Rhaglen a chofnodion
Lleoliad: Swyddfeydd GwE, Bryn Eirias, Ffordd Abergele, Bae Colwyn, LL29 8BF
Cyswllt: Bethan Adams 01286 679020
Rhif | eitem |
---|---|
YMDDIHEURIADAU Derbyn unrhyw ymddiheuriadau am absenoldeb. Cofnod: Dafydd Edwards (Pennaeth Cyllid yr Awdurdod Lletyol – Cyngor Gwynedd), Alison Fisher (Cynrychiolydd Llywodraethwyr), Rhys Howard Hughes (Cyfarwyddwr Cynorthwyol (Cefnogaeth a Broceru) GwE), a R. Ellis Owen (Cyngor Bwrdeistrefol Sirol Conwy). |
|
DATGAN BUDDIANT PERSONOL Derbyn unrhyw ddatganiad o fuddiant personol. Cofnod: Ni
dderbyniwyd datganiad o fuddiant personol gan unrhyw aelod oedd yn bresennol. |
|
MATERION BRYS Nodi unrhyw eitemau sy’n fater brys ym marn y Cadeirydd fel y gellir eu hystyried. |
|
COFNODION Y CYFARFOD BLAENOROL PDF 255 KB (copi’n amgaeedig) Cofnod: Llofnododd y Cadeirydd gofnodion o’r pwyllgor hwn a gynhaliwyd ar 23 Medi 2015, fel rhai cywir. |
|
ADRODDIAD BLYNYDDOL GwE 2014-15 PDF 447 KB (copi’n amgaeedig) Dogfennau ychwanegol: Cofnod: Cyflwynodd Rheolwr Gyfarwyddwr GwE adroddiad blynyddol
GwE a oedd
yn manylu ar y cynnydd a wnaed yn erbyn
y deilliannau â blaenoriaethau
yn ystod 2014-15. Nododd aelod ei bryder yng nghyswllt
y deilliannau ym mlwyddyn 2014-15, gan dynnu sylw yn
benodol at ganlyniadau CA4. Nododd Ian Budd (Cyfarwyddwr Arweiniol
- Cadeirydd y Bwrdd Rheoli (Cyngor Sir y Fflint)) bod y sefyllfa wedi ei ddadansoddi
yn fanwl a chyflwynir adroddiad pellach i gyfarfod
y Bwrdd Rheoli ym mis Ionawr. Nododd Rheolwr Gyfarwyddwr
GwE bod trefniadau asesiadau athrawon wedi eu cryfhau
trwy brosesau gwirio cenedlaethol er mwyn adlewyrchu
gwir gyflawniad disgybl. PENDERFYNWYD
derbyn a nodi’r adroddiad. |
|
ADRODDIAD AR DDEILLIANNAU DISGYBLION 2015 PDF 804 KB (copi’n amgaeedig) Cofnod: Cyflwynodd Rheolwr Gyfarwyddwr
GwE adroddiad a oedd yn
crynhoi’r sefyllfa o ran dangosyddion yng nghyswllt deilliannau disgyblion yn 2015. Tywysodd yr aelodau drwy’r
adroddiad fesul cyfnod allweddol. Yn ystod y drafodaeth
ddilynol, amlygwyd y prif bwyntiau canlynol: ·
Bod gwahanol dargedau o ran canlyniadau yn yr awdurdodau unigol.
Mewn ymateb nododd Rheolwr Gyfarwyddwr GwE, ei fod yn
fater a oedd
yn effeithio Cymru gyfan. Nododd
bod gwaith ar y gweill i wella
cysondeb dros awdurdodau lleol ac yr herir ysgolion
unigol ar eu targedau ar
lefel disgybl; ·
Ni ddylid gosod targed
ar gyfer disgybl os nad
yw’n gyraeddadwy; ·
Bod deilliannau CA2 wedi gwella yng Ngwynedd
ac Ynys Môn a dylid annog cydweithio er lledaenu
arfer da; ·
Bod cwymp o ran canlyniadau disgyblion wrth gymharu asesiadau athrawon yn CA3 a gwir ganlyniadau CA4. Mewn ymateb nododd
Rheolwr Gyfarwyddwr GwE bod prosesau mewn lle i
roi cymorth i athrawon o ran cynhyrchu asesiadau ystyrlon; ·
Bod y broses cymedroli asesiadau athrawon ac ymweld ag ysgolion unigol
yn gwneud gwahaniaeth ond yn cwestiynu’r capasiti i edrych
ar bob ysgol a bob pwnc yn unigol.
Mewn ymateb nododd Rheolwr Gyfarwyddwr GwE y cynhelir ymweliadau ag ysgolion i
fesur cynnydd yn erbyn y targedau
a gweithredir tu mewn i’r adnoddau.
Ychwanegodd yr edrychir ar efallai
amrywio defnydd grantiau megis y Grant Gwella Addysg i’r
perwyl hyn; ·
Yr angen i
sicrhau bod athrawon cymwysedig yn dysgu
mathemateg ac edrych ar y diffyg o ran mathemategwyr. Mewn ymateb nododd John Davies (Cyngor Bwrdeistref Sirol Wrecsam), bod GwE yn hysbysebu
am unigolion efo arbenigedd mewn Mathemateg ynghyd â Saesneg i ymateb
i’r galw; ·
Y byddai’n ddiddorol gweld canlyniadau’r TGAU newydd mewn Mathemateg
a Saesneg. Nodwyd yr angen i
ail-hyfforddi athrawon ac i ddenu unigolion
sydd yn arbenigo
yn y pynciau i ddysgu. Mewn
ymateb, nododd Geraint Rees
(Llywodraeth Cymru) bod yr Athro John Furlong yn edrych ar
raglen hyfforddi athrawon ar ran Llywodraeth Cymru. Ychwanegodd bod pryder gwirioneddol yn genedlaethol o ran cadw unigolion yn y maes dysgu; ·
Y byddai’n fuddiol dod i farn ar ganlyniadau
CA5. Mewn ymateb nododd Cyfarwyddwr Cynorthwyol (Safonau) GwE ei fod
yn anodd cymharu canlyniadau gan fod nifer
isel o ddisgyblion yn cymryd pynciau
yn y cyfnod allweddol yma yn
y Chweched Dosbarth, ond fe ymwelir
ag ysgolion i herio pan fo problem efo pwnc penodol; ·
Holwyd os byddai’n
bosib gosod y deilliannau o ran disgyblion PYD er mwyn meincnodi
sut y cymharir efo disgyblion dros Gymru; ·
Y byddai’n ddiddorol gweld proffil CA4 yng nghanlyniadau arolygiadau ESTYN. Nododd Cyfarwyddwr Cynorthwyol (Safonau) GwE pan dderbynnir canlyniadau'r arolygiadau fe
ystyrir argymhellion ysgolion unigol ar draws y Rhanbarth. PENDERFYNWYD derbyn a nodi’r adroddiad. |
|
ARGYMHELLION ESTYN 2015 – ADRODDIAD DIWEDDARIAD AR GYNNYDD (MEHEFIN – HYDREF 2015) PDF 292 KB (copi’n amgaeedig) Dogfennau ychwanegol: Cofnod: Cyflwynodd Rheolwr Gyfarwyddwr GwE adroddiad a
oedd yn rhoi
diweddariad ar gynnydd yn erbyn
argymhellion Estyn (Mehefin 2015). Nododd y derbyniwyd sylwadau
defnyddiol gan Arwyn Thomas (Cyngor Gwynedd) ar y cynnwys ers
cyhoeddi’r adroddiad.
Ychwanegodd y byddai’r Cydbwyllgor
yn derbyn diweddariad cyson o’r cynnydd. PENDERFYNWYD
derbyn a nodi’r adroddiad. |
|
CYNLLUN BUSNES 2015-18 PDF 338 KB (copi’n amgaeedig) Dogfennau ychwanegol: Cofnod: Cyflwynodd Rheolwr Gyfarwyddwr GwE y Cynllun Busnes
a oedd yn
nodi gweledigaeth, nodau a blaenoriaethau gweithredu GwE ar gyfer y tair
blynedd nesaf. Tynnwyd sylw bod ffrydiau gwaith manwl ar
waith ar gyfer pob blaenoriaeth
yn 2015/16 ac atodir y manylion i’r Cynllun Busnes. Mewn ymateb i sylw
parthed anghysondeb Ymgynghorwyr Her, nododd Cyfarwyddwr Cynorthwyol (Safonau) GwE y cryfheir systemau i sicrhau
bod Ymgynghorwyr Her efo’r sgiliau angenrheidiol. Mewn ymateb i sylw
parthed recriwtio Penaethiaid Ysgolion i swyddi Ymgynghorwyr
Her, nododd Cyfarwyddwr Cynorthwyol (Safonau) GwE mai
Penaethiaid a oedd newydd ymddeol oedd rhai ohonynt
tra bo eraill
yn Benaethiaid mewn ysgol ac yn
rhoi cymorth i ysgol arall. Gwnaed nifer o sylwadau yng nghyswllt diffyg
Penaethiaid a’r angen i ddatblygu
arweinwyr y dyfodol. Mewn ymateb nododd
Rheolwr Gyfarwyddwr GwE bod y rhaglenni datblygu wedi eu
hanelu yn bennaf at arweinwyr canol a Phenaethiaid a gobeithir bydd pecyn cenedlaethol ar gael. Nododd Geraint Rees (Llywodraeth Cymru)
bod y 4 consortiwm yn edrych ar waith
ei gilydd a gobeithir y byddai rhaglenni datblygu mewn lle erbyn
yr Haf ar
gyfer yr holl haenau o athro/athrawes i Bennaeth. Ychwanegodd bod ymateb Penaethiaid yn y rhanbarth i’r rhaglenni datblygu
yn gadarnhaol. PENDERFYNWYD
cymeradwyo Cynllun Busnes 2015-18. |
|
(copi’n amgaeedig) Cofnod: Cyflwynodd Ian Budd (Cyfarwyddwr Arweiniol
- Cadeirydd y Bwrdd Rheoli (Cyngor Sir y Fflint)) adroddiad yn manylu ar
drefniadau craffu arfaethedig er mwyn ymateb i
argymhelliad Swyddfa Archwilio Cymru. Nodwyd y cydweithir â phwyllgorau craffu perthnasol yr awdurdodau
lleol i sefydlu
rhaglen cydgysylltiedig gyda bwriad i
bob awdurdod lleol edrych ar un
elfen o’r rhaglen gorfforaethol a’r cynllun busnes
gan rannu’r dysgu ar draws pob awdurdod. PENDERFYNWYD bod Bwrdd Rheoli GwE ac Uwch Dîm Arwain GwE yn gweithio gyda phwyllgorau craffu awdurdod lleol perthnasol i weithredu rhaglen waith gydgysylltiedig mewn perthynas â gwella ysgolion. |
|
RHWYDWEITHIAU RHANBARTHOL PDF 512 KB (copi’n amgaeedig) Cofnod: Cyflwynodd
Ian Budd (Cyfarwyddwr Arweiniol
- Cadeirydd y Bwrdd Rheoli (Cyngor Sir y Fflint)) adroddiad ar y Rhwydweithiau Rhanbarthol a manylodd ar y broses adrodd arfaethedig a gynigir sef: ·
Pob
rhwydwaith yn adrodd i Fwrdd Rheoli GwE; ·
Cofnodion
y cyfarfodydd i’w rhannu â Bwrdd Rheoli GwE; ·
Cyd-bwyllgor
i dderbyn adroddiad cynnydd gan un o’r rhwydweithiau yn y cyfarfod tymhorol. Nododd aelod bod
cydweithio da rhwng yr awdurdodau lleol o ran noddwyr. PENDERFYNWYD: (i) Derbyn a nodi’r adroddiad; (ii) Cymeradwyo’r
broses adrodd arfaethedig. |
|
STRWYTHUR STAFFIO GwE – GWNEUD PENDERFYNIADAU PDF 519 KB (copi’n amgaeedig) Cofnod: Cyflwynodd Rheolwr Gyfarwyddwr GwE adroddiad yng
nghyswllt newid y drefn o gymeradwyo newidiadau i’r strwythur staffio. Nodwyd
yn bresennol bod rhaid cyflwyno unrhyw swyddi newydd
i’r Cydbwyllgor er cymeradwyaeth yn unol ag
Atodlen 2 y Cytundeb Rhyng-Awdurdod presennol
(18/02/13). Nodwyd gan mai ond unwaith
y tymor y cynhelir cyfarfodydd o’r Cydbwyllgor y gall y drefn achosi oedi yn
y broses benodi. Adroddwyd yr argymhellir i’r Cydbwyllgor dirprwyo’r cyfrifoldeb o wneud newidiadau i strwythur GwE
i Reolwr Gyfarwyddwr GwE (yn unol â phrosesau’r
ALl lletyol). Nodwyd y bwriedir
adrodd ar y strwythur yng Nghynllun
Busnes ac Adroddiad Blynyddol GwE. PENDERFYNWYD: (i)
Derbyn a nodi’r adroddiad; (ii)
Dirprwyo’r cyfrifoldeb o wneud newidiadau i strwythur GwE
i Reolwr Gyfarwyddwr GwE (yn unol â phrosesau’r ALl lletyol, ac sydd wedi’u
cynnwys fel atodiad 1). |