Aelod Cabinet: Y Cynghorydd Craig ab Iago
I ystyried adroddiad blynyddol gan Prif Weithredwr, Cartrefi Cymunedol Gwynedd.
(Copi’n amgaeedig)
*10.30 – 11.15 y.b.
Cofnod:
(a)
Cyflwynwyd
adroddiad blynyddol gan Brif Weithredwr Cartrefi Cymunedol Gwynedd gan dynnu
sylw mai adroddiad ar gyfer 1 Ebrill 2016 i Mawrth 2017 ydoedd y cynnwys ac
sydd yn dilyn trefn eisoes wedi ei gytuno gyda’r Cyngor.
Tywyswyd y Pwyllgor drwy’r adroddiad gan nodi
prif bwyntiau canlynol:
·
mai’r
ffocws ydoedd cynnal y stoc tai i Safon Ansawdd Tai Cymru ac ail-gychwyn
adeiladu tai newydd
·
ymhob
contract a osodir allan, disgwylir i gontractwyr gymryd rhan drwy fuddsoddi yn y cymunedau a
chyfeiriwyd at yr enghreifftiau hynny ym mhwynt 4.2 o’r adroddiad
·
gwelwyd
o Dabl 1 a oedd yn cyfeirio at y gwahanol
elfennau bod y gwaith ar gyfartaledd yn cydymffurfio â SATC 100%, er bod
rhai elfennau ddim yn taro 100% esboniwyd y rhesymau o’r methiant
·
cyfeiriwyd
bod rhai tenantiaid yn gwrthod i waith gael ei wneud ar y tai a bod hyn yn
dderbyniol onibai bod y gwaith i’w gwblhau yn unol ag
iechyd a diogelwch
·
cyflwynir
ystadegau i Lywodraeth Cymru yn flynyddol
·
o
ran y gwaith adeiladu, cydweithir gyda nifer o bartneriaid ac yng nghyswllt cynnal tiroedd enillwyd y
gontract gan Gyngor Gwynedd gyda’r gwaith yn dda iawn
·
gweithir
ar bynciau strategol megis: digartrefedd
(18 o dai wedi eu trosglwyddo ar les i’w defnyddio gan Gyngor Gwynedd); darparu
tai fforddiadwy (cyfanswm o 39 uned a dros 100 o dai yn cael eu cyflawni eleni
drwy ddefnyddio grant cymdeithasol); cynlluniau twf a phwysleisiwyd bod cyfleon
ar hyd arfordir Gogledd Cymru sydd o gymorth i CCG gyflawni mwy
·
cydweithir
yn dda gyda Heddlu Gogledd Cymru a chyfeiriwyd yn benodol at gynllun a
threfniadau ym Maesincla.
·
Cyfeirwyd at y linciau cadarn rhwng tai a’r gwasanaeth
iechyd yn benodol i hwyluso mynediad amserol a haws i wasanaethau iechyd meddwl
ar gyfer rhai tenantiaid
·
O
safbwynt gwasanaeth trwsio, er nad oedd hyn i safon yn y gorffennol ‘roedd wedi
derbyn ffocws penodol i wella’r gwasanaeth a chyfeiriwyd at lwyddiant ym mhwynt
9.5 gyda’r perfformiad wedi gwella a’r gwasanaeth yn llawer iawn mwy
cynhyrchiol a boddhad cwsmer wedi cynyddu
·
Arolygir
CCG yn flynyddol gan Lywodraeth Cymru a braf ydoedd nodi bod yr arolygwyr yn
ganmoladwy o’r gwasanaeth ac wedi rhagori o safbwynt hyfywedd ariannol
(b) Yn
ystod y drafodaeth ddilynol, amlygwyd y pwyntiau canlynol gan Aelodau unigol:
(i)
Mynegwyd
mai’r gwyn gyffredinol i sawl Aelod ydoedd diffyg dilyn fyny cwynion tenantiaid
yn benodol yn ymwneud a mannau cymunedol, ffenestri ddim yn agor.
Mewn ymateb, eglurwyd bod safon gofal cwsmer
wedi gwella ond mai’n amlwg bod rhai problemau yn parhau ac ymddiheurwyd am
hyn. Sicrhawyd y byddir yn dilyn y
materion penodol a grybwyllwyd i fyny gyda’r swyddog priodol. Nodwyd bod rhaglen fuddsoddi ledled y Sir
gyda’r bwriad o uwchraddio mannau cymunedol a hyderir y gellir datrys rhan
fwyaf o’r problemau yn y dyfodol.
Yn gyffredinol, nodwyd bod CCG yn gwrando ar
denantiaid ac wedi gwneud llawr i wella gofal cwsmer. Pan weithredir gwaith sylweddol ar stad fe
fyddir yn ymgynghori yn drwyadl. Ar
gyfartaledd nodwyd bod tenantaid yn falch iawn o lle
maent yn byw. Rhoddir llawer o bwyslais
ar ddiweddaru ag adrodd yn ol wrth denantiaid. Yn
ogystal, sicrhawyd bod wardeiniaid yn ymweld ag unigolion ac roedd trefn i
ffonio unigolion i ganfod barn am y gwasanaeth sydd wedi profi’n llwyddiant a
gwersi wedi eu dysgu o’r ymarferiad hwn.
Yn ychwanegol buddsoddwyd mewn sustem TG newydd sydd yn mynd i fod o
gymorth ar gyfer tracio gwaith, a.y.b.
(ii)
Gyda buddsoddiad o £4m ar gyfer adeiladu tai
newydd, gofynnwyd a fyddai’r tai yn addas i anghenion pobl hyn a’r anabl.
Mewn ymateb, nodwyd bod CCG yn cydweithio gyda
Gwasanaethau Cymdeithasol y Cyngor mewn perthynas ag addasiadau lles i dai a
phwrpas hyn ydoedd helpu tenantiaid i fedru aros yn eu cartrefi yn hirach.
O safbwynt tai newydd, cydweithir yn agos gydag
Uned Strategol Tai y Cyngor ac yn cydymffurfio a safonau perthnasol ac fe
fyddir yn cymryd arweiniad ar y cyd o ran adeiladu yn unol a blaenoriaeth.
(iii)
Mewn
ymateb i ymholiad ynglyn a chynnal a chadw llwybrau
cerdded a adnewyddir fel rhan o fuddsoddiad cymunedol gan gontractwyr, eglurwyd
nad oedd contractwyr yn atebol i’w cynnal a’u cadw. Eglurwyd ymhellach bod rhai llwybrau wedi eu
mabwysiadu gan yr awdurdod lleol neu mewn rhai achlysuron gan Gynghorau Cymuned
/ Tref ac felly byddai’r cyfrifoldeb o’u cynnal a’u cadw yn disgyn ar yr
awdurdodau hyn. Felly byddai’n rhaid canfod statws y llwybrau ac yng nghyswllt
llwybr cerdded Llwyn y Ne, Clynnog byddai’n ofynnol ymchwilio ymhellach.
(iv)
Mewn ymateb i ymholiad ynglyn
a difa pla, esboniwyd nad oedd trafferth gyda’r gontract difa pla ac eglurwyd
ar y trefniadau sydd mewn lle. Edrychir
ar y gontract yn flynyddol ac fe nodwyd ei fod yn gweithio’n llwyddiannus
(v)
O
safbwynt buddsoddi yn y gymuned, eglurwyd bod y materion cymunedol a restrir ym
mhwynt 4.2 o’r adroddiad wedi eu hychwanegu ar y gontract. Roedd y Grant
Cymunedol wedi lleihau ond cadarnhawyd bod arian yn parhau ar gael ond drwy
drefn wahanol. Nodwyd ymhellach bod CCG
wedi datblygu strategaeth cymunedol ac yn trafod gyda chymunedau ac yn barod i
dderbyn achosion busnes. Cadarnhawyd y
byddir yn rhannu’r strategaeth gydag Aelodau etholedig ac yn croesawu unrhyw
awgrymiadau / syniadau pellach gan Aelodau.
(vi)
Nad oedd rhai elfennau gwaith o fewn Tabl 1 yn
yr adroddiad yn cydymffurfio a SATC a gofynnwyd felly a fydd y materion hyn yn
cael eu cofnodi ymhellach yn ystadegau y flwyddyn ganlynol i sicrhau had ydynt
yn mynd yn anghof?
Mewn ymateb, esboniwyd y cyflwynir yr ystadegau
i Lywodraeth Cymru ac fe ellir gweld yn union pa dŷ sydd ddim yn
cydymffurfio ond ei bod yn anodd mewn achosion lle mae tenant wedi gwrthod i
waith gael ei wneud ar dŷ.
(vii)
Pam bod rhent Gwynedd yn is nag awdurdodau
eraill y Gogledd? Mewn ymateb, nodwyd
bod y polisi gosod rhent yn cael ei reoli gan Lywodraeth Cymru ac o’r ystadegau
rhoddir ystyriaeth i gyflogau wythnosol cyfartalog, fforddiadwyedd
tenant i fedru talu, fforddiadwyedd i fedru prynu
tai, economi y sir, ac felly roedd cyflog cyfartalog Gwynedd yn isel o’i
gymharu a’r awdurdodau cyfagos.
(viii)
Yn
dilyn o’r uchod, gofynnwyd a fyddai hyn yn reswm pam bod trigolion yn symud i
Wynedd am bod y rhent yn isel?
Mewn ymateb, nodwyd nad oedd yr uchod yn gywir o
reidrwydd, oherwydd bod ffactorau eraill pam bod unigolion yn symud i’r ardal
megis faint o dai sydd ar gael, cefndir teuluoedd, a.y.b. Nodwyd ymhellach bod deddfwriaeth yn rheoli gyd-gyfnewid tai a bod gan unigolion hawl i
roi cais i symud gyda’r cais yn llwyddo os ydynt yn cyrraedd y gofynion
priodol.
(ix)
Mewn
ymateb i gwestiynau / sylwadau, nodwyd:
·
O
safbwynt cael mynediad i dai bod trefn
gyfreithiol i’w ddilyn ac fe barchir dymuniad
tenantiaid os nad ydynt yn fodlon i gyflawni gwaith ar eu tai
·
Ceisir
y gorau i ddenu tenantiaid drwy hysbysebu ac yn fwy diweddar sefydlwyd
hyfforddiant a elwir yn academi tenantiaid a hyderir y gellir denu fwy o
ddiddordeb drwy hyn
·
O
ran cau swyddfeydd ym Mhwllheli, cadarnhawyd bod
canolfan lloeren yno ac anogwyd aelodau i hysbysebu hyn wrth denantiaid. Yn ogystal, gall swyddogion ymweld a
tenantiaid pe byddai angen.
·
sicrhawyd
na fyddai gwasanaeth i dai Gwynedd yn
dirywio drwy i CCG weithio tu allan i’r Sir
(x)
Gofynnwyd
a fyddai modd adnewyddu stoc tai gwag o fewn cymunedau yn hytrach nag adeiladu
o’r newydd fel bo modd cadw cymeriad traddodiadol pentrefi?
Mewn ymateb, eglurwyd y byddir yn edrych ar
unrhyw ddatblygiadau yn fanwl ac fe geisir hybu cymunedau ymhob agwedd ond
rhaid sicrhau bod y buddsoddiad a wneir yn hyfyw dros 30 mlynedd a rheswm dros
hynny oherwydd y benthyciadau ar gyfer adnewyddu.
(xi)
Gofynnwyd
cwestiwn ar ran aelod oedd yn absennol o’r cyfarfod ynglyn
ag achos yn ei ward lle roedd CCG wedi gorfodi tenant i newid tân agored am dân
trydan. Mewn ymateb, esboniwyd bod
polisi gan CCG ar gyfer cyfleon i gau simneiau a gosod gwresogyddion trydan
effeithiol er mwyn gwarchod iechyd a diogelwch y tenantiaid. Fodd bynnag pwysleiswyd
eu bod yn ymdrin yn sensitif i achosion ond nad oedd yn gyfarwydd a’r achos
penodol a gyfeiriwyd ato.
(xii)
Croesawyd unrhyw syniadau a chyfleon gan
aelodau mewn adnabod ardaloedd o fewn eu wardiau lle bo siawns i ddatblygiadau
cymunedol.
(xiii)
O
safbwynt diffyg parcio ar stadau, cydnabuwyd bod y mater yn broblemus oherwydd
diffyg cyfyngder tir ar stadau ond fe geisir ymgymryd a gwaith amgylcheddol lle
bo hynny’n bosibl.
(xiv)
Mewn
ymateb i gwestiwn ynglyn a chanran o fethiant i wneud
gwaith ar dai tenantiaid, nodwyd yn y 5/6 mlynedd diwethaf mai oddeutu 10% o
denantiaid wrthodwyd gwaith i’w tai ond prysurwyd i nodi bod y ganran wedi dod
i lawr erbyn hyn.
(xv)
Gofynnwyd
a oedd modd fel rhan o’r trefniadau
caffael i gontractwyr bach lleol i ymgymryd a gwaith i CCG. Mewn ymateb, cadarnhawyd bod modd ond ei fod
yn gymhleth o safbwynt gofynion cyfreithiol a hysbysebu contractau.
(xvii) Sicrhawyd bod
wardeiniaid a wardeiniaid tai gwarchodol yn ymweld ag unigolion sydd dros 80
oed.
I gloi, diolchwyd i’r Prif Weithredwr a Chyfarwyddwr Cwsmeriaid a Chymunedau am yr adroddiad
a’r ymatebion clir i’r cwestiynau gyflwynwyd uchod. Hefyd, gofynnwyd i’r swyddogion gyfleu
diolchiadau’r aelodau i weithlu CCG am eu gwaith clodwiw ac yn arbennig ymateb gwych i ymholiadau dros y ffon.
Penderfynwyd: Derbyn, nodi
a diolch am yr adroddiad.
Dogfennau ategol: