Cofnod:
Creu
maes parcio newydd gan gynnwys gwaith draenio, gwaith tyrchio, arwyddion ynghyd
â golau stryd
Tynnwyd sylw at y sylwadau ychwanegol
(a)
Ymhelaethodd
y Rheolwr Cynllunio ar gefndir y cais, ar gyfer creu maes parcio newydd, gan
gynnwys gwaith cysylltiedig, ar lain wag presennol ar Barc Bryn Cegin,
Llandygai (Llain 1). Bwriad y cynllun yw darparu cyfleusterau Parcio a Rhannu
fel rhan o gynllun ehangach i osod cyfleusterau mewn lleoliadau strategol ar
draws gogledd Cymru i liniaru’r effeithiau trafnidiaeth tebygol yn ystod cyfnod
adeiladu gorsaf bŵer Wylfa Newydd.
Bydd y safle’n darparu llefydd parcio i thua 178 car gyda 12 man parcio
ar gyfer yr anabl, 11 man gwefru ceir
trydan, mannau cadw beiciau a beiciau modur ac arosfan
bysiau.
Adroddwyd y byddai’r cyfleuster yn 0.955ha o
arwynebedd wedi’i leoli ar Safle Busnes Strategol Rhanbarthol Bryn Cegin
oddeutu 1km i’r de o ffin ddatblygu Canolfan Is Ranbarthol Bangor fel y’i
diffinnir gan Gynllun
Datblygu Lleol ar y Cyd Gwynedd a Môn (CDLL). Ategwyd ei fod yn rhan o safle sydd wedi
ei warchod fel Safle Busnes Strategol Rhanbarthol. Gwarchodir Parc Bryn Cegin fel Safle Busnes
Strategol Rhanbarth ar gyfer busnesau yn Nosbarthiadau Defnydd B1, B2 & B8
gan bolisi CYF 1 y CDLL. Dengys bod cyfiawnhad gorbwysol ar gyfer y datblygiad
ac oherwydd pwysigrwydd strategol y cynllun a’r manteision trafnidiaeth ac
economaidd a ddeilliai ohono, bod cyfiawnhad cryf dros orbwyso’r dynodiad yn yr
achos penodol hwn.
Amlygwyd
bod dau bolisi penodol o fewn y CDLL oedd yn berthnasol i’r cynnig hwn - polisi
strategol PS 12 (Wylfa Newydd - cyfleusterau parcio a theithio a pharcio a
rhannu) a PS 9
(Wylfa
Newydd a Datblygiad Perthynol).
Adroddwyd
bod tri eiddo preswyl Rhos Isaf yn cefnu ar y safle ac y byddai’r datblygiad
i’w weld o gefnau’r eiddo hynny. Er hynny, byddai’r safle parcio ar lefel is
na’r tai presennol a bwriad i osod sgrin goed newydd rhwng y lleoliadau. O
safbwynt mwynderau cyffredinol a phreswyl, ategwyd y byddai’r ardal parcio yn
llai newidiol na defnydd diwydiannol.
Nid
oedd gan yr Uned Trafnidiaeth nac Adran Trafnidiaeth Llywodraeth Cymru unrhyw
wrthwynebiad i’r cynllun o safbwynt ei effaith ar drafnidiaeth.
Amlygwyd
sylwadau hwyr a dderbynwyd gan Wasanaeth Cynllunio
Archeolegol Gwynedd ac yr ystyrir fod y bwriad yn cwrdd gyda pholisïau
perthnasol gyn belled fod amod priodol yn cael ei osod ar unrhyw ganiatâd.
O ganlyniad i’r asesiadau, ni ystyriwyd fod y bwriad
yn groes i unrhyw bolisi cynllunio perthnasol o fewn y CDLl
a bod y datblygiad a gynigiwyd yn briodol ar gyfer y
safle ac yn debygol o fod o bwysigrwydd strategol i’r sir. Ategwyd na ystyriwyd fod y bwriad yn debygol
o achosi effeithiau andwyol annerbyniol i drigolion gerllaw na’r gymuned yn
gyffredinol.
Cyfeiriwyd
at sylwadau a gyflwynwyd gan yr Aelod Lleol yn nodi nad oedd ganddo
wrthwynebiad i’r cais; ei fod yn croesawu'r fenter rhannu ceir a bod angen ar y
cyfleuster yn lleol; nad oedd diddordeb wedi ei ddangos i’r safle ar gyfer
defnydd diwydiannol.
(b) Cynigwyd ac eiliwyd i ganiatáu’r cais.
(c) Yn ystod y drafodaeth ddilynol nodwyd y sylwadau
canlynol gan aelodau:
·
Nad
oedd sicrwydd o ddatblygiad Wylfa Newydd - bod hyn yn rhoi'r drol o flaen y
ceffyl.
·
Beth
fydd effaith hir dymor colli safle sydd wedi ei ddynodi ar gyfer defnydd
diwydiannol? A fydd hyn yn rhwystr i ddatblygwyr eraill?
·
Bod
diddordeb lleol yn y mater - dylai’r cais fod wedi ei drafod yng Nghaernarfon a
chael ei we ddarlledu
·
Bod
angen ar y bwriad yn lleol
·
Angen
cadarnhau pryd fydd y maes parcio ar gael i’r gymuned leol gan mai lliniaru
trafnidiaeth i Wylfa Newydd oedd prif
fwriad y cais
·
Angen
sicrwydd bod sylwadau Gwasanaeth Cynllunio Archeolegol Gwynedd yn cael eu
hystyried a’r amod yn cael ei chynnwys
(ch) Mewn
ymateb i gwestiwn ynglŷn â chynllun diogelwch y safle gan ystyried ei fod
wedi ei leoli mewn ardal agored ac anghysbell, ac os oedd Teledu Cylch Cyfyng
yn rhan o’r cynllun hwnnw, nododd y swyddogion nad oedd gwybodaeth ganddynt ar
y mater ond y buasent yn cysylltu gyda’r ymgeisydd i holi am wybodaeth.
PENDERFYNWYD
caniatáu’r cais.
Amodau:
1. Amser
2.
Cydymffurfio gyda’r cynlluniau
3. Rhaid cyflwyno cynllun draenio cyn dechrau’r
datblygiad
4. Rhaid
gweithredu yn unol ag argymhellion yr adroddiad amgylcheddol
5. Rhaid
gweithredu’r tirlunio yn y tymor plannu nesaf ar ôl cwblhau’r datblygiad ac mae’n
rhaid ei gynnal wedi hynny
6. rhaglen
waith archeolegol addas
Dogfennau ategol: