Estyniad deulawr
gromen, ffenestr gromen a balconi i'r blaen ac estyniad unllawr blaen i'r
modurdy presennol ac addasiadau allanol i'r eiddo.
AELOD LLEOL: Cynghorydd Dewi Wyn Roberts
Dolen
i'r dogfennau cefndir perthnasol
Cofnod:
Estyniad deulawr gromen, ffenestr gromen a balconi i'r
blaen ac estyniad unllawr blaen i'r modurdy presennol ac addasiadau allanol i'r
eiddo.
(a) Ymhelaethodd y Swyddog Rheolaeth Datblygu ar gefndir y cais, gan nodi y
gohiriwyd y cais yng nghyfarfod y Pwyllgor a gynhaliwyd ar 15 Hydref 2018 er
mwyn cynnal ymweliad safle. ‘Roedd rhai o’r aelodau wedi ymweld â’r safle cyn y
cyfarfod.
Tynnodd sylw bod asiant yr ymgeisydd wedi cyflwyno cynlluniau pellach mewn
ymateb i bryderon y gwrthwynebwyr ynglŷn â dyluniad, gor-edrych
a pharcio.
Nododd y derbyniwyd gwrthwynebiadau yn mynegi pryder am raddfa’r estyniad
ond ni ystyrir fod yr estyniad yn afresymol o ran maint a graddfa nac ychwaith
yn or-ddatblygiad o’r safle oherwydd bod ardal mwynderol
rhesymol yn parhau o amgylch y tŷ. O ystyried bod dyluniad y tŷ
presennol yn wahanol i weddill y rhes a’r ffaith fod golygfeydd ohono mewn
cyd-destun adeiledig ymysg tai o amrywiol ddyluniadau, ni ystyrir y byddai’r
ymddangosiad yn cael ardrawiad arwyddocaol ar y strydwedd
na thirlun yr Ardal o Harddwch Naturiol Eithriadol. Er yn cydnabod pryder yr
aelod lleol a’r gwrthwynebwyr, ni ystyrir bod sail i wrthod y cais yn nhermau
dyluniad a mwynderau gweledol.
Ymhelaethodd y derbyniwyd gwrthwynebiadau gan ddau o’r cymdogion o ran gor-edrych, preifatrwydd, sŵn a thywyllu. Ni ystyriwyd
y byddai’r bwriad yn gwaethygu’r sefyllfa yn arwyddocaol, oherwydd ongl
gosodiad yr eiddo ni fyddai’r ffenestri blaen newydd yn wynebu Fferm Cae Du yn
uniongyrchol.
Nodwyd bod y bwriad yn dderbyniol o agwedd dyluniad, mwynderau gweledol,
cyffredinol a thrafnidiaeth ac yn cydymffurfio gyda gofynion y polisïau
perthnasol.
(b)
Gwrthwynebwyd y cais
gan yr aelod lleol (nad oedd yn aelod o’r Pwyllgor Cynllunio hwn), nodwyd y
prif bwyntiau canlynol:-
·
Ei ddiolchiadau am yr ymweliad
safle;
·
Bod llawer o dai haf yn yr
ystâd gydag addasiadau i dai i greu elw ar draul y diwylliant Cymreig a’r
iaith;
·
Pryderon parcio ar yr ystâd
oherwydd nifer ymwelwyr i un tŷ;
·
Y cynhelir partïon ar y
ferandas gyda bwyd a diod wedi ei brynu ymlaen llaw. Nid oedd hyn o fudd i’r
economi leol;
·
Nid oedd cyfeiriad at
breifatrwydd yn y Cynllun Datblygu Lleol ar y Cyd. Byddai’r bwriad yn effeithio
ar breifatrwydd cymdogion.
·
Cyfeirio at baragraff A29 o
Bolisi PPS7 o fewn adendwm cenedlaethol o ran pellter rhwng adeiladau er mwyn
lleihau gor-edrych a galluogi goleuni naturiol i’r
adeiladau. O dan baragraff A30 bod gor-edrych yn
golygu o ystafell i ardd cymydog sef yr ardal 3-4 medr agosaf i’r tŷ;
·
Nid oedd y dyluniad yn
cyd-fynd efo’r gofynion.
(c) Mewn ymateb i sylwadau’r aelod lleol, eglurodd y Rheolwr
Cynllunio ni fyddai’r bwriad yn cynyddu’r nifer o ystafelloedd gwely dim ond
newid y fformat ac o ganlyniad byddai ffenestr ystafell wely bresennol yn newid
i fod yn ffenestr ystafell folchi. Nododd y byddai
effaith yr estyniad, o ystyried yr effaith presennol ar drigolion cyfagos, yn
finimal. Tynnodd sylw bod Polisi PCYFF2 o’r Cynllun Datblygu Lleol ar y Cyd (CDLl) yn cyfarch materion mwynderau, ac er na nodir
preifatrwydd, bod y polisi hwn yn cyfarch y mater.
(ch) Cynigwyd ac eiliwyd i ganiatáu’r cais.
Yn ystod y drafodaeth ddilynol nodwyd y prif sylwadau canlynol gan aelodau:
·
Pryder o ran gor-ddatblygu a’r effaith ar drigolion cyfagos;
·
Pryder o ran yr effaith ar
bris stoc tai gyda thai allan o afael pobl leol;
·
Gwerthfawrogiad o’r ymweliad
safle. Ni fyddai’r balconi yn creu gor-edrych ar y
tŷ fferm a gan fod y tŷ gyferbyn yn is yn y tir o gymharu â’r tŷ
dan sylw byddai dim ond gor-edrych o’r to;
·
Bod tai eraill ar y stad efo
balconi a byddai’r tŷ yn debycach o ran dyluniad â’r tai cyfagos yn dilyn
yr addasiadau;
·
Ni fyddai’r bwriad yn cael
effaith o ran goleuni;
·
Bod y bwriad yn unol â’r
polisïau;
·
Bod nifer uchel o dai haf yn
yr ardal a bod peryg creu cynsail wrth ganiatáu’r cais gyda phrisiau tai yn
cynyddu;
·
Bod problemau parcio eisoes a
gyda thai yn mynd yn fwy o faint roedd y nifer o geir yn yr ardal yn cynyddu;
·
Nid oedd rheswm cynllunio i
wrthod y cais;
·
Byddai diffyg mannau parcio a gor-ddatblygu yn sail i wrthod y cais?
(ch)
Mewn ymateb i’r
sylwadau uchod, nododd y swyddogion:
·
Bod y cais gerbron
am estyniad ac fe roddwyd ystyriaeth o ran y dyluniad a’r effaith ar gymdogion
fel rhan o’r asesiad. Argymhellir caniatáu gan ei fod yn estyniad cymedrol i’r
tŷ presennol;
·
Bod angen bod yn
hynod o ofalus, yr unig sail i wrthwynebu maint y datblygiad oedd dyluniad a’r
effaith ar fwynderau. Er yn gwerthfawrogi’r pwynt o ran codi gwerth, nid oedd
yn fater cynllunio gan nad oedd y drefn gynllunio yn rheoli gwerth. Fe fyddai’r
sefyllfa yn wahanol pe rhoddir ystyriaeth i gais yn ymwneud â thŷ
fforddiadwy ond nid oedd cyfyngiad o’r fath ar y tŷ hwn felly nid oedd yn
briodol i’w ddefnyddio fel sail i wrthod. Byddai risg o gostau i’r Cyngor pe byddai
apêl i wrthodiad ar y sail yma;
·
Byddai gwrthodiad
ar sail diffyg mannau parcio yn anodd ei gefnogi oherwydd bod lle i 3 car ac
nid oedd gwrthwynebiad gan yr Uned Drafnidiaeth. O ran gwrthod ar sail gor-ddatblygiad, nid oedd llawer o wahaniaeth o ran
ôl-troed y tŷ felly byddai’n anodd amddiffyn gwrthod ar y sail yma.
PENDERFYNWYD caniatáu’r cais.
Amodau:
1. Cychwyn
o fewn 5 mlynedd.
2. Yn
unol gyda’r cynlluniau a chynlluniau ychwanegol.
3. Llechi
i gydweddu
4. Gorffeniad i gydweddu
Dogfennau ategol: