Dymchwel Canolfan Penrhosgarnedd ac adeiladau canolfan cymundeol newydd ac ehangu Ysgol y Faenol, ffordd mynediad newydd ynghyd â maes parcio
AELOD LLEOL: Cynghorydd
Menna Baines
Cofnod:
Dymchwel
Canolfan Penrhosgarnedd ac adeiladau canolfan cymunedol newydd ac ehangu Ysgol
y Faenol, ffordd mynediad newydd ynghyd a maes parcio
Tynnwyd sylw at y ffurflen sylwadau hwyr a dderbyniwyd
Roedd yr aelodau wedi
ymweld â’r safle
(a) Ymhelaethodd
y Rheolwr Cynllunio ar gefndir y cais
gan nodi mai cais ydoedd
ar gyfer ail drefnu a chyfuno safleoedd Ysgol y Faenol a’r Ganolfan
Gymunedol ym Mhenrhosgarnedd. Nodwyd bod y safle wedi ei
leoli mewn ardal anheddol gyda’r rhan fwyaf
ohono o fewn ffin ddatblygu Canolfan Isranbarthol Bangor fel y caiff ei
ddiffinio gan Gynllun Datblygu Lleol ar y Cyd
Gwynedd a Môn. Amlygwyd
bod y bwriad yn cynnwys y nodweddion canlynol :
· dymchwel y ganolfan gymunedol bresennol
· creu maes
parcio ar safle’r ganolfan gymunedol – fe fydd prif fynedfa
gerbydol yr ysgol yn symud
i fynedfa’r maes parcio ac fe fydd 60 gofod
parcio a 7 man gollwng yno
· creu ffordd
gyswllt yn arwain o’r maes
parcio at safle presennol yr ysgol
(fe fyddai hwn y tu allan
i ffin ddatblygu’r
ddinas) – bydd pedwar gofod parcio
ar gyfer yr anabl ger
yr adeilad
· cau'r brif fynedfa ar
gyfer cerddwyr ac agor un newydd 55m i’r gorllewin
· dymchwel adeiladau
allanol i’r cefn o’r ysgol
· codi estyniadau i’r adeilad presennol gan gynnwys gofod
ychwanegol ar gyfer canolfan gymunedol newydd.
Adroddwyd bod Polisi ISA 2 o’r CDLL yn gefnogol
i ddarparu cyfleusterau cymunedol newydd ac ystyriwyd bod y cynnig yn cwrdd
â holl feini prawf y polisi hwnnw. Er i
ôl troed yr adeilad newydd
fod rhyw draean yn fwy
na’r adeiladau presennol, ystyriwyd bod y dyluniad yn welliant
pensaernïol ar yr adeiladau di-nod presennol. Oherwydd natur drefol y safle, ni
ystyriwyd y byddai’r bwriad yn debygol
o achosi effeithiau andwyol annerbyniol hirdymor i drigolion
gerllaw na’r gymuned yn gyffredinol,
er yn anorfod,
bydd peth cynnydd mewn sŵn
ac aflonyddwch.
Ategwyd y byddai modd rheoli unrhyw
effeithiau niweidiol drwy osod amodau
priodol ar y datblygiad.
Mewn ymateb i sylwadau
hwyr gan Chwaraeon Cymru awgrymwyd mai ymarfer
desg oedd wedi ei weithredu
gan Chwaraeon Cymru ac nad
oeddynt yn gyfarwydd â’r safle.
Ategwyd bod y bwriad yn gwella’r adnoddau,
yn welliant sylweddol i’r llecyn
chwarae ac yn dderbyniol o ran mwynderau gweledol.
(a) Cynigiwyd ac eiliwyd i ganiatáu y cais
(b) Mewn ymateb
i gwestiwn ynglŷn â diffyg ymateb gan rai asiantaethau ac a ddylid bwrw ymlaen heb eu sylwadau,
adroddwyd bod y sefyllfa o beidio derbyn sylwadau
yn eithaf cyffredin a’r tebygolrwydd
yw y byddai ymateb neu sylw
wedi ei dderbyn
petai pryderon gan yr asiantaethau
hyn. Nid oedd gan y Rheolwr
Cynllunio farn ar yr awgrym
bod rhai o’r asiantaethau hynyn methu
ag ymateb oherwydd pwysau gwaith.
(ch) Mewn ymateb i gwestiwn
ynglŷn â pharchu'r amod archeolegol, nododd y Rheolwr Cynllunio bod yr ymgeisydd yn ymwybodol
o’r amod yma.
(c) Mewn ymateb
i gwestiwn ynglŷn â llygredd golau a’r effaith
debygol ar yr amgylchedd naturiol
sydd yn ffinio’r
datblygiad, cyfeiriwyd at baragraff 5.8 o’r adroddiad lle nodi’r
bod bwriad gan y datblygwr i osod
goleuadau LED ar bolion ac ar folardiau
sydd wedi eu dylunio i
liniaru llygredd goleuni. Eglurwyd bod potensial i lygredd
goleuni fod yn niwsans i
drigolion ac i niweidio bywyd gwyllt. Ystyriwyd y byddai’n rhesymol gosod amod ar
unrhyw ganiatâd cynllunio i gyflwyno
cynllun goleuo manwl i sicrhau
na fydd niwed
annerbyniol yn deillio o’r agwedd
hon.
(dd) Mewn ymateb i sylw
gan Chwaraeon Cymru y byddai’r datblygiad yn gyfrifol
am golli cae chwarae a chwrt gemau ynghyd a’r
angen statudol i warchod isafswm
gofynnol o ran maint y cae chwarae, nododd
y Rheolwr Cynllunio bod llawer o’r safle
fel y mae yn anaddas ar
gyfer cynnal chwaraeon gan ei
fod ar lethr.
Ategwyd bod y pryderon wedi eu cyfarch
ac y byddai’r ddarpariaeth
a gyflwynir gyda’r cynllun yn welliant
sylweddol - yn gynnydd o 300m2.
(e) Yn
ystod y drafodaeth
ddilynol nodwyd y prif sylwadau canlynol
gan aelodau:
·
Bod angen sicrwydd y
gall y ganolfan gymunedol barhau fel safle sydd yn agored i’r cyhoedd ar gyfer
oriau a chyfnodau tu hwnt i amserlen yr ysgol
·
Bod y datblygiad yn
brosiect cyffrous
·
Bod cyfle yma i
dacluso’r safle
·
Bod y cynlluniau yn
gwella diogelwch ffyrdd
PENDERFYNWYD caniatáu’r cais gan ddirprwyo’r hawl i’r Uwch
Swyddog caniatau’r cais yn ddarostyngedig
i’r cyfnod ail-ymgynhori gyda Cyngor Chwaraeron Cymru dod i
ben ac i amodau ychwanegol yn ymwneud
a chyflwyno cynllun golau a chynllun rheoli traffig ac i’r amodau isod.
1.
Amser (5 mlynedd)
2.
Yn unol â’r cynlluniau
3.
Cytuno ar ddeunyddiau a lliwiau terfynol
4.
Amodau trafnidiaeth
5.
Cyflwyno a chytuno Datganiad Dulliau Adeiladu Amgylcheddol manwl ar gyfer y cyfnod
o ddatblygu’r safle i gynnwys cyfyngiadau
ar oriau gweithio ar y safle.
6.
Cyflwyno a chytuno Cynllun Ffiniau Manwl
7.
Rhaid dilyn yn union argymhellion yr Arolwg Ecolegol
8.
Cyn i’r ysgol ddod yn weithredol
rhaid cyflwyno a chytuno Cynllun Dymchwel ar gyfer
y ganolfan gymunedol bresennol a fydd yn cynnwys amserlen
ar gyfer y gwaith dymchwel ac adfer tir.
9.
Amod Archeolegol
10.
Dim datblygu
o fewn y Safle Bywyd Gwyllt dynodedig
heb ganiatâd ymlaen llaw gan
yr Awdurdod Cynllunio Lleol.
Nodiadau
1.
Dŵr Cymru
2.
Priffyrdd
3.
Cyfoeth Naturiol Cymru
4.
Cyngor safonol parthed SUDS
Dogfennau ategol: