I ysytried
cais Mr B
(copi arwahan i aelodau’r
Is Bwyllgor yn unig)
Cofnod:
Croesawodd y Cadeirydd bawb i’r cyfarfod. Amlygodd
y byddai'r penderfyniad yn cael ei
wneud yn unol â pholisi trwyddedu Cyngor Gwynedd. Nodwyd mai pwrpas y polisi oedd gosod
canllawiau ar y meini prawf wrth
ystyried cais yr ymgeisydd gyda’r
nôd o ddiogelu’r cyhoedd drwy sicrhau:
• Bod
yr unigolyn yn unigolyn addas
a phriodol
• Nad
yw'r unigolyn yn fygythiad i'r
cyhoedd
• Bod
y cyhoedd wedi'u diogelu rhag pobl
anonest
• Bod
plant a phobl ifanc wedi'u diogelu
• Bod
pobl ddiamddiffyn wedi'u diogelu
• Bod
y cyhoedd yn gallu bod yn
hyderus wrth ddefnyddio cerbydau trwyddedig.
Gwahoddwyd yr ymgeisydd i ymhelaethu ar ei
gais a chynnig eglurhad am y troseddau. Nododd bod ganddo
ddiddordeb mawr mewn ceir a gyrru
ceir a’i fod yn y broses
o agor garej yn y dyfodol agos.
Ategodd ei fod wedi cwblhau
nifer o gyrsiau gyrru ac y byddai
swydd fel gyrrwr tacsi yn
gyfle i dderbyn incwm ychwanegol i gefnogi ei fenter.
Nododd bod AS Cabs wedi cynnig oriau
hyblyg iddo fel gyrrwr petai
ei gais yn llwyddiannus, ei fod wedi cwblhau
prawf iechyd ac yn talu
am ei drwydded
ei hun. Cadarnahoedd nad oedd wedi
yfed alcohol ers 2005 ac nad oedd
yn defnyddio cyffuriau.
Ymneilltuodd yr ymgeisydd o’r ystafell tra
bu i aelodau’r Is-bwyllgor drafod y cais.
PENDERFYNWYD bod yr ymgeisydd
yn berson addas a phriodol ar gyfer trwydded
gyrrwr cerbyd hacni/hurio preifat
gyda Chyngor Gwynedd.
Wrth wneud
eu penderfyniad, roedd yr Is-bwyllgor wedi ystyried y canlynol:
• Gofynion ‘Polisi Trwyddedu ar gyfer Hurio
Preifat a Cherbydau Hacni Cyngor
Gwynedd’
• ffurflen gais
yr ymgeisydd
• sylwadau llafar, dogfennau, lluniau a gyflwynodd yr ymgeisydd
yn ystod y gwrandawiad
• adroddiad yr Adran Drwyddedu
ynghyd a’r datganiad DBS oedd yn datgelu collfarnau
Rhoddwyd ystyriaeth benodol i’r materion canlynol.
Derbyniodd yr ymgeisydd gollfarn (Mawrth 2006) gan Lys y Goron Yr Wyddgrug
am achosi anaf i unigolyn yn groes i ddarpariaethau
Deddf Troseddau yn erbyn Person 1861. Cafodd ddedfryd o garchar am 9 mis oedd wedi ei
atal am 2 flynedd, 12 mis o orchymyn gwarchodaeth, 250 o oriau di-dâl a gorchymyn i dalu £600 o gostau. Ym mis Mai 2011 derbyniodd gollfarn gan Lys Ynadon Gwynedd am ddwy drosedd
yn ymwneud a chyffuriau yn groes
i Ddeddf Camddefnyddio Cyffuriau 1971 - un am gynhyrchu canabis ac un o gael resin
canabis yn ei feddiant (Rhagfyr
2010). Cafodd ei ddedfrydu i 12 mis o orchymyn cymunedol a gorchymyn i wneud 80 awr o waith di-dâl am
feddiant a dedfryd o 12 mis
o orchymyn cymunedol, gorchymyn i wneud 80 awr o waith di-dâl a chostau o £85. Cafodd y cyffuriau eu cymryd a’u dinistrio.
Tynwyd sylw
bod yr ymgeisydd
wedi nodi yn wirfoddol ar
ei ffurflen gais bod ganddo gollfarn
am yrru cerbyd
heb yswiriant (Gorffennaf 2012) lle derbyniodd 3 pwynt.
Ystyriwyd paragraff
2.2 o Bolisi’r Cyngor lle nodi’r nad oes rheidrwydd i berson sydd â chollfarn
am drosedd ddifrifol gael ei wahardd rhag cael trwydded, ond bydd disgwyl iddo
fod yn rhydd rhag unrhyw gollfarnau am gyfnod priodol fel y nodir yn y Polisi,
a dangos tystiolaeth ei fod yn unigolyn addas a phriodol i ddal trwydded. Mae
cyfrifoldeb ar yr ymgeisydd i brofi ei fod yn berson addas a phriodol.
Ystyriwyd paragraff 4.5 sydd yn nodi bod y Gorchymyn
Deddf Ailsefydlu Troseddwyr 1974 (Eithriadau)
(Diwygio) 2002 yn caniatáu’r Is-bwyllgor ystyried pob collfarn, p’run
ai ydynt wedi eu
treulio o dan Ddeddf 1974 neu beidio.
Mae paragraff 6 o’r Polisi yn cyfarch
troseddau o drais. Mae paragraff 6.5 o’r Polisi
yn nodi y bydd cais am drwydded fel rheol yn cael ei wrthod os oes gan yr
ymgeisydd fater i’w ystyried (gan
gynnwys rhybuddion) am ymosodiad cyffredin sydd yn llai na 3 blynedd cyn dyddiad y cais.
Ystyriwyd adran 9.0 o’r Polisi sydd
yn trafod troseddau sydd yn ymwneud a chyffuriau ac amlygwyd bod adran 9.1 yn amlinellu
bod unrhyw drosedd sydd yn ymwneud a chyffuriau yn fater difrifol ac y dylid
ystyried natur a swm y cyffur dan sylw. Ategwyd y byddai cais yn cael ei wrthod
os oes mwy nag un gollfarn yn erbyn yr ymgeisydd am droseddau’n gysylltiedig â
bod â chyffuriau mewn meddiant, ac nad yw wedi bod yn rhydd rhag collfarn(au) am 5 mlynedd o leiaf. Mae paragraff 9.4 o’r Polisi yn nodi y bydd cais am
drwydded fel rheol yn cael ei wrthod os oes rhybudd unigol am drosedd yn
gysylltiedig â bod mewn meddiant a chyffuriau o fewn y 3 blynedd diwethaf.
Mae paragraff 12.2 yn diffinio
troseddau difrifol sydd yn cynnwys gyrru cerbyd heb yswiriant gyda 12.3 yn nodi
y byddai cais yn cael ei wrthod os oes collfarn yn erbyn yr ymgeisydd ac nad yw
wedi bod yn rhydd rhag collfarn am 6 mis o leiaf.
Rhoddodd yr Is Bwyllgor ystyriaeth hefyd i baragraff 16.1 o bolisi'r Cyngor sydd yn
ymwneud ag ail-droseddu. Rhaid yn
gyntaf sicrhau bod y collfarnau’n bodloni
canllawiau’r polisi yn unigol,
ond gyda’i gilydd yn creu hanes o ail-droseddu
sydd yn dangos diffyg parch at les eraill
ac eiddo. O dan y Polisi rhaid bod 10 mlynedd wedi mynd heibio ers y gollfarn fwyaf diweddar.
Ystyriodd yr Is Bwyllgor bod
y gollfarn gyntaf yn gyfystyr a throsedd o drais ond gyda 12 mlynedd wedi
mynd heibio nid oedd yn sail i wrthod y cais. Er hynny, gallai fod yn sail i wrthod
y cais yn rhinwedd paragraff 16.1. Ystyriodd
yr Is Bwyllgor bod yr ail gollfarn yn ymwneud
a throseddau cyffuriau, ond gyda
7 mlynedd wedi mynd heibio nid oedd yn
sail ar gyfer gwrthod y cais.
Ystyriodd y r Is bwyllgor bod y drosedd o yrru heb yswiriant yn drosedd
draffig difrifol ond eto, gyda’r 8 mlynedd wedi yn heibio nid oedd yn sail i wrthod y cais.
Fodd bynnag, roedd y ddwy drosedd
gyntaf yn creu hanes o ail-droseddu sydd yn
dangos diffyg parch at les eraill ac
eiddo ac o ganlyniad rhaid oedd ystyried
paragraff 16.6 o’r polisi sydd yn
nodi rhaid bod 10 mlynedd wedi mynd
heibio ers y gollfarn fwyaf diweddar.
Amlygodd y Cyfreithiwr nad yw
darpariaethau'r Polisi yn orfodol a bod modd gwyro oddi
ar yr argymhellion os yw ffeithiau'r achos yn cyfiawnhau hynny. Ar ôl ystyried eglurhad
yr ymgeisydd dros amgylchiadau’r collfarnau, penderfynodd
yr Is Bwyllgor bod amgylchiadau'r cais
yn cyfiawnhau ymadawiad o'r
gwaharddiad o dan y Polisi, am y rhesymau
a ganlyn:
·
Roedd yr ymgeisydd wedi cadarnhau bod collfarn 2005
wedi digwyddiad yn ystod Gŵyl Sesiwn Fawr
Dolgellau lle bu i ddau ddyn ymosod arno. Collodd yr ymgeisydd ei dymer a
thaflu potel ar un o’r dynion. Cyrhaeddodd y plismyn a chyfaddefodd ei fod yn
euog a chafodd ei gymryd i’r celloedd. Nododd ei fod wedi ymatal rhag yfed
alcohol ers y digwyddiad hwn. Barn yr Is-bwyllgor oedd bod yr euogfarn yma yn
ddigwyddiad unigol lle cafodd ei ysgogi, allan o gymeriad ac wedi sbarduno
newid agwedd. Roedd absenoldeb unrhyw droseddau trais ychwanegol, yn
ogystal ag atal yfed alcohol ers y
digwyddiad yn cryfhau’r achos.
·
Cadarnhaodd yr ymgeisydd bod y gollfarn 2011 yn gysylltiedig â digwyddiad lle gadawodd i’w ffrind adael
un planhigyn canabis ar ei eiddo. Nododd nad oedd wedi cymryd cyffuriau nac yn
chwarae unrhyw ran mewn cynhyrchu cyffuriau. Er bod gan yr Is-bwyllgor farn
gadarn ar gyffuriau anghyfreithlon, ystyriwyd bod ymddygiad yr ymgeisydd yn yr
achos yma yn eithaf diniwed a bod dedfryd o orchymyn cymunedol ( a dim dirwy)
gan y Llys Ynadon yn adlewyrchu hyn. Nid oedd unrhyw dystiolaeth o gynhyrchu ar
raddfa fawr, ac nid oedd tystiolaeth o unrhyw enillion economaidd.
O dan yr amgylchiadau, roedd yr Is-bwyllgor yn fodlon
bod Mr A yn berson addas a phriodol i
ddal trwydded gyrrwr hacni a hurio preifat. Adroddodd y Cyfreithiwr y byddai’r penderfyniad yn cael ei
gadarnhau yn ffurfiol drwy lythyr
i’r ymgeisydd.