Rhaglen, penderfyniadau a chofnodion
Lleoliad: Siambr y Cyngor, Bodlondeb, Ffordd Bangor, Conwy. LL32 8DU
Cyswllt: Eirian Roberts 01286 679018
Rhif | eitem |
---|---|
YMDDIHEURIADAU Derbyn unrhyw
ymddiheuriadau am absenoldeb. Cofnod: Y Cynghorydd Mark Pritchard (Cyngor Bwrdeistref
Sirol Wrecsam), Yr Athro Iwan Davies (Prifysgol Bangor), David Jones (Coleg
Cambria), Colin Everett (Cyngor Sir y Fflint), Judith
Greenhalgh (Cyngor Sir Ddinbych)
ac Ian Bancroft (Cyngor Bwrdeistref Sirol Wrecsam). |
|
DATGAN BUDDIANT PERSONOL Derbyn unrhyw ddatganiadau o fuddiant personol. Cofnod: Ni dderbyniwyd
unrhyw ddatganiadau o fuddiant personol. |
|
MATERION BRYS Nodi unrhyw
eitemau sy’n fater brys ym marn y Cadeirydd fel y gellir eu hystyried. Cofnod: Dim i’w nodi. |
|
COFNODION CYFARFODYDD BLAENOROL PDF 60 KB Bydd y Cadeirydd yn cynnig y dylid llofnodi cofnodion y cyfarfodydd a gynhaliwyd ar y 6ed a’r 20fed o Fedi, 2019 fel rhai cywir (ynghlwm). Dogfennau ychwanegol: Cofnod: Llofnododd y Cadeirydd gofnodion y cyfarfodydd o’r Bwrdd Uchelgais a gynhaliwyd ar 6 a 20 Medi, 2019 fel rhai cywir.
|
|
DIWEDDARIAD AR RAGLEN WAITH Y BWRDD UCHELGAIS A LLEOLIAD I'R SWYDDFA RHAGLEN PDF 185 KB Adroddiad gan Jane Richardson – Cadeirydd Grŵp Swyddogion Gweithredol y Bwrdd Uchelgais. Dogfennau ychwanegol:
Cofnod: Cyflwynwyd yr adroddiad gan
Jane Richardson, Cadeirydd y Grŵp
Swyddogion Gweithredol. PENDERFYNWYD 1.
Derbyn yr adroddiad ar
y Rhaglen Waith yn amodol fod statws RAG pob tasg o fewn y Rhaglen Waith yn
cael ei adolygu a’i ddiweddaru erbyn y cyfarfod nesaf, a gofyn i’r Grŵp
Swyddogion Gweithredol ail-edrych ar ffurf y tabl pan fydd y Cyfarwyddwr Rhaglen
mewn lle. 2.
Cadarnhau y bwriad i
ail-hysbysebu swydd Cadeirydd y Bwrdd Cyflawni Busnes. 3.
Cymeradwyo’r Cynllun
Trosiannol. 4.
Awdurdodi’r Corff
Atebol i ymrwymo i brydles ar swyddfa yng Nghanolfan Fusnes Conwy yn unol â’r
adroddiad, a chytuno â thelerau eraill yn unol â chyngor Pennaeth Eiddo’r Corff
Atebol, mewn ymgynghoriad â’r Swyddog Monitro a’r Swyddog Cyllid Statudol. RHESYMAU DROS Y PENDERFYNIAD Diweddaru ar gynnydd tasgau’r
Rhaglen Waith a sicrhau bod cynnwys y tabl yn fwy
eglur. Adrodd ar y Cynllun Trosiannol
fel dogfen gefnogol i’r Rhaglen
Waith nes bydd y Cyfarwyddwr Rhaglen yn cychwyn
y swydd. Mae’r Bwrdd Uchelgais angen adnabod gofod
swyddfa addas ar gyfer y Swyddfa
Rhaglen. TRAFODAETH Ymhellach i baratoi’r adroddiad,
nododd Cadeirydd y Grŵp Swyddogion Gweithredol fod Llywodraethau Prydain a Chymru bellach yn fodlon gyda
Phenawdau’r Telerau a’u bod yn aros
am gadarnhad o amgylch y trefniadau ar gyfer
arwyddo Penawdau’r Telerau yn ffurfiol. Roedd datganiad i’r wasg
wedi ei ddrafftio
ac roedd datganiad mewnol yn cael
ei baratoi hefyd. Yn ystod y drafodaeth, codwyd y materion a ganlyn:- ·
Nododd
Arweinydd Cyngor Sir Fflint
na dderbyniodd
wahoddiad i gyfarfod cyntaf yr is-grŵp Trafnidiaeth. ·
Nododd
Prif Weithredwr Cyngor
Gwynedd na dderbyniwyd pŵl digonol o ymgeiswyr ar gyfer swydd
Cadeirydd y Bwrdd Cyflawni Busnes. Argymhellwyd ail-hysbysebu’r swydd, gan hysbysu’r sawl
sydd wedi ymgeisio eisoes y bydd eu cais
yn dal i gael ei ystyried. Cytunwyd i ail-edrych ar yr
hysbyseb a’r wybodaeth ynglŷn â’r rôl i
sicrhau eu bod yn taro’r nodyn
cywir. Pwysleisiwyd pwysigrwydd penodi person sy’n arweinydd ac yn adnabyddus yn yr
ardal ac yn rhanbarthol ac awgrymwyd cynnal trafodaeth Chadeirydd y Bwrdd Cysgodol i weld sut mae denu ymgeiswyr. Anogwyd y gymuned fusnes i hyrwyddo’r cyfle
hwn hefyd. ·
Nodwyd
bod y swyddogion yn anelu at gyflwyno’r Cynllun Busnes am arian ESF i
WEFO erbyn 31 Hydref, ond holwyd beth
fyddai’n digwydd i’r arian petai
Prydain yn gadael yr Undeb
Ewropeaidd ar y dyddiad hwnnw. Gofynnwyd i Gadeirydd y Grŵp
Swyddogion Gweithredol drafod hyn gyda’i
chyd-swyddog yng Nghyngor Conwy sy’n arbenigo ar faterion
Brexit. · Mynegwyd pryder nad oedd y sector breifat yn deall yr amserlen, ac er eu bod yn barod i gychwyn ar eu cynlluniau, nid oedd modd iddynt ddatblygu’r modelau busnes pum achos ar gyfer prosiectau’r Cynllun Twf hyd oni fo Penawdau’r Telerau wedi eu harwyddo’n ffurfiol. Nodwyd bod yr oedi wedi’i greu gan y ddwy Lywodraeth a bod Cynllun Twf y Gogledd wedi wynebu mwy o rwystrau na chynlluniau tebyg mewn rhanbarthau ... gweld y cofnod llawn ar gyfer eitem 5. |
|
CYLLIDEB REFENIW 2019-20 - ADRODDIAD AIL CHWARTER (MEDI 2019) PDF 528 KB Adroddiad gan Dafydd L.Edwards, Swyddog Cyllid Statudol yr Awdurdod Lletya. Dogfennau ychwanegol: Penderfyniad: 1.
Derbyn
Adolygiad Ail Chwarter o gyllideb y Cyd-bwyllgor (Bwrdd Uchelgais Economaidd
Gogledd Cymru) ar gyfer 2019/20. 2.
Derbyn
cymeradwyaeth y Cyd-bwyllgor i’r trosglwyddiadau cyllideb a amlinellir yng
ngholofn olaf Atodiad 1. 3.
Nodi a
derbyn y sefyllfa bresennol ar Gyllideb 2020/21. Cofnod: Cyflwynwyd yr adroddiad gan
Dafydd Edwards, Swyddog Cyllid
Statudol yr Awdurdod Lletya. PENDERFYNWYD 1.
Derbyn Adolygiad Ail
Chwarter o gyllideb y Cyd-bwyllgor (Bwrdd Uchelgais Economaidd Gogledd Cymru)
ar gyfer 2019/20. 2.
Derbyn cymeradwyaeth y
Cyd-bwyllgor i’r trosglwyddiadau cyllideb a amlinellir yng ngholofn olaf
Atodiad 1. 3.
Nodi a derbyn y
sefyllfa bresennol ar Gyllideb 2020/21. RHESYMAU DROS Y PENDERFYNIAD Rhagamcanir llai o wariant ar gynllunio prosiectau
(llai o waith wedi’i gymisiynu yn allanol a llai
o gost cyflogi staff) na’r amcangyfrifon gwreiddiol, ond ymddengys bellach na fydd modd cyfalafu cyflogau
yn 2019/20.
Mae gwarant net canlynol
y Bwrdd Uchelgais yn fforddiadwy o fewn cyfraniadau cyfredol y partneriaid, ond mae’n ddibynnol
ar dderbyn arian grant ESF gan WEFO. |
|
CEFNOGAETH FUSNES RANBARTHOL PDF 245 KB Adroddiad gan Jane Richardson, Cyfarwyddwr Strategol yr Economi a Lle, CBS Conwy a Janet Owen Jones, Pennaeth Datblygu a Chyflawni Strategol (Busnes) LlC. Dogfennau ychwanegol: Penderfyniad: Derbyn bod y gwaith paratoi yn parhau fel a amlinellwyd
yn yr adroddiad, ond yn y cyfamser, anfon neges at Weinidog yr Economi a
Thrafnidiaeth i ddatgan nad yw’r model a gynigir yn ateb gofynion y sector
breifat yng Ngogledd Cymru. Cofnod: Cyflwynwyd yr adroddiad, ynghyd
â chyflwyniad Powerpoint, gan Jane Richardson, Cadeirydd y Grŵp Swyddogion Gweithredol. PENDERFYNWYD derbyn bod y gwaith paratoi yn parhau fel a
amlinellwyd yn yr adroddiad, ond yn y cyfamser, anfon neges at Weinidog yr
Economi a Thrafnidiaeth i ddatgan nad yw’r model a gynigir yn ateb gofynion y
sector breifat yng Ngogledd Cymru. RHESYMAU DROS Y PENDERFYNIAD Mae’r gymuned fusnes yn dymuno gweld
un corff cyflawni
ar gyfer Gogledd Cymru ac nid yw’r model a gynigir yn cyd-fynd
â dyheadau busnesau’r rhanbarth. TRAFODAETH Yn ystod y drafodaeth, codwyd y materion a ganlyn:- ·
Pwysleisiwyd pwysigrwydd ymgysylltu gyda’r
sector breifat a pheidio ag ail-adrodd camgymeriadau’r gorffennol. ·
Mynegwyd pryder gan sawl aelod nad oedd y model
a gynigid yn cyd-fynd â dyheadau busnesau’r
rhanbarth, oedd yn dymuno gweld un corff cyflawni ar gyfer Gogledd Cymru. Nodwyd bod angen bod yn llawer mwy anturus ac
uchelgeisiol a buddsoddi mewn model mwy addas.
Roedd yn ymddangos nad oedd gan y Gweinidog archwaeth am hynny, ond
pwysleisiwyd y dylid ei herio ar hyn.
Cytunwyd i anfon neges at y Gweinidog yn
datgan nad yw’r model a gynigir yn ateb gofynion y sector breifat yng Ngogledd
Cymru. Yn y cyfamser, derbyniwyd y
dylai’r gwaith paratoi a amlinellwyd yn yr adroddiad barhau i fynd rhagddo. |