Rhaglen, penderfyniadau a chofnodion

I dderbyn unrhyw ymddiheuriadau am absenoldeb

 

Dim i’w nodi

I dderbyn unrhyw ddatganiad o fuddiant personol

 

Dim i’w nodi

Nodi unrhyw eitemau sy’n fater brys ym marn y cadeirydd fel y gellir eu hystyried.

 

Dim i’w nodi

 

Bydd y Cadeirydd yn cynnig y dylid cau’r wasg a’r cyhoedd allan o’r cyfarfod yn ystod y drafodaeth ar yr eitemau canlynol gan ei fod yn debygol y datgelir gwybodaeth eithriedig fel y’i diffinnir ym mharagraff 12, Rhan 4, Atodiad 12A, Deddf Llywodraeth Leol 1972. Mae’r paragraff yma yn berthnasol oherwydd bod yr adroddiad yn cynnwys gwybodaeth am unigolion penodol sydd â hawl i breifatrwydd. Nid oes unrhyw fudd cyhoeddus sydd yn galw am ddatgelu gwybodaeth bersonol am yr unigolion yma fyddai’n gorbwyso hawliau’r unigolion yma. O ganlyniad mae’r budd cyhoeddus yn disgyn o blaid cadw’r wybodaeth yn eithriedig

 

PENDERFYNWYD cau’r wasg a’r cyhoedd allan o’r cyfarfod yn ystod y drafodaeth ar yr eitemau canlynol gan ei fod yn debygol y datgelir gwybodaeth eithriedig fel y’i diffinnir ym mharagraffau 12 ac 13, Rhan 4, Atodiad 12 A, Deddf Llywodraeth Leol 1972.  Mae’r paragraffau yma yn berthnasol oherwydd bod gan yr unigolion dan sylw'r hawl i breifatrwydd ac nad oes unrhyw fudd cyhoeddus sy’n gofyn am ddatgelu gwybodaeth bersonol am yr unigolion nac yn gofyn am eu hadnabod.  O ganlyniad mae’r budd cyhoeddus o gadw’r wybodaeth yn eithriedig yn gorbwyso’r budd cyhoeddus o’i datgelu.

 

I ystyried cais Mr A

 

(copi arwahan i aelodau’r Is Bwyllgor yn unig)

 

PENDERFYNIAD

 

Nad oedd yr ymgeisydd yn berson addas a phriodol ar gyfer trwydded gyrrwr cerbyd hacni / hurio preifat gyda Chyngor Gwynedd

 

Croesawodd y Cadeirydd bawb i’r cyfarfod. Amlygodd y byddai'r penderfyniad yn cael ei wneud yn unol â Pholisi Trwyddedu Cyngor Gwynedd. Nodwyd mai pwrpas y polisi oedd gosod canllawiau ar y meini prawf wrth ystyried cais yr ymgeisydd gyda’r nod o ddiogelu’r cyhoedd drwy sicrhau:

 

•       Bod yr unigolyn yn unigolyn addas a phriodol

•       Nad yw'r unigolyn yn fygythiad i'r cyhoedd

•       Bod y cyhoedd wedi'u diogelu rhag pobl anonest

•       Bod plant a phobl ifanc wedi'u diogelu

•       Bod pobl ddiamddiffyn wedi'u diogelu

•       Bod y cyhoedd yn gallu bod yn hyderus wrth ddefnyddio cerbydau trwyddedig

 

Cyflwynodd y Rheolwr Trwyddedu adroddiad ysgrifenedig ar gais a dderbyniwyd gan Mr A am drwydded gyrru cerbyd hacni/hurio preifat. Gofynnwyd i’r Is-bwyllgor ystyried y cais yn unol â’r ‘materion eraill’ sydd yn gysylltiedig ag addasrwydd unigolyn i fod yn yrrwr cerbyd hacni/hurio preifat

 

Roedd yr Awdurdod Trwyddedu yn argymell i’r Is-bwyllgor wrthod y cais a hynny oherwydd nad oedd ymddygiad yr ymgeisydd mewn gwrthdrawiad diweddar yn cyrraedd y safon ddisgwyliedig gan yrrwr tacsi.

 

Dangoswyd fideo TCC oedd yn tystiolaethu’r gwrthdrawiad.

 

Gwahoddwyd cynrychiolydd yr ymgeisydd i ymhelaethu ar y cais gan roi gwybodaeth am gefndir y gwrthdrawiad ac amgylchiadau personol yr ymgeisydd. Nododd bod yr ymgeisydd wedi bod yn yrrwr tacsi dibynadwy ers 2010 ac nad oedd unrhyw gwyn wedi ei dderbyn ynglŷn â’i yrru. Eglurwyd, er i’r ymgeisydd adael lleoliad y ddamwain, roedd wedi gwneud hynny am resymau dealladwy ac wedi cysylltu gyda’i gyflogwr i ymdrin â’r digwyddiad.

 

Mewn ymateb i gwestiwn ynglŷn â pham nad oedd yr Heddlu wedi dwyn achos yn erbyn yr ymgeisydd, nodwyd er bod yr Heddlu wedi ymateb i’r digwyddiad, cafwyd cadarnhad drwy lythyr na fyddai gweithred bellach. Ategwyd, er nad oedd yr Heddlu wedi mynd ar achos yn bellach bod gan yr Is-bwyllgor, yn unol â Pholisi Trwyddedu’r Cyngor, hawl i ystyried addasrwydd person i fod yn yrrwr tacsi.

 

PENDERFYNWYD nad oedd yr ymgeisydd yn berson addas a phriodol ar gyfer trwydded gyrrwr cerbyd hacni/hurio preifat gyda Chyngor Gwynedd.

 

Wrth gyrraedd eu penderfyniad, roedd yr Is-bwyllgor wedi ystyried y canlynol:

·     Gofynion ‘Polisi Trwyddedu ar gyfer Hurio Preifat a Cherbydau Hacni Cyngor Gwynedd’

·     Adroddiad yr Adran Drwyddedu

·     Ffurflen gais yr ymgeisydd

·     Datganiad DBS

·     Adroddiad Asiantaeth Trwyddedu Gyrwyr a Cherbydau

·     Diddymiad Trwydded Gyrrwr

·     Tystiolaeth Teledu Cylch Cyfyng - TCC

·     Sylwadau llafar gan gynrychiolydd yr ymgeisydd

 

Rhoddwyd ystyriaeth benodol i’r materion canlynol

 

Cefndir

 

Yn Awst 2024 cyflwynwyd rhybudd i’r ymgeisydd o dan adran 61 Deddf Llywodraeth Leol (Darpariaethau Amrywiol) 1976 oedd yn diddymu trwydded gyrru tacsi'r ymgeisydd yn ddi-oed ar sail tystiolaeth TCC o wrthdrawiad.

 

Roedd gan yr ymgeisydd droseddau gyrru oedd yn pontio dros 10 mlynedd, gydag un mân drosedd traffig yn arwain at 3 pwynt oedd yn dal i fodoli ar ei drwydded am oryrru

 

CYMALAU PERTHNASOL Y POLISI

 

Ystyriwyd paragraff 1.5 o Bolisi’r Cyngor lle nodi’r os na fydd ymgeiswyr yn datgelu unrhyw gollfarnau; rhybuddion; hysbysiadau cosb, gorchmynion neu geryddon blaenorol ar eu ffurflen gais, gan gynnwys unrhyw achosion llys yn yr arfaeth neu  ...  gweld y cofnod llawn ar gyfer eitem 5.