Newid defnydd tafarn wag yn llety gwyliau
AELOD LLEOL:
CYNGHORYDD ELFED WILLIAMS
Cofnod:
Newid defnydd tafarn wag yn llety gwyliau
Tynnwyd sylw at y sylwadau
ychwanegol a dderbyniwyd
Roedd yr Aelodau wedi ymweld
â’r safle
Amlygwyd bod yr ymgeisydd
wedi cyflwyno apêl oherwydd diffyg penderfyniad
(a) Ymhelaethodd y Rheolwr Cynllunio ar gefndir y cais, gan atgoffa’r aelodau
bod penderfyniad wedi ei wneud ym Mhwyllgor 26 Tachwedd i ohirio’r penderfyniad
er mwyn cynnal ymweliad safle. Nodwyd bod y cais ar gyfer trosi tafarn segur Y Bull, sydd wedi ei leoli ar Stryd Fawr, Deiniolen, yn llety
gwyliau hunanwasanaeth gydag 8 ystafell wely. Golygai hyn gryn newid i
drefniant mewnol yr adeilad, ond ni fyddai newid arwyddocaol i’r edrychiad
allanol.
Eglurwyd bod y dafarn wedi bod ar gau ers 2016 ac fe fu ar werth am dros
flwyddyn. Cyfeiriwyd at bolisi TWR 2 sydd yn cefnogi datblygiadau llety gwyliau
parhaol drwy drosi adeiladau presennol cyn belled bod cynigion o ansawdd uchel
o ran dyluniad, edrychiad a gosodiad. Ystyriwyd bod y cais o ansawdd uchel ac
yn cwrdd â gofynion y polisi.
Amlygwyd nad oedd yr Uned Trafnidiaeth wedi nodi unrhyw wrthwynebiad i’r bwriad
er y derbyniwyd gwrthwynebiad yn honni diffyg llefydd parcio’n lleol. Wedi
ystyried defnydd awdurdodedig yr adeilad fel tafarn, ni ystyriwyd y byddai’r
datblygiad yn debygol o greu trafferthion
sefyllfa waeth nag un fel tŷ tafarn neu fflatiau.
Eglurwyd, mewn ceisiadau o’r fath bod rhaid ystyried cyn defnydd y safle,
a’r cynnydd tebygol o ganlyniad i’r bwriad newydd. Yma, y sefyllfa flaenorol
oedd tŷ tafarn o faint sylweddol a chartref pedair ystafell wely uwchben,
wedi ei leoli’n ganolog o fewn pentref. Mae’r bwriad yn cynyddu’r nifer o
ystafelloedd wely ond yn tynnu’r elfen ‘tŷ tafarn’, a thybiwyd fod digon o
gyfleoedd i ymwelwyr barcio ar y strydoedd a meysydd parcio lleol os yn ymweld
â’r safle mewn cerbyd. Awgrymwyd y byddai llai o ‘fynd a dod’ gyda llety gwyliau
ac y byddai llai o aflonyddwch.
Nodwyd bod cynllun busnes wedi ei gyflwyno gyda’r cais a bod sylwadau wedi ei
derbyn gan Uned Twristiaeth y Cyngor yn cadarnhau bod galw am unedau llety
hunanarlwyo safonol ar gyfer grwpiau yn y Sir. Ategwyd, yn ôl y ffigyrau
diweddaraf 1.75% o lety gwyliau hunan wasanaeth sydd yn y ward sydd yn
cadarnhau nad oes gormodedd o lety gwyliau o’r fath yma yn yr ardal
(b) Yn manteisio ar yr hawl i siarad nododd yr Aelod Lleol y prif bwyntiau
canlynol:
·
Nad oedd digon o lefydd parcio
yn yr ardal gronnus yma
·
Llawer o drigolion yn cwyno
eisoes am ddiffyg mannau parcio
·
Byddai 20 o geir ychwanegol yn
cynyddu’r pryderon hyn
(c) Cynigwyd ac eiliwyd i wrthod y cais oherwydd diffyg llefydd
parcio. Nodwyd nad oedd yn rhesymol
cymharu defnydd tafarn gyda defnydd llety gwyliau
(ch) Nododd y Uwch Beiriannydd Rheolaeth Datblygu bod rhaid cadw
persbectif o’r nifer ceir tebygol. Amlygodd bod y sefyllfa wedi ei mesur fel un
stafell wely yn golygu un cerbyd. Ar y gwaethaf,
ystyrir 8 cerbyd ychwanegol (ac nid 20). Byddai hyn yn dderbyniol i’r ardal ac
ni fyddai yn cael effaith andwyol ar y pentref.
(d) Mewn ymateb pellach ar y cynnig o wrthod oherwydd rhesymau
parcio nododd yr Uwch Reolwr Cynllunio nad oedd y sefyllfa yn debygol o fod yn
waeth na defnydd yr adeilad fel tafarn.
(dd) Yn ystod y drafodaeth ddilynol nodwyd y prif sylwadau canlynol gan aelodau:
·
Pa ddefnydd arall sydd i’r Bull? Ymddengys nad oes defnydd iddo fel tafarn a'i fod yn
adeilad rhy fawr i fusnes. Gall fod yn fuddsoddiad i’r pentref ac yn cyfrannu
i’r economi leol
·
Nid oes eisiau gweld yr
adeilad yn dirywio ymhellach a’i weld fel dolur llygad ynghanol y pentref.
Trist fuasai ei weld yn wag ymhen 10 mlynedd arall.
·
Y bwriad yn fuddsoddiad teg.
·
Petai fwriad i drosi’r adeilad
yn dai / fflatiau, yr un fyddai’r pryderon parcio
·
Y bwriad yn gyfle i gefnogi
busnesau eraill yn y pentref
·
Bod rhaid gwrando ar lais y
gymuned a chymryd eu pryderon am barcio o ddifrif
·
Dylid cynnal asesiad ardrawiad
effaith ar y sefyllfa parcio yn y pentref
(e) Pleidleisiwyd ar y cynnig i
wrthod y cais
Syrthiodd y cynnig yn dilyn
pleidlais fwrw gan y Cadeirydd
(f) Cynigiwyd
ac eiliwyd i ganiatáu y cais
PENDERFYNWYD caniatáu y cais.
Amodau:
1. 5
mlynedd
2. Gwaith yn unol â’r
cynlluniau
3. Amod defnydd gwyliau yn
unig
4. Amod Dŵr Cymru
Dogfennau ategol: