Rhaglen a chofnodion
Lleoliad: Swyddfeydd GwE, Bryn Eirias, Ffordd Abergele, Bae Colwyn, LL29 8BF
Cyswllt: Annes Sion 01286 679490
Rhif | eitem |
---|---|
ETHOL IS-GADEIRYDD I ethol Is-gadeirydd ar gyfer 2019/20 Cofnod: Penderfynwyd gohirio'r penderfyniad tan gyfarfod mis
Medi. |
|
YMDDIHEURIADAU Derbyn unrhyw ymddiheuriadau am absenoldeb. Cofnod: Cyn mynd at i dderbyn yr ymddiheuriadau croesawyd Cyng. Julie Fallon i’w
chyfarfod cyntaf a diolchwyd i’r Cyng. Garffild Lewis am ei gyfraniad dros y
cyfnod. Derbyniwyd ymddiheuriadau gan Cyng. Ian Roberts, Arwyn Williams (Cyngor Sir Ynys Môn), Claire Homard (Cyngor Sir y Flint), Dafydd L Edwards (Awdurdod Lletyol - Cyngor Gwynedd), Sion Huws (Awdurdod Lletyol - Cyngor Gwynedd) |
|
DATGAN BUDDIANT PERSONOL Derbyn unrhyw ddatganiad o fuddiant personol. Cofnod: Ni dderbyniwyd unrhyw ddatganiad o fuddiant personol gan unrhyw aelod
oedd yn bresennol. |
|
MATERION BRYS Cofnod: Nid oedd unrhyw faterion brys. |
|
COFNODION Y CYFARFOD BLAENOROL PDF 66 KB (copi wedi
ei atodi) Cofnod: Llofnododd y Cadeirydd gofnodion o’r pwyllgor hwn a gynhaliwyd ar y 22
Mai 2019 fel rhai cywir. Ychwanegwyd o ran eitem ‘Cyfrifon GwE’ - gan
fod un o Gyfarwyddwyr Cynorthwyol GwE yn gadael ei swydd ni fydd y swydd yn
cael ei hail-lenwi fel y bydd modd cwrdd â’r toriadau sydd eu hangen am eleni.
Ychwanegwyd y bydd adroddiad yn dod ger bron yn fuan i nodi hyn yn llawn. |
|
DATGANIAD O'R CYFRIFON 2018/19 PDF 93 KB Dafydd L
Edwards i gyflwyno Datganiad
o’r Cyfrifon, ar ffurf ‘statudol’, wedi’i ardystio, ond yn amodol ar archwiliad Dogfennau ychwanegol: Cofnod: PENDERFYNIAD Derbyniwyd a nodi Datganiad o Gyfrifon GwE (yn amodol ar archwiliad) am
2018/19 TRAFODAETH Cyflwynwyd yr adroddiad gan nodi fod Adran 12 o Ddeddf Archwilio
Cyhoeddus (Cymru) 2004 yn nodi fod
Cydbwyllgor o fwy nac un awdurdod yn gorff Llywodraeth Leol, ac fod Adran 13 o’r ddeddf yn mynnu bod
Cydbwyllgor yn cadw cyfrifon sy’n destun
archwiliad gan archwilwyr annibynnol. Ychwanegwyd fod Rheoliadau Cyfrifon ac
Archwilio (Cymru) (Diwygio) 2018 yn nodi ble mae’r trosiant yn fwy na
£2.5miliwn rhaid paratoi datganiad o’r cyfrifon yn unol â chod CIPFA ar gyfer
Cydbwyllgor. Pwysleisiwyd fod adroddiad “alldro” syml a chryno wedi ei gyflwyno
ym mis Mai ac yn fwy defnyddiol i bwrpasau
mewnol, tra mae’r Datganiad o Gyfrifon
yn fwy addas ar gyfer pwrpasau llywodraethu. Ategwyd y bydd y datganiad
yn destun archwiliad gan gwmni Deloitte ac amlinellwyd y bydd adroddiad ‘ISA
260’ yn cael ei gynhyrchu a’i gyflwyno
i’r Cydbwyllgor ar 11 Medi 2019. Tynnwyd sylw at
rhai agweddau o’r datganiad gan gynnwys y Gronfa Bensiwn. Nodwyd bod y Fantolen yn cynnwys asesiad gan
Actiwari y Gronfa, Hymans, o gyfran y Cydbwyllgor o ymrwymiad y Gronfa
Bensiwn. Nodwyd bod yr ymrwymiad wedi
cynyddu yn 2018/19. Amlygwyd fod newid mawr o ran Dyledwyr Tymor Byr am eleni yn bennaf o ganlyniad i arian nifer o grantiau wedi
cyrraedd yn ystod, yn hytrach nag ar ôl,
diwedd y flwyddyn ariannol. Sylwadau’n codi o’r drafodaeth ¾ Holwyd pam fod
gwariant Eiddo wedi cynyddu cymaint eleni wrth gymharu gyda llynedd - nodwyd
fod hyn gan fod GwE wedi symud i adeilad newydd ychydig drytach yn yr Wyddgrug,
ond bod modd cynnal fwy o hyfforddiant yn yr adeilad newydd, sy’n galluogi GwE
i ddenu incwm. Nodir bod y mater eisoes wedi’i
amlygu wrth sefydlu cyllideb 2019-20 yng nghydbwyllgor GwE mis Chwefror
2019. ¾
Holwyd pam bod y nifer o staff derbyniodd tal
dros £60,000 wedi cynyddu wrth gymharu gyda llynedd – Nodwyd bod y trothwy
£60,000 heb newid ers blynyddoedd er i gyflogau gynyddu gyda chwyddiant tal. ¾
Holwyd pam fod grantiau wedi lleihau wrth gymharu
gyda llynedd - nodwyd bod grantiau un tro wedi’i dderbyn yn 2017/18 a bod
toriad i’r Grant Gwella Addysg yn 2018/19. ¾ Trafodwyd grantiau gan fynegi fod nifer o grantiau bellach wedi eu gosod oddi fewn y Grant Gwella Ysgolion Consortia Rhanbarthol. ¾ Gofynnwyd o dan y pennawd ‘GGA - Ariannu Cyfatebol’ pam nad oedd Wrecsam yn cyfrannu o gwbl - nodwyd bod hyn yn fater technegol gan mai asesiad cynghorau unigol oedd pa elfen o’u harian cyfatebol y diffinnir fel datganoledig neu heb ei ddatganoli. Nodwyd nid yw’r elfen ddatganoledig yn ymddangos yng nghyfrifon GwE a bod cyfraniad gros arian cyfatebol yn cymharol gyson wrth ystyried yr elfen ddatganoledig a’r elfen heb ei ddatganoli. Cynigwyd i gyflwyno papur fyddai’n amlygu’r mater i’r cydbwyllgor nesaf os oedd dymuniad, gwrthodwyd y cynnig. |
|
DATGANIAD LLYWODRAETHU 2018-19 PDF 66 KB Arwyn
Thomas i gyflwyno Datganiad Llywodraethu blynyddol GwE Dogfennau ychwanegol: Cofnod: PENDERFYNIAD Derbyn a
chymeradwyo’r Datganiad Llywodraethu Blynyddol. TRAFODAETH Cyflwynwyd yr adroddiad gan nodi fod y
datganiad hwn yn cael ei gyflwyno yn flynyddol, Nodwyd fod GwE yn gyfrifol am
gynnal adolygiad effeithlonrwydd o’i fframwaith Llywodraethu gan gynnwys y
system rheolaeth fewnol. Gofynnwyd pwy sydd yn dal GwE yn atebol ac o ran
polisïau a phenderfyniadau'r Cydbwyllgor. Manylwyd ar y drefn o lywodraethu gan
nodi cyfarfodydd craffu gydag Awdurdodau Lleol, ymweliadau gan Estyn ynghyd â
chyfarfodydd gyda Llywodraeth Cymru. Pwysleisiodd Rheolwr Cyfarwyddwr GwE fod yr
atebolrwydd allanol yn drwm. Sylwadau yn codi o’r drafodaeth: - Holwyd faint yw gwerth yr adolygiadau i GwE a beth yw cost eu cynnal.
Gofynnwyd a oes trefn well y gallai GwE ei ddefnyddio fel eu bod yn osgoi'r
gost. - Mynegwyd fod GwE yn
gorff eithaf ifanc ac yn drefn partneriaeth, felly mae rheoleiddio aml i
sicrhau fod y gwaith partneriaeth yn
gweithio. - Nodwyd fod adroddiadau allanol yn bwysig a bod cylch awdurdodau lleol a
rhanbarthol yn dynn |
|
Arwyn
Thomas i gyflwyno Cofrestr Risg ddiweddaraf GwE Dogfennau ychwanegol:
Cofnod: PENDERFYNIAD Derbyn y gofrestr risg ddiweddaraf. TRAFODAETH Cyflwynwyd y gofrestr risg gan nodi fod y ddogfen yn un byw sydd yn cael
ei ddiweddaru yn gyson. Mynegwyd fod addasiadau wedi ei gwneud ac awgrymwyd
tynnu rhai risgiau allan o’r gofrestr. Ychwanegwyd bod y gofrestr yn cael ei
hadolygu yn chwarterol gan y Cydbwyllgor. |
|
YMGYSYLLTU A CHYMHEIRIAID PDF 70 KB Alwyn Jones i gyflwyno papur ar ddatblygu model
Ymgysylltu â Chymheiriaid yng Ngogledd Cymru i'r Cyd-bwyllgor i’w gymeradwyo Dogfennau ychwanegol: Cofnod: PENDERFYNIAD Cymeradwyo
datblygu model Ymgysylltu â chymheiriaid yng ngogledd Cymru, fel yr amlinellir
yn Atodiad 1. TRAFODAETH Cyflwynwyd yr adroddiad gan nodi fod disgwyliad i
ysgolion fod yn hunan-wella ac yn cyd-weithio gydag ysgolion eraill er mwyn
codi safonau a lleihau’r bwch cyrhaeddiad. Mynegwyd y bydd categoreiddio
ysgolion yn parhau am flwyddyn arall. Nodwyd fod yr adroddiad yn ceisio nodi patrwm posib
ar gyfer datblygu model ymgysylltu â chymheiriaid. Ychwanegwyd fod y dull
gweithredu rhanbarthol eisoes wedi mabwysiadu model gweithio mewn clwstwr.
Nodwyd fod trafodaethau wedi eu cynnal droeon yn y Cydbwyllgor am ba mor
gymhleth fydd yw’r holl newidiadau mewn ysgolion. Er hyn mae’r gwaith yn mynd
yn ei flaen. Mynegwyd fod y model yn blaenoriaethu ysgolion ac
wedi ei greu ar y cyd gydag ysgolion. Nodwyd fod yr egwyddorion wedi eu creu
gyda Phenaethiaid a bod bron i 300 o benaethiaid wedi dangos diddordeb i
gynorthwyo gyda’r gwaith. Sylwadau’n codi
o’r drafodaeth ¾
Mynegwyd fod creu’r model yma yn
angenrheidiol. Drwy roi arian i glystyrau bydd yn rhoi’r cyfle iddynt
benderfynu ar sut i benderfynu ar eu blaenoriaethau. ¾
Nodwyd fod 2020/21 yn flwyddyn ble
na fydd arolygiadau Estyn yn cael eu cynnal. Bydd fframwaith arolygu newydd yn
ystod 2021 a fydd wedi ei seilio ar gymheiriaid a chydweithio. |
|
G6 - DIWEDDARIAD Cyflwyniad
gan Llyr G Jones |