Rhaglen a chofnodion

Croesawyd Aelodau’r Cabinet, y Cynghorwyr Selwyn Griffiths a Craig ab Iago, a Swyddogion i’r cyfarfod.

Nid oedd unrhyw ddatganiad o fuddiant personol.

Nid oedd unrhyw faterion brys.

Nid oedd unrhyw faterion yn codi o Bwyllgorau Craffu.

Llofnododd y Cadeirydd gofnodion y Cabinet a gynhaliwyd ar 15eg o Ragfyr 2015.

Cyflwynwyd yr adroddiad gan y Cyng. Gareth Thomas.

Eiliwyd gan y Cyng. Mair Rowlands.

PENDERFYNIAD

1.    Parhau i gynnal trafodaethau gyda Chyngor Sir Ynys Môn er mwyn ymchwilio’r cyfle i lunio Strategaeth Anghenion Dysgu Ychwanegol Gyffredin a fydd yn cyfarch anghenion y disgyblion a’r bobl ifanc mewn modd effeithiol ac effeithlon.

2.    Cymeradwyaeth y Cabinet o Strategaeth Cyngor Gwynedd ar gyfer Anghenion Dysgu Ychwanegol a Chynhwysiad; gan ddal sylw i’r bwriad yn 1.

3.    Cymeradwyaeth o’r Achos Busnes - sef buddsoddiad unwaith ac am byth o hyd at £1,380,131 er mwyn dangos arbediad blynyddol parhaol o leiaf £808,461.

Cyflwynwyd yr adroddiad gan y Cyng. Ioan Thomas.

PENDERFYNIAD

Derbyn y Cynllun Cydraddoldeb Strategol 2016-20 fel drafft ar gyfer ymgynghoriad gyda’r cyhoedd.

Cyflwynwyd yr adroddiad gan y Cyng. Ioan Thomas.

Eiliwyd gan y Cynghorwyr Dafydd Meurig a John Wynn Jones.

PENDERFYNIAD

Cymeradwyo’r argymhellion a wnaethpwyd yn yr Adolygiad Anghenion Lletya Sipsiwn a Theithwyr Gwynedd a Môn gan ganolbwyntio ar argymhellion Gwynedd sydd wedi eu nodi o 1-7 yn nhabl Argymhellion ac Oblygiadau yr adroddiad a gyflwynwyd i’r cyfarfod.

Cyflwynwyd yr adroddiad gan y Cyng. W Gareth Roberts.

Eiliwyd gan y Cyng. Ioan Thomas.

PENDERFYNIAD

Datblygu Opsiwn 5, sef model llety newydd ar gyfer oedolion gydag anabledd dysgu ar safle Y Frondeg.

Dod â defnydd cartref preswyl cofrestredig Y Frondeg i ben, yn dilyn cwblhau'r datblygiad llety newydd.

Trosglwyddo’r safle i bartner gweithredol e.e. cymdeithas tai er cyd-weithio mewn partneriaeth i ddatblygu’r model llety newydd.

Croesawyd y Cyng. Craig ab Iago i’r cyfarfod, ac fe amlinellodd yntau brif argymhellion yr Ymchwiliad Iaith i’r defnydd o’r iaith Gymraeg mewn cyfarfodydd.

Derbyniwyd yr adroddiad gan y Cabinet, a chytunodd y Dirprwy Arweinydd, yn ei rôl fel deilydd y portffolio iaith Gymraeg, i weithredu ar argymhellion yr adroddiad.