Rhaglen a Phenderfyniadau

I dderbyn unrhyw ymddiheuriadau am absenoldeb.

I dderbyn unrhyw ddatganiadau o fuddiant.

Nodi unrhyw eitemau sy’n fater brys ym marn y Cadeirydd fel y gellir eu hystyried.

Bydd y Cadeirydd yn cynnig y dylid llofnodi cofnodion cyfarfod diwethaf y pwyllgor hwn, a gynhaliwyd ar y 16 Gorffennaf 2026, fel rhai cywir.

Cwestiynau i’w gofyn i’r cymdeithasau tai. (Adra, Clwyd Alyn, Grŵp Cynefin a Thai Gogledd Cymru)

1. Nodi atebion y Cymdeithasau Tai a diolch iddynt am eu parodrwydd i ateb y cwestiynau.
2. Penderfynwyd i dderbyn atebion ysgrifenedig o flaen llaw gan y Cymdeithasau Tai yn y dyfodol a gofyn cwestiynau atodol yn ystod y sesiwn craffu.

I gyflwyno’r adroddiad i graffu.

1. Derbyn yr adroddiad.
2. Argymell i’r Aelod Cabinet i ychwanegu ‘gofal a chefnogaeth’ i deitl yr adroddiad i sicrhau gwell eglurder.
3. Rhoi mwy o sylw yn yr adroddiad i broblemau efo cyffuriau, yr angen am becynnau gofal i ofalwyr ifanc a gofalwyr di-dâl, gan roi sylw penodol i rieni sydd yn gofalu am eu plant, a gofal lliniarol dros y penwythnos, safon gofal mewn cartrefi gofal preifat, ac anawsterau cael apwyntiadau iechyd.
4. Gofyn a oes modd i flaen graffu'r cynllun gweithredu ardal pan fydd hwnnw yn barod a chael sicrwydd bod bob adran y Cyngor yn cyfrannu at hwnnw yn ogystal â’r partneriaid perthnasol eraill.

Paratoi Adroddiad Blynyddol ar weithrediad y Weithdrefn Sylwadau a Chwynion a’i gyflwyno i’r Cabinet a’r Pwyllgor Craffu er mwyn craffu a monitro’r trefniadau ar gyfer delio’n effeithiol â chwynion a dderbyniwyd gan ddefnyddwyr gwasanaeth a’u cynrychiolwyr.

1. Derbyn a nodi’r adroddiad gan nodi’r awydd i’r Aelod Cabinet perthnasol weithredu ar yr argymhellion a gafwyd yn y Grŵp Tasg a Gorffen Cwynion gan roi diweddariad i’r pwyllgor.
2. Gofyn i’r Aelodau Cabinet ystyried a oes modd rhoi adnoddau ychwanegol i leihau llwyth gwaith swyddogion gofal cwsmer.

I enwebu cynrychiolwyr i fynychu cyfarfodydd herio perfformiad.

Penderfynwyd enwebu y 2 cynrychiolydd canlynol i fynychu cyfarfodydd herio perfformiad tai ac eiddo.

1. Y Cynghorydd Geraint Wyn Parry
2. Y Cynghorydd Jina Gwyrfai