Rhaglen a chofnodion drafft

I dderbyn unrhyw ymddiheuriadau am absenoldeb

Derbyniwyd ymddiheuriadau gan y Cyng. Anwen Davies, Cyng. Alan Jones Evans a’r Cyng. Angela Russell

Cydymdeimlwyd gyda’r Cynghorydd Angela Russell oedd wedi colli ei gŵr yn ddiweddar

Dymunwyd y gorau a diolchwyd i’r Cyng. Linda Ann Jones, cyn Aelod o’r Pwyllgorau Trwyddedu am ei chefnogaeth i’r Pwyllgorau a’r Is-bwyllgorau Trwyddedu yn ei chyfnod fel Aelod Plaid Cymru.

I dderbyn unrhyw ddatganiad o fuddiant personol

Dim i’w nodi

Nodi unrhyw eitemau sy’n fater brys ym marn y cadeirydd fel y gellir eu hystyried.

Dim i’w nodi

Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 11 Tachwedd 2024 fel rhai cywir.

Llofnododd y Cadeirydd gofnodion cyfarfod o’r pwyllgor a gynhaliwyd 11eg Tachwedd 2024  fel rhai cywir

Cyflwyno, er gwybodaeth, cofnodion yr Is Bwyllgor Trwyddedu Canolog a gynhaliwyd ar y dyddiau canlynol:

a)     21-01-25

b)     02-12-24

c)     11-11-24

Cyflwynwyd a derbyniwyd er gwybodaeth, gofnodion Is Bwyllgorau Trwyddedu Canolog a gynhaliwyd 21ain Ionawr 2025, 2il o Ragfyr 2024 a Tachwedd 11eg 2024 fel rhai cywir.

Mewn ymateb i sylw i sicrhau llais yr ymgeisydd mewn gwrandawiadau yn hytrach na llais eu cynrychiolydd, nodwyd bod gan aelodau’r Is-bwyllgor yr hawl i herio’r cynrychiolydd a gofyn i’r ymgeisydd gyflwyno / cynnig sylwadau ar y cais.

Mewn ymateb i sylw ynglŷn â mewnbwn gan Gynghorau Cymuned i geisiadau trwydded eiddo, nodwyd bod Cynghorau Cymuned yn rhan o’r broses ymgynghori statudol a’u bod yn cael cyfle i fynegi barn. Ategwyd nad oedd amserlen cyfarfodydd Cynghorau Cymuned bob tro yn cyd-fynd ag amser yr ymgynghoriad, ond bod cyfle iddynt gynnig sylwadau.  Petai sylwadau yn cael eu cyflwyno, bydd gwahoddiad i gynrychiolydd o’r Cyngor Cymuned fynychu’r gwrandawiad i gyflwyno eu sylwadau ar lafar.

Cymerodd y Cyng Elfed Williams y cyfle i ddiolch i Aelodau’r Pwyllgor ac i’r Swyddogion am eu cefnogaeth tra’n Gadeirydd y Pwyllgorau Trwyddedu.