Datblygiad preswyl ar gyfer 9 tŷ fforddiadwy a mynedfeydd newydd
AELOD LLEOL
Cynghorydd Elfed Wyn Williams
Cofnod:
Datblygiad
preswyl ar gyfer 9 tŷ fforddiadwy a mynedfeydd newydd
Roedd yr aelodau wedi ymweld â’r safle
(a) Ymhelaethodd y Rheolwr
Cynllunio ar gefndir y cais, gan nodi mai cais llawn ydoedd ar gyfer codi 9
tŷ fforddiadwy ar safle tir glas llethrog sydd yn ymylu â ffin datblygu
pentref Deiniolen
Byddai’r
datblygiad yn cynnwys chwe uned dwy lofft, dwy uned tair llofft ynghyd â
byngalo 5 llofft wedi ei lunio i gwrdd ag anghenion penodol teulu lleol.
Nodwyd y bwriad o ddarparu
9 tŷ fforddiadwy ar y safle (100%) ac amlygwyd bod Uned Strategol Tai’r
Cyngor wedi cadarnhau bod y nifer hwn o dai ynghyd a natur y tai yn cyfarch
anghenion yr ardal. Ategwyd mai Landlord Cymdeithasol Cofrestredig fyddai’r
darparu’r tai ac ymddengys bod y gofrestr anghenion tai cyfredol (Hydref 2018)
yn dangos angen yn y gymuned am unedau 2 a 3 stafell wely gyda 33 ymgeisydd ar
y rhestr aros am y math hwn o unedau.
Cyfeiriwyd at bolisi TAI
16 (Safleoedd Eithrio) sydd yn nodi bod yn rhaid i ddatblygiadau sydd union
gerllaw ffiniau datblygu fod yn 100% o dai fforddiadwy. Nodir hefyd yn y polisi
bod rhaid dangos na ellir cyflenwi tai fforddiadwy mewn cyfnod rhesymol o amser
ar safle marchnad agored o fewn y ffin datblygu lle mae angen am dai
fforddiadwy. Amlygwyd na chafodd unedau tai fforddiadwy eu hadeiladu yn
Neiniolen rhwng 2011 a 2018 ac er bod dau safle wedi eu cymeradwyo lle mae
elfen o dai fforddiadwy wedi’u cynnwys nid yw’r gwaith adeiladu wedi dechrau ar
yr un o’r cynigion hyd yma. Cyfeiriwyd at eglurhad gan yr asiant, oedd wedi ei
nodi dan baragraff 5.6 yn yr adroddiad, yn egluro pam na allent ddarparu’r tai.
Cyfeiriwyd at sylw gan
wrthwynebwyr y dylid ystyried fforddiadwyedd y tai presennol sydd ar gael o
fewn y ffin datblygu cyn dod i benderfyniad ar y cais gerbron. Fodd bynnag wedi
ystyried mai tai marchnad agored yw’r tai sydd ar werth o fewn y ffin, ni
fyddent yn cwrdd â’r un angen a’r tai a fwriedir, megis tai cymdeithasol ar
rent wedi ei dylunio i safon Gofynion Ansawdd Datblygu (DQR). Gan fod y cynllun
yn union gerllaw ffin datblygu, ystyriwyd bod y datblygiad yn cyfarch galw
lleol am dai cymdeithasol ar rent a bod hyn wedi ei gadarnhau gan Uned
Strategol Tai’r Cyngor. Ystyriwyd bod y cynllun yn cwrdd gyda gofynion Polisïau
TAI 8 a TAI 16 y Cynllun Datblygu Lleol ac y byddai yn cyfrannu tuag ar gwrdd
â’r targed a’i gosodir gan Polisi PS18.
Amlygwyd bod agweddau
eraill o’r bwriad yn dderbyniol ac er bod cyn ddryswch wedi bod ymysg y gymuned
leol am asesiad gwrthdrawiad traffig, amlygwyd mai asesiad mewnol oedd wedi ei
weithredu ac nid un ar gyfer dibenion y cais. Ategwyd nad oedd gan yr Uned
Drafnidiaeth unrhyw wrthwynebiad i’r bwriad.
Yng nghyd-destun materion
draenio, derbyniwyd ymateb gan yr Uned Draenio Tir/Ymgynghoriaeth Gwynedd oedd
yn cwestiynu rhai elfennau o’r Strategaeth Ddraenio cyn rhoi barn bendant ar y
cynllun. Nodwyd bod y trafodaethau hyn yn parhau ac fod yr Uned Draenio
Tir/Ymgynghoriaeth Gwynedd wedi cadarnhau eu bod yn ffyddiog fod datrysiad
posibl yn bosibl ar y safle.
(b) Yn manteisio ar yr hawl i
siarad nododd gwrthwynebydd y prif bwyntiau canlynol:-
·
Ei
fod yn derbyn yr angen am dai, ond nad oedd y safle yn addas
·
Bod
y ffyrdd i’r safle yn anaddas ac annigonol – cyflwr gwael ac yn gul iawn
·
Nad
oedd ymateb i asesiad gwrthdrawiad traffig yn yr adroddiad ac felly nid yw’r
broses wedi bod yn dryloyw
·
Bod
cais blaenorol gan ymgeisydd preifat wedi ei wrthod, pam felly bod Landlord
Cymdeithasol Cofrestredig yn cael caniatâd?
·
Nid
yw’r tanciau tanddaearol yn ddibynadwy - angen asesiad llawn o’r capasiti
oherwydd risgiau llifogydd. Y system ddŵr yn annigonol i’r isadeiledd cyfredol
(c) Yn manteisio ar yr hawl i siarad nododd
cynrychiolydd yr ymgeisydd y prif bwyntiau canlynol:-
·
Bod
y datblygiad ar safle eithriedig yn cynnig 100% o dai fforddiadwy
·
Mewn
ymateb i bryderon trafnidiaeth, gwelliannau hir dymor yn cael eu gwneud i’r
ffordd gyda llwybr cerdded newydd yn cael ei gyflwyno
·
Bod
pob eiddo gyda dau le parcio – hyn yn
cyfarch yr anghenion statudol
·
Bod
y datblygiad yn cynnwys cymysgedd da o dai
·
Galluogi
tenantiaid i symud fel nad ydynt yn cael eu cosbi gyda threthi llofft wag
(ch) Gwnaed y prif bwyntiau canlynol gan yr aelod
lleol (nad oedd yn aelod o’r Pwyllgor Cynllunio hwn):-
·
Bod cais cyffelyb wedi ei wrthod ar gyfer
datblygiad tai oherwydd cyflwr ffordd. Pam felly bod argymhelliad yma i
ganiatau. Derbyn gwelliannau, ond y lôn yn parhau yn gul
·
Cais am 9 tŷ, amlwg bydd ceisiadau pellach
yn y dyfodol ac felly angen gwella
materion trafnidiaeth. Bod y nifer yn isel er mwyn cynnig datblygiad mewn 2
gyfnod
·
Pam nad oedd y safle wedi e gynnwys o fewn y
ffin datblygu pan gafodd y Cynllun Datblygu Lleol ei fabwysiadu yn 2017?
·
Dau safle arall wedi ei ddynodi (cyfanswm tai
caniatadau byw yn 53) - byddai hyn yn cynyddu i 62 sydd yn ormod i’r pentref
·
Cais blaenorol wedi ei wrthod yng Nghlwt y Bont
am 12 tŷ oherwydd ei fod tu allan i'r ffin - dim cyfiawnhad a chysondeb
·
Datganiad cyffredinol yw ‘angen tai yn lleol’ -
nid oes cadarnhad mai pobl Deiniolen a Chlwt y Bont fydd yn cael y tai - angen
gwybodaeth fyddai yn cadarnhau yr angen
·
Prisiau fforddiadwy eisoes ar dai sydd ar werth
yn y pentref
·
Dim tystiolaeth bod yr ymgeisydd wedi trafod
gyda’r ddau safle arall - dim esgus fod angen datblygu tu allan i’r ffin
·
Bod gosodiadau’r tai allan o gymeriad – rhai yn
goredrych
·
Bod problemau draenio ar y tir
·
Siomedig gyda’r cais ac felly yn gwrthod
(d) Cynigiwyd ac eiliwyd i ganiatáu y cais
(dd) Yn ystod y drafodaeth ddilynol nodwyd y prif sylwadau
canlynol gan aelodau:
·
Bod
hwn yn gyfle arbennig i bobl leol ac wedi ei gyflwyno yn ôl yr angen am dai
cymdeithasol
·
Er
y tu allan i’r ffin datblygu, y datblygiad yn cwrdd â'r angen
·
Allanfa
newydd yn cael ei chreu i leihau pryderon isadeiledd
·
Y
safle yn anaddas
·
Deiniolen,
wedi derbyn nifer o geisiadau am dai; ceisiadau byw heb eu datblygu
·
Bod
angen ystyried materion goredrych ymhellach
PENDERFYNWYD dirprwyo’r
hawl i’r Uwch Reolwr Cynllunio ganiatáu’r cais yn ddarostyngedig i dderbyn
cadarnhad oddi wrth yr Uned Ddraenio Tir bod y trefniadau ar gyfer draenio’r
safle yn dderbyniol ac hefyd i sicrhau nad oedd gor-edrych annerbyniol yn
bodoli rhwng Plot 1 a Tan y Caerau gerllaw:
1. Amser
cychwyn y datblygiad
2. Datblygiad
yn llwyr unol â'r cynlluniau
3. Toeau
llechi
4. Amod
Dŵr Cymru
5.
Rhaid
gweithredu’r cynllun tirlunio a sicrhau
bod y coed yn cael eu hamddiffyn yn yr hirdymor
6. Rhaid i’r tai fod yn fforddiadwy yn
barhaus
7. Tynnu hawliau datblygiad a ganiateir
8. Amodau draenio fel bo angen
Nodiadau
: Dŵr Cymru
Cyfoeth Naturiol Cymru
Priffyrdd
Dogfennau ategol: