Aelod Cabinet: Cynghorydd Dilwyn Morgan
I dderbyn adroddiad ar yr uchod.
Cofnod:
Cyflwynwyd adroddiad yr Aelod
Cabinet Plant a Phobl Ifanc
ar yr uchod
gan nodi ei fod yn
strategaeth gyffrous tu hwnt. Roedd gwaith hanesyddol o waith ataliol llwyddiannus
ond rhaid addysgu o weithio’n integredig a phwysigrwydd i’r unigolyn gyda
esiampl perffaith o hyn yn weithrediad
Cynllun Ysbyty Alltwen. Nodwyd bod Adolygiad Seneddol i Iechyd
a Gofal yng Nghymru yn cyfeirio
i ddatblygu gwasanaethau gofal sydd yn ddi-dor
ac yn gyfleus ac agos i adref.
Y bwriad ydoedd gwneud y gwasanaethau yn llawer mwy
integredig o fewn y Cyngor, partneriaethau eraill a gobeithio canolbwyntio pawb ar ymyrraeth gynnar,
gan dargedu teuluoedd yn y ffordd gywir a chynnig gwasanethau fydd yn lleihau’r
angen nes ymlaen am ymyrraeth llawer mwy dwys. Cydnabuwyd bod dyletswydd ar bawb
i ddiogelu plant a phobl ifanc ond
rhaid rhoi ffocws ar ymdrin
â’r materion yn gynnar a hyderir
y byddir yn brysur ddatblygu’r meddylfryd o fewn y Cyngor a phartneriaethau allanol. Cam positif a wnaed ydoedd trosglwyddo swyddog o’r Adran
Economi i Adran Plant a Theuluoedd sydd yn rhoi
capasiti ychwanegol o fewn yr Adran.
Rhoddwyd cyfle i Aelodau ofyn cwestiynau ac amlygwyd y canlynol:
(a)
Cyfeiriwyd at raglen Teuluoedd yn Gyntaf a’r
gydnabyddiaeth bod y rhaglen
wedi bod yn llwyddiannus gyda mewnbwn y trydydd sector yn allweddol e.e.
Cyngor ar Bopeth. Os oedd y rhaglenni
yn llwyddiannus, gofynnwyd pam sydd raid newid y model?
Eglurodd y Pennaeth
Gwasanaeth, mai penderfyniad
gan y Llywodraeth ydoedd dileu y grantiau i’r trydydd
sector a gyfer datblygu llythrennedd ariannol. Yn ystod y flwyddyn drosiannol, Gwynedd oedd yr unig awdurdod
ddaru ariannu y llynedd ond tra’n
derbyn eu bod wedi bod yn llwyddiannus,
nid oedd yn bosib i ymestyn y ddarpariaeth oherwydd diffyg adnoddau ariannol a’r canllawiau
cenedlaethol. Ychwanegwyd, nad oedd hyn
yn golygu na ellir cyfeirio
teuluoedd i Cyngor ar Bopeth
ond ‘roedd yr arian yn
arfer sicrhau eu bod yn cael
blaenoriaeth.
O ran y model arfaethedig, dysgwyd llawer o’r manteision
a’r budd dros y 5 mlynedd diwethaf, nad oedd
anghenion yn cael eu cyfarch,
yn benodol teuluoedd lle roedd
plant yn eu harddegau, iechyd meddwl ar lefel
isel, oediad iaith a llefaredd a materion digartrefedd. Y bwriad ydoedd i gael
gwasanaethau yn eu lle, gan
dargedu teuluoedd fel y gellir adnabod
plant sydd yn dod i ofal
a rhoi tîm o’u hamgylch h.y
asesiadau o anghenion a sylweddoli bod angen ail-gomisynu a thargedu gwahanol garfan o deuluoedd.
(b) A oedd mewnbwn gan yr
Adran Addysg yn sgil problemau
gyda diffyg sgiliau plant?
Mewn ymateb, cadarnhaodd yr Aelod Cabinet Plant a Phobl Ifanc bod Addysg yn un o’r
partneriaid hanfodol ac eisoes wedi cael
cefnogaeth gan yr Adran. Yn ffodus hefyd, nodwyd
bod y gwasanaeth iechyd yn bartner cryf
iawn yng Ngwynedd ac sydd yn hwb enfawr
i’r Gwasanaeth Plant a Theuluoedd.
Ychwanegodd y Pennaeth
Gwasanaeth bod iaith a llefaredd
yn un o’r prif flaenoriaeth. Cafodd ei adnabod ar
draws yr ystod oedran gan gynnwys
plant yn eu harddegau sydd yn effeithio ar
eu hyder, ymddygiad a’u gallu
i gyrraedd potensial. Y bwriad ydoedd ymestyn
y ddarpariaeth ar draws y
Sir gan gydweithio gyda’r Bwrdd Iechyd,
y trydydd sector, yn ogystal â’r Adran
Addysg er mwyn adnabod teuluoedd
yn well.
(c)
Croesawir y strategaeth a gofynnwyd a oedd bwriad i
gydweithio gyda Chymdeithasau Tai?
Cadarnhaodd y Pennaeth
Gwasanaeth bod angen rhoi mwy o sylw i’r
uchod yn ei gyfanrwydd a chyfeirwyd at engraifft peilot o weithio gyda Wardeiniaid Tai ym Maesgeirchen, Bangor, sydd gyda chyfoeth o wybodaeth allweddol.
(ch) Tra’n croesawu’r adroddiad, bod angen mwy o wybodaeth ac atgoffwyd o’r angen
i gyfarch anghenion plant gydag anableddau.
Nododd y Pennaeth
Gwasanaeth mai’r weledigaeth
oedd gerbron a’i bod yn hynod
o ddiolchgar i’r Tim Arweinyddiaeth am y gefnogaeth i symud ymlaen. Tasg y swyddog newydd fyddai mireinio’r cynllun a chydweithio gyda phartneriaeth ac fe ellir cyflwyno
diweddariad o’r datblygiadau ymhen blwyddyn.
(d)
Nodwyd bwysigrwydd y cydweithio traws-asiantaethol a
faint mor llwyddiannus ydoedd y model hwnnw. Hyderir y bydd y gweithwyr ieuenctid newydd yn gallu rhoi
cyfraniad i’r strategaeth uchod.
Esboniodd yr Aelod Cabinet Plant a Phobl Ifanc bod y Gwasanaeth Ieuenctid ddim ond yn cyrraedd
25% o ieuenctid, gan nodi bod pobl
ifanc colledig allan yn y Sir. Hyderir y bydd y model newydd yng ngwaith yr
ieuenctid yn ymestyn allan i
gyrraedd fwy o bobl ifanc ond
o safbwynt y Gwasanaeth Plant a Theuluoedd
croesawir unrhyw bartneriaeth ychwanegol.
Penderfynwyd: Derbyn, nodi a diolch am yr adroddiad.
Dogfennau ategol: