Rhaglen, penderfyniadau a chofnodion drafft

I ethol Is-gadeirydd ar gyfer 2024/25.

Ethol y Cynghorydd Dafydd Rhys Thomas yn Is-gadeirydd yr Is-bwyllgor ar gyfer 2024/25.

PENDERFYNWYD Ethol y Cynghorydd Dafydd Rhys Thomas yn Is-gadeirydd yr Is-bwyllgor ar gyfer 2024/25.

Derbyn unrhyw ymddiheuriadau am absenoldeb.

Derbyniwyd ymddiheuriadau gan:-

·       Y Cynghorydd Craig ab Iago (Cyngor Gwynedd)

·       Dafydd Wyn Williams (Cyngor Gwynedd)

·       Dewi Morgan (Prif Swyddog Cyllid)

·       Iwan Evans (Swyddog Monitro)

Derbyn unrhyw ymddiheuriadau am absenoldeb.

Ni dderbyniwyd unrhyw ddatganiad o fuddiant personol.

To note any items that are a matter of urgency in the view of the Chair for consideration.

Ni chodwyd unrhyw faterion brys.

Bydd y Cadeirydd yn cynnig dylid llofnodi cofnodion cyfarfod y pwyllgor hwn a gynhaliwyd ar 1 Hydref 2024 fel rhai cywir.

Llofnododd y Cadeirydd gofnodion y cyfarfod blaenorol a gynhaliwyd ar 1 Hydref 2024 fel rhai cywir.

Claire Incledon (Dirprwy Swyddog Monitro) i gyflwyno’r adroddiad.

·       I gytuno ar y Blaen Gynllun Gwaith.

·       Cadarnhau gall y Cadeirydd ddiwygio’r Cynllun er mwyn cymryd i ystyriaeth newidiadau mewn amserlennu gwaith, yn amodol ar ddod â’r Cynllun i gyfarfod dilynol yr Is-bwyllgor i’w gytuno.

Cyflwynwyd yr adroddiad gan y Dirprwy Swyddog Monitro.

PENDERFYNWYD

·       I gytuno ar y Blaen Gynllun Gwaith.

·       Cadarnhau gall y Cadeirydd ddiwygio’r Cynllun er mwyn cymryd i ystyriaeth newidiadau mewn amserlennu gwaith, yn amodol ar ddod â’r Cynllun i gyfarfod dilynol yr Is-bwyllgor i’w gytuno.

RHESYMAU DROS Y PENDERFYNIAD

Mae’r Blaen Gynllun Gwaith yn nodi calendr o gyfarfodydd ar gyfer y cyfnod hyd at fis Rhagfyr 2025, ac mae’n cyd-fynd ag amserlennu Llywodraeth Cymru yn ol yr angen, a gyda dyddiadau cyfarfod y CBC.

TRAFODAETH

Tywyswyd yr aelodau drwy Blaen Gynllun gwaith yr Is-bwyllgor, gan egluro ei fod yn amlinellu’r eitemau bydd yn cael eu cyflwyni o’r Is-bwyllgor dros y flwyddyn nesaf. Eglurwyd bod y Blaen Gynllun hwn yn cymryd i ystyriaeth yr angen i dderbyn cymeradwyaeth yr Is-bwyllgor ar nifer o Adroddiadau tra hefyd yn ystyriol i newidiadau posib i amserlenni. Ychwanegwyd bod y Blaen Gynllun gwaith wedi cael ei lunio gydag amserlen Llywodraeth Cymru a Chyd-bwyllgor Corfforedig y Gogledd mewn golwg.

Cadarnhawyd nad yw’r Blaen Gynllun hwn yn derfynol ac mae’n bosib bydd cyfarfodydd ychwanegol yn cael eu cynnal er mwyn cyfarch anghenion anrhagweladwy.

Ystyriwyd y posibilrwydd o gynnal cyfarfodydd yr Is-bwyllgor fel cyfarfodydd aml-leoliad

David Hole (Rheolwr Rhaglen Gweithreedu y Cyd-bwyllgor Corfforedig)) i gyflwyno’r adroddiad.

Cymeradwyo’r Achos dros Newid gan gynnwys y Cynllun Ymgysylltu a Rhanddeiliaid fel rhan o Gynllun Trafnidiaeth Rhanbarthol y Gogledd yn amodol ar argymell i Fwrdd Cydbwyllgor Corfforedig Y Gogledd eu bod yn gofyn i bob Cabinet priodol edrych ar y Cynllun Trafnidiaeth Rhanbarthol yn fanylach ac ymateb yn ôl.

Cyflwynwyd yr adroddiad gan Reolwr Rhaglen Gweithredu'r Cyd-bwyllgor Corfforedig.

PENDERFYNWYD

Cymeradwyo’r Achos dros Newid gan gynnwys y Cynllun Ymgysylltu a Rhanddeiliaid fel rhan o Gynllun Trafnidiaeth Rhanbarthol y Gogledd yn amodol ar argymell i Fwrdd Cydbwyllgor Corfforedig Y Gogledd eu bod yn gofyn i bob Cabinet priodol edrych ar y Cynllun Trafnidiaeth Rhanbarthol yn fanylach ac ymateb yn ôl.

RHESYMAU DROS Y PENDERFYNIAD

Yn sgil Deddf Llywodraeth Leol ac Etholiadau (Cymru) 2021, mae Rheoliadau Cyd-bwyllgor Corfforedig y Gogledd 2021 yn trosglwyddo'r swyddogaeth o ddatblygu polisïau trafnidiaeth mewn perthynas ag ardal pob un o'i chynghorau cyfansoddol i'r CBC. Mae datblygu a gweithredu Cynllun Trafnidiaeth Rhanbarthol yn swyddogaeth statudol a weithredir gan y CBC drwy ei is-bwyllgor, gyda chefnogaeth y Canllawiau i Gyd-bwyllgorau Corfforedig ar Gynlluniau Trafnidiaeth Rhanbarthol (Fersiwn 2) 2023. Mae'r Achos dros Newid gan gynnwys y Cynllun Ymgysylltu â Rhanddeiliaid yn rhan allweddol o'r broses o ddatblygu Cynllun Trafnidiaeth Rhanbarthol ar gyfer rhanbarth y Gogledd.

TRAFODAETH

Atgoffwyd bod y Cynllun wedi cael i gyflwyno i’r Is-bwyllgor yng nghyfarfod 1 Hydref 2024. Diolchwyd am y gwaith cydweithio clos gyda Trafnidiaeth Cymru ac ARUP i ddatblygu’r dogfennau.

Argymhellwyd bod Cyd-bwyllgor Corfforedig Y Gogledd eu bod yn gofyn i bob Cabinet priodol edrych ar y Cynllun Trafnidiaeth Rhanbarthol yn fanylach ac ymateb yn ôl.