd balansau ymddengys bod 14 ysgol gynradd a 5 ysgol uwchradd
gyda balansau dros y trothwy £50,000 (cynradd) neu
£100,000 (uwchradd). Fodd bynnag, roedd
trefn i roi sylw i’r mater hwn lle gwelir patrwm cyson o gadw balansau, gyda thrafodaeth yn mynd rhagddo gydag un ysgol
benodol. Yn 2016/17 lle bydd y toriadau
ariannol yn taro y disgwylir i’r balansau leihau eto.
O safbwynt ysgolion mewn diffyg,
awgrymwyd y dylid derbyn adroddiad i gyfarfod nesaf y Fforwm yn amlinellu’r
patrwm o dueddiadau a chamau dros y blynyddoedd ar ysgolion unigol. Yng nghyd-destun balansau
ysgolion, mynegwyd pryder ynglyn a’r ysgolion hynny
sydd yn cadw balansau ac yn derbyn gwarchodaeth
ychwanegol. Mewn ymateb i’r uchod, esboniodd yr
Uwch Reolwr Gwasanaeth Adnoddau Addysg bod gan yr awdurdod drefn o ganfod beth
yw cynlluniau ysgolion o ran gwario balansau a bod
gan ysgolion gynlluniau eithaf rhesymol a theg.
Yr hyn sy’n anodd ydoedd pan nad yw ysgolion yn gwireddu’r cynlluniau
hynny a’i fod yn anodd i’r awdurdod eu herio, a’u bod o ganlyniad erbyn diwedd
y flwyddyn ganlynol yn yr un sefyllfa o ran maint y balansau. Penderfynwyd:
(i) Cymeradwyo
bod yr Adran Addysg a’r Adran Gyllid: (a) yn cydweithio’n agos gyda’r ysgolion gyda diffyg
ariannol er mwyn sicrhau eu bod yn clirio’r diffyg cyn gynted â phosib. (b) yn parhau i fonitro cyllidebau
ysgolion (ii) Gofyn i’r Rheolwr Cyllid gyflwyno adroddiad
i gyfarfod nesaf y Fforwm yn amlinellu: (a) tueddiadau a phatrwm dros y
blynyddoedd o ysgolion unigol sydd mewn diffyg ariannol. (b) Ychwanegiad i’r adroddiad uchod yn amlygu’r ysgolion unigol
hynny sydd gyda gwarged o’u balansau. |
|
GRANTIAU YSGOLION 2016/17 PDF 239 KB I ystyried adroddiad gan y Pennaeth Addysg ar yr
uchod. Dogfennau ychwanegol: Cofnod: Cyflwynwyd adroddiad y Pennaeth Addysg ynglyn a Grantiau Ysgolion 2016/17 a thywyswyd y Fforwm drwy’r cynnwys gan yr Uwch Reolwr Gwasanaeth Adnoddau
Addysg. Cyfeiriwyd at y grantiau yn unigol
gan nodi: Grant Amddifadedd
Disgyblion - £2,203,350 - grant ar sail nifer disgyblion gyda hawl i
ginio am ddim er mwyn gwella safonau llythrennedd, rhifedd a hefyd i gau’r
bwlch rhwng plant difreintiedig a’u cyfoedion. Grant Gwella Addysg - £4,171,818 –
grant i godi safonau addysgu. Grant 6ed Dosbarth
(£3,277,221) - O’r 14 ysgol uwchradd, 7 yn darparu cyrsiau 6ed dosbarth gyda’r
grant uchod yn cael ei ddyrannu ar sail cyfuniad o nifer disgyblion / nifer
cyrsiau, amddifadedd, gwasgaredd ac addysg cyfrwng
Gymraeg. Cadarnhawyd nad oedd y grantiau
uchod yn ddibynnol ar arian Ewrop. Ychwanegodd y Rheolwr Cyllid o
safbwynt y GGA mai un swm o arian a dderbynnir
yn rhanbarthol ac yn cael ei ddyrannu yn seiliedig ar ystadegau. Cyfnod Sylfaen : fformiwla
penodol yn bennaf ar sail disgyblion cyfnod sylfaen gyda gofyn i weithio tuag
at cymhareb o 1:8 oedolyn i ddisgyblion yn y blynyddoedd meithrin a derbyn a chymharbe o 1:15 yn blynyddoedd 1 a 2. Nodwyd bod gweddill y GGA yn cael ei ddyrannu
ar sail 80% nifer disgyblion a 20% ar sail niferoedd cinio am ddim. Penderfynwyd: Derbyn a nodi’r uchod. |
|
POLISI DYRANIAD YCHWANEGOL GWARCHODAETH LLEIAFSWM STAFFIO I dderbyn adroddiad llafar ar yr
uchod. Cofnod: Atgoffwyd y
Fforwm o’r newid ym mholisi Dyraniad Ychwanegol Gwarchodaeth Lleiafswm Staffio
er mwyn lleihau’r dyraniad gwarchodaeth gyfwerth â’r
elfen balansau dros 5% o’r flwyddyn olaf a gyhoeddwyd
(balansau ar ddiwedd 2014-15 mewn perthynas â
dyraniad gwarchodaeth 2016-17). Llythyrwyd â’r ysgolion a oedd â gwarged dros drothwy’r balansau gan eu gwahodd i gyflwyno cais i beidio lleihau’r
warchodaeth lleiafswm staffio ar gyfer 2016/17.
Erbyn dydddiad y Fforwm derbyniwyd 11 cais
gydag un cais hwyr sydd heb eu prosesu ac allan o’r 11 bydd 5 o’r ysgolion yn
derbyn y warchodaeth gyfan yn ôl gyda rhan fwyaf o’r arian yn cael ei
ddefnyddio ar gyfer staffio (sef Pennaeth/ Athro ymhob ysgol). Mewn ymateb i’r
uchod, amlygwyd anfodlonrwydd gan yr Aelod Cabinet Adnoddau nad oedd y sefyllfa
yn dderbyniol o ystyried bod holl Wasanaethau’r Cyngor yn gorfod cydymffurfio â’u cyllidebau dynodedig.
Ychwanegodd y dylid bod yn gadarn gyda’r ysgolion ac y disgwylir gweld
gwelliant sylweddol ym malansau’r ysgolion flwyddyn
nesaf. Nodwyd yr angen i bob dalgylch
wynebu realiti’r sefyllfa gyda’r angen i brysuro ymlaen gyda threfniadaeth
ysgolion. Ategodd yr Aelod
Cabinet Addysg yr un pryder ac anfodlonrwydd gyda’r sefyllfa a’i fod yn anodd
iddo mewn cyfarfodydd o’r Cabinet ddadlau achos y Gwasanaeth Ysgolion o
safbwynt toriadau ariannol o ystyried bod swm eithaf sylweddol gan rhai
ysgolion mewn balansau. Awgrymwyd i’r Aelod Cabinet fynegi
anfodlonrwydd y Fforwm wrth Benaethiaid mewn cyfarfod o’r GYDCA ynglyn a defnydd o falansau ac
apelio arnynt i’w defnyddio er mwyn lliniaru’r sefyllfa ar gyfer flwyddyn
nesaf. Penderfynwyd: (a) Derbyn a nodi’r uchod. (b) Cymeradwyo i’r Aelod Cabinet Addysg
gyfleu pryder y Fforwm ynglyn a defnydd o falansau ac i’w hannog i’w lleihau erbyn y flwyddyn nesaf. |
|
CYTUNDEB FFOTOCOPIO I YSGOLION I dderbyn adroddiad llafar ar yr
uchod. Cofnod: Adroddodd yr Uwch
Reolwr Gwasanaeth Adnoddau Addysg bod gan y Cyngor gytundeb les ar gyfer
llungopïo gyda Konica Minolta
ac awgrymwyd y gall ysgolion fod yn rhan o drefniadau canolog y Cyngor. Anogir Penaethiaid i
gysylltu gyda Judith Ann Williams, Arweinydd
Cynorthwyol Gwasanaeth Cefnogol, i drafod y manylion. Fodd bynnag, dylai ysgolion fod yn wyliadwrus
o delerau’r cytundeb presennol sydd ganddynt rhag ofn y byddai costau o dynnu
allan o unrhyw gytundeb yn rhy fawr i gyfiawnhau newid cytundeb am y tro. Mewn ymateb i ymholiad ynglyn â pha mor gystadleuol yw cytundeb Konica Minolta, argymhellwyd i
Benaethiaid holi ynglŷn â thelerau’r Cyngor a phwyso a mesur manteision /
anfanteision i fod yn rhan o gytundeb canolog.
Eglurwyd ymhellach na
fyddai ysgolion yn derbyn anfoneb yn unigol, yn hytrach byddai’r canol yn
derbyn un anfoneb, a sicrhawyd nad oedd y Cyngor yn gwneud elw o’r cytundeb. Penderfynwyd: Derbyn a nodi’r uchod. |
|
DYDDIADAU AR GYFER CYFARFODYDD NESAF I bennu dyddiadau ar gyfer y canlynol:
·
? Tachwedd 2016 ·
? Chwefror 2017 Cofnod: Penderfynwyd: Gofyn i’r Swyddog Cefnogi Aelodau
ymgynghori gyda’r Cadeirydd / swyddogion perthnasol ar gyfer pennu dyddiadau
i’r cyfarfodydd nesaf tua chanol mis Tachwedd 2016, Chwefror 2017 a diwedd
Mehefin 2017. |