Rhaglen, penderfyniadau a chofnodion drafft

I ethol Cadeirydd ar gyfer 2024/25.

Ethol y Cynghorydd Mark Pritchard yn Gadeirydd ar gyfer 2024/25.

PENDERFYNWYD Ethol y Cynghorydd Mark Pritchard yn Gadeirydd yr Is-bwyllgor ar gyfer 2024/25.

Yn absenoldeb y Cadeirydd, penderfynwyd ethol y Cynghorydd Charlie McCoubrey yn Gadeirydd ar gyfer y cyfarfod hwn.

I ethol Is-gadeirydd ar gyfer 2024/25.

Ethol y Cynghorydd Charlie McCoubrey yn Is-gadeirydd ar gyfer 2024/25.

PENDERFYNWYD Ethol y Cynghorydd Charlie McCoubrey yn Is-gadeirydd yr Is-bwyllgor ar gyfer 2024/25.

I dderbyn unrhyw ymddiheuriadau am absenoldeb.

Derbyniwyd ymddiheuriadau gan:-

·       Y Cynghorydd Mark Pritchard (Cyngor Bwrdeistref Sirol Wrecsam) gyda’r Cynghorydd Nigel Williams yn dirprwyo.

·       Y Cynghorydd Gary Pritchard (Cyngor Sir Ynys Môn) gyda’r Cynghorydd Nicola Roberts yn dirprwyo.

·       Aled Jones-Griffith (Grŵp Llandrillo Menai) gyda Gwenllian Roberts yn dirprwyo.

·       Dafydd Gibbard (Cyngor Gwynedd) gyda Sioned Williams yn dirprwyo.

Derbyn unrhyw ddatganiadau o fuddiant personol.

Ni dderbyniwyd unrhyw ddatganiad o fuddiant personol.

Nodi unrhyw eitemau sy’n fater brys ym marn y Cadeirydd fel y gellr eu hystyried.

Ni chodwyd unrhyw faterion brys.

I adolygu’r Cylch Gorchwyl ar gyfer yr Is-bwyllgor Lles Economaidd.

Mabwysiadu’r Cylch Gorchwyl

Cyflwynwyd yr adroddiad gan y Swyddog Monitro.

PENDERFYNIAD

Mabwysiadu’r Cylch Gorchwyl.

RHESYMAU DROS Y PENDERFYNIAD

Rhaid i’r Is-bwyllgor weithredu’r rheolau a’r gweithdrefnau hynny fel y’u mabwysiadir gan y Cyd-bwyllgor Corfforedig ac a nodir yn y Cylch Gorchwyl – dyma’r pwerau sy’n cael eu dirprwyo i’r Is-bwyllgor. Rhaid i unrhyw ddiwygiad i’r telerau hyn gael eu cymeradwyo gan y Cyd-bwyllgor Corfforedig.

TRAFODAETH

Cyflwynwyd Cylch Gorchwyl ffurfiol ar gyfer yr Is-bwyllgor, sydd eisoes wedi cael eu mabwysiadu gan Gyd-bwyllgor Corfforedig y Gogledd. Eglurwyd bod y ddogfen yn adlewyrchu’n sylweddol Cylch Gorchwyl Bwrdd Uchelgais Economaidd blaenorol Gogledd Cymru. Nodwyd y bwriedir parhau gyda’r trefniadau blaenorol gan egluro mai’r unig ychwanegiad i’r Cylch Gorchwyl yw’r pŵer statudol sydd gan y Cyd-bwyllgor Corfforedig a’r Is-bwyllgor hwn dros les economaidd y Rhanbarth, gan nodi bydd manylder ar y dyletswyddau hyn yn cael eu hychwanegu maes o law.

I ystyried Cyfethol aelod o Awdurdod Parc Cenedlaethol Eryri i’w benodi ar yr Is-bwyllgor Lles Economaidd.

Gohirio trafodaeth a phenderfyniad ar y mater hwn nes y Cyfarfod nesaf.

Cyflwynwyd yr adroddiad gan y Swyddog Monitro.

PENDERFYNWYD

Gohirio trafodaeth a phenderfyniad ar y mater hwn nes y Cyfarfod nesaf.

RHESYMAU DROS Y PENDERFYNIAD

Ar Fawrth 21 cytunodd Cyd-bwyllgor Corfforedig y Gogledd y bydd aelodaeth yr Is-bwyllgor Lles Economaidd yn cynnwys chwe Aelod Cyngor Cyd-bwyllgor Corfforaethol y Gogledd, ynghyd a chynrychiolydd o bob un o’r cyrff hynny a gynrychiolwyd ar Fwrdd Uchelgais Economaidd Gogledd Cymru i gael ei benodi fel aelodau cyfethol dibleidlais.

TRAFODAETH

Ystyriwyd gohirio’r drafodaeth ar Gyfethol aelod o Awdurdod Parc Cenedlaethol Eryri i’r Is-bwyllgor hwn, ynghyd â’r penderfyniad ar y mater, i’r cyfarfod nesaf. Eglurwyd bydd hyn yn rhoi cyfle i swyddogion wirio mater technegol o fewn y rheoliadau cyfethol, cyn dod a chynnig am aelod i sylw’r Is-bwyllgor.

I ystyried Blaen Raglen Waith ar gyfer yr Is-bwyllgor Lles Economaidd.

Cytuno ar Flaen Raglen Waith

Cadarnhau y gall y Cadeirydd ddiwygio’r Cynllun i ystyried amrywiadau mewn amserlennu gwaith yn amodol ar y Cynllun yn cael ei ddwyn i’r cyfarfod canlynol o’r Is-bwyllgor i gael ei gytuno.

Cyflwynwyd yr adroddiad gan y Pennaeth Gweithrediadau.

PENDERFYNWYD

Cytuno ar Flaen Raglen Waith

Cadarnhau y gall y Cadeirydd ddiwygio’r Cynllun i ystyried amrywiadau mewn amserlennu gwaith yn amodol ar y Cynllun yn cael ei ddwyn i’r cyfarfod canlynol o’r Is-bwyllgor i gael ei gytuno.

RHESYMAU DROS Y PENDERFYNIAD

Mae’r Blaen Raglen Waith yn nodi’r calendr cyfarfodydd, ac yn ychwanegol yn amlinellu’r gwaith sydd i’w wneud gan yr Is-bwyllgor yn dilyn ei swyddogaethau dirprwyedig fel y nodir yn ei gylch gorchwyl.

TRAFODAETH

Adroddwyd bod y Blaen Raglen Waith yn nodi’r holl brosiectau sydd wedi cael eu rhaglennu ar gyfer y flwyddyn ariannol gyfredol ar hyn o bryd. Nodwyd bydd achosion busnes ychwanegol yn cael eu hychwanegu i’r Blaen Raglen Waith pan fyddai’n amserol i wneud hynny.

Cyflwyno enwebiad ar gyfer yr Uwch Berchennog Cyfrifol (SRO) Newydd ar gyfer y Cynllun Twf.

1. Bod yr Is-bwyllgor yn penodi Dylan Williams (Prif Weithredwr Cyngor Sir Ynys Môn) fel Uwch Berchennog Cyfrifol (SRO) newydd ar gyfer y Cynllun Twf.
2. Bod yr Is-bwyllgor yn cytuno i adolygu’r trefniadau ymhen 12 mis.

Cyflwynwyd yr adroddiad gan y Pennaeth Gweithrediadau.

PENDERFYNWYD

1.         Bod yr Is-bwyllgor yn penodi Dylan Williams (Prif Weithredwr Cyngor Sir Ynys Môn) fel Uwch Berchennog Cyfrifol (SRO) newydd ar gyfer y Cynllun Twf.

2.         Bod yr Is-bwyllgor yn cytuno i adolygu’r trefniadau ymhen 12 mis.

RHESYMAU DROS Y PENDERFYNIAD

Ceisio cadarnhau penodiad SRO y Cynllun Twf yn unol â’r penderfyniadau a wnaed gan y Bwrdd Uchelgais Economaidd ym mis Chwefror 2025, i wahanu rôl yr SRO a’r Cyfarwyddwr Portffolio mewn ymateb i’r gofyniad newydd gan y Llywodraeth.

TRAFODAETH

Eglurwyd bod yr Eitem hon yn deillio o gyfarfod olaf Bwrdd Uchelgais Economaidd Gogledd Cymru, ble cytunwyd i wahaniaethu swyddi’r Cyfarwyddwr Portffolio a’r Uwch Berchennog Cyfrifol (SRO). Nodwyd bod cais wedi ei wneud bryd hynny am enwebiad gan Brif Swyddogion yr Awdurdodau Lleol er mwyn gallu penodi Uwch Berchennog Cyfrifol y Cynllun Twf.

Cadarnhawyd bod Dylan Williams, Prif Swyddog Cyngor Sir Ynys Môn, wedi cael ei enwebu i gyflawni rôl Uwch Berchennog Cyfrifol y Cynllun Twf. Nodwyd bod yr adroddiad yn gofyn a yw’r Is-bwyllgor yn awyddus i gymeradwyo’r enwebiad hwn, gyda’r cadarnhad bydd y penodiad yn cael ei adolygu pob 12 mis.

Bydd y Cadeirydd yn cynnig y dylid cau allan y wasg a’r cyhoedd o’r cyfarfod yn ystod y drafodaeth ar yr eitemau canlynol gan ei bod yn debygol y datgelir gwybodaeth eithriedig fel y’i diffinnir ym Mharagraff 14 o Atodiad 12A o Ddeddf Llywodraeth Leol 1972: Gwybodaeth ynglŷn â thrafodion ariannol neu fusnes unrhyw berson penodol (yn cynnwys yr awdurdod sydd yn dal y wybodaeth hynny).

Mae budd cyhoeddus cydnabyddedig  mewn bod yn agored  ynglŷn â defnydd adnoddau cyhoeddus a materion ariannol cysylltiedig.   Cydnabyddir fodd bynnag fod adegau, er gwarchod buddiannau ariannol a masnachol cyhoeddus fod angen trafod gwybodaeth o’r fath heb ei gyhoeddi.  Mae’r adroddiad yn benodol ynglyn a materion ariannol a busnes ynghyd a thrafodaethau cysylltiedig Byddai cyhoeddi gwybodaeth fasnachol sensitif o’r math yma yn gallu bod yn niweidiol i fuddiannau’r cyrff  a’r Cynghroau ac yn tanseilio hyder rhai eraill sydd yn ymwneud a’r Gytundeb Twf i rannu gwybodaeth sensitif ar gyfer ystyriaeth. Byddai hyn yn groes i’r budd cyhoeddus ehangach o sicrhau yr allbwn cyfansawdd gorau

PENDERFYNWYD cau allan y wasg a’r cyhoedd o’r cyfarfod yn ystod y drafodaeth ar Eitem 10 gan ei bod yn debygol y datgelir gwybodaeth eithriedig fel y’i diffinnir ym Mharagraff 14 o Atodiad 12A o Ddeddf Llywodraeth Leol 1972 - Gwybodaeth ynglŷn â thrafodion ariannol neu fusnes unrhyw berson penodol (yn cynnwys yr awdurdod sydd yn dal y wybodaeth hynny).

Mae budd cyhoeddus cydnabyddedig  mewn bod yn agored  ynglŷn â defnydd adnoddau cyhoeddus a materion ariannol cysylltiedig. Cydnabyddir fodd bynnag fod adegau, er gwarchod buddiannau ariannol a masnachol cyhoeddus fod angen trafod gwybodaeth o’r fath heb ei gyhoeddi.  Mae’r adroddiad yn benodol ynglŷn â materion ariannol a busnes  ynghyd a thrafodaethau cysylltiedig Byddai cyhoeddi gwybodaeth fasnachol sensitif o’r math yma yn gallu bod yn niweidiol i fuddiannau’r cyrff  a’r Cynghorau ac yn tanseilio hyder rhai eraill sydd yn ymwneud a’r Gytundeb Twf i rannu gwybodaeth sensitif ar gyfer ystyriaeth. Byddai hyn yn groes i’r budd cyhoeddus ehangach o sicrhau'r allbwn cyfansawdd gorau.

Alwen Williams (Prif Weithredwr Dros Dro y CBC / Cyfarwyddwr Portffolio) ac Hedd Vaughan-Evans (Pennaeth Gweithrediadau) i gyflwyno’r adroddiad.

Bod yr Is-bwyllgor yn cytuno ar yr argymhellion sy'n benodol i'r prosiect, fel a osodwyd yn adran 5 ac Atodiad 1 o'r adroddiad hwn yn dilyn cwblhau'r adolygiad portffolio.

Cymeradwyo sefydlu Rhestr Wrth Gefn fel a osodwyd yn adran 7 ac Atodiad 2 o'r adroddiad hwn, ynghyd â'r meini prawf ac amserlen ar gyfer y broses Datganiad o Ddiddordeb (EOI) i benodi prosiectau i'r rhestr wrth gefn. 

Ychwanegu cynllun amgen Trawsfynydd ar y Rhestr Wrth Gefn ffurfiol y Cynllun Twf.

Bod yr Is-bwyllgor yn gofyn i'r Swyddfa Rheoli Portffolio (PMO) gytuno ar broses sicrwydd a chymeradwyo symlach gyda Llywodraeth Cymru a Llywodraeth y DU i alluogi bod penderfyniadau ar brosiectau newydd yn cael eu gwneud mewn modd effeithiol ac effeithlon.

Cyflwynwyd yr adroddiad gan Brif Weithredwr dros dro Cyd-bwyllgor Corfforedig y Gogledd a’r Pennaeth Gweithrediadau.

PENDERFYNWYD

Bod yr Is-bwyllgor yn cytuno ar yr argymhellion sy'n benodol i'r prosiect, fel a osodwyd yn adran 5 ac Atodiad 1 o'r adroddiad hwn yn dilyn cwblhau'r adolygiad portffolio.

Cymeradwyo sefydlu Rhestr Wrth Gefn fel a osodwyd yn adran 7 ac Atodiad 2 o'r adroddiad hwn, ynghyd â'r meini prawf ac amserlen ar gyfer y broses Datganiad o Ddiddordeb (EOI) i benodi prosiectau i'r rhestr wrth gefn. 

Ychwanegu cynllun amgen Trawsfynydd ar y Rhestr Wrth Gefn ffurfiol y Cynllun Twf.

Bod yr Is-bwyllgor yn gofyn i'r Swyddfa Rheoli Portffolio (PMO) gytuno ar broses sicrwydd a chymeradwyo symlach gyda Llywodraeth Cymru a Llywodraeth y DU i alluogi bod penderfyniadau ar brosiectau newydd yn cael eu gwneud mewn modd effeithiol ac effeithlon.

RHESYMAU DROS Y PENDERFYNIAD

Mae'r penderfyniad yn ymateb i'r cais a wnaed gan y Bwrdd Uchelgais Economaidd ym mis Chwefror 2025 i adolygu prosiectau yn y Cynllun Twf sydd mewn perygl o beidio â chael eu cyflawni, ac i gyflwyno argymhellion clir i'w hystyried.

TRAFODAETH

Trafodwyd yr Adroddiad.

Stuart Whitfield (Rheolwr y Rhaglen Ddigidol) a Kirrie Roberts (Rheolwr Prosiect Cysylltedd Digidol) i gyflwyno’r adroddiad.

Bod yr Is-bwyllgor Lles Economaidd yn cymeradwyo'r Achos Busnes Llawn ar gyfer y prosiect 4G+ (Safleoedd a Choridorau Allweddol Cysylltiedig) gan nodi y bydd cyfnod cychwynnol dyluniad y cynllun grant ar ôl cymeradwyo'r Achos Busnes Llawn angen asesiad rheoli cymhorthdal terfynol o'r Cynllun Cymhorthdal arfaethedig.

Bod y Is-Bwyllgor Lles Economaidd yn dirprwyo’r hawl i’r Cyfarwyddwr Portffolio, mewn ymgynghoriad â'r Cadeirydd, yr Is-gadeirydd, Swyddog Adran 151 a'r Swyddog Monitro i gytuno ar ddyluniad terfynol y cynllun grant. 

Bod yr Is-Bwyllgor Lles Economaidd yn dirprwyo cyflwyno’r prosiect i’r  Cyfarwyddwr Portffolio gan gynnwys dyfarniadau grant unigol dilynol yn unol â’r cynllun grant terfynol hyd at £500,000.

Cyflwynwyd yr adroddiad gan Reolwr y Rhaglen Ddigidol.

PENDERFYNWYD

Bod yr Is-bwyllgor Lles Economaidd yn cymeradwyo'r Achos Busnes Llawn ar gyfer y prosiect 4G+ (Safleoedd a Choridorau Allweddol Cysylltiedig) gan nodi y bydd cyfnod cychwynnol dyluniad y cynllun grant ar ôl cymeradwyo'r Achos Busnes Llawn angen asesiad rheoli cymhorthdal terfynol o'r Cynllun Cymhorthdal arfaethedig.

Bod y Is-Bwyllgor Lles Economaidd yn dirprwyo’r hawl i’r Cyfarwyddwr Portffolio, mewn ymgynghoriad â'r Cadeirydd, yr Is-gadeirydd, Swyddog Adran 151 a'r Swyddog Monitro i gytuno ar ddyluniad terfynol y cynllun grant. 

Bod yr Is-Bwyllgor Lles Economaidd yn dirprwyo cyflwyno’r prosiect i’r  Cyfarwyddwr Portffolio gan gynnwys dyfarniadau grant unigol dilynol yn unol â’r cynllun grant terfynol hyd at £500,000.

RHESYMAU DROS Y PENDERFYNIAD

Ceisio cymeradwyaeth yr Is-Bwyllgor o'r Achos Busnes Llawn ar gyfer y Prosiect 4G+ (Safleoedd a Choridorau Allweddol Cysylltiedig). 

Cymeradwyodd y Bwrdd Uchelgais yr Achos Busnes Amlinellol ar gyfer y prosiect ar 15 Mawrth 2024. Yn dilyn hynny, derbyniodd y prosiect gymeradwyaeth y broses sicrwydd gan Lywodraeth Cymru. Roedd hyn yn galluogi'r Swyddfa Rheoli Portffolio i symud ymlaen gyda datblygu'r Achos Busnes Llawn.

TRAFODAETH

Trafodwyd yr Adroddiad.