Agenda item

Star Kebabs, Stryd Fawr, Bangor

 

I ystyried y cais

Ar ran yr eiddo:                     Mr Mehmet Kabadayi a’i fab Emre Kabadayi

 

Eraill a wahoddwyd:             Mr Ian Williams (Cydlynydd Trwyddedu Gwynedd a Môn, Heddlu Gogledd Cymru)

                                                PS2430 Dana Baxter

                                               

 

a)                    Adroddiad ac argymhelliad yr Adran Trwyddedu

 

Cyflwynwyd adroddiad y Rheolwr Trwyddedu yn manylu ar gais am newid amodau i drwydded mewn perthynas â goruchwylwyr drysau a gytunwyd gan y Pwyllgor hwn yn dilyn adolygiad o’r drwydded yn 2012 gan Heddlu Gogledd Cymru. Eglurwyd bod yr eiddo wedi ei drwyddedu ar gyfer gwerthu lluniaeth hwyr y nos, 7 diwrnod yr wythnos ac ar hyn o bryd yn amodol bod goruchwylwyr drysau, sydd yn gofrestredig gyda’r Awdurdod Diwydiant Diogelwch yn bresennol ar yr eiddo o 23:00 nos Iau, Gwener a Sadwrn hyd at amser cau’r eiddo: yn ogystal ar nos Sul cyn dydd Llun Gŵyl y Banc.

 

Nodwyd bod gan Swyddogion yr Awdurdod Trwyddedu dystiolaeth ddigonol bod y cais wedi ei gyflwyno yn unol â gofynion Deddf Trwyddedu 2003 a’r rheoliadau perthnasol.

 

Cyfeiriwyd at y mesurau yr oedd yr ymgeisydd yn ei argymell i hyrwyddo’r amcanion trwyddedu ynghyd a’r ymatebion a dderbyniwyd yn ystod y cyfnod ymgynghori.

 

Nodwyd, wedi cyfnod ymgynghori  ar y cais, derbyniwyd ymateb gan Heddlu Gogledd Cymru. Nid oedd yr Heddlu yn gwrthwynebu’r bwriad i gyflogi goruchwylwyr drysau o hanner nos ymlaen ar benwythnosau a nos Sul Gŵyl y Banc. Er hynny, nid oedd yr Heddlu yn cefnogi bwriad yr eiddo i agor hanner awr yn ychwanegol ar nos Iau.

 

Amlygwyd nad oedd yr ymgeisydd wedi manylu ar yr angen i gael hanner awr ychwanegol ar nos Iau yn ei ffurflen gais.

 

Wrth ystyried y cais dilynwyd y drefn ganlynol-:

·      Rhoi cyfle i aelodau’r Is-bwyllgor a’r ymgeisydd ofyn cwestiynau i’r Rheolwr  Trwyddedu.

·      Gwahodd yr ymgeisydd i ymhelaethu ar y cais

·      Rhoi cyfle i’r ymgynghorai gyflwyno eu sylwadau

·      Gwahodd deilydd y drwydded neu ei gynrychiolydd i ymateb i’r sylwadau

·      Rhoi cyfle i aelodau’r Is-bwyllgor ofyn cwestiynau i ddeilydd y drwydded.

·      Rhoi cyfle i aelodau’r Is-bwyllgor ofyn cwestiynau i’r ymgynghorai

 

b)         Wrth ymhelaethu ar y cais, cadarnhaodd yr ymgeisydd bod y cais am estyniad oriau lluniaeth     hwyr yn nos ar ddydd Iau yn gamgymeriad. Er iddo geisio am addasu oriau agor ar nos            Fercher i 3:30am amlygodd y Cadeirydd nad oedd hyn i’w drafod ac os byddai angen gwneud         addasiad i oriau’r drwydded yna cynghorwyd yr ymgeisydd byddai rhaid gwneud cais o’r            newydd.

 

            Yng nghyd-destun goruchwylwyr drysau eglurodd    nad oedd angen goruchwylwyr drysau ar      nos Iau gan fod yr eiddo yn cau am hanner nos.

 

c)         Yn manteisio ar ei hawl i siarad, cadarnhaodd  Swyddog o’r Heddlu nad oedd yn gwrthwynebu             lleihau oriau goruchwylwyr drysau ar y nos Iau. Amlygodd bod problemau wedi bod yn y gorffennol lle cyflwynwyd tystiolaeth ddigonol i gyfiawnhau            adolygiad o’r drwydded eiddo             gydag amodau ychwanegol mewn perthynas â Theledu Cylch Cyfyng, a goruchwylwyr drysau.     Wrth gyflwyno eu cais am adolygiad, roedd gan yr Heddlu dystiolaeth o 18 o achosion o         drosedd ac anrhefn yn gysylltiedig â’r eiddo yn hwyr y nos. Nodwyd bod yr Heddlu, yn Medi        2012 wedi erlyn deilydd y drwydded am weithredu tu hwnt i oriau gweithgareddau trwyddedig    oedd wedi eu cynnwys ar y drwydded.

 

Amlygwyd, mewn cais gan yr ymgeisydd i amrywio'r drwydded ym Mawrth 2013, nodwyd yr        Heddlu fod yr amodau ychwanegol, mewn perthynas â Theledu Cylch Cyfyng a goruchwylwyr           drysau, wedi bod yn hynod effeithiol gan sicrhau fod yr eiddo yn cydymffurfio gyda’r amcanion Trwyddedu, er yn ddiweddar i’r ymgeisydd fethu a rhannu tystiolaeth oddi ar y system teledu          cylch cyfyng. Cafwyd eglurhad bod problemau llawr lwytho gwybodaeth a phwysleisiwyd mai    cyfrifoldeb yr ymgeisydd oedd darparu gwybodaeth ar gais yr Heddlu neu Swyddogion        Trwyddedu. Amlygwyd yn glir yn amodau’r drwydded bod angen storio lluniau am o leiaf 31      diwrnod.

 

ch)       Wrth ystyried y cais ystyriwyd adroddiad y Swyddog Trwyddedu, y ffurflen gais, y sylwadau             ysgrifenedig a ddaeth i law oddi wrth y partïon gyda diddordeb ynghyd â’r sylwadau llafar a             gyflwynwyd gan yr holl bartïon yn bresennol yn y gwrandawiad. Bu i’r Is-bwyllgor hefyd    ystyried Polisi Trwyddedu'r Cyngor, arweiniad y Swyddfa Gartref ynghyd ag egwyddorion Deddf Trwyddedu 2003

 

•           Trosedd ac Anrhefn

•           Diogelwch y Cyhoedd

•           Rhwystro Niwsans Cyhoeddus

•           Amddiffyn Plant rhag Niwed

 

PENDERFYNWYD caniatáu y cais am wyriad fel y’i diwygiwyd.

 

            Gwiriwyd y drwydded fel a ganlyn:

 

1.    Ni fydd gofyn i’r eiddo ddarparu goruchwyliwr drws wedi ei gofrestru gan yr Awdurdod Diwydiant Diogelwch (Security Industry Authority – SIA) ar Ddydd Iau.

2.    Bydd yr eiddo yn darparu goruchwyliwr drws wedi ei gofrestru gan yr Awdurdod Diwydiant Diogelwch o 00:00 tan amser cau ar nos Wener a Sadwrn, yn ogystal â nos Sul cyn Gŵyl Banc.

 

            Rhoddwyd ystyriaeth benodol i’r sylwadau canlynol:

 

            Roedd 3 rhan i gais gwreiddiol yr ymgeisydd:

 

1.             Estyniad amser mewn perthynas â darparu Lluniaeth Hwyr yn Nos ar nos Iau i      03:30.

2.             Gwyriad fel nad oes gofyn i’r eiddo ddarparu goruchwyliwr drws Awdurdod Diwydiant             Diogelwch (Security Industry Authority – SIA)  ar ddydd Iau.

3.             Gwyriad fel bod darpariaeth goruchwyliwr drws  Awdurdod Diwydiant Diogelwch   (Security Industry Authority – SIA)  ar nos Wener, Sadwrn a Sul cyn Gŵyl Banc       rhwng 00:00 ac amser cau.

 

Yn y gwrandawiad fe gadarnhaodd yr ymgeisydd bod y cais am estyniad oriau lluniaeth hwyr      yn nos ar ddydd Iau yn gamgymeriad. Yn yr amgylchiadau, tynnwyd y darn hwn o’r cais yn ôl          ac ni roddodd yr Is-bwyllgor ystyriaeth bellach iddo. Amlygwyd hefyd fodd bynnag na fyddai’r Is-bwyllgor wedi gallu ystyried y darn hwn o’r cais, nag unrhyw gais i ymestyn oriau o dan gais ar gyfer gwyriad o dan adran 35 o’r Ddeddf Trwyddedu 2003, gan y byddai cais o’r fath yn anghyfreithlon o dan adran 36(3) o’r un Ddeddf.

 

Yn sgil yr eglurhad bod dim cais am estyniad amser ar ddydd Iau, ac yn sgil cadarnhad yr           Heddlu bod dim gwrthwynebiad i weddill y cais, roedd yr Is-bwyllgor yn fodlon bod y cais yn gydnaws â’r amcanion trwyddedu.