skip to main content

Agenda item

Cyflwynwyd gan:Cyng. Ioan Thomas

Penderfyniad:

Penderfynwyd i:

1.1   Nodi sefyllfa ariannol derfynol adrannau’r Cyngor am 2018/19.

1.2   Cymeradwyo’r symiau i’w cario ymlaen (y golofn “Gor/(Tan) Wariant Addasedig” o’r talfyriad yn Atodiad 1) sef -

ADRAN

£’000

Oedolion, Iechyd a Llesiant

15

Plant a Theuluoedd

100

Addysg

100

Economi a Chymuned

28

Priffyrdd a Bwrdeistrefol

100

Amgylchedd

(100)

Ymgynghoriaeth Gwynedd

(59)

Tîm rheoli Corfforaethol a Chyfreithiol

(76)

Cyllid

(59)

Cefnogaeth Gorfforaethol

(61)

1.3   Cymeradwyo’r argymhellion a’r trosglwyddiadau ariannol canlynol (sydd wedi’u egluro yn Atodiad 2)

·         Yr Adran Plant a Theuluoedd i dderbyn cymorth ariannol un-tro o £1,544k i gyfyngu lefel y gorwariant sydd i'w gario ymlaen gan yr Adran i £100k, i'w cynorthwyo i symud ymlaen i wynebu her 2019/20.

·         Yr Adran Addysg i dderbyn cymorth ariannol rhannol un-tro o £16k gan gyfyngu lefel y gorwariant sydd i'w gario ymlaen gan yr Adran i £100k.

·         Digolledu'r Adran Economi a Chymuned £157k, sef swm y gorwariant o ganlyniad i lithriad yn yr amserlen sefydlu cwmni Byw'n Iach i redeg y cyfleusterau hamdden, sydd felly yn cyfyngu lefel y gorwariant i'w gario ymlaen gan yr Adran i £28k.

·         Yr Adran Priffyrdd a Bwrdeistrefol i dderbyn cymorth ariannol un-tro rhannol o £518k i gyfyngu lefel y gorwariant sydd i'w gario ymlaen gan yr Adran i £100k, i'w cynorthwyo i wynebu her 2019/20.

·         Yn unol â'r Rheoliadau Ariannol, cadw at y drefn arferol i ganiatáu i'r Adran Amgylchedd gadw (£100k) o'i danwariant, a symud (£392k) sef y swm uwchlaw (£100k), i'w ddefnyddio i gynorthwyo'r adrannau sydd wedi gorwario yn 2018/19.

·         Ar gyllidebau Corfforaethol, trosglwyddo:

- (£19k) cysylltiedig â'r premiwm Treth y Cyngor i gronfa benodol i'w ystyried ar gyfer y Strategaeth Dai.

- (£551k) yn ymwneud â chostau cyfalaf i gronfa ariannu'r rhaglen gyfalaf.

- (£738k) ar gynnal a chadw i gronfa cynnal a chadw.

·         Defnyddio (£1,843k) o'r tanwariant net ar gyllidebau Corfforaethol i gynorthwyo'r adrannau sydd wedi gorwario yn 2018/19.

·         Bydd gweddill tanwariant Corfforaethol (£173k) yn mynd i falansau cyffredinol y Cyngor.

 

1.4  Cymeradwyo’r trosglwyddiadau ariannol o gronfeydd a darpariaethau penodol fel yr amlinellir yn Atodiad 3 yn dilyn adolygiad o’r cronfeydd a darpariaethau, sef:

·                     Cynaeafu (£3.931m) o gronfeydd a (£69k) o ddarpariaethau.

·                     Trosglwyddo £3m i’r Gronfa Trawsffurfio ar gyfer Cynllun y Cyngor.

·                     Trosglwyddo £1m i Falansau Cyffredinol y Cyngor.

·                     Neilltuo £262k am gyfnod o flwyddyn o’r gronfa Cynorthwyo’r Strategaeth Ariannol i bontio’r ffynhonnell ariannu ymrwymiadau perthnasol i’r Gronfa

Bensiwn.

 

Cofnod:

Cyflwynwyd yr eitem gan Cyng. Ioan Thomas   

 

PENDERFYNWYD

 

1.1   Nodi’r sefyllfa ariannol derfynol adrannau’r Cyngor am 2018/19

1.2   Cymeradwyo’r symiau i’w cario ymlaen (y golofn “Gor/(Tan) Wariant Addasedig” o’r talfyriad yn Atodiad 1) sef –

 

ADRAN

£’000

Oedolion, Iechyd a Llesiant

15

Plant a Theuluoedd

100

Addysg

100

Economi a Chymuned

28

Priffyrdd a Bwrdeistrefol

100

Amgylchedd

(100)

Ymgynghoriaeth Gwynedd

(59)

Tîm rheoli Corfforaethol a Chyfreithiol

(76)

Cyllid

(59)

Cefnogaeth Gorfforaethol

(61)

 

1.3   Cymeradwyo’r argymhellion a’r trosglwyddiadau ariannol canlynol (sydd wedi’u egluro yn Atodiad 2)

·         Yr Adran Plant a Theuluoedd i dderbyn cymorth ariannol un-tro o £1,544k i gyfyngu lefel y gorwariant sydd i'w gario ymlaen gan yr Adran i £100k, i'w cynorthwyo i symud ymlaen i wynebu her 2019/20.

·         Yr Adran Addysg i dderbyn cymorth ariannol rhannol un-tro o £16k gan gyfyngu lefel y gorwariant sydd i'w gario ymlaen gan yr Adran i £100k.

·         Digolledu'r Adran Economi a Chymuned £157k, sef swm y gorwariant o ganlyniad i lithriad yn yr amserlen sefydlu cwmni Byw'n Iach i redeg y cyfleusterau hamdden, sydd felly yn cyfyngu lefel y gorwariant i'w gario mlaen gan yr Adran i £28k.

·         Yr Adran Priffyrdd a Bwrdeistrefol i dderbyn cymorth ariannol un-tro rhannol o £518k i gyfyngu lefel y gorwariant sydd i'w gario mlaen gan yr Adran i £100k, i'w cynorthwyo i wynebu her 2019/20.

·         Yn unol â'r Rheoliadau Ariannol, cadw at y drefn arferol i ganiatáu i'r Adran Amgylchedd gadw (£100k) o'i danwariant, a symud (£392k) sef y swm uwchlaw (£100k), i'w ddefnyddio i gynorthwyo'r adrannau sydd wedi gorwario yn 2018/19.

·         Ar gyllidebau Corfforaethol, trosglwyddo:

- (£19k) cysylltiedig â'r premiwm Treth y Cyngor i gronfa benodol i'w ystyried ar gyfer y Strategaeth Dai.

- (£551k) yn ymwneud â chostau cyfalaf i gronfa ariannu'r rhaglen gyfalaf.

- (£738k) ar gynnal a chadw i gronfa cynnal a chadw.

·         Defnyddio (£1,843k) o'r tanwariant net ar gyllidebau Corfforaethol i gynorthwyo'r adrannau sydd wedi gorwario yn 2018/19.

·         Bydd gweddill tanwariant Corfforaethol (£173k) yn mynd i falansau cyffredinol y Cyngor.

 

1.4   Cymeradwyo’r trosglwyddiadau ariannol o gronfeydd a darpariaethau penodol fel yr amlinellir yn Atodiad 3 yn dilyn adolygiad o’r cronfeydd a darpariaethau, sef:

·                     Cynaeafu (£3.931m) o gronfeydd a (£69k) o ddarpariaethau.

·                     Trosglwyddo £3m i’r Gronfa Trawsffurfio ar gyfer Cynllun y Cyngor.

·                     Trosglwyddo £1m i Falansau Cyffredinol y Cyngor.

·                     Neilltuo £262k am gyfnod o flwyddyn o’r gronfa Cynorthwyo’r Strategaeth Ariannol i bontio’r ffynhonnell ariannu ymrwymiadau perthnasol i’r Gronfa Bensiwn.

 

TRAFODAETH

 

Cyflwynwyd yr adroddiad gan nodi fod yr adroddiad yn manylu ar wariant y Cyngor am 2018/19. Diolchwyd i’r Cyng. Peredur Jenkins am ei ymrwymiad  i sicrhau sefyllfa ariannol y Cyngor dros y blynyddoedd diwethaf. Mynegwyd fod rheolaeth ariannol y Cyngor wedi bod yn effeithiol yn ystod y flwyddyn er y gofynion i gyflawni arbedion.

 

Mynegwyd fod yr adroddiad yn nodi sefyllfa derfynol yr holl adrannau, a thynnwyd sylw at y prif faterion. Nodwyd fod hanner yr adrannau wedi medru cadw o fewn eu cyllidebau. Tynnwyd sylw at welliant yn sefyllfa’r Adran Oedolion, Iechyd a Llesiant erbyn diwedd y flwydd o ganlyniad i dderbyn ac ail-gyfeirio grantiau hwyr. Er hyn, pwysleisiwyd fod gorwariant o bron i £1m yn y gwasanaeth Darparu a nodwyd angen i’r Aelod Cabinet a Pennaeth yr Adran Oedolion i edrych ymhellach i mewn i’r gorwariant yma.

 

Nodwyd yn yr Adran Plant a Chefnogi Teuluoedd fod cynnydd wedi ei weld ar draws nifer o benawdau a olygai erbyn diwedd y flwyddyn fod cynnydd yn y gorwariant net i £1.6m. Esboniwyd mai lleoliadau all sirol sydd yn gyfrifol am ran helaeth o’r gorwariant ac mae cyfarfod wedi ei drefnu rhwng yr Aelodau Cabinet perthnasol, y Prif Weithredwr a swyddogion eraill er mwyn rhoi sylw llawn i’r mater. Argymhellwyd fod y Cabinet yn cyfyngu lefel y gorwariant i’w gario ymlaen i £100k.

 

Tynnwyd sylw at yr Adran Addysg gan nodi ers yr adolygiad diweddaf fod gwelliant sylweddol i’r sefyllfa ariannol o ganlyniad i dderbyn ac ail-gyfeirio grant. Er hyn mynegwyd fod gorwariant yn parhau yn y maes Cludiant, sydd wedi bod yn destun adolygiad i reoli’r gorwariant, ond mynegwyd yr angen i waith pellach. Argymhellwyd fod y gorwariant yn cael ei gyfyngu i £100k er mwyn cynorthwyo’r adran yn 2019/20.

 

Yn yr Adran Economi a Chymuned, nodwyd canran uchel o’r gorwariant o ganlyniad i lithriad yn amserlen sefydlu Cwmni Byw’n Iach, ac argymhellwyd i ddigolledu’r adran £157k, sef gwerth y llithriad. Hefyd, argymhellwyd i’r Cabinet roi cymorth ariannol un-tro i leddfu’r gorwariant o £0.5m ym maes Gwastraff yr Adran Briffyrdd.

 

Mynegwyd  bydd modd i ddefnyddio tanwariant rhai adrannau trwy reolaeth effeithiol o’r cyllidebau, er mwyn cyllidebu cyfanswm gwariant yn unol â’r bwriad am 2018/29, gan ddefnyddio £1.51m o gronfeydd i ariannu bidiau un-tro 2018/19 a pheidio gwneud defnydd o falansau cyffredinol y Cyngor. Nodwyd fod y Cyngor wedi llwyddo i gynaeafu dros £4m o adnoddau gyda £3m yn cael ei neilltuo ar gyfer blaenoriaethau Cynllun y Cyngor. Diolchwyd i’r holl staff am eu gwaith yn sicrhau fod y gwaith cau’r cyfrifon a chynhyrchu’r datganiad mewn cyfnod llawer byrrach nac y blynyddoedd diwethaf.

 

Sylwadau yn codi o’r drafodaeth

-        Nodwyd fod gan yr Aelod Cabinet dros Blant a Chefnogi Teuluoedd ffydd yn y gwasanaeth a lefel diogelwch plant o fewn gofal. Ychwanegwyd fod gorwariant yn destun trafodaeth yn aml yn yr Adran ac yn Genedlaethol gan ei fod yn broblem sydd i’w gweld ar draws y wlad. Mynegwyd fod yr adran wedi derbyn adnodd ychwanegol a fydd yn gwneud adolygiad Ffordd Gwynedd yn yr adran i sicrhau fod eu systemau yn gwbl effeithlon. Nodwyd y camau nesaf yn dilyn yr Adolygiad Ffordd Gwynedd fydd codi’r cwestiwn os yw’r gyllideb yn addas i bwrpas.

-        Tynnwyd sylw at y ffaith fod dau bosibilrwydd yn dilyn yr adroddiad Adran Blant fod y rheolaeth ariannol yn wael neu fod y gorwariant yn anorfod. Ategwyd nad oedd y gorwariant yn newyddion i’r swyddogion ac o ganlyniad dangoswyd fod y rheolaeth ariannol yn dda. Er hyn, nodwyd fod  angen sicrhau fod yr adran yn gweithio mor effeithlon â phosib ac felly tanlinellwyd pwysigrwydd y cyfarfod a swyddogion er mwyn sicrhau fod pob carreg wedi ei droi.

-        Nodwyd fod dros £800,000 wedi’i ychwanegu at gyllideb yr Adran Plant a Chefnogi Teuluoedd erbyn 2019/20, mewn ymateb i’r cynnydd mewn galw, a bydd trafodaethau pellach am wireddu cynlluniau arbedion hanesyddol yr Adran.

-        Mynegwyd mai llithriad sefydlu cwmni Byw’n Iach oedd y swmp o orwariant yr Adran Economi a Chymuned, ond mynegwyd fod angen rhoi sylw brys i orwariant yn Storiel.

-        Esboniwyd fod yr Adran Addysg ym mis Tachwedd wedi rhagweld gorwant o dros £700k ond fod yr adran, drwy grantiau wedi llwyddo i’w leihau i £116k. Mynegwyd fod gwaith pellach angen ei wneud yng nghyd-destun cludiant. Esboniwyd fod balansau ysgolion yn parhau’n uchel, ond fod hyn yn rhannol o ganlyniad i dderbyn grantiau Llywodraeth yn hwyr yn y flwyddyn.

-        Nodwyd yn yr Adran Priffyrdd a Bwrdeistrefol fod rhai tagedau incwm o bosib yn uchel, ond mae’r adran yn monitro hyn. Ychwanegwyd fod newid am fod i’r Gwasanaeth Gwastraff fydd, ymhen y flwyddyn, yn lleihau’r gorwariant.

-        Mynegwyd fod gorwariant yr Adran Oedolion wedi lleihau o ganlyniad i grant yn dod yn hwyr, ond mynegwyd fod angen i’r adran barhau i edrych ar y mater er mwyn sicrhau eu bod yn delio ag unrhyw siawns o orwariant.

-        Tynnwyd sylw at doriadau yn digwydd i wasanaethau o ganlyniad i leihad yn y setliad gan y Llywodraeth ac ein bod wedi cyfleu’r neges i’r Llywodraeth yn barhaus fod y lleihad yma yn creu poendod i drigolion Gwynedd.

Awdur:Ffion Madog Evans

Dogfennau ategol: