Agenda item

VICTORIA-N-SLIPWAY. MARINE PARADE, TYWYN, GWYNEDD, LL36 0DG

 

Ystyried y cais uchod

THE VICTORIA-N-SLIPWAY, MARINE PARADE, TYWYN

 

Ar ran yr eiddo:         Mr Mark Greaves (ymgeisydd), Ms Karen L Darby (asiant)

 

Aelod Lleol:               Cyng. Mike Stevens

 

Eraill a fynychwyd:    Mr Robert Wynne (Preswylydd Lleol)

 

Ymddiheuriadau:      R Price, S Pickering a Mr Oliver (Preswylwyr Lleol), Sheryl Le Bon Jones (Rheolwr Trwyddedu), Mr J Hughes (Gwasanaeth Tân), Mr Ian Williams (Heddlu Gogledd Cymru), Cynghorydd Anne Lloyd Jones (Aelod Lleol) a Cynghorydd Angela Russell

 

Adroddiad ac argymhelliad yr Adain Trwyddedu.

 

a)    Cyflwynwyd adroddiad y Rheolwr Trwyddedu yn manylu ar gais Mr Mark Andrew Greaves ar ran cwmni Victoria-N-Slipway Pub am drwydded eiddo o’r newydd ar gyfer The Victoria-N-Slipway, Marine Parade, Tywyn. Cais ydoedd ar gyfer eiddo newydd fydd yn cynnwys lle bwyta dros ddau lawr ar gyfer 150 o bobl gyda balconi allanol a gardd gwrw i’r ochr. Nodwyd  manylion am yr oriau cyfredol a’r oriau arfaethedig yn yr adroddiad.

 

Nodwyd bod yr ymgeisydd wedi cynnwys camau priodol i hyrwyddo’r pedwar  amcan trwyddedu fel rhan o’r cais.

 

Yn dilyn cyfnod ymgynghori, nodwyd nad oedd Heddlu Gogledd Cymru yn gwrthwynebu’r cais ond yn dymuno bod  teledu cylch cyfyng (TCC) yn cael ei osod ar yr eiddo yn destun i amodau penodol TCC.  Derbyniwyd saith gwrthwynebiad i’r cais oddi wrth breswylwyr lleol yn seiliedig ar yr amcanion trwyddedu o Atal Trosedd ac Anrhefn ac Atal Niwsans Cyhoeddus.  Roedd eu pryderon yn ymwneud ac oriau agor hwyr, agosatrwydd yr eiddo i gartrefi preswylwyr, fydd o ganlyniad yn debygol o greu niwsans cyhoeddus a diffyg cyfleusterau parcio.

 

b)    Wrth ystyried y cais dilynwyd y drefn ganlynol-:

 

·         Rhoddwyd cyfle i aelodau’r Is-bwyllgor a’r ymgeisydd ofyn cwestiynau i’r Rheolwr Trwyddedu.

·         Gwahoddwyd yr ymgeisydd i ymhelaethu ar y cais

·         Rhoddwyd cyfle i’r ymgynghorai gyflwyno eu sylwadau

·         Gwahoddwyd deilydd y drwydded neu ei gynrychiolydd i ymateb i’r sylwadau

·         Rhoddwyd cyfle i aelodau’r Is-bwyllgor ofyn cwestiynau i ddeilydd y drwydded.

·         Rhoddwyd cyfle i aelodau’r Is-bwyllgor ofyn cwestiynau i’r ymgynghorai.

 

c)      Wrth ymhelaethu ar y cais nododd asiant ar ran yr ymgeisydd ei bod yn hapus gyda’r hyn oedd wedi ei  gyflwyno a chadarnhaodd bod yr ymgeisydd, yn dilyn trafodaethau gyda Heddlu Gogledd Cymru wedi cytuno i amodau TCC. Sylwadau ychwanegol o fwriad yr ymgeisydd;

 

·         Cynnal enw da, yn lleol gyda gwasanaeth o ansawdd da.

·         Ni fydd aflonyddwch i drigolion lleol. Yr adeilad wedi ei lunio gyda phreswylwyr mewn golwg. Nid oedd unrhyw fwriad i greu gofid i breswylwyr lleol, ond i gydweithio.

·         Nid yw’r cynlluniau wedi eu haddasu - bwyty yw’r bwriad ac nid clwb nos.

·         Deunyddiau atal/lleihau sŵn i’w defnyddio.

·         Hyblygrwydd gydag amseroedd agor yn ddibynnol ar ddigwyddiadau ac ar y busnes. Yr oriau yn gyfatebol i oriau tafarndai cyfagos.

·         Yr eiddo mewn lleoliad sydd yn boblogaidd gyda thwristiaid. Bydd hefyd yn darparu gwasanaeth sydd yn ymateb i’r galw yn lleol ac yn creu swyddi yn lleol.

·         Bydd yr ardal yn debygol o gael ei phlismona yn aml oherwydd cynnydd mewn gweithgarwch.

·         Nid oes prinder mannau parcio yn Nhywyn - digon o lefydd ar lân y môr.

·         Ni fydd mynediad i unigolion o dan ddylanwad alcohol ar ôl 11pm.

·         Bydd staff yn derbyn hyfforddiant priodol a’r sut i ddelio gydag ymddygiad.

·         Angen i Tywyn fod yn ardal sydd yn ffynnu ac yn llwyddo

·         Sicrhau y bydd y pedwar amcan trwyddedu yn cael blaenoriaeth

 

ch)   Mewn ymateb i’r sylw ynglŷn â phlismona, nododd yr ymgeisydd, er iddo awgrymu mwy o blismona nid oedd hyn wedi ei gadarnhau. Er hynny, mynegodd bod trafodaethau wedi eu cynnal gyda Mr Ian Williams (Cydlynydd Trwyddedu Heddlu Gogledd Cymru) a’i fod yn fodlon gyda sefyllfa diogelwch yr eiddo. Ymhelaethodd gan nodi ei fod wedi cytuno i’r amodau TCC ac y bydd pobl ar y drysau yn ystod digwyddiadau. Mewn ymateb i gwestiwn ynglŷn â phryd fydda’r busnes yn agor - nododd yr ymgeisydd ‘mor fuan â phosib’.

 

d)         Mewn ymateb i’r cais nododd Preswylydd Lleol a oedd yn gwrthwynebu’r cais, y sylwadau canlynol:

·           Nad oedd ganddo anghydfod gyda’r datblygiad – braf oedd gweld adeilad trawiadol yn y dref yn cael ei ddatblygu

·           Pryder ganddo yntau a phedwar o’i denantiaid o sŵn fydd yn cario yn ystod y nos.

·           Gwrthod y drwydded ar sail oriau hwyr yn unig. Cynnig y dylid lleihau oriau trwyddedu o 2:00am i 12:00am. 2:00am yn ymddangos yn rhy hwyr.

 

dd)    Atgoffwyd y gwrthwynebydd o’i hawl i wneud cais am adolygiad os bydd problemau sŵn.

 

e)         Caniatawyd i’r Aelod Lleol gyflwyno sylwadau er nad oedd wedi cyflwyno sylwadau ysgrifenedig.

 

Mewn ymateb i’r cais nododd Aelod Lleol a oedd yn gefnogol i’r  cais, y sylwadau canlynol:

·           Nad oedd yn ymwybodol bod y Cyngor Tref wedi trafod y mater

·           Bod llawer o bobl yn ffafriol i’r cais ac yn gyffredinol yn gefnogol iddo. Angen i Tywyn ddatblygu yn dref sydd yn  ffynnu

·           Y datblygiad yn gam amlwg fydd yn cynnig gwasanaeth o fudd i’r dref ac yn un fydd yn sicr o annog pobl leol i aros yn yr ardal

·           Bydd hwn yn fusnes fydd o werth i’r dref ac yn ymateb i’r galw

·           Bydd problemau sŵn yn debygol o gael eu hymdrin â hwy drwy ddeddfau priodol

·           Nid oedd yn ymwybodol o’r gwrthwynebiadau – nid oedd unrhyw un wedi cysylltu gydag ef yn uniongyrchol.

 

f)          Rhoddwyd cydnabyddiaeth i’r chwe llythyr arall a dderbyniwyd.

 

Gadawodd y partïon perthnasol y cyfarfod.

 

ff)      Trafodwyd y cais gan aelodau’r Is Bwyllgor gan ystyried yr holl dystiolaeth a gyflwynwyd gan roddi sylw penodol i egwyddorion Deddf Trwyddedu 2003 sef

 

·           Trosedd ac Anhrefn

·           Diogelwch y Cyhoedd

·           Rhwystro Niwsans Cyhoeddus

·           Amddiffyn Plant rhag Niwed

 

Roedd yr Is-bwyllgor yn fodlon caniatáu'r drwydded yn unol â’r cais a’r pedwar amcan trwyddedu. Nid oedd sail i dystiolaeth cwynion y byddai rhoi'r drwydded yn arwain at anrhefn a niwsans, ac awgrymwyd os bydd cwynion sŵn i’r dyfodol, y dylent gael eu cyfeirio at y gwasanaeth priodol.  Dymunwyd yn dda i’r ymgeisydd gyda’r fenter newydd.

 

PENDERFYNWYD caniatáu y cais am drwydded eiddo yn unol ag amcanion Deddf Trwyddedu 2003 ynghyd a sicrhau bod  Teledu Cylch Cyfyng o fewn  yr eiddo wedi ei osod  yn unol ag amodau penodol TCC.

 

Adroddodd y Cyfreithiwr y byddai’r penderfyniad yn cael ei gadarnhau yn ffurfiol drwy  lythyr i bawb oedd yn bresennol. Hysbysebwyd hefyd  o’u hawl i apelio i’r dyfarniad o fewn 21 diwrnod i dderbyn y llythyr hwnnw.

 

 

Dechreuodd y cyfarfod am 10:45am a daeth i ben am 11:45am