Agenda item
Cyflwyno adroddiad y Pennaeth Cyllid.
Cofnod:
Cyflwynwyd yr adroddiad
gan yr Uwch Reolwr Cyllid, gosododd y cyd-destun ac ymhelaethodd ar gynnwys yr
adroddiad a gyflwynwyd i’r Cabinet ar 22 Mai 2018. Nododd bod sefyllfa ariannol
derfynol adrannau’r Cyngor am 2017/18 yn cadarnhau y bu rheolaeth ariannol
effeithiol gan yr Aelodau Cabinet perthnasol, penaethiaid adrannau a rheolwyr
cyllidebau.
Tynnodd sylw at benderfyniad y Cabinet:
“1.1 Ystyried a nodi sefyllfa ariannol derfynol adrannau’r Cyngor am 2017/18.
1.2 Cymeradwyo’r
symiau i’w cario ’mlaen (y golofn “Gor/(Tan) Wariant Addasedig” o’r talfyriad
yn Atodiad 1), sef –
ADRAN |
£’000 |
Oedolion,
Iechyd a Llesiant |
(100) |
Plant a
Theuluoedd |
100 |
Addysg |
0 |
Economi a
Chymuned |
(35) |
Priffyrdd a
Bwrdeistrefol |
100 |
Amgylchedd
(Rheoleiddio gynt) |
(100) |
Ymgynghoriaeth
Gwynedd |
(82) |
Tîm Rheoli Corfforaethol a Chyfreithiol |
(66) |
Cyllid |
(66) |
Cefnogaeth
Gorfforaethol |
(67) |
1.3 Cymeradwyo’r argymhellion a’r
trosglwyddiadau ariannol canlynol
(sydd wedi’u egluro yn Atodiad 2) –
·
Trosglwyddo £457k, cyfwerth â grant
cefnogi gwasanaethau cymdeithasol dros y gaeaf i gronfa benodol er mwyn cefnogi
hyblygrwydd a hwyluso trawsffurfio yn y maes Oedolion i'r dyfodol.
·
Cynaeafu (£37k) o'r tanwariant sef y swm
uwchlaw (£100k) Oedolion, Iechyd a Llesiant, i'w ddefnyddio i gynorthwyo'r
adrannau sydd yn gorwario eleni.
·
Yr Adran Plant a Theuluoedd i dderbyn
cymorth ariannol un-tro o £676k i leddfu rhan helaeth o orwariant 2017/18, gan
ganiatáu iddynt symud ymlaen i wynebu her 2018/19.
·
Trosglwyddo £207k ei ddileu
gorwariant yr Adran Addysg, tra bod polisïau a threfniadau cludiant yn cael eu
hadolygu.
·
Yr Adran Priffyrdd a Bwrdeistrefol
i dderbyn cymorth ariannol un-tro rhannol o £203k i gyfyngu lefel y gorwariant
sydd i'w gario mlaen gan yr Adran i £100k, i'w cynorthwyo i symud ymlaen i
wynebu her 2018/19.
·
Trosglwyddo £378k o danwariant 2017/18
yr Adran Amgylchedd i gronfa benodol, yn ymwneud â bysus a chost llwybrau, i'w
ddefnyddio yn 2018/19.
·
Cynaeafu (£89k) o danwariant yr Adran
Amgylchedd sef y swm uwchlaw (£100k), i'w ddefnyddio i gynorthwyo'r adrannau
sydd yn gorwario eleni.
·
Cynaeafu (£894k) o'r tanwariant
net ar gyllidebau Corfforaethol (ar Ostyngiad Treth Cyngor, bidiau a
chyllidebau a ddychwelwyd gan adrannau ac ar benawdau eraill), a’i drosglwyddo
i gynorthwyo'r adrannau sydd wedi gorwario yn 2017/18.
·
Trosglwyddo £66k o'r Gronfa Cynorthwyo'r
Strategaeth Ariannol, sef y balans sydd angen, i gynorthwyo’r adrannau sydd yn
gorwario.
1.4
Cymeradwyo’r trosglwyddiadau ariannol o
gronfeydd penodol fel a
amlinellir yn Atodiad 3 yn dilyn
adolygiad o’r cronfeydd, sef:
·
Cynaeafu (£2.915m).
·
Neilltuo £2.749m ar gyfer Cynllun y
Cyngor.
·
Neilltuo £166k ar gyfer materion
gwastraff.”
Nododd yr Aelod Cabinet Cyllid bod y sefyllfa ariannol yn gyffredinol yn un
derbyniol iawn. Eglurodd bod yr Aelodau Cabinet perthnasol wedi egluro’r
rhesymau am y gorwariant yn yr Adran Plant a Theuluoedd a’r Adran Priffyrdd a
Bwrdeistrefol yng nghyfarfod y Cabinet ar 22 Mai 2018. Cadarnhaodd y derbyniwyd
sicrwydd yn y cyfarfod bod y gorwariant yn derbyn sylw.
Nododd y Pennaeth Cyllid bod y tanwariant yn yr
Adran Addysg, Adran Amgylchedd ac Adran Oedolion, Iechyd a Llesiant, oherwydd bod y Cyngor wedi derbyn arian
grant gan Lywodraeth Cymru yn niwedd
y flwyddyn ariannol. Cadarnhaodd bod yr arian grant wedi
ei briodoli i ymrwymiadau ym
mlwyddyn ariannol 2018/19.
Nododd yr Aelod Cabinet Cyllid tra’n croesawu
derbyn arian
grant nid oedd yn ddelfrydol i’r
Cyngor ei dderbyn yn y cyfnod
cyn cau’r cyfrifon. Eglurodd y cymerir y cyfle i drafod efo
Llywodraeth Cymru o ran blaen raglennu taliadau arian
grant er mwyn i’r Cyngor allu
blaen gynllunio.
Nododd aelod ei ddiolch
am y gwaith gan ategu sylw’r Aelod
Cabinet bod angen cysylltu efo Llywodraeth Cymru o ran yr angen i flaen
raglennu taliadau grant oherwydd bod derbyn arian grant ar ddiwedd blwyddyn ariannol yn gwneud
gwaith y swyddogion yn anodd.
Yn ystod y drafodaeth ddilynol ymatebodd y swyddogion a’r Aelod Cabinet i ymholiadau’r aelodau fel a ganlyn:
·
Rhoddwyd diweddariad yn
rheolaidd i’r Pwyllgor o ran y sefyllfa gorwariant ar dacsis i gludo disgyblion
i ysgolion. Roedd yr Adran Addysg wedi derbyn £207k i ddileu’r gorwariant, tra
bod polisïau a threfniadau cludiant yn cael eu hadolygu. Adroddir ar y sefyllfa
yn yr adroddiad adolygiad cyllideb nesaf;
·
O
ran y rheswm am y gorwariant o dan y pennawd ‘Gwasanaeth Darparu’ yn yr Adran
Oedolion, Iechyd a Llesiant, nid oedd incwm pres cinio yn achos am y
gorwariant. Roedd incwm cinio yn effeithio ar ysgolion uwchradd penodol a’r
Adran Addysg yn y sector gynradd;
·
O ran y golled incwm ar
ffioedd parcio, cynyddwyd targed incwm ffioedd parcio 2017/18 yn fwy na’r hyn a
gasglwyd yn 2017/18, er mwyn cyfrannu at arbedion yr Adran Amgylchedd. O
ystyried yr incwm a gasglwyd o ran meysydd parcio o £1.795m roedd diffyg incwm
o £50,000 yn ganran bach iawn;
·
Yng nghyswllt gorwariant o ran
Treth Cyngor o ganlyniad i Swyddfa’r Prisiwr Dosbarth ganiatáu i 282 eiddo
drosglwyddo o’r rhestr Treth Cyngor i Drethi Annomestig, bod yr Ymchwiliad Craffu
Tai Gwyliau a Threthi, swyddogion a’r Aelod Cabinet wedi rhybuddio bod risg
byddai colledion o ran y premiwm treth ar ail gartrefi oherwydd nad oedd y
ddeddfwriaeth yn hollol gadarn. Pan amcangyfrifwyd yr incwm posib nodwyd na
fyddai’r Cyngor yn derbyn £5m oherwydd y premiwm ond yn realistig mai tua £2m
byddai’r Cyngor yn ei dderbyn. Nid oedd y sefyllfa yn annisgwyl, ac nid oedd
rheswm ar hyn o bryd i addasu’r amcangyfrif o’r lefel incwm y disgwylir ei
dderbyn ym mlwyddyn ariannol 2018/19. Gwelwyd bod nifer y trosglwyddiadau i’r
rhestr trethi annomestig yn 2017/18 dros 50% yn uwch na mewn blynyddoedd
blaenorol, gydag effaith ôl-ddyddio rhai o’r ceisiadau i 2010/11. Roedd yr
Aelod Cabinet Cyllid wedi ysgrifennu at Lywodraeth Cymru ynglŷn â’r mater
yn y mis diwethaf;
·
Bod y sefyllfa o ran y premiwm
treth ar ail gartrefi yn cael ei fonitro gan yr Aelod Cabinet Cyllid yn
rheolaidd, ac roedd ef o’r farn bod angen deddfwriaeth i fynnu hawl cynllunio
er mwyn newid tŷ i fusnes ac fe nodwyd hyn yn y llythyr a anfonwyd at
Lywodraeth Cymru. Derbyniwyd cadarnhad gan y Prisiwr Dosbarth nad oedd ganddynt
yr adnoddau staffio i arolygu’r drefn. Cyflwynir adroddiad i gyfarfod y Cabinet
yn yr Hydref ar y sefyllfa o ran premiwm treth ar ail gartrefi.
PENDERFYNWYD nodi’r sefyllfa
a’r risgiau perthnasol yng nghyswllt cyllidebau’r Cyngor a’i adrannau.
Dogfennau ategol:
- Cyfrifon Terfynol 2017-18 - Alldro Refeniw, eitem 7. PDF 119 KB
- Atodiad 1 - Penderfyniad Cabinet 22 Mai 2018, eitem 7. PDF 684 KB
- Atodiad 2 - Adroddiad Cabinet, eitem 7. PDF 524 KB